Skip to main content

Champhai - Tualchhung Chanchinthar ni 24.5.2018 (ningani)

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten…

ni 24.10.2016 (thawhtanni)


SAWHTHING QUINTAL NUAI 2 CHUANG THAR BEISEI :
Mizoram Cooperative Apex Bank (MCAB) Share Holder Firm 19 zinga Firm 10 ten Champhai District chhunga khaw hrang hranga Sawhting chingtute an kawm kualnaah kumin hian Champhai District chhungah sawhthing quintal nuai 2 chuang thar beisei a nih thu hriat a ni.

MCAB-in thlai thar hralhna kawnga hma la tura a din Mizoram marketing Solution (MAMSOL) chuan State chhunga loneituten an thlai thar, a bikin Sawhthing leh Aieng man man zawka an hrlah theih nan hma a la mek a. MAMSOL hmalakna tichak tur hian MCAB chuan an hnuaiah Share Holder 19 thlang chhuakin anni hian khaw hrang hrang dang kualin Loneitute an kawm a, heta an hmuh dan chuan kumin hian Sawhthing thahnem tak thar beisei a ni a, a khaw mala Sawhthing Quintal sing chuang thar inbeisei pawh an awm nual a ni.
MCAB hian MAMSOL hmang hian Loneitute thlai thar phai lama hralh dan tur pawh a dap mek a, loneitute thlai thar zat tur a tlangpuia lo hre lawk turin Share Holder Firm hrang hrangte hi a tir kual mek a, kuthnathawktute thlai, man man zawka lei tur leh sawhthing man pawh mumal zawka bithliah tumin hma a la chho mek zel a ni.

ZOKHAWTHAR KALTLANGIN KUHVA LALUT TAM :
Indo-Myanmar Border Trade Point Zokhawthar kaltlangin kumin APril atanga September chhun gkhan dan ang thlapa Kuhva ro lakluh chu matric ton 1500 a tling a, Land Customs in Sawrkar Revenue a a chhunluh tawh zat chu Rs. vbc 1 leh nuai 9 a ni.
Indo-Myanmar Border Trade Point Zokhawthar a Land Customs Station hi Central Land Customs Superintendent in a thut bakah Champhai ah Customs Preventive Force Superintendent in a thut bawk a. Nikum (Sawrkar kum kalta) 2015-2016 chhung khan he Border Trade Point ah hian Kuhva ro matric ton 1132.50 lakluh atanga chhiah hmuh zat chu Rs. vbc 1 nuai 56 leh 63,266 a ni a, ramchhung atanga bungraw thawn chhuah atangin Revenue hmuh a awm lo thung. Indo-Myanmar Border Trade Point Zokhawthar hi nikum December thla atang khan insumdawn tawnna pangngai Normal Trade anga kalpui tan ani tawh a ni.

CHESS CHAMPION :
Mizoram pum huapa Chess inelna ngaih ropui 4th FB Murray Memorial Chess Championship, 2016 Lungleia neih zawh takah Champhai District Chess Association (CDCA) aiawha fehchhuah, CDCA President ni bawk Lallianmanga chu a Champion a, Davis Zoremsiama, CDCA Fin. Secretary pawh 9-na a ni.

NLUP ENFIAH ANG :
I&PR Jt. Sirector leh NLUP Media Chief Officer David L. Thangliana chuan Champhai leh a chhehvela NLUP hmalakna hrang hrangte rawn enfiah leh hlawhtling zualte rawn tlawh turin vawiin hian Champhai a rawn pan dawn tih thu dawn a ni.

THISEN PE :
Wesleyan Youth Fellowship, Champhai chuan Inrinni khan Champhai District Hospital ah thisen Unit 12 an pe a, thisen pe tute hi mipa 10 leh hmeichhia 2 an ni.

KHAWMPUI TIAK :
Mizoram UPC Kohhran Hmeichhe Inkhawmpui lian LAD General Conference Vawi 22-na, Zote a neih mek chu nizan khan an tiak fel ta. Inkhawmpui ah hian Agenda 33 ngaihtuah a ni a, heng zingah hian kum 2017 General Conference chu Bilkhawthlir Bialah nghah tura rel niin, kum 2018 Conference na hmun tur pawh mamit Biala nghah tura tih a ni bawk.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 62.26/litre)
Diesel    : Free Sale (Rs. 52.88/litre)

FIRE  OFFICE : 
(03831)234106

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …