Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 21.10.2016 (zirtawpni)


MBP KHEL TUR CHAMPHAI SMASHERS :
Champhai atanga Mizoram Badminton League khel tur Champhai Smashers chungchang sawi fiahin nimin khan Press Conference neih a ni.

Champhai District Badminton Assn. buatsaih he Press Conference hi Govt. Champhai College Seminar Hall ah neih a ni a,  CDBA hruaitute chua MBL a Champhai Team tel tur chungchang hi Champhai a thuthar thehdarhtute an hrilh a. Mizoram Badminton League hi thla thar, November ni 1 atangin khelh tan tur a ni a, Team 5 telin Champhai Smashers chu Aizawl pawn lama team tel awmchhun an nih thu an tarlang a. MBL khel tur hian CDBA hian pawisa a neih loh karah mi tlawmngaite sum theh chhuah leh sponsor atangin an sum mamawh tur ang chu an phuhruk theih an beisei a, tunah hian an player leina sum erawh an la hmuh chhuah loh thu an tarlang a ni.
Lalnunmawia, CDBA President kaihhruai nimin Press Conference ah hian MBL khel turin Association hminga tel theih a nih loh avanga Champhai Smashers hminga an tel thu te, Player lei danah MBL player in register zinga mi 4 lei ngei ngei a ngai a, Player te hi lilama chhan vek niin, Mizoram Player te chu Rs. 35,000 a inkhung len tur  a nih avangin Champhai Star Player thenkhat te chu an lei theih tak loh thu te sawii, India Badmintor number 6 ni lai Siddhrath Manoash Thakur chu Rs. 80,000 in an lei thu te an tarlang tel bawk.
Mizoram badminton Leaguw ah hian men singles pahnih, mens doubles leh 35 plus doubles bakah mixed doubles a inelna neih tur a ni a. League system a intum kualin Point hmu sang 4 te chuan Semi Final an lut ang a, Semi Final atanga a sang pahnihin Final an khel leh ang. He League a Champhaion hian Rs. nuai 2 an dawng ang a, Runners Up in Rs. nuai 1, Semi Finalist in Rs. sing 3 ve ve an dawng dawn bawk a ni.
CDBA hruaitute chuan MBL vawihnihnaah hian Champhai Smashers chu Champion theih an inbeisei thu sawiin, chutih rual chuan inkhelh dan tura Player rem dan uluk chuan an chak leh chak loh a hrilh thui tur te a tarlang tel bawk a. MBL khel tur hian Rs. nuai 3 vel sen ngai turah an ngai tih sawiin, tun dinhmunah CHamphai tana mi thahnemngaite hnenah tanpuina an dil kual mek tih an sawi a. Mi thahnemngaite tan tanpui theih reng an nih thu leh Sponsor lam pawh a tih theih tih an tarlang bawk.
Zanin dar 8 hian Chawngthu Hotel (Main Sponsor) ah inremna thuthlung ziah a ni ang a, MBL Team te neih ngei tur ‘Theme Song’ phochhuah a ni ang a, team Jersey thlangzarh nghal a ni ang. he Programme hi CCN chaun LIVE telecast in an pechhuak ang.
Champhai Smashers Team tur te :
Coach : K. Lalchhuanawma & ROsangliana
Manager : Lalthekchuailova
Physio : Zothanmawia
Players : C. Hualdingpuia
Jerry Zodinthara
C. Zothansanga
Ngurhmingliana
Lalsupuithanga
Lalmuanawma
K. Zodinmawia
Lalthlamuana
Ponty Lalramtluangi
Malsawmsanga
Shiddharth Manoash Thakur

RANGKACHAK MAN CUSTOM KUTAH HLAN :
Champhai Polie te chuan Rs. vbc 8 chuang man hu Rangkachak tawlhruk tum an man chu nimin khan Custom  Preventive Force kutah an hlan fel.
Ni 13.10.2016 (Ningani) a Khankawn Check Gate a Champhai Police ten Rangkachak tawlhruk tum tlang (gold biscuit) 150 an man kg 24 chuanga rit, Local Market a Rs. 8,68,52,500 man hu vel leh a phurhna lirthei khalhtu chu nimin khan Custom Precentive Forece, Champhai District hnenah an hlan fel ta. heng rangkachak leh a neitu a puhte inhlanna hun hi Addl. SP VL Lura Hauzel kaihhruaiin Champhai Police Station ah buatsaih a ni a. Champhai POlice Station a Case IO SI Jerry LD Poonte chuan Custom Preventive Force, Champhai Inspector KK Swargiary hnenah a hlan a. Custom lam hi LN Khama, Superintendent, Custom Preventive Force, CHamphai hovin a hote eng emaw zatin an rawn tawiawm a ni.
Custom Superintendent sawi dan chuan Case No. 11/CL/IMP/CUS/CPF-CPI/16/17Date20/10/2016 hnuaiah thubuai an ziaklut ang a. Aizawl lamah he thubuai hi ngaihtuah tura thawn thlak a ni ang. Thu dawn danin hetiang thubuaiah hian thiamloh chantir an awm chuan, an rangkachak man chu Sawrkara chhunluh a ni ang a, thubuai neitu chu man niin, an rangkachak tawlhruk an man sak a zirin, a hlutna atanga teha eng emaw zat chu pawisa chawitir tel an ni bawk thin.

NU LEH NAU HRISELNA ZIRTIRNA PE :
Nimin khan Zoram entu Pawl buatsaihin Paris Hall Bethel-ah VHSNC, ASHA leh CBO Leaders te tan  Mother and Child Health & HIV/AIDS chungchangah Awareness Programme neih a ni.
Chawhma lamah Nu leh naupang hriselna chungchangah in zirtirna neih niin He hun hi Dr. Lallianmawia chuan resource person niin a hmanpui a, thusawiin Nu chu naute enkawltu leh an nun kaihruaitu ber an ni a, Nau pai atanga thla thum chhungin Sub Centre ah in report-in nau pai chhungin vawi 3 aia tlem loa in chekup tur a ni a, nau nei tanpuina a dawn theih dawn bakah Nu in nau apai atanga a neih hun thlenga awm dan tur leh tih tur leh tih loh tur te hriattir thin an ni a, chu chuan nu in nau hrisel a pai theihna kawngah nasa takin kawngro a su a, Nu ten kan ngaih pawimawh em em a ngai a ni a ti a. 
Naupai laia Ruihhlo leh Zuk leh hmuam tih hian naute hriselna nasa takin a khawi pawi thei a ni tih kan hriat a, nu tan mai ni lo naupai lai hriselna atan kan insum angai a. Nu leh naute hriselna atan chaw tha ei kan ngai pawimawh tur a ni a ti a. Nu in nau apai laia enkawlna tha tak a dawn chuan nuapangin a thanlenna kawngah natna a do chak bakah rilru chak lo leh hriatrengna tha lo lakah a veng thei a ani ati bawk.
Chawhnu lamah HIV/AIDS chungchang inzirtirna neih ani bawk a, he huanh hian Zoram chhantu pawli hian Kohhran bil a nei lova, Mizoram tana thawk anih thu tarlan ani bawk.

2017 YMA GENERAL CONFERENCE CHAMPHAI ZOTLANG-AH :
Nimina YMA Rorel Inkhawmpui Aizawl Salem Mualpui Venga neihah YM Ahmun lo ram ah te chhiah awl a nih theih nan Central YMA inkawng zawng rawh se tih chu hnawl rih a ni a, rorel tura an chhawp chhuah dang zawng erawh an pawm.
Kumpuan atan ‘Ram leh hna humhalh’ thlan nawn a ni a, nakkum General Conference chu Champhai Zotlang East Branch YMA in an thleng ang a, kum 2016-177 budget atan Rs. 1,00,90,000 bithliah a ni. YMA Rorel inkhawmah hian palai 1,416 an tel a, nizan khan a tial ta a ni. 

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 62.26/litre)
Diesel    : Tanky Full (Rs. 52.88/litre) 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …