www.champhai.net

ni 16.4.2014 (nilaini)
VOTE THLAK DAN HRIATKIM TA :    Lok Sabha inthlan pui neih zawh taka Champhai District vote tlak dan a hriatkim ta a, Champhai District chhunga Voters 78,317 atangin mi 47,311 ten vote an thlak a, 25-East Tuipui Assembly constituency ah vote tla tha berin, vote awm zawng zawng atanga za a 62.38 a tla Puan tawh angin Lok Sabha inthlan neih zawh taka Champhai District a vote tlak dan percentage chu 60.41 % a ni a, 21-Lengteng A/c huamchhungah voters 16,317 awmin heng zinga mi 10,084 ten vote an thlak a, 22-Tuichang A/c huamchhungah voters 15,042 awmin mi 8,358 ten vote an thlak a, Champhai District chhunga vote tlak chhiatna ber a ni. 23-Champhai North A/c huamchhungah voters tam berin voters 17,115 atangin vote 10,652 a tla a, voters 15,787 awmna 24-Champhai South A/c ah mi 9,449 ten vote an thlak bawk a, 25-East Tuipui A/c ah vote tla tha berin voters 14,056 an awm a, mipa 7,044 atangin mi 4,507 ten vote an thlak a, hmeichhe voters 7,012 atangin mi 4,261 ten vote…

yma palai

Veng Sang

Shalom

Omega

Emmanuel

byma

Aletheia 13.4.2014

13.4.14

ni 11.4.2014 (zirtawpni)

MZP IN KUMTAWP THUTKHAWM NEI :    Nimin khan MZP Hqrs. Champhai kum tawp Committee leh Kum 2014 - 2015 chhunga hruaitu thar thlanna an nei. He hun hi I&PR Auditorium, CHANEM ah neih a ni a, Lalsiammawia Sailo, President chuan kaihhruaiin he meeting ah hian HSLC leh HSSLC Exam a passte chawimawi dan tur ngaihtuah a ni a. HSLC Distriction a pass te bakah HSSLC 1st Division a pass te chawimawina hlan nise an ti a, School 100% pass te hnenah chawimawina hlan nise an tih bakah topper an awm a nih chuan a hrana lawmpuina hlan nise an ti bawk. Tun tuma zirlai tithate chawimawina hunah hian Champhai Hqrs. huam chhunga zirna Ia pass te chauh chawimawi tur an ni ang a, Champhai mi leh sa, khaw hran atanga passte hnenah chawimawina hlan loh mai nise an ti bawk. Hei bakah hian meeting chuan Govt. Champhai College a zirtirtu indaih lohna chungchang pawh relin kan mamawh dante sawrkarah thlen nise an ti a, hei bakah hian College zirtirtu class la tha peih lote chu a hran…

ni 10.4.2014 (ningani)

ROBERT-A CHAMPHAIAH :    Nimin zing khan MP Inthlan lo awm tura Independent candidate Pu Robert Romawia Royte chuan Public meeting nei in, MP Danglam nih a tum thu a sawi.
    Nimin zing dar 7;00 khan Pu Robert Romawia Ralte Independent candidate chuan DK Traffic point bulah public meeting a nei a. He hun hi Pu HS. Lalfakzuala UDF Campaign Committee Chairman chuan a kaihruai a, Pu C. Lalremliana ZNP MLA Candidate chuan hunserh a hmang.
    He hunah hian Pu Robert Romawia Royte chuan thusawiin “ Tun kan sawrkar hnuaiah hian corruption a nasa em em a, corruption-ah India ram mai ni lo world record kan siam a ni a ti a, Central-ah sum tam tak ba sa in kum thar kan kai leh dawn chu a ni a, a manganthlak viau a ni, chu mi lak ata chhan chhuak tur chuan Central sawrkar hi ka be eih thei ang tih hi ring ngam rawh u” a ti a, Congress hruaitu te pawhin Central-ah pawh Congress an sawrkar an rin bik lo thu sawiin, Congress hruaitu te thleng thleng pawha min vote tum an awm…

ni 9.4.2014 (nilaini)

LAWMTHU SAWI :    Darkar 72 chhung awh tur Mizoram pum huap Total Bandh chu nimin chawhnu dar 1:30 khan tihtawp a ni Tripura Transit Camp a Tuikuk ten vote an thlak duh loh zia lantir nan leh vote hi chhiar a nih loh nana darkar 72 chhung awh tur,Mizoram puma Total Bandh neih chu nimin chawhnu dar 1:30 khan tihtawp a ni. Central YMA Gen. Secy. in Election Commission Of India a NGO aiawha lehkha a thehluh chu chhan niin, hun lokal zel turah Tripura Transit camp a Bru awm ten Mizoram chhung ngeia vote an thlak theihna tura hmalak an tum thu dawn a ni. NGO duhdan Mizoram Sorkar ah thlen a ni a, Tripura Transit camp a Bru awmte hi tun inthlan vote chhiar zawh anih atanga thla thum chhunga sengluh tura ruahman niin, heta lo lut duhlo te chu Roll atanga hming paih turin sorkar leh NGO te chuan thu an titlu a, hetiang anih avang hian Total Bandh neih chu tihtawp a ni ta a ni.
    Sub-Hqrs. YMA Champhai chuan mipuiten an thlawp avang leh MUP, MHIP, MZP leh MSU te nena thei…

ni 8.4.2014 (thawhlehni)

YMA SUB-HQRS. CHAMPHAI HRUAITU TEN CHARGE INHLAN :    Nimin khan Kum 2013-2014 leh Kum 2014 - 2015 chhunga Sub-Headquarters YMA Champhai hruaitute chuan Sub-Headquarters YMA Conference Hall Tlangrawtah charge an inhlan fel ta.
    He hun PC Zohlira, President kalchhuak turin a kaihhruaiah hian hruaitu thlan tharte leh hruaitu chawlta te hnenah thusawiin PC Zohlira chuan Total Bandh neih avanga hun chep tak kara charge inhlan a ngai chu pawi a tih thu a sawi a. Hun rei tak chhung alo chen tawhna YMA hruaitu nihna chawlhdan a ngai ta chu lunglenthlak a tih thu sawiin, hruaitu thar tha tak tak hnungzui tur erawh chu an awm zel tur thu a sawi a.
    Hruaitu thlan tharte hnenah thuchah sawiin PC Zohlira chuan Zam hauh lova, Sub-Hqrs. YMA kaihruaina hna thawk turin duhsakna a hlan a. Pathian rawn chung zela YMA kaihruai a, hma lam pana kal zel turin a chah a, thawhhona tha tak an neih theih nan duhsakna a hlan bawk. YMA hruaitute hi miin an en sang a, khawi hmunah pawh…

ni 5.4.2014 (Inrinni)

FINAL  BRIEFING NEI :    Vawiin khan Champhai Town Hall ah Lok Sabha inthlan lo awm tura duty tur,Polling Parties te tan Final Briefing neih a ni
    He hunah hian SDO (Sadar) Pu Benjamin Lalzama chuan thusawiin, election a duty turte chuan zamlo leh hlauthawngloa an hna thawk theuh turin a chah a, vawi khat duty na turte pawhin an thiante zawt hrehlo tura chahin, fimkhur taka thawk turin a chah bawk a, vote thlak reng rengte chu hming sign tir zel tura chahin, Mizoram, Lehkhathiam rama kut zungpui nem kan tam ta lutuk chu zahthlak a tih thu a sawi.
    Pu Zoengsanga Addl. DC pawhin thu sawiin, Tender vote a awmlohna turin an hna uluk tak leh fimkhur taka thawk turin a chah a, ruihtheihthil ti mi an awm a nih pawhin, inthlan chhung na na na chuan engmah an intihbuai tir tur a nilo a ti. Addl. DC chuan, inthlan hi DC leh Election ta bik anih loh thu a sawi a, mi zawng zawng ta leh an mawhphurhna anih thu sawiin, an tihsual palh avanga an nupui fanau ten an tawrh lo…

6.4.14

Aletheia

byma

Emmanuel

Omega

Philadelphia

Shalom

Veng Sang

yma pala

ni 3.4.2014 (ningani)

SYS FOOTBALL TEAM TUR TRIAL :    Nimin chawhnu dar 1 khan Mizoram District dangte tih veloh SYS Football Team a tel turte tan Selection Trial New Champhai Field ah neih a ni
    He hunah hian thusawiin Pu C. Lalremsanga DSYO chuan, Champhai ah hian infiammi tam tak an lo chhuak tawh thin a, naupang, talent nei tha leh thiam tak takte pawhin zirna mumal an neihloh avanga an zuihral leh mai thin chu ngaithiamlovin, hetiang football Coaching hi kalpui tura rel a nih thu a sawi a, Regular taka zir chhoh a, anmahni a theihna leh thiamna awmte haichhuah chu an tum ber a nih thu sawiin, Champhai District mai nilo, India ram tana an thiamnate phochhuah anih theihna tura training pek leh an theihna phochhuahsak chu an tum a nih thu a sawi. DSYO chuan, thuawihna leh inpekna a pawimawh thu sawiin, thuawihna leh inpekna tello chuan tuna an team din tur hi a hlawhchham tur thu sawiin, DSYO chuan Coach te ang tluka pawimawh chu nangmahni in ni tih tarlang bawkin, theihtawp chhu…

ni 2.4.2014 (nilaini)

SUB-HQRS. YMA CHAMPHAI INKHAWMPUI :    Vawiin atanga Zirtawpni thleng awh tur hian Sub-Hqrs YMA Champhai chuan Khawhaiah conference an nei dawn.
    Kumin Sub-Hqrs YMA Conference-ah hian agenda Hnam lam leh zai lama hma kan sawn theihna turin Sub-Hqrs YMA in hnam lam leh zai intihsiakna buatsaih rawh se tih te, Foreigner ten in hmun lo ram an neih theih lohna dan hi a nihna ang taka ken kawh a nih theih nan Sub-Hqrs YMA in hma la rawh se tih te, Conference neih a, inkhawm chhunga chhimtu sahawk lutuk thin hi a reh theih nan Branch tinah inzirtir ni rawh se tih te, Champhai Sub-Hqrs YMA huam chhunga Mizo nunze mawi chhawm nung zel tura hmalak ni rawh se tih te, YMA hla bu a hla tha tak takte tuai thar leh nan Champhai Sub-Hqrs huapin Branch YMA zaipawl intihsiakna buatsaih ni rawh se tih te, Sub-Hqrs YMA huam chhunga luidung leh nungchate humhalh chungchangah chak zawkin Sub-Hqrs YMA in hma la chhunzawm zel rawh se tih te, Dan bawhchhetu man an nih a, sorkar tana t…

ni 1.4.2014 (thawhlehni)

EVM LEH VVPAT AWMNA HMUN TUR RUAHMAN FEL :    Lok Sabha inthlanpui neih tura Champhai District chhung bik a hman tur EVM leh VVPAT te awmna hmun turchu nimin chhun dar 11: 00 Am khan Champhai DC Office NIC Room-ah Political party hrang hrang aiawhte awmlaiin ruahman fel (randomise)a ni a, nimin vek khan Political partyte awmlai hian EVM leh VVPAT te hi hman tlak an ni ngei em tih enfiahna (commission) pawh DC Conference Hall- ah leh General Room-ah uluk taka neih zui nghal a ni bawk.
    Champhai District chhunga Polling Station 133 awm mek zingah Voters Verifiable Paper Audit Trial (VVPAT) leh EVM commission-ah hian political party hrang hrang ten Mock poll felfai taka neiin, EVM khawl siamtu Bharat Electronic Limited (BEL) technicial 2 te bakah District Election Officer Pu R. Vanrengpuia leh AERO ten an vil a. Heng EVM leh VVPAT enfiah takte hi Strong room-ah kalh hnan nghal a niin, uluk tak ven zui nghal a ni a. Polling party tinten Polling Station an pan hu…