Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 17.5.2014 (inrinni)


CHAMPHAI INTHLAN RESULT :

    India ram hmun dang rualin tukin zing dar 8:00 atangin Champhaiah MP Election vote chhiar a ni a, Champhai District-ah Pu CL Ruala chuan hnehna a chang.
     21-Lengteng Assembly Constituency-ah CL Ruala chuan vote 5400 a hmu a; M. Lalmanzuala AAP chuan vote 184; Robert Romawia Royte UDF in vote 4427 a hmu a, NOTA-ah vote 73 a tla bawk.
    22-Tuichang A/c ah CL Ruala chuan vote 3313 a hmu a, M. Lalmanzuala chuan vote 213, Robert Romawia Royte UDF in vote 4742 a hmu bawk a, Nota ah vote 90 a tla a ni.
    23-Champhai North A/c CL Ruala chuan vote 6041 a hmu a, M. Lalmanzualan vote 217; Robert Romawia Royte in vote 4247 a hmu a, NOTA-ah vote 142 a tla a ni.
    24-Champhai South A/c ah CL Ruala chuan vote 5070 a hmuh laiin M.Lalmanzuala chuan vote 159 leh, Robert Romawia Royte chuan Vote 4109 a hmu bawk a, NOTA-ah vote 111 a tla a ni.
    25-East Tuipui A/c ah CL Ruala chuan vote 5369 a hmu a, M. Lalmanzualan vote 174 hmu-in Robert Romawia Royte in vote 3167 a hmu a, NOTA-ah vote 58 a tla a ni. 25-East Tuipui A/c Round 3 chhiar a nih lai hian, Samthang Polling Station a EVM Display a thalo tih hmuhchhuah a ni a, he EVM hi Engineer leh Election Observer te hriatpuina in enfiah a ni a, Display a thatloh avangin Print a ni a, harsatna chinfel zui a ni.
    Champhai District A/c hrang hrang Vote chhiar zawh a ni a, Pu CL. Ruala INC Candidate chuan Vote 4501 in hnehna a chang a ni. Mizoram pumah vote Nuaih 4 sing2 sang5 leh 710 a tla a, INC candidate CL Ruala chuan vote Nuaih2 sang9 zanga sawmsarih Pathum a hmu a, UDF candidate Robert Romawia Royte chuan vote Nuaih1 sing9 sang 8 leh 203 hmu in, AAP Candidate M.Lalmanzuala chuan vote 11515 a hmu bawk a, NOTA-ah vote 6410 a tla bawk. Hetah hian Tripura Transit Camp a vote tla te, service vote leh postal vote te a tel lo a, he thu buatsaih lai hian chhiar mek a la ni.


PIANNI LEH THIHNI CHUNGCHANG :

    District Research Officer, Economics & Statistics chuan Birth Certificate leh Death Certificate la turte tana thil pawimawh hriat tur tarlangin thuchhuah a siam Birth Certificate leh Death Certificate hi Champhai ah ngei pawh lak theih a ni a, thil tangkai tak a nih avangin,tun hnai khan DRO Economics & Statistics,Champhai District chuan a la turte hriattur thil pawimawh tarlangin thuchhuah a siam a, Birth Cetificate la tur ten Mahni awmna veng VCP hriatpuina copy pahnih, Mahni awmna veng YMA President emaw Secretary emaw hriatpuina copy pahnih, Voter ID Xerox copy pahnih leh kohhran lehkha emaw Baptisma emaw lehkha, pianni leh kum lanna copy hnih ken tur a ni a, Death Certificate la tur ten Mitthi kuang leh signboard lanna copy hnih leh YMA Hriatpuina copy hnih ken tur a ni a, heng la turte hian Judicial Magistrate Office, Kahrawt, Dawrkaikawnah Form lakchhuah a, mahni Registrar Of Birth & Death hnena seal leh signature pek tur a ni a, hemi hnu hian DRO Office ah kalpui leh tur a ni.

CHAMPHAI NORTH MLA CHAWIMAWI :

    Vawiin hian Champhai District Promoters Club te chuan Champhai North Bialtu MLA, Parl. Secy ni bawk Pu TT Zothansanga chawimawina hun an hmang dawn He hun hi I&PR Auditorium ah hman a ni ang a, 1st Session hi Pu B.Vanlalhruaia, District Promoters Club President chuan a kaihruai anga, Pu TT.Zothansanga hnenah chawimawina hlan a ni ang. Chawhnu lam, 2nd Session ah Champhai District Promoters Club ten 2014 Lelte Award, Best Music Promoters Award an dawn lawmna hun hman zui a ni anga, he hunah hian Lelte Award Organising Committee member te pawh Pu C. Dinthanga ho a lokal tura beisei an ni

MCS ASSOCIATION DIN :

    Ni 15.5.2014  khan Champhai District chhunga MCS zawng zawngte Champhai BDO Quarter, Ruantlang ah inhmukhawmin Champhai District Mizoram Civil Service Association, Sub-Hqrs. an din a, hruaitu atan heng mite hi an thlang nghal :
    President : Zoengsanga, Addl. DC
    Vice President : CC Lalchhuangkima, PD DRDA
    Secretary : Zoremthara Ralte, BDO Champhai
    Asst. Secretary : Abraham Beirazi Khithei, BDO Ngopa
    Treasurer : Rochuangkimi Khenglawt, SDC
    Fin. Secy : V. lalmuanpuii, SDC
    Advisers : Sangdingliana, IAS DC Champhai
             Benjamin Lalzama, MCS, SDO (S)
    MCS Assn. hian karleh Thawhlehni tlai dar 3:00 ah khian an president Pu Zoengsanga, Addl. DC Office Chamber ah Executive Committee hmasa ber an nei nghal dawn a ni.


EVM AH THA LO :

    Nimina MP Election 2014 Vote chhiarnaah 25-East Tuipui biala vote tla chhiar a nih laiin Samthang Polling Station a EVM chu a display a tha lo tih hmuhchhuah a ni a, he EVM hi engineer leh Election Observer te hriatpuinain enfiah a ni a, display a that loh avangin print a ni a, harsatna chinfel zui a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96) 


ni 16.5.2014 (zirtawpni)



PARLIAMENTARY SECRETARY IN LEIMINNA HMUN TLAWH :

    Parliamentary Secretary TT Zothansanga chuan nimin khan Vengthlang leh Kanan Veng leiminna hmun tlawhin Champhai DC Sangdingliana leh PWD EE te nen hmalakna hrang hrangte endikna an nei a, Police leh Champhai Jt VC President K. Lalmawia ten an tawiawm a ni. Jt. VC President K. Lalmawia chuan lei tawlh zel tur dan nana side drain siam tura hmalak mek a nih dan leh ram neitute atanga harsatna an tawh thu a sawi a, MLA leh Champhai DC te chuan Jt. VC te hmalakna chu fakawm an tih thu leh a tul anga hmalakpui an tum thu an sawi bawk. Parlamentary Secretary hian DK Traffic Point atanga State Bank pan thlakna kawng chu zau zawka siam a nih theih dan turte a en bakah nimni vek khan Champhai Diversion Road chu a hmunah enfiah nghal niin, a kawng ruahman te thlir hona an nei.
    Parliamentary Secretary TT Zothansanga chuan Kanan Venga leiminnaahhmalakna awm miah lo anga sawi chu thudik lo a ni hthu a sawi. Pu TT Zothansanga chuan inthlan leh Model Code of Conduct  in a phuar avangin duh anga hmalakna a chak theih loh thu a sawi a. Champhai mipui mamawh a nih avangin NREGS hmanga thawh a nih thu leh MLA Fund pawh a awm lo chung chunga a baa an hman thu te, theihtawp chhuahin hma la mahse duhthusama a thawh chak theih bik loh thu a sawi bawk. Leitawlhin Aizawl Road a hnawh phui thin chu BRTF in an enkawl a ni a, BRTF hotute biain Fur chhung zawng JCB in a vil reng tur thu a sawi bawk.



RAM TIKANG VE LO KHAW 32 :

    Champhai DFO Vanlalchuailova chuan thuchhuah siamin kum 2014 chhunga Champhai District chhunga ram tikang lo khua a tarlang a, Champhai District ah hian ram tikang lo khua 32 awmin Champhai huam chhungah - Kelkang, Dilkawn leh Buang, Khawzawl huam chhungah - Arro leh Tualpui, Kawlkulh huam chhungah Kawlkulh, Dulte, Hliappui, Saichal, Changzawl, Pawlrang, Chhawrtui, Puilo leh Vanchengpui; Khawhai huam chhungah - Riangtlei, Vangtlang, Lungtan leh Chalrang; Khawbung huam chhungah - Leithum, Vanzau, Khuangleng, Zawlsei, Khuangthing, Lianpui, Sesih, Leisenzo, Vangchhia leh Sazep; Farkawn huam chhungah Khankawn, Thekpui leh Chawngtui E ten ram an tikang lo tih a tarlang.


PASS LAWMPUINA :

    Nimin khan Champhai Higher Secondary School chuan 2013-2014 Session a an School atanga Pawl 12 pass tharte lawmna hun an School ah an hmang a, he School a Batch hmasa ber mi 51 hnenah hian lawmpuina certificate an hlan.


IN THIAHNA TUR SUM INDAIH LOH HLAUHAWM :

    Nimin atang khan Vengthlang leh Kanan huam chhung leitawlha In rel la dingte thiah hna thawh tan a ni. Tarlan tawh angin District Disaster Management Authority (DDMA) in Vengthlang leh Kanan Veng lei tawlha In rel la dingte thiah hna thawk tura Sub-Hqrs. YMA kuta dah angin Sub-Hqrs. YMA chuan theihtawp chhuahin hma a la mek a, In thiah harsa zual 4 te thiat tura Aizawla mithiam chah chhuah Romawia leh a hote chuan nimin atang khan In thiah hna hi an thawk tan a, In thiah hna hi mi 8-in thawkin vawiin hian mi 2 an l othlen belh leh an beisei a ni.
    Sub-Hqrs. YMA hruaitute chuan State Disaster Response Fund atanga In thiah nana Cheng nuai 5 a dah chu a daih loh mai an hlauhthawn thu an sawi a, In thiah hna hi ni 20 chhunga zawh hman an inbeisei thu an sawi bawk.
    Nimin khan District Disaster Manangement Authority (DDMA) chuan leimin singsakna atana State Disaster Response Fund atanga Cheng nuai 15 lokal chu nimin khan DC atangin an la chhuak fel ta a, tarlan tawh angin cheng nuai 5 hi leiminna hmuna In rel la dingte thiah nana hman tur niin a bak zawng hi Side Drain siam nana hman a ni ang.



DOCTOR DUTY DAN TUR :

    Vawiin Doctor duty dan tur :
    OPD : Dr J. Lalramchhuanga, Medicine Specialist; Dr B. Lalduhawma, Gynaecologist; Dr Zodinthara, MO; Dr LT Lawta, MO leh Dr Thangsailova Colney, Dentist
    Endoscope : Dr C. Vanlalhlua, Surgeon
    Laboratory : Dr Janet Zoremnghaki, Pathologist



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96) 


ni 15.5.2014 (ningani)



SUB-HQRS. YMA EXECUTIVE COMT THUKHAWM :

    Nimin chawhma dar 10:30 khan Sub-Hqrs.  YMA Executive Committee neih a ni.
    He hun Sub Hqrs. YMA Office Tlangrawt a neih hi VL Chama Hnamte, President chuan a kaihruai a, hun chep tak kara Committee ngaipawimawha kalte chungah lawmthu a sawi a; Secretary leh Finance Secretary Report ngaihthlak a ni bawk. Nimin Meeting ah hian Sub-Hqrs. YMA Co-ordination Committee neih hun tur leh Agenda turte rel a ni a, SCC hi tun thla ni 30 khian neih nise, an ti a. hei bakah hian Champhai District Hospital  a dah tur, khual khua a ruang thawnchhuah a ngaih huna hman mai tur mitthi kuang pawh siam nise, an ti a; thuthmun Branch ten Rs. 100 theuh thawh khawm nise, a tul angin OB ten hma lo la zui se, an ti bawk. Mizoram Youth Commission Chairman, East Tuipui Bialtu MLA ni bawk T. Sangkunga hnenah lehkha an thehluh thu Committee ah hian sawi a ni a. Champhai District chhunga a remchang hmasa bera Cement Mistiri Training, Mobile Repairing, Beautician Training leh thil dang hrang hrangte zirna hun siamsak turin lehkha an thehlut a, a hlawhtlin ngei an rin thu an sawi bawk.



CHAMPHAI-AH ZO FESTIVAL NEIH TUM :

    Nimin chawhnu dar 2 khan Vengthlang YMA Runah ZORO Champhai Division Executive Committee neih a ni.
    Nimin meeting, Chawngchhuana, President chuan kaihruaiin, General Hqrs. rorel bawhzuiin August ni 7-9  inkar khian Zo International Cultural Festival buatsaih tum a ni a, he festival hi zofate tana thil pawimawh tak a nih avangin khawvel hmun hrang hranga zofa zawng zawng tel tura sawm nise, an ti a. Zaithiam hrang hrang sawmin, hnam lam chi hrang hrang entir ni se an tih bakah festival lai hian Seminar neih ni bawk se, an ti. Zo International Festival hi Champhai ah neih tum a ni a, Champhai a chheh vela Zofate tangrual a, he festival hi hlawhtling taka neih a nih theih nan mahni theina zawn theuha hma la turin Committee chuan Member te a ngen bawk a ni . Zoro Champhai Division chuan Veng hrang hrangah Branch din tura hma lak nise, a ti a. Member ni duh tan Rs. 10 pe in Member a nih theih reng thu an sawi bawk.
    Kum 2014-17 chhunga Zo Re-Unification Oraganisation (ZORO) Champhai Division hruaitute chu :
    President : Chawngchhuan
    Vice President : TBC Lallawmpuia, F. Lalrinmuana, Lalchhanhima Zofa
    General Secretary : C. Lalbiakchuanga
    Treasurer : Dr C. Lalhunliana
    Fin. Secy : T. Thanga
    Secretary : PB Hrangthana, C. Vanlalhruaia, Kapthuama, F. Lalrinngheta leh Remnalalnghaka



RUIHHLO MAN LEH :

    Thahwlehni tlai dar 2 vel khan Champhai Police te chuan Mualkawi daia Heroin No. 4 Gram 17 an man. Champhai Police te hi Mualkawi daiah Duty in Burma Bike lo tlan chu an lo tiding a, he bike khalhtu Lalpekliana s/o Lalliana Haimual Muanmar nia insawi hnen atangin ruihhlo hi an man ta a ni. Heng damdawi te hi ama ta a nih loh thu leh a vawikhat kenna a nih thu  Lalpekliana hian a sawi a. Local Market rate a chhutin Rs. 65,000 man hu vel a ni. Nimin khan Lalpekliana hi ND&PS Act hnuaia thubuai siamsak niin Champhai District Jail ah dahluh nghal a ni.


TANPUINA HLAN :

    Nimin khan Champhai District Promoters` Club chuan Zo Rimawi International Charity Concert an neiha an pawisa hmuhte chu naupang chanhaite hnenah an hlan.
    Nimin khan naupang 7 leh puitling cancer natna ve mi 3 te hnenah tanpuina pawisa fai an hlan a, tunkar hun remchang hmasa berah khawchhung tuam chhuah leh an tum thu an sawi.



HMEICHHIA TEN VC CHHUH TURIN INBUATSAIH TUM :

    Nimin chawhma dar 11 khan Sub-Hqrs. MHIP OB te leh Block hrang hrang OB te chuan Joint Meeting an nei. He hun hi VL Rochhari, President Sub-Hqrs. MHIP chuan a kaihruai a, meeting ah hian Co-ordination Committee din leh nise tih te, kum 2015 VC thlan turah Branch tin atangin VC Member pakhat tal nei thei tura Branch tin ten tanlak nise tih te, Block Conference hi kum khat danah neih ni tawh rawh se tih te bakah Membership Fee Rs 2 chu Rs. 5 ah tihsan ni tawh rawh se tih te an rel bawk.


KANAN MI NI LO :

    Excise & Narcotics Department Champhai Duty ten niminpiah  Mualkawi khaw daia Heroin gram 7 an man sak tak Lalbiaksanga (21) s/0 Lalramzauva (L) Kanan Veng inti chu Kanan Venga a chhungte leh Kanan VC te chuan hun rei tak atanga Aizawl lama insawn tawh a nih thu leh Champhai ah pawh awm ngai tawh lo a nih thu an sawi.


DOCTOR DUTY DAN TUR :

    Vawiin Champhai District Hospital a Doctor duty dan tur :
    OPD : Dr C. Vanlalhlua, Surgeon; Dr. Zodinthara, MO; Dr Janet Zoremnghaki, Pathologist leh Dr Thangsailova Colney, Dentist
    OT : Dr B. Lalduhawma, Gynaecologist
    Ultrasound : Dr LT Lawta, MO



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96)


ni 14.5.2014 (nilaini)



ZIRLAITE HMANGAIHTU ZIRTIRTU THLAHLIAM :

    Nimin chawhnu dar 1 khan Govt. GM. Higher Secondary School Principal, Superannuation Pension a chhuak ta, Pu Vanlalhruaia Sailo thlahna hun hman a ni
    He hun hi Dr. Charles Romalsawma Chairman, Staff Welfare Committee chuan kaihruaiin, Nl. Laltani chuan hunserh a hmang a, Chairman chuan thusawiin, he school hian Principal a neih tawhte zingah,tun tum hi Superannuation Pension a Principal an thlah vawi khatna a ni chu lungchhiatthlak a tih rualin,a lawmawm a tih thu a sawi.
    Vice Principal, K. Pazawna pawhin thu sawiin, he hun hmang tura kalte chungah lawmthu a sawi a, an thlah tak Pu Vanlalhruaia Sailo chu mi inngaitlawm leh mi khawngaih thei tak mi, mi harsatna hrethiam a, hotu nih tling tak a nih thu a sawi a, zirna kawnga thahnemngai tak mi leh mi taima a ni tih sawi bawkin, thawhpui nuam tak anih thu leh,mi danglam bik a nih thu a sawi bawk. Vice Principal chuan, a hmalakna avanga an school in hmasawnna tam tak a neih thu sawiin, a hmachhawp neih mek, a kalsan turte chu la vil zui zel se a duh thu a sawi bawk. Pension hmang thleng theilova boral ta tam tak an awm laia pension thlenga a thawk thei chu a lawmpui thu sawiin Vice Principal chuan, school a chhuahsan hnuah pawh,midang tana malsawmna ni tura a finna leh a theihna hmang chhunzawm zel turin duhsakna a hlan bawk
    An thlah tak, Pu Vanlalhruaia Sailo pawhin thu sawiin, Pathian khawngaihna azara Pension thlenga a thawk thei chu lawmawm a tih rualin, a chhuak tur chu lungchhiatthlak a tih thu a sawi a, Champhai khua ngeia pension a a chhuak thei chu vannei a intih thu a sawi bawk. Pu Hruaia chuan, a nihna piahlam thlenga chawimawitu,Zirlai leh zirtirtuten amah thlahna hun ropui taka an buatsaih chu Pathian hnathawh a nih thu a sawi a, Zirlaite hnenah thu chahin,hlawhtling tur chuan mi aia inpekna thuk zawk a ngai a ni a ti a, inpekna leh tawngtaina in hlawhtlinna a thlen thin thu leh, lar hmasak tum chu a hnua mi hriat hlawh zuilohna a ni tih sawiin, mi hlawhtlingte chuan hrehawm an tuar hmasa phawt thin a, a hnuah hlawhtlinna in a umzui thin thu a sawi bawk a,he school hi chhuahsan dawn mah se, principal tha takin a lo ho zel dawn avanga a ngaih a that thu sawiin an kal leh zelna turah duhsakna a hlan bawk a ni         Pu Vanlalhruaia Sailo hi kum 1979 ah Govt. Champhai HS ah thawk tanin kum 1996 a Gm. HSS din anih khan a thawk nghal a, kum 2005 ah vice Principal ah kaisangin, kum 2009 September thla khan Principal ah hlankai a ni a,he mi hnu hian Govt. JL. HSS Aizawl ah a thawk leh a, kum 2012 ah GM. HSS ah thawk lehin a pension thlengin he school ah hian a thawk ta ani
    Nimina Pu Vanlalhruaia Sailo thlah rual hian Pi Tuanneihsungi Group D pension pawh thlah a ni bawk a, staff welfare te leh zirlai naupang ten ngaihhruina thilpek an hlan bawk. He hunah hian kum 2014 HSSLC exam result chhuaka Govt. GM. HSS atanga Distinction a passed mi 4 te leh Subject hrang hranga Letter Mark hmu te chawimawina hun hman a ni bawk. 

 

BAWRHSAP HOIN CHAMPHAI MAMAWH SAWI HO :

     May 14, 214: Nimin chawhma dar 11 khan DC Office Chamber ah Champhai District Bawrhsap Pu Sangdingliana IAS kaihhruaina in mipuite nitin mamawh hrang hranga mawhphurtuten Joint Meeting an nei.
    He meeting ah hian nitin mamawh chi hrang hrangte hi Vai ram atanga lokal kan kham tawkloh avangin khawchhak lam atanga tam zawk alo kal theih nan hmalak ni se an ti a, buhfai chungchanga kan buaina tam tak pawh a reh theih beisei a ni. Hei bakah hian Oil chungchang pawh sawi bawkin, tunah rih chuan alo thleng ang ang chu thawktuten an semrual tha hle nia hriat a ni a, Petrol leh Diesel dinhmun a that tawk thu thawktuten an sawi.
    Meeting chuan, Petrol leh Diesel a hlawma la tur ten mipui tibuailo zawngin hun remchang thlang thiam se an duh thu an sawi a, khawchhung mamawh ngaihpawimawh ber nise an tih bakah, hmun danga thawnchhuah a awm anih pawhin khawchhung mamawh khaihlak phah lo se an duh thu an sawi.
    Meeting chuan Eirawngbawlna Gas chungchang pawh sawi lang bawkin, DC chuan, theihtawpa tanla turin a ngen a, khawdang atanga CHamphai Mizofed LPG a Card neite chu an bial chhung agent te hnenah an card transferred tura hmalak nise an tih bakah, CHamphai mipuiten an indaih ngei tur Gas alo thlen theihna turin leh tun aia hnianghnar zawka eirawngbawlna gas kan neih theihna tura tan la turin LPG Manager an ngen bawk.
    He hunah hian Legal Metrology, LPG, Supply, AOC leh RD Petrol Pump aiawhte bakah Joint VC President Pu K. Lalmawia leh Sub Hqrs YMA President Pu VL. CHama Hnamte te an tel a, Administrative Official te pawhin he hun hi an hmanpui bawk.



BRTF CE SAWIPUI :

    Kanan veng leimina a BRTF hmalakna muang lutuk chungchang sawipuiin nimin khan Dist. NGO Secy leh Parliamentary Secy PS. te'n BRTF Chief Engineer an hmu. Tunah hian hmalak theih dan tam tak awm lo mahse mipuite tana harsat na lian tham a thlen lohna turin bulldozer pakhat awm chilh tur an dah tur thu an lo hrilh a ni. Hei bakah hian Champhai Dist. Chhunga PWD enkawl kawng tam tak, enkawl mumal lohte chu BRTF kuta a awm leh theih dan kawng pawh an sawi ho a. CE hian theihtawp a hmalak pui turin a lo ngen a ni. Heng bakah hian Aizawl-Seling kawngpui repair mek chungchang an sawipui bawk.


COUNTING MICRO-OBSERVER TE TRAINING NEIHPUI :

    Nimin chawhnu dar 1 khan DC Conference Hall Keifangtlang ah,MP Election 2014 vote Counting Micro-Observer te training pek an ni He hun hi Pu R. Vanrengpuia Election Officer chuan kaihhruaiin, kalkhawmte chu tawnhriat ngah tak tak  pawh an ni thei a, a thente chu an vawikhat tihna tur chauh pawh a ni thei, thil thar awm reng a nih avanga in zir reng a ngaih thu a leh tihsual palh awm thei laka fimkhur turin a chah a, vote chhiar chungchangah sawiselna tam tak a awm thin a, Champhai hi sawisel kan kai ang tih a hlauhawm a, sawisel kan kai lohna turin uluk takin hna kan thawk tur a ni a ti. Pu R Vanrengpuia Election Officer chuan Vote chhiarna tur inbuatsaihna kalpui a nih dan leh,ruahmanna chi hrang hrang an neih tawh dan te a sawi a. VVPAT chungchanga hriattur pawimawh hrang hrang te zirtirna a pe bawk a ni.


IN THIAT TUR RAWN THLENG :

    Nimin chawhnu khan IB Veng Lei tawlhna hmuna in thiah ngaite thiattu tur,Pu Romawia te chuan CHamphai an lo thleng Nimin chawhnu khan Pu Romawia te hian Champhai lo thlengin, Sub Hqrs. YMA Disaster Management Sub-Committee hruaitute nen in thiah tur la awmte chu a hmunah an en nghal a, thiah huphurhawm anih loh thu leh,theihtawp an chhuah tur thu an sawi a ni. Puan tawh thin angin, helai hmuna in dingte hi thiah vek tura ruahman a ni a, pu Romawia te hian In 4 an thiat anga, a dang 2 chu a neituten thiatin, YMA branch pakhat-in in pakhat an thiat dawn bawk a ni.


HEROIN MAN :

    Excise & Narcotics Department (END) Champhai Station thawktute chuan nimin khan Mualkawi khaw daiah Heroin gram 7 an man. Hemi kaihhnawihah hian Heroin neitu Lalbiaksanga (21) s/o Lalramzauva (L) Kanan Veng, chu an man nghal a ni, ND&PS Act. 85 Sec 21 (b) hmanga thubuai siamsak nghal a ni. Lalbiaksanga hian Heroin hi Tiau a lak Champhaia zawrh tur niin a sawi.


MHIP DAN BU :

    Vawiin hian MHIP Sub-Hqrs. OB leh Sub-Hqrs. hnuaia block hrang hrang OB te an thukhawm dawn a, he hunah hian an dan bu an ennawn dawn.


DOCTOR DUTY DAN TUR :

    Vawiin a Champhai District Hospital a Doctor te Duty dan tur ;
    OPD : Dr J. Lalramchhuanga, Medicine Specialist; Dr Zodinthara, MO; Dr LT Lawta, MO leh Dr Thangsailova Colney, Dentist
    Minor OT-ah : Dr B. Lalduhawma, Gynaecologist
    Endoscope-ah : Dr C. Vanlalhlua, Surgeon
    Laboratory-ah : Dr Janet Zoremnghaki, Pathologist



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)


ni 13.5.2014 (thawhlehni)



VOTE CHHIAR DAN TUR ZIR HO :

    Nimin chawhnu dar 1 khan DC Conference Hall Keihfangtlang-ah MP election 2014 vote chhiar dan tur chungchangah Counting Supervisor leh Counting assistant-te’n training an nei.
     He hun hi Pu Sangdingliana IAS, ARO, Champhai Bawrhsap ni bawk chuan a kaihruaia. ARO chuan thusawiin kalkhawmte chu tawnhriat ngah tak tak pawh kan ni thei a, a thente chu an vawikhat vote chhiarna tur chauh pawh a ni thei, thil thar awm reng a nih avangin in zir reng a ngaih thu a sawi a, tihsual palh awm thei laka fimkhur taka vote tla te chhiar turin a chah bawk.
    Add DC Pu Zoengsanga pawhin thusawiin vote chhiar chungchangah sawiselna tam tak a awm thin a, Champhai hi sawisel kan kai ang tih a hlauhawm a, sawisel kan kai lohna turin mahni vote chhiarna tur dawhkan theuhah uluk takin hna kan thawk tur a ni a ti a, Court pawhin a phelhse ngam turin fimkhur leh felfai takin kan chhiar tur a ni a ti bawk. Khawl fel loh avanga harsatna an tawk a ni pawhin chiai mai lova ARO hnena thlen turin a hrilh bawk. He hunah hian Pu R Vanrengpuia EO chuan Vote chhiarna tur inbuatsaihna kalpui a nih dan leh ruahmanna chi hrang hrang an neih tawh dan te a sawi a. VVPAT chungchanga hriattur pawimawh hrang hrang te zirtirna a pe bawk a ni.
    Pu Zoremthara Ralte BDO chuan Control Unit chungchang zirtirna a pe bawk MP Election ah hian Champhai District chhunga vote tlate chhiar tur hian Counting supervisor leh Counting Asst. mi 20 ve ve ruat an ni a, nimin khan training neihpui niin vawiin chawhnu dar 1 hian Counting Micro Observer te tan training buatsaih leh tur a ni ang MP Election a vote tla te hi Counting Hall 2 a chhiar a ni anga, Counting Hall No. 1 ah 21-Lengteng A/c leh 22-Tuichang A/c a vote tla te chhiar a ni anga, Counting Hall No. 2 ah 23-Champhai North, 24-Champhai South leh 25-East Tuipui A/c huamchhunga vote tlate chhiar a ni ang.



IN THIAH DAN TUR ENFIAH :

    Nimin khan Sub-Headquarters YMA Champhai Hruaitute chuan Vengthlang lei tla hniam-a Concrete Structure thiah ngai la awmte a hmunah kalin an enfiah. Tarlan tawh angin May ni 6 a District Disaster Management Authority (DDMA) thukhawmin Vengthlang leh Kanan veng lei tawlha Concrete Structure la ding thiah hna thawk tura Sub Hqrs YMA kuta a dah angin, Nimin khan Sub-Headquarters YMA Champhai hruaitute chuan Vengthlang lei tla hniama Concrete Structure thiah ngai la awmte a hmunah kalin an enfiah a, Concrete Structure la dingte thiah nana State Disaster Response Fund atanga Rs Nuai 5 an hmuhte chu In la ding 7 te thiahnan hian a rualkhai thei ang bera hman tura sem a ni a. In thiah hna hi Branch YMA thenkhat ten inhlawhnana hmangin an thawk dawn a, thenkhat erawh chu In neituten a thiah hna hi an thawk dawn thung a ni. Concrete Structure la ding lai thiah harsa zualte chu Aizawl lama mithiam zawkte chah chho tura hma lak mek a ni a, Inbiakna hi a kal tluan theih chuan Nikum May ni 11 a Laipuitlang lei tawlh a In thiah hna thawktu Pu Romawia leh a hote hian Vengthlang leh Kanan Venga In thiah hna hi an thawk dawn a ni.
    Hetih lai hian Aizawl Road ah lei min hian kawng a hnawh deuh reng a, BRTF ten Rs nuai 19 hmanga an siam, retaining wall leh kawngthlanga lungrem te chuan awmzia a nei vaklo nia hriat a ni a, nimin khan Kanan Veng VC te chuan hemi chungchang sawipui hian DC an hmu bawk. Helai bawr lei tawlh leh tlahniamte hian tun fur puiah hian buaina a thlen leh ngei rin a ni a, khawthat lei leh furpui a thlen hma hian Sub Hqrs YMA te chuan inthiah hna hi zawh hman an tum thu kan palai an hrilh



LUNGREM CHIMIN LUNG IN DELH :

    Pathianni chawhnu khan ruahsur avangin Champhai Kanan veng-a Pu JE Sanga huan lungrem a chim a, Pu Pumthanga in chu lungrem chim hian delhin luah zui tlak lohvin a chhia. Nimin dar 2:30 vel khan Pu Pumthanga te in chhaka huan hungna lungrem hi a chim a, in hi a rawn delh zui nghal a ni. He in hi Pu Zorammuana te chhungkaw luah lai a ni a, lungrem a rawn chim hian in chhungah awm mah se an awmna lam a rawn delh loh avangin thi leh hliam an awm lo a ni. Lungrem chim lo pawh hi chim leh mai thei a la awm bawk a, in hi a sirah a khik tawh avangin lungrem dang hi a chim leh a nih chuan a in chawp hian kawngthlang lamah a hnawl ang tih a hlauhawm hle a ni. Nimin leh niminpiah khan Vengthar khawtlang chuan in chhia siamtha hian hnatlang an nei zui nghal a ni.


CHAMPHAI ZIRTIRTU LAR SIR HRUAIA THLAH DAWN :

    Vawiin chawhnu dar 1 hian GM. Higher Secondary School Principal Pu Vanlalhruaia Sailo leh Pi B. Tuanhleisungi Group D te chu Supernuation Pension in an thlah dawn He hun hi Staff Welfare chuan an ngaipawimawh hle a, a duh apiang tel tura an sawm bakah 2013-2014 Class XII Batch te phei chu tel ngei turin an sawm a ni


PU TT-A CHAWIMAWI DAWN :

    Kum 2014 Lelte Award a Best Music Promoter dawngtu Champhai Promoters Club te chuan tunkar inrinni hian Champhai khua atanga thleng sang ber Pu TT Zothangsanga Parl. Secty chu an chawimawi dawn He hun hi I&PR Auditorium ah neih a ni dawn a, he hunah hian Champhai tui al liak atanga thleng sang ber Parl. Secy Pu TT. Zothansanga chu chawimawina hlan an tum a, hei bakah hian Lelte Best Music Promoter Award 2014 an dawn chu lawm an tum bawk


NURSE HOIN BP CHECK DAWN :

    Nimin hi World Nurses Day a nia ,hemi pual hian vawiin zing dar 7 atangin Bazar ah Champhai Nurse te chuan a thlawnin a duh apiang tan BP check leh Inbukna an buatsaih dawn.


TANPUINA HLAN ANG :

    Zo Rimawi International leh Champhai District Promotes Club in naupang tanpui ngeite puala Concert an buatsaiha an sum hmuh tlingkhawm chu naktuk nilaini hian an hmang dawn a. Thawhkhatnaah hian Ngur, Ngur Vengsang, Zote, New Champhai, Zotlang, Ruantlang, Ruantlang Mualveng leh Mualkawi naupang harsate hnenah tanpuina an hlan ang a, thawh hnihnaah chuan Champhai khawpui chhung an tuam dawn a ni.


VAWIIN DOCTOR DUTY :

    Vawiin Champhai District Hospital Doctorte duty dan tur hetiang hi a ni OPD ah Dr. J. Lalramchhunga Medicine Specislist, Dr. B. Lalduhawma Gynaecologist, Dr. Zodinthara M.O., Dr.Janet Zoremnghaki Pathologist leh Dr.Thangsailova Colney Dentist te an thu anga, Dr. LT. Lawta M.O chu Ultrasound ah a thu anga, Dr. C. Vanlalhlua Surgoen chu OT ah a thu ang.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 54.88)



champhai tualchhung chanchin 

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…