Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 9.5.2014 (zirtawpni)



KHAW KHAT TAN NLUP CHIKHAT CHAUH :

    Nimin chawhnu khan Champhai Venglai COmmunity Hall ah NLUP 3rd & 4th installment atanga One Village One Crop chungchang sawiho a ni a. Champhai District Bawrhsap Sangdingliana, IAS chuan he hun hi hman puiin programme a kaihruai nghal a ni.
    Champhai District Bawrhsap chuan sawihawnna neiin NLUP 1st & 2nd Installment zawh a ni tawh a, 3rd & 4th Installment tih leh tan mek a niin hmun thenkhatah phei chuan 3rd Phase 1st Installemtn Rs. 10000 sem chhuah a ni tawh tih sawiin tuna kalphung thar, khaw pakhatin eizawnna inang/ hlawm khat nei tura hmalak dan tur atan khawtin VC kalkhawm te chuan an khaw tana tha tur leh hlawhtlinpui ngei turin a ngen nghal a ni. Hlawm khat anga kalpui a nih dawn avangin 3rd leh 4th  Installemnt atana 3rd phase 1st Installment lo dawng tawh te chu an khaw pum tana trade hlawm khat thlan a nih tak avangin a hmaa an lo lak tawh pawh chu NLUP Beneficiaries te tana tha tur anih dawn chuan sawrkar chuan hloh mai pawh a hreh lo tih a tarlang a ni.
    Champhai District NLUP Nodal Officer Rochuangkimi Khenglawt chuan Sawrkar hmalak tum dan sawiin khawtin VC kalkhawmte chuan an khaw tana trade thlan tur a zawt chhuak nghal a. Line Department hrang hrang Officer ten sawifiah ngai te an sawifiah nghal zel bawk.



AWARENESS NEI ANG :

    Vawiin chawhnu dar 1 atangin Govt. GM Higher Secondary School ah Legal, Drug Abuse leh Child Abuse ah te Awareness campaign nehi a ni dawn.
    He Awareness campaign hi MZP Headquaters leh District Child Protection Officer, Champhai Unit te buatsaih tur niin, he hunah hian R. Lalrinchhani, Dist. Child Protection Officer; Vinty Vanneihtluangi Advocate, Champhai District Court; VL Chama Hnamte, President Sub-Hqrs Champhai leh Vanlalzawni SDPO ten an hmanpui ang. 


PAWL 12 RESULT CHHUAK A CHAMPHAI DINHMUN :

    Champhai leh a chhehvela Higher Secondary hriat theih chinah, Govt. GM HSS, Champhai chuan Arts-ah candidate 130 an nei a, passed 69 awmin,heng zinga mi 3 chu distinction-ah an passed a, 1st division-ah mi 7, second division-ah mi 20 leh 3rd division-ah mi 39 an passed a. Pass percentage chu za zela 66.99 a ni a, Science-ah candidate 52 neiin mi 42 an passed a, compartment 6 an awm bawk a, distinction ah mi pakhat, first division-ah mi 21, 3rd division ah mi 2 an passed a, pass percentage chu za zela 81.5 a ni a, Commerce ah chuan candidate 15 neiin mi 11 an passed a, passed zawng zawng hi third division-a passed vek an ni a, passed percentage chu za zela 73.3 a ni. vocational ah candidate 17 neiin mi 5 an passed a, passed percentage chu za zela 29.4 a ni a, passed zawng zawng hi 1st division vek an ni.
    Zokhawpui Higher Secondary School chuan candidate 3 neiin,mi 1 a passed a, Champhai Higher Secondary School pawhin Arts ah candidate 84 neiin, mi 51 an passed a, 2nd division-a mi 9 leh 3rd division ah mi 75 an passed a, passed percentage chu za zela 60.7 a ni a. Govt.Khawbung Higher Secondary School-a candidate 37 atangin mi 36 an passed a, first division ah mi 9, second division ah mi 17 leh third division ah mi 10 passed in passed percentage chu za zela 97.3 a ni a. Champhai Centre number 1 ah chuan private 58 awmin mi 6 an passed a ni.



MZP TEN LAWMPUI :

    MZP Hqrs. Champhai hruaitute chuan nimin khan Govt. GM Higher Secondary School leh Champhai Higer Secondary School te tlawhin zirlai pass tharte lawmpuina chibai an buk.
    Nimina School an tlawhah te hian inkawm hona tha tak neiin thawhhona tur hrang hrangte an sawiho a. Zirlai pass chhuakta te chu an thahnem ngaihnaah lawmthu sawiin, nimina an school tlawhte nilo, school dang atang pawha HSSLC result chhuak ta a pass thar zawng zawngte chu an lawmpui thu sawiin, Champhai tihmingthatu nizel turin duhsakna an hlan bawk a ni.
    MZP Hqrs Champhai chuan thuchhuah siam nghalin, Champhai khawchhunga zirlaite tan theihtawpa hmalak an tum thu leh, zirna chungchanga harsatna nei apiangte chuan MZP hruaitute hnenahhrilh hre thin turin an ngen tih an thuchhuahah chuan an tarlang bawk.



TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.39)
    Diesel : Free Sale (Rs. 54.88) 


ni 8.5.2014 (ningani)



PHALNA LA HMASA LOVA STATION CHHUAHSAN PHAL A NI LO : SDEO

    Nimin khan Mizoram Primary Teachers` Assn. Sub-Hqrs. Champhai Conference Vawi 14-na chu Govt. Primary School II Vengthlangah neih a ni.
    C. Vanlaldinga President MPTA Sub-Hqrs. Champhai chuan he hun hi kaihruaiin khuallian K. Lalsiamliani SDEO & DPC SSA chuan thusawiin zirtirtute chu naupang mithmuhah uluk leh felfai taka inchei tura fuihin, mut kekawr leh thawmhnaw themhlem tak takin kan inchei tur a ni lo, zahawm leh felfai taka incheiin zirtirna kan pe tur a ni, a ti. Zirtirtute chu zuk leh hmuamah kan fihlum tur a ni a, zirlaite mithmuhah zuk leh hmuam kan ti tur a ni lo, a lei tur pawhin kan tir tur a ni lo a to.
    Khuallian chuan Sawrkar School Enrollment a hniam tial tial chu pawi a tih thu sawiin, enrollment a kan san zel theihna turin theihtawp kan chhuah tur a ni a, nu leh pa leh khawtlang hriat thamin theihtawp kan chhuah tur a ni, a ti a. Headmaster ten phalna la hmasa lovin School chhuahsan  kan ching tur a ni lo a, hetianga phalna la hmasa lova Station chhuahsan kan awm leh chuan dan anga Action lak a ni ang , a ti bawk.
    Chawhnu lamah kum 2014-2016 chhunga MPTA Sub-Hqrs. Champhai hruaitu tur MJA Champhai District kaihhruaina hnuaiah thlan a ni a. C. Vanlaldinga, C. Hualchhunga, C. Lalnunzira, K. Lalkhumliana, RC Zahlira, C. Lalbiakthanga, C. Ngurthangi leh S. Biakvela te thlantlin an ni a, heng thlantharte hian tunkar chhung hian an hna chelh tur an siamfel ang.



APEX BANK IN CBS ZAWM FELTAWH :

    Mizoram Co-operative Apex Bank Ltd. Champhai Branch chuan tun hnai atang khan CBS an zawm ta a, Apex Bank chuan Core Banking an kalpui ve ta a, Data Centre pawh Head Office Aizawl ah bunfel a ni tawh bawk a, RBI pawhin Sawrkar Dept. hrang hrang hnuaia thawk te tan Apex Bank a hlawh lak ve theih turin IFSC COde leh MIRC Code a rawn pek thar bakah E-Payment a tih ve theih tawh.
    Chief Controller of Accounts, Accounts & Teasuries leh Finance Dept. Govt. of Mizoram pawhian APex Bank in Centralized payment an zawm ve tak avangin sawrkar hnathawk ten Apex Bank atanga hlawh an lak theih nan Bank Account hawn theihna lehkha a tichhuak tawh bawk a. Mimal leh sumdawng tan APex Bank kaltlang hian ram chhung leh ram pawnah pawisa a thawn theih tawh a, Apex Bank a Account nei tan Mizoram chhung bikah NEFT/RTHS hmang kherlo pawhin pawisa in thawn theih tawh a ni. Apex Bank hnuaiah hian Society Bank engemaw zat mumal takin a kal mek a, heng PACS te hi Banking Regulation Act. 1949 hnuaia mumal taka function a nih avangin an hnena pawisa dah hi a rintlak thu bank thuneitute chuan an sawi.
    Apex Bank Champhai Branch hian CBS a zawm ve tak avangin Champhai Branch ah pawh mipuite tan a awlsam zawkna turin ATM khawl pawh bun a ni dawn a, tun atanga hun reiloteah hian ATM khawl neih an inbeisei thu an sawi. Apex Bank hi Mizoram sawrkar enkawl, sawrkarin 25% share a neihna a nih avangin mipuite bank leh bank rintlak tak a nih thu bank thuneitute chuan an sawi bawk.



TUIHNA HUMHALH INZIRTIRNA HUN HMANG :

    Tuihna kang zel avangin PHE Department Khawbung WATSAN Sub-Division leh Khawbung Branch YMA tangkawp chuan Thawhlehni khan Khawbung Community Hall ah Evironmental Awareness Campaign an buatsaih.
    Chawhma ah Middle leh Primary School Zirlai naupangte hnenah zirtirna pek niin chawhnu ah Govt. Khawbung High School leh Khawbung Higher Secondary School zirlai naupangte hnenah zirtirna pek ani bawk. Khawbung HSS te chuan nimin chawhnu khan June thla tira Green Operation an neih thin nikuma May thlaa an sawn tak chu chhunzawmin School Compound ah Khawbung Forest Tange atanga thing tiak chi hrang hrang an lak chu an phun a ni. Zotui tuihnarah tuihna siam chi Parthiam leh Khuangthli an phun bawk a. Khawbung HSS te thing tiak hi APril leh May ah emaw an phun hian fur ruahtui thlak tak takah zung akaih nghet a, thlai ruahtui thlak loh hunah pawh an thung phunte chu a dan tluantling duh bik niin an sawi.



ZU PHUR MOTOR THLANCHHIA :

    Nimin khan Zokhawthar Police te chuan Ruantlang ah Tiau atanga rawn phurh Beer Case 2 leh BEDC tlawn 150 an man.
    Thudawn danin heng an zu mante hi Super Ace MZ04 7688 hmangin Tiau atanga rawn phurh a ni a, Zokhawthar Check Gate ah Police ten an lo phar a, Driver hian Motor tiding lovin, a tlan gtlang a; Zokhawthar Out Post ah lo phar leh in a lo phartu Constable su in a tlantlang leh a. Motor hi Zokhawthar Police te chuan umzui nghalin Ruantlang ah an man ta a ni. He motor khalhtu Thangngaihpianga kum 34 s/o Thangkama Champhai Bethel nia insawi pawh an man nghal a, Driver chuan heng zu te hi mi phurh tir a nih thu leh a thil phurh chu enge a nih a hriatloh thu a sawi a, a phurhtirtute hian Mualkawi ah an zuan thlaksan thu a sawi bawk. Heng ruihhlo mante hi Local Market rate a chhutin Rs. 29,700 man hu nia chhut a ni.



DAN BAWHCHHIA :

    April thla chhung khan Champhai Traffic Police te chuan lirthei dan bawhchhiate hnen atangin Rs. 1600 an hmu. Heng pawisa an hmuhte hi Parking Area nilo a motor park te, helmet khumlo leh wrong side a motor tlante hnen atanga an hmuh a ni a, dan bawhchhia motor engemaw zat man bawkin, Champhai khawpui a lo felfai zawk theihnan theihtawp chhuahin hma an la mek.


IN THIAH DAN TUR :

    Nimin zing khan Champhai Sub-Hqrs. YMA OB te leh Disaster Sub-Comt. OB te chuan New Saron leh Kanan veng huam leiminin a tihchhiat In thiah tur la awmte District Disaster Management Authority (DDMA) in Sub-Hqrs. YMA kuta a thiah hna thawk tura a tih angin a hmunah an en fel a. In thiahna senso tur hi a hautak dan a zirin a thiah man tur an bithlaih nghal a, In neitu thenkhatin an mahni in an thiah theih tur thu an lo hrilh a, a thiat thei lote chu a thiah dan tur ngaihtuah leh nise an ti. DDMA hian ruahtui thlak tak tak hmaa In ruhrel la awmte thiat zo vek turin Sub-Hqrs. YMA hi an ngen a ni.


PLANNING ADVISER LOKAL :

    Lalchhuanawma, Dy-Adviser Planning Dept. Govt. of Mizoram chuan nizan hmasa khan Champhai rawn thlengin nimin khan Hnahlan leh Champhai Winery bakah New Champhai a PHE SE Office tur sak mek a tlawh a, vawiin hian Aizawl panin a chhuak leh ang.


DOCTOR DUTY DAN TUR :

    Vawiin Champhai District Hospital a Doctor te Duty dan tur :
    OPD : Dr C. Vanlalhlua, Surgeon; Dr Zodinthara, MO; Dr Janet Zoremnghaki, Pathologist leh Dr Thangsailo Colney, Dentist
    OT : Dr B. Lalduhawma, Gynaecologist
    Ultra Sound : Dr LT Lawta



TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.39)
    Diesel : Free Sale (Rs. 54.88)


ni 7.4.2014 (nilaini)



DC HOVIN NEW SARON LEIMINNA HMUN TLAWH :

    Nimin chawhnu dar 1 khan District Disaster Management Authority (DDMA) chu an Chairman Champhai District Bawrhsap Sangdingliana, IAS hovin an thukhawm.
    He meeting hi I&PR Conference Hall, CHANEM Building ah neih niin, kumin February ni 10 a meeting in tih tura a lo ruahman te an thlirlet a, DC chuan an hmalaknaah lawmthu sawiin, theihtawp chhuah a khawtlang tana an lo thawhna chu dakawm a tihthu a sawi a. State Disaster Response Fund (SDRF) atanga an hmuh Rs. nuai 15 chu tangkai taka hman a beisei thu a sawi. DC chuan, tuna sum kan hmuh hian a daih dawn loh vanga engemawchen an thawhbelh a ngaih tur thu a sawi lang bawk a ni.
    He hunah hian Disitrict Disaster management Authority Chief Executive Officer Zoengsanga, Addl. DC chuan, hma an lo lak tawh dan report pe in Champhai a chhiatrupna thlen theihna hrang hrang leh mipui ten harsatna an tawh mek chungchanga hma an lak dan a sawi a. An hmalka dan tarlangin. Fire Awareness Campaign te tha taka an zawh tawh thu te, hei bakah hian Aircel Tower Champhai Vengsang a mi pawh tuna hian siam mek a nih thu leh Rs. nuai 2 leh sing 5 atanga nuai 3 bawr vel senga an siamthat tur thu sawiin, anhmalakna leh an hnathawh hrang hrangte chu fakawm a ti hthu a sawi a. An tanrualna leh an thawhhona ah lawmthu a sawi bawk a ni.
    He meetinah hian hian State Disaster Response Fund atanga Rs. nuai 15 an hmuh, hman dan tur uluk taka ngaihtuah a ni a, New Saron a lei thlahniam chungchangah an sum hmandan tur hetiang hian ruhmanna an siam:  Rs. nuai 15 atang hian Side Drain siam nan Rs. nuai 9.67 dah a ni a, tuna Concrete structure la thiah zawh loh thiah nan Rs. nuai 5  dah a ni bawk. Side Drain siam hn ahi Minor Irrigation leh Vengthlang VC ten an thawk dawn a. He side drain hi Metres 250 a sei tur niin Minor Irrigation ten Project Estimate an siam dan chuan Pu R. Lalrinchhana In zawn atanga chhuk thla in kawrpui zawnah a Paivat zawngin a kal ang a, he hna hi VC leh MI ten an thawk dawn a ni. Hei bakah hian Concrete Structure la awmte thiah nan Rs. nuai 5 dah chu Sub-Hqrs. YMA Champhai te kutah dah niin tul leh tha an tih anga hma la thei turin thuneihna pek an ni a, a rang lama hma la tura ngen an ni bawk.
    Nimin vek khan Champhai DC kaihhruaina in DDMA member te chuan Vengthlang lei tawlh chu a hmunah kalin hnathawh tawh dante an enfiah a. DDMA member te chuan Vengthlang lei tawlh leh leimin in a tihchhiatte bakah harsatna ala thlen theih hrang hrangte a hmunah kalin an enfiah a. Chhiatrupna pumpelh a nih theih dan turte a hmunah kala zirchiangin, hnathawktute hmachhawp hrang hrang an enfiah. BRTF hotute chuan hanthawh tura an ruahman hmun 3 a thena hmun 2 an zawh tawh thu an sawi a, tunah hian Rs. nuai 19 an hmanzawh tawh thu pawh an sawi a ni.
    BRTF Asst. OC chuan Silchar atangin leitawlh veng thei tur thing tha chi BESRAM kung 100 a chah tur thu a sawi a, Vengthlang VC te puihna in he thing hi phun tura ruahman a ni. Hei bakah hian Memberte chuan Champhai Diversion Road, TT Road pawh a hmunah kalin hmalak a nih dante an enfiah a. Champhai DC hi Champhai Joint VC President K. Lalmawia leh Sub-Hqrs. YMA Secretary F. Lalrinmuana ten an tawiawm bakah, PWD leh Minor Irrigation hotute pawhin an tawiawm bawk.



DAMDAWI CASE TAM BER :

    April thla chhung khan Champhai Police Station ah case 16 ziahluh niin heng zingah hian Damdawi Case a tam ber. APril thla chhung khan tualthat thubuai 1, mi in rawk thubuai 1, silai man case 1, ruk ruk thubuai 5, damdawi man 6, tang tlan chhuak 1 leh pawngsual thubuai 1 avaiin thubuai 16 ziahluh a ni.


SILVER JUBILEE LAWM :

    Nimin khan Venglai Branch MHIP chuan kum 25 an tlin lawmna Venglai Community Hall ah an hmang a, he hunah hian intihsiakna hrang hrang neiin an branch huam chhunga MHIP Member hmingthate chawimawina an hlan bawk a ni. Venglai Branch MHIP Silver Jubilee hi Sub-Hqrs. MHIP hruaituten an hmanpui a, tlaiah chawhlui an kilho nghal a ni.


AIR DY. DG LOKAL :

    Nimin tlai khan AIR Shillong Deputy Director General AN Sharma chuan Champhai rawn tlawhin Hmunhmeltha a AIR FM Station tur nimin tlai vek khan a tlawh nghal a, he tower metre 50 a sang bun dan tur a rawn buaipui hnuah vawiin hian Champhai a chhuahsan lehnghal ang.


RATE TI HNIAM :

    Champhai Auto Rickshaw Owners Association chuan Town Area an tlan theih chin Rate chu an Rs. 10 leh Rs. 30 inkarah an thla hniam. An fakawmin an entawn tlak hle a ni.


DOCTOR DUTY DAN TUR :

    Vawiin Champhai District Hospital a Doctor Duty dan tur : OPD ah : Dr. LT Lawta, Dr. J. Lalramchhuanga, Dr. Thangsailova Colney, Dr Zodinthar, Dr KT Lalrammawia leh Dr Liansangpuii
    OT ah : Dr Lalnuntluangi Khiangte, Dr F. Lalnundanga leh Dr B. Lalduhawma
    Endoscopy ah : Dr C. Vanlalhlua
    Laboratory : Dr Janet Zoremnghaki



TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.39)
    Diesel : Free Sale (Rs. 54.88) 


ni 6.5.2014 (thawhlehni)



MOTOR 92 ZIAKLUT :

    Thla kal ta April thla chhung khan Champhai District Transport Office ah Motor 92 ziahluh thar a ni. Heng zingah hian Two wheeler tam berin 52 register a ni a, bus 1, maxi cab 2, car 11, bolero 3, taxi 3, truck 18, tractor 1 leh trailer 1, a vaiin motor 92 register thar a ni a. hei bakah hian tax chi hrang hrang atangin cheng 888759 hmuh a ni bawk a, passenger phur chi motor atangin cheng 28600, bungraw phur chi atangin Cheng 113850 Road Tax atangin Cheng 575624 leh MV Fee atangi cheng 170685 hmuh a ni bawk.


AUDITORIUM SAKNA TUR :

    Champhai DC hmun hluia Auditorium sak tur chu Plan Document peih fel tawh a ni. Auditorium DPR hi siam that a nih hnuah Chief Minister  hnenah Champhai North Bialtu MLA Pu TT Zothansanga chuan thehluha hmalak a tum mek a, tun atanga rei loteah Auditorium DPR hi department engineer revise tir tum a ni bawk.


NLUP TRADE THLAN TUR :

    Tunkar Ningani (8.5.2014) chawhnu dar 1 hian Venglai Community Hall ah NLUP 3rd leh 4th Phase beneficiary te tan khaw pakhat tan trade pakhat (one village - one crop) chungchang ngaihtuah turin meeting pawimawh tak koh a ni a. NLUP Line Department Head of Office leh khaw tina VC aiawh mi pahnih theuh kal ngei tura hriattir in ni a. VC te hian an khaw tana Trade thlan turte lo ngaihtuah lawk tur a ni.


RAN DAMLO :

    April thla chhung khan Champhai Vety Hospital ah ran damlo engemawzat en a ni a, bawng damlo 79 chu damdawi pek a ni a, vawk damlo 176, ui dam lo 76 leh ar damlo 764 damdawi pek a ni bawk. Hei bakah hian ui a hri danna ui 32 pek niin vawk chhul lak 3, ui leh zawhte 1 ve ve chhul lak a ni bawk a, bawng pul hi danna HS&VG chu bawng 236 pek niin lawi 2 enkawl a ni bawk a, zawhte 4 damdawi pek a ni a, vawk til lak 6 leh ui til lak 1 a awm a, sazupui 10 enkawl a ni bawk. Hei bakah hian April thla chhung khan bawng 25 kah rai a ni bawk a, bawng kah rai zawng zawng zinga 7, apa 3 leh a nu 4 an piang a ni.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.39)
    Diesel : Free Sale (Rs. 54.88) 


ni 5.4.2014 (thawhtanni)



AG SUNDAY SCHOOL HALL KANG :

    Nimin zing dar 3 leh dar 4 inkar vel khan Champhai Bethel Venga Assemblies of God Kohhran Sunday School Hall chu bungraw engmah chuh hman lohin a kang ral. AG Kohhran SUnday School Hall  hi Biak In chowkidar awmna ni nghal leh a tul huna mikhual an riah tirna thin, Assam Type building a ni a. Kohhran hruaitute chuan Electric Current kal sual vanga kang nia an rin thu an sawi rualin a chhungah hian mei pawh an chhem thin nia thudawn a ni a. Champhai Fire and Emergency Service miten thlehin a bul lawka AG Kohhran Biak In leh thenawm In a kan kai hmain thelh a ni a. Nimin khan Bethel Veng tlawmngai pawlten kangmeiina tihchhiatte hi hnatlangin an senghawi nghal  a ni.


MUALZEN IN THIAT :

    Sub-Hqrs. YMA Kumpuan Sub Committee hmalaknain Inrinni zing khan Mualzen a In sak thar leh chu thiah leh a ni a, a chakte hi Kanan Vengah rawn phurh chhoh nghal vek a ni. Nikum lam khan Sub-Hqrs. YMA hmalakna hian In awmte thiah a lo ni tawh a. Hetianga YMA in hma a lakna chhan hi zu zawrhna hmunpuia hman a nih piah lamah khaw per indinna kawnga khawtlang buaina thleng thei thil a nih avangin hetiang hian hma an la a ni.


THISEN PE :

    Champhai Bethel Branch YMA chuan Inrinni khan Champhai District Hospital Blood Bank-a thisen dahkhawl sa a tam tawh loh avangin a mamawh apiang hman turin thisen Unit 31 an pe. Bethel Branch YMA te hian Bethel Presbyterian Kohhran Hall-ah thisen hi an pe a, thisen petute hi mipa 25 leh hmeichhia 6 niin, Champhai District Hospital Blood Bank a thawkte chuan an kal chilh a ni.


THLANGHLIANGA MEMORIAL ZO FEL :

    Tlangsam Lal Thanghlianga Sailo hriatreng nana a thlahte bakah Tlangsam SC ten an buatsaih Football leh Volleyball Tournament chu Inrinni khan Final khelha zawh fel a ni ta. Football0ah hian Vengsang chuan Friends United, Hnahlan chu 4-1 a hnehin an Champion a, Champion Team hian Rs. 30,000 dawngin Runners Up hian Rs. 10,000 an la bawk. Best Player ah Zaremsiama, Vengsang thlan a ni a, Top Scorer chu Lalchhanchhuaha, Zotlang GSA niin Zotlang GSA hian Fair Play Award an dawng bawka ni. Volleyball Final ah hian TNT chuan 3-1 a Maubawk hnehin an Champion a, Champion hian Rs. 20,000 lain Runners Up hian Rs. 10,000 an la bawk. Lawmnate hi kharna inkhawma khuallian Pu Lalrengpuia, Election Officer in a sem a ni.


DISASTER MANAGEMENT :

    Inrinni khan Sub-Hqrs. YMA hnuaia Disaster Management Committee chu Tlangrawt-a Sub-Hqrs. YMA Office ah an thukhawm. An chairman Pu F. Lalrinmuana kaihhruainaah hian Champhai District chhunga chhiatna lo thlen thulha eng hunah pawh memberte chu thahwphan awm lova tlan chhuak thei reng tura rilru pu turin an infuih a, an bungraw neih hrang hrang enfelin tun thla ni 10 (Inrinni) hian an hman dante zirhona neih nise an ti. Disaster Management Sub-Committee hian tunah hian hruisen, lehlawn, generator, water pump lian, helmet 30 vel an nei a, an hmanrua hi hei aia changtlung neih a nih theih nan OB ten chak takin hma lo la se an ti bawk.


TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.39)
    Diesel : Free Sale (Rs. 54.88)


champhai tualchhung chanchin 

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…