Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 24.5.2014 (inrinni)



MZP TEN CHAWIMAWI VE :

    Nimin chawhma dar 10:30 khan Venglai Community Hall-ah Mizo Zirlai Pawl champhai chuan HSLC exam-a Distinction-a pass te leh leh HSSLC exam a 1st Div.-a pass te chawimawina hun an hmang a,Pu Sangdingliana IAS,Champhai Bawrhsap chuan khuallian niin a hman pui.
    He hun hi Lalsiammawia sailo Vice President MZP Hqtrs Champhai chuan kaihruaiin,Rev C Mawizuala chuan hunserh a hmang a, Chairman chuan pathian kaihhruaina zara zirlai ti tha 52 zet chawimawi tur an nei thei chu lawmawm a tih thu a sawi a, nimina an hun hman chu zirlai taima te vang a nih thu a sawi bawk.
    Khuallian Pu Sangdingliana IAS, Champhai Bawrhsap chuan ' Zirlai ti tha chawimawi te chu thinlung taka a lawmpui thu a sawi a, Zaa % pass thei school te chu zirlaite bakah Zirtirtute inpekna vang a ni a, fak an phu thu a sawi bawk. Khuallian chuan zirna kawng a zawhna kawngah harsatna a lo tawh thin thu leh,hlawhchham chang pawh a neih ve thin thu a sawi a, zirlai hlawhchhamte pawhin "Bei la Bei nawn rawh" tih thupuia nei theuh turin a chah bawk. MZP Hqtrs Champhai hmalakna chu fakawm a tih thu leh ram leh hnamin zirnaa hma a sawn theihna tura theihtawp chhuaha an hmalakna fakawm a tih thu a sawi a, MZP chu Mizoram hmachhuan ber a ni tiin,an kal leh zelna turah duhsakna a hlan bawk.
    Uaptu Pu Lalnunmawia Govt Champhai College Principal pawhin thu sawiin, Champhai khua ngei officer chawimawi tur, Pi Lalhruaitluangi MCS an nei thei chu lawmawm a tih thu a sawi a, Champhaiin Officer lian a nei tlem lutuk chu tan lak angaih thu sawiin zirlai kalkhawmte chu theihtawp chhuah turin a ngen bawk. Pu Lalnunmawia chuan, Champhaiin thil hlui te hlutna chang a hre lo chu pawi a tih thu a sawi a, Mizorama school tha ber pawh lo ni tawh thin leh,Champhaia Middle School hmasa ber Govt Middle School Champhai tih tawp tuma hmalakna awm mek chu tihtawp a nih lohna turin,MZP chu thawhpuiah a sawm bawk.
    Lalhmachhuana Chhawnchhek,MZP Hqtrs Champhai Fin Secy pawhin thu sawiin, Chawimawi tlaka an fate enkawltu,zirlai nu leh pa te thawhrimna chu fakawm a tih thu sawiin,zirlai te pawhin an nu leh pa te thawhrimna chu hrereng turin a chah bawk. HSLC leh HSSLC ti tha tak tak,zuzi leh ta mai mai an tam thu sawiin, zuzi mai lova kal zel turin a chah a, Zirlai tamtak zinga chawimawia an awm thei chu inchhuanna tham a ni a, an kal leh zelna turah duhsakna hlanin,hun lo la awm tura Champhai hmakhua chu an kutah a inngah thu a sawi a, theihtawp chhuah turin a ngen bawk.
    Pu Lalsangzuala Ngente Vice Pre. General Hqtrs MZP pawhin thu sawiin, Lalramhluna Secy in report a pe a, Champhai District Child Protection-te'n awareness campaign an nei bawk a. Remnalalnghaka President in lawmthu sawiin he hun hi a khar a ni.
    He hunah hian Champhai District chhunga zirna In atanga HSLC Distinction-a pass,zirlai 16 te leh,HSSLC 1st Div. a pass zirlai 37 te leh,Pi Lalhruaitluangi MCS te bakah,Zaa % pass thei school 6,King Solomons School, Springdale Academy, Einstein boarding school, BC Lalthlamuana english Academy, Bethel Mission School leh,Pinehill Adventist Academy te hnenah chawimawina thuziak an hlan a ni.
    Nimina zirlai ti tha te chawimawna hun hi,Pu Lalsangzuala Ngente Vice Pre. General Hqtrs MZP leh Information Secy Ephraim Ramropuia ten an rawn hman pui bawk.



INTER OFFICE BADMINTON ZO FEL TA :

    Nimin khan Champhai District Badminton Association huaihawt, Inter Office Badminton Tournament 2014 chu khelh zawh a ni.
    Tarlan tawh angin,He tournament-a tel te hi grade hrang hrang-ah then an ni a, nimin chawhnu dar khat atang khan Grade hrang hrangte'n final hi khelin,tournament hi zawh fel a ni.



DISTRICT SPORTS COMT. THUTHLUKNA CDFA IN PAWM LO :

    Nimin chawhnu dar 1 khan I&PR Conference Hall-ah Champhai District Sports Committee chu an chairman, Champhai DC ni bawk Pu Sangdingliana hovin an thukhawm.
    District Sports Committee chuan,Champhai Chhangphut field hman dan tur chungchang an ngaihtuah a,he khelmual enkawl tur,Chhangphut Field Management Committee siam nise, a enkawl dan turah OB in ruahmanna an siam chu kum khat chhung atan hman chhin nise an ti a.
    An ruahman dan chuan, Chhangphut Field hmang tur chuan dilna hi District Sports & Youth Office, Champhai hnenah thehluh tur a ni ang a, a hmang tur chuan allotment an hmuh chuan an hman tur hun chhung fee an pek lawk a ngaih dawn bakah, Chhangphut field hmang tur,sports tournament emaw competition neih hun a inrual a nih chuan international level, national level, state level leh district level angin ngaih pawimawh hmasak a ni dawn a ni. Field hi darkar khatah Rs.200 ni in, nilenga an hman chuan Rs.800 a ni ang a, SAI in training leh coaching programme an buatsaih reng reng chu a thlawna hmantir a ni ang a, hetiang bawk hian CDFA in tournament an buatsaihin,a thlawnin an hmang thei dawn a, man chawi ngai lo zingah hian Sports directorate hnuaia Coaching staff te training emaw,coaching buatsaih a huam lo bawk ang.
    Committee chuan promotion fund chungchang pawh relin Champhai atanga District level-a feh chhuakte hnenah Rs.5000 pek nise, State level a feh chhuakte hnenah Rs.8000 pek nise an ti a. Champhai district chhunga infiamna lama hmasawnna tur hrang hrangte pawh an sawiho nghal bawk a ni.
    Champhai District Sports Committee in Chhangphut Field enkawl an tum chungchang leh, ruahmanna an siam hi Champhai District Football Association chuan an pawmpui lo tih an sawi a. Chhungphut field hi phul lem phah a nih hma atang tawhin CDFA kuta awm ngar ngar a ni a, tuna phul lem phah zawh a nih a, Champhai District Sports Committee in an kuta lak an tum mai chu ngaihthiam har an tih thu an sawi a. Nimina he thut khawma tel CDFA aiawh chuan an thurel hi an thlawp lo tih lantir nan meeting hi a chhuahsan nghe nghe a ni.



VC THU ZAWM HLAWH LO :

    PWD ten Vengthlang kawngpui siamthat hna an thawh kal mekah, Vengthlang VC thuchhuah chuan zawm a hlawh lo hle.
    PWD in Vengthlang kawngpui an siam avang hian Vengthlang VC chuan zan lamah kawngpui siam that, la hman theih loh vah lirthei eng chi mah dah phal a ni lo tiin thu chhuah an lo siam tawh a. Mahse hei hian zawm a hlawh lo hle a. Nizan leh nizan hmasa lam khan kawngpui siam that tawh, la hman theih lohva lirthei dah hmuh tur a awm nual thung. Heng lirthei dah avang hian kawngpui siamthatah hian khuar a insiam nghal a, kawngpui hi a that loh phah hle dawn niin a hmuna kal kan palai chuan a sawi a, hman theih a nih hma chuan dimdawi thiam a tul hle dawn nia a lan thu a tarlang tel bawk.



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Tanky Full (Rs. 79.80)
    Diesel : Free Sale (Rs. 59.96)


ni 23.5.2014 (zirtawpni)



SELAM BORUAK ZIAAWM LAM PAN :

    Selam khaw mipui leh Police te nasa taka an in ep mek avangin remna thu sawi turin Sub-Hqrs. YMA Champhai OB te chuan ni 22.5.2014 zan dar 8:30 vel khan Selam lam an pan.
    Selam leh Police mipui in nawrna chhan tak an khawtlang hruaitute Police ten man an tum pawh Sub-Hqrs. YMA Champhai hian Champhai lamah rawn hruai pheiin dan anga kal a ngaih avangin vawiinah Police kutah dah an ni. Sub-Hqrs. YMA Champhai chuan heng khawtlang hruaitute hi Bail a chhuah nghal thei tura hmalak pui an tum.
    Tun dinhmunah chuan Selam boruak pawh Sub-Hqrs. YMA Champhai OB te zarah ziaawm lam a pan ta e.



SUMO CHESUAL :

    Nimin tlai dar 2:30 vel khan Sumo MZ04 3938 chu  Venglai Selluia Traffic point bulah a chesual. Pu C. Thangviaua Electric Veng Sumo hi Champhai atanga Zokhawthar pan tur niin Venglaia Selluaia traffic Point bul kawngkual laiah hian kual zo loin a chesual a. he sumo hian Electric ban suin Pu Thahleikhuaia in leh Pu C. Lalthianghlima In a su tel bawk. Sumo chesualah hian passenger 9 chuangin hliamna lutuk tuar an awm lo niin thudawn a ni.


DOCTOR DUTY :

    Vawiin Champhai District Hospital Doctor te duty dan tur :
    OPD : Dr. J. Lalramchhuanga, Medicine; Dr. B. Lalduhawma, Gynaecologist; Dr Zodinthara, MO; Dr LT Lawta Mo leh Dr Thangsailova Colney te an thu anga, Endoscope ah Dr C. Vanlalhlua Surgeon a thu anga, Laboratory ah Dr Janet Zoremnghaki Pathologist a thu bawk ang.



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Tanky Full (Rs. 79.80)
    Diesel : Free Sale (Rs. 59.96)
 


ni 22.5.2014 (ningani)



CHHANGPHUT  FIELD-AH PHULLEM PHAH HNAI :

    Chhangphut Field aphullem phah tura hmalakna chu chak taka kalpui mek zel ani a, tunkar chhung hian phulllem phaha theih tura peihfel tum a ni.
    Kan palai zawhna chhangin Er. Hmingthantluanga chuan tunkar chhung hian Phullem phah theih tura peihfel a nih tur thu a sawi a. Nimin khan Sunjay Kumar, SYNCOTTS International, Civil Engineer chuan phullem hi phah theih a ni tawh em tih a hmunah rawn kalin a enfiah a, khelmual chhunga a rual lo lai awmte chu hnawhkahh hna thawh zawh a nih veleh hian Lemonta Company te chuan phullem phah turin Champhai an rawn pan nghal dawn ani. Tunah hian chhaklam atanga tui rawn luang lak penna tur tuiluankawr chu siam mek a ni bawk. C. Hualrikhuma, CDFA President chuan Chhangphut Field fencing hna chu a rang thei ang bera thawh a nih tur thu sawiin, Sports Council hruaitute chuan Contractor pawh an thlan fel tawh thu sawiin, Chhangphut Field a phul lem phah zawh a nih veleh hian Field hawn nan CDFA in TOurnament buatsaih a tum thu a sawi bawk.
    Mipuite hnenah ngenna siamina Chhangphut Field chu dimdawi taka enkalw turin a ngen nghal bawk.



CHAWIMAWI DAWN :   

    Vawiin chawhma dar 10:30 hian MSU Champhai Hqrs. chuan I&PR Auditorium CHANEM Building ah HSLC leh HSSLC tithate chawimawina hun an hmang dawn a. He hunah hian HSLC leh HSSLC  result chhuaka distinction a pass te leh school za-a za pass neite chawimawi an ni dawn a. Zirlai chawimawi turte leh an nu leh pate kim taka kal turin MSU chuan an ngen a. He hun hi DRDA Proect Director CC Lalchuangkima, MCS chu khuallian tur niin Gen Hqrs. atangin hruaitu thankhat ten an hmanpui bawk.
    Hetihlai hian MZP Champhai Hqrs. chuan zirtawpni hian chawimawina hun hman an tum ve leh bawk.
    Zirlaipawl duh thuhmun leh in ang te hian a hran ve ve chawimawi lo hian hmun khatah chawimawi dun se. Zirlai leh nu leh pa tawiawm tute hun leh tha sen an tih zia sak theih a rinawm.



SIDE DRAIN SIAM :

    Champhai Venthlang a Leikhi a ziaawm theihna tura Vengthlang VC ten Side Drain an siam chu ngawrh taka thawh mek ani. He Side Drain hi RCC a siam tur niin, a chung khuh neilo a siam tur a ni a, nimin piah atang thawh tan niin, furpui lo thlen hma a zawh hman ngei an tum thu an sawi.


 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96)


ni 21.5.2014 (nilaini)



INTER  OFFICE BADMINTON INELNA TAN :

    Nimin chawhnu dar 1:00 khan Champhai District Badminton Association buatsaih Inter Office Badminton Tournament chu Champhai Bawrhsap Pu Sangdingliana IAS chuan a hawng.
    Hawnna inkhawm tawi hi Pu C Hualrikhuma President Champhai District Badminton Association chuan a kaihruai a, Chairman chuan thusaawiin, 'Inter Office Badminton Tournament chu office hrang hranga thawkten in thian thatna leh in hmel hriatna tha tak an neih theihnana hmang turin Tournament khel tur te chu a chah a, he tournament chhung ngei hian thian thar pakhat tal chhar turin a chah bawk. Players-te chu Work Over ngai lova mahni khel hun ngaipawimawh tura chahin Infiamna thawmhnaw ngai pawimawh tur leh uluk turin a chah bawk. Khuallian Pu Sangdingliana IAS, Champhai Bawrhsap pawhin thusawiin, Badminton chu a game ngainat tak a nih thu leh amah ngei pawhin a lo khelh ve thin thu a sawi a, Inter Office Badminton Tournament buatsaihtu CDBA chu fakawm a tih thusawin Champhai District-in chu MBA aia Association Upa zawk an nei chu lawmawm a tih thu a sawi a. Inter Office Badminton Tournament chu Tournament zawngchhang tlak tak niin Kum dangah hei aia tam zawk players an tel theih a beisei thu leh Champhai District mai bakah mipuite tan hlawkna a nih ngei a duh thu a sawi bawk. Inter Office Badminton Tournament hian ni 3 chhung a awh ang a. He tournament-a tel te chu Grade hrang hrangah then an ni a, Ningani hian Final khelh hman tum a ni.



GANJA MAN :

    Nimin chawhma dar 11:50 khan Champhai Police te chuan Ganja kg 16 an man Champhai Plolice-te chuan nimin chawhma dar 11:50 khan Police check Gate Khankawnah Aizawl pan tur Sumo atangin Ganja kg 16 an man a, heng Ganja te hi KL Vunga kum 33 s/o Rinawma Hnahlan khua nia insawi ta a ni a, Ganja an man te hi Local market rate-a chhutin Rs 32,000/- man hu vel a ni. Ganja neitu nia inchhal KL Vunga hi thubuai siamsak niin Champhai District Jail ah dahluh a ni ang


KUM 28 HNUAH VENGTHLANG KHAWLAI BLACKTOP THA :

    Kum 28 hnuah Champhai Vengthlang dawr dung kawngpui Darthangvunga Traffic point atanga Selluaia Point inkar kawngpui chu re-surfacing hna thawh tan a ni ta. Pu Rothangliana SA chuan kan palai zawhna chhangin Darthangvunga Traffic point atanga Selluaia Point inkar re-surfacing hna chu May thla chhunga an zawh hman a beisei thu a sawi.


SELAM KHAW MIPUI INHMUKHAWM :

    Nimin chawhma khan Selam Khawtlang mipuite chu inhmukhawmin, huntiam awm hma chu tumah ramriahloh tur tiin thuchhuah an siam Selam atanga thu kan dawn danin, tunhnaia Selam khaw mipuite leh Forest Dept te inkara buaina awm avangin fimkhur thu hla ah thu leh awm hma chu tumah ram lama riahloh tur tiin nimin a Selam khua a mipa kum 18 chin chunglam te chuan thuchhuah an siam. Kan palai zawhna chhangin kan thudawnna chuan, Forest Dept R.O chin hnuai lamte pawh nimin khan Aizawl City park ah an inhmukhawm ve niin a sawi a, hemi avanga fimkhur thu-hla a tive an nih thu a sawi


CHAWIMAWI TUM :

    MZP Hqrs Champhai te chuan tunkar inrinni hian HSLC Distinction a passed te leh HSSLC 1st Division a passed chinte an chawimawi dawn a, inbiakpawhna lamah harsatna a awm thin avangin HSLC Distinction a passed te leh HSSLC 1st Division a passed chinte chu tunkar inrinni chawhma dar 10 ah Venglai Community Hall ah kim taka kal tur niin thu dawn a ni.


DAMDAWI IN :

    OPD :Dr. J. Lalramchhuanga Medicine Specialist, Dr. Zodinthara M.O, Dr. Thangsailova Colney
    OT : Dr. B. Lalduhawma Gynaecologist, Dr. Lalnuntluangi Med. Superintendent 
    Endoscope : Dr. C. Vanlalhlua Surgeon
    Lab : Dr. Janet Zoremnghaki Pathologist



TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96)


ni 20.5.2014 (thawhlehni)



PARLIAMENTARY SECRETARY IN GM HIGH SCHOOL :

    RMSA hnuaia Cheng nuai 35 chuang senga sak Govt. GM High School building thar chu nimin chawhma dar 10 khan Parliamentary Secretary TT Zothansanga chuan a hawng.
    Hawnna Inkhawm hi Pu C. Hualrikhuama, Dy. DPC (RMSA) chuan a kaihruaiin Khuallian TT Zothansanga, Parliamentary Secretary chuan thu sawiin GM High School in Matric Result chhuak taa 92% ten an pass chu lawmawm a tih thu a sawi a, GM School hi Mizorama School tha ber pawl a ni thin a, Mizorama Officer liante leh ram hruaitu zingah GM chhuak hi a tam ber pawl an nih thu a sawi a, chutiang anga GM School tihmingtha ve tur chuan zirlaite chu a a ngen a ni. Pu Sangtea chuan zirlaite chu an zirlai aia tunlai hmasawnna chu a tha zawnga hmang turin a chah bawk.
    GM High School building thar hi Rs. 35,25,000 senga sak a ni a, zirlai 35 aia tlem lo awm theihna tur classroom pahnih, mipa leh hmeichhia toilet hman tur a hrang pakhat ve ve, science laboratory, computer room leh library te a awm a, classroom hi a dung 24ft, a vang 18ft a sak a ni a, classroom ah hian rikrum thila zirlaite tlanchhuahna tur emergency exit siam a ni.
    Pu Lalbuatsaiha Heasmaster chuan lawmthu sawiin he hun hi an khar a ni.
    Pu TT Zothansanga hian GM Higher Secondary School pawh tlawhin building in zirlai naupang a dawl tawh loh dante a hmunah a enfiah bawk a, GMHSS zirtirtute leh MZP hotute chuan hemi chungchang hi kar hmasa khan an lo sawipui tawh bawk.
    PS hi CHamphai DC leh Party workers ten an tawiawm a ni.



BEER MAN NUAL :

    Nimin chawhnu dar 1:30 vel khan Champhai Excise & Narcotics Department te chuan Tourist Lodge thlangah beer thahnem tak an man. Excise & Narcotocs Department hian an thudawn bawhzuiin nimin tlai khan beer, Dagon can 2126 leh Diablo can 720 an man a. Heng an thil mante hi Local Market rate a chhutin Rs. 4,26,900 man hu nia chhut a ni. Heng beer neitu In luahtu hi man a la ni lo a, In neitu chuan luah an dil anga an luah tir mai thu leh hetiang thil an tih thu a hriatpui loh thu a sawi a, In luahtu hi ngawrh taka zawn nghal a ni.


GIRLS HOSTEL HMAN THEIH :

    Nimin khan MZP Hqrs. Champhai hruaitute chuan Govt. Champhai College Principal Lalnunmawia hmuin Girls Hostel chungchang an sawipui. MZP hruaitute hian Girls Hostel chu a nihna anga hman an duh thu sawiin Principal chuan Session tharah hmang duh an awm a nih chuan hman theih a nih thu a sawi a, Girls Hostel a awm duhte chuan ngaihven zui theih a nih thu a sawi bawk.


PARLIAMENTARY SECRETARY IN LAWMPUINA HLAN :

    Champhai North Bialtu MLA TT Zothansanga, Parliamentary Secretary chuan nimin khan a bial chhunga School, tunhnaia HSLC result chhuaka pass kim vekte tlawh kualin lawmpuina thuziak a hlan.


DOCTOR DUTY TUR :

    Vawiin Champhai Ditrict Hospital a Doctor te Duty dan tur :
    OPD : Dr J. Lalramchhuanga, MD (Medicine); Dr B. Lalduhawma, MS (Gynae);  Dr janet Zoremnghaki, MD (Pathology); Dr Thangsailova Colney, MDS (Dental); Dr Lalnuntluangi, MS (Eye)
    OT : Dr C. Vanlalhlua, MS (Surgery)



 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96) 


ni 19.5.2014 (thawhtanni)



SELAM KHUA-IN FOREST MOTOR HAL :

    Zirtawp zan dar 9:15 vel khan Selam khuaah Selam khaw mipuite leh Forest Protection Squad te chu intibuaiin Champhai Forest Division Truck pakhat hal a ni a, hei bakah hian Protection Staff mi 2 te chu hliam na tak an tuar bawk.
    Zirtawpni khan Forest Protection Squad member mi 30 vel chuan Selam khua Lengteng Sanctuary a mi thingzai man turin Aizawl atangin 407 truck pahnih, Gypsy pakhat leh City Ride pakhat hmangin Selam khua na pan a, Selam khua an thlen hian Selam khaw mipuite chu aurinna hmang inpun khawmin Forest Protection Squad Member te chu an lo dang a, engemawchen an inbiak hnuah truck pahnih zinga pakhat zawk chu tlanin truck pakhat tlan ve lo zawk Champhai Forest Division Truck chu an hal ta a ni. Selam khaw mipuite hian Forest Dept. te nen intiamkamna an nei tawh niin an sawi a. Tun thlenga tihhlawhtlin a la awm loh avangin hetiang thil hi a thleng niin an sawi. Forest thuneitute erawh chuan chutiang intiamna engmah a awm loh thu leh kum 2008 hma lama an thutiam tawh pawh Selam khaw mipuite ngeiin an sut leh thu an sawi ve thung.



PROMOTERS CLUB IN PARLIAMENTARY SECRETARY CHAWIMAWI :

    Inrinni chawhm dar 11 khan Champhai District Promoters Club te chuan Champhai North Bialtu MLA, Parliamentary Secretary ni bawk TT Zothansanga chawimawina hun an hmang. He hun I&PR Auditorium, CHANEM Building a neih hi Pu B. Vanlalhruaia, President chuan a kaihruai a, Champhai chuan he hun hi Champhai Disrtict Promoters Club te buatsaih ni mahse Champhai mipuite tan hun pawimawh tak a ni a ti.
    Pu Lalnunmawia, Adviser pawhin thu sawiin Pu TT Zothansanga hi Congress Party a nih avanga chawimawi kan ni lova, Champhai pa, pa chhuanawm leh chawimawi tlak a nih avanga chawimawi an nih thu sawiin CDPC te chu non-political body a nih thu a sawi bawk. Pu Lalnunmawia hian chawimawina pillar a hlan a, Pi Laldingngheti Adviser pawhin Champhai in Thangchhuah Pa kan nei a ni tih lantir nan Thangchhuah Diar a khim tir bawk.    
    Pu TT-a pawhin thu sawiin a hlawhtlinna phena mi pawimawh leh chawimawi phu zawkte sawiin pathian bakah a chhungte chu hetianga hlawhtling taka a awm theih chhan a nih thu a sawi a, amah enkawltu a chhungte zawng zawng a theihnghilh theih loh thu a sawi a, pathian hian ama tana theihtawp chhuahtute a kalsan ngai lo tih sawiin a nu leh pain an thihsan hma avangin Kohhran a bel tam a, chuta tanga hetiang thleng thei a nih thu leh hmasawnna leh khaw hmangaihnain a rilru a luah ber thu a sawi.
    He hunah hian Pu K. lalrinnunga, Asst. Secretary CDPC chuan Pu TT Zothansanga chanchin tawi leh a hmalakna tlangpui a sawi a ni.



THISEN PE :

    Inrinni chawhnu dar 1:30 khan Adventist Youth Federation, Champhai Branch chuan Global Youth Day pualin Champhai District Hospital Blood Bank ah a mamawh apiangte hman theih turin thisen unit 30 an pe. Thisen putute hi mipa 23 leh hmeichhia 7 an ni a. Eastern Flower School Electric Veng ah Blood Bank a thawkten an laksak a ni. Inrinni vek khan Adventist Youth Federation Champhai Branch te chuan an member zinga HSLC leh HSSLC pass tharte lawmpuina hun an hmang bawk.


CHANCHINTHA DAK BAWM :

    Chanchintha Dak Bawm chu Inrinni khan Myanmar atangin Mizoram a rawn thleng a, Inrinni tlai khan Ruantlang Presbyterian Kohhran Biak Inah hunserh lo hmanpui a ni. Chanchintha Dak Bawm hi Pu Robuanga hova kum 1947 leh 1948 khan thawn chhuah runpui neiin hetah hian Mizoram chhung atangin Burma ah Chanchintha Dak Bawm hi engemawzat a chho a, tuna Chanchintha Dak Bawm rawn ken thlak hi kum 1947 a siam kha niin Ruantlang Kohhran a nghah a nih hnuah Chanmari West Kohhran ah kalpui leh a ni ang a, Pu Robuanga thlan tlawhpui a ni ang.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.39)
    Diesel : Free Sale (Rs. 56.11)
RD PUMP : (6:00 AM - 6:00 PM) Sunday Close
    Petrol : Free Sale (Rs. 79.80)
    Diesel : Free Sale (Rs. 59.96)


champhai tualchhung chanchin 

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…