Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 19.10.2016 (nilaini)


BEDC BAG 28 MAN :
Champhai Police te chuan nimin khan BEDC thahnem tak an man. Champhai Police te hian Champhai khawpui chhungah patrolling neiin Champhai Electric Vengah Motor Pickup MZ 04- 9666 atangin BEDC Bag 28 leh Burman Beer Dagon Case 10 an man a,
a neitu a puh Hmingthanzami w/o Zodinmawia, Champhai Electric Veng nia insawi leh Motor khalhtu Lalremruata s/o  Zohnuna Champhai Electric Venga khawsa nia insawi pawh man nghal a ni. Champhai Polcie te thil man hlut zawng hi Cheng Nuai 2 Sing 2 Sang 5 man hu vel a ni a, MLPC Act thnuaiah thubuai ziah luh nghal a ni.

YMA SUB-HQRS. CHAMPHAI IN NASA ZAWKA NUNGCHA HUMHAL TURIN HMA LA :
Nimin chawhnu khan Champhai PHE Watsan Division Executive Engineer Office-ah Ramngaw leh nungchate humhalhna kawngah chak zawk a hmalak dan tur chungchang relin YMA Sub-Hqrs. Champhai, Science & Emvironment Sub-Committee an thukhawm.
He thutkhawmah hian ramngaw humhalhna kawnga hmalak mek dan thlir a nih rualin kawngpui kama thingphunte a puitlin ngei thiehna tura uluk zawk a enkawl dan tur ngaihtuah a nih bakah lui a nungachate enkawl chungchanga YMA Sub-Hqrs. Champhai huamchhunga Branch hrang hrangten sangha fuan mek tih chingpen a nih lohna tur ariahchilha an veng chu fakawm an tih thu tarlan a ni.
Lui a nungachate leh khawmual ramsate humhalh a nih zel theih nan he Committee hminga thuchhuah siam tha tih a niin, Champhai District chhunga mi tumahin Nungchate tih hlumna hmanrua hmang lo tur leh a humhimtu ni zawk turin mitin an ngen a. He ngenna pawisa lova eng hmanrua pawh hmanga nungchate man leh thattu hriat a nih chuan Wildlife Protection Act, 1972 tlawh chhan a man an nih tur thu thuchhuahah chuan tarlan ani.
Champhai District chhung lui hrang hranga Sangha fuan mekte humhim tura YMA Branch hrang hrang Duty ten he thuchhuah pawisa lotu an man a nih chuan an chungah engpawh theng se an sawisel theih loh tur thu thuchhuahah chuan tarlan tum a ni a. Ramngaw leh nungchate humhimna kawngah zau zawka hmalak a nih theih nan zirna intina naupangte hnenah a tam thei ang ber zirtirna pek nise, tiin Committee chuan a rel a ni.
Champhai PHE Watsan Division SE, Er. Lalrammawia chuan Champhai District chhung khawtin tuilakna lui te a thianghlim theihna tur leh nungchate an him zawk nan hmanrua hmanga nungchate man lo turin hriattirna a chhuah bawk.

MISUAL IN IN RAWK :
Mualkawi khua Biakropuia in chu a zin hlanin misual tu tih hriat loh ten an rawk a, settop Box, Woofer leh lehkha pawimawh tam tak an ruk chhuah bakah pawisa fai Rs 1000 an ru chhuak a. Misual hian tukverh darthlalang kilhna perek phawiin darthlalang an thlawn atangin tukverh kalhna an hawng a, in chhungah hian an lut nia hrait a ni. Biakropuia hi amah chauha awm niin October ni 3 khan a zin chhuak a, a zin hlan hian a in hi rawk niin vawiin khan a zin hi rawn hawng in a in hi rawk ani tih a hre chauhva, Champhai Polcie station-ah FIR thehlutin Champhai Police ten In rawk tu hi an chhui zui mek a ni.

BUH SENG MEK :
Champhai zawla Leilet neitute chuan tunlai hian buh an seng tan a, Loneitu tam zawk te'n buh an la zai loh laiin Loneitu thenkhat buh hmin hma zual te chuan buh sengin an pawl tla fel der tawh hlawm a. Buh seng runpui tak tak erawh hi chu kum dang angin November thla tir ber vel a nih rin ani. Tarlan tawh thin angin kumin hian ruahtui a tlak that avangin buh hi nikum aiin a thar hlawk loneitute chuan an beisei hlawm a, Nikum lam khan ruahtui atlak chhiat a vangin buh chi kui hun pangngaiah buh chi an kui theih loh avang leh ruahtui a tlak mumal loh avangin buh thar a hlawk lo hle a, kuminaah erawh a hun pangngaiah buh chi kui theiin buh kung te pawh nikum lam aiin a tha zawk bawk an i.

CDFA IN MPL THLIR LET :
Nimin Champhai District Football Association chuan meeting an nei.
He meeting Pu C Hualrikhuma CDFA President kaihhruaiah hian CDFA in Mizorama Football inelna sang ber MPL  Round khat a thleng chungchang thlir letin mipuil leh department hrang hrang te tanpuina leh tawiawmna avanga mawi taka thleng theih an nih thu tarlan niin an chungah lawmthu an sawi a. MPL Champhaia nghat tu Mizoram Football Association hnenah lawmthusawina thawin MPL 2007 ah Round hnih champhaia nghat leh turin dilna an thleng leh nghal a ni. CDFA chuan November ni 10, 2016 a Meghalaya Invitation Footgball Tournament, Shillong-a neih turah Mizoram aiawhin Champhai United FC an tir dawn bawk.
CDFA te chuan CDFA Asst Secretary tv Jonathan Lalngaihawma Zotlang te In kang tanpuina atan Rs 5000 an hlan bawk.

GM  HSS PAKHATNA :
Mizoram Secondary School Games ruala neih mek State Level Kala Utsav-ah Champhai Distric aiawh a kal GM Higher Secondary school te chu Folk Dance ah pakhatna an ni a, an ni hian Mizoram ai an awh leh dawn ani.
Heng bakah hian Champhai District aiawha kal te hian Athletics ah Gold 3 an la tawh bawk a . Football (boys)  ah vawiin khan Lawngtlai 7-0 in an hneh a,  naktukah Semifinal ah Mamit nen an khel leh ang a, Volleyball (Boys) ah vawiin ah Lunglei hnehin,  naktukah Serchhip nen Semifinal an khel ang

EXCISE REPORT :
September thla chhug khan Champhai Excise & Narcotics Dept te chuan Rakzu litre 107.150, zu bilh lai tin 200 leh zu bilhna dawidim kg 148 an man a. MLPC Act hnuaiah hian thubuai 21 ziak lutin mi 12 an man a. NDPS Act hnuaiah thubuai 7 ziak lutin mi 7 an man a. Heroin Gram 38.200 an man bawk.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 62.26/litre)
Diesel    : Tanky Full (Rs. 52.88/litre) 

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…