Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 10.11.2016 (ningani)


CHAMPHAI-A HOME TANPUINA TUR PAWM :
Nimin chawhnu khan Champhai DC Conf. Hall ah Deendayal Antyodaya Yojana (DAY) National Urban Livelihood Mission chungchangah District Level Executive Committee Under DAY-NULM thutkhawm a niin, he hun hi DC Vanlalngaihsaka`n a kaihruai.
Sawrkar laipui flagship programme DAY hnuaiah hmalakna hrang hrang Champhai District a kalpui mek a nih dan thlirho a ni a. He thutkhawmah hian 2016-2017 chhunga NULM hmalakna pen gpakhat khawpui a cheng lunghahna neilote chenna pek Shelter for Urban Homeless (SUH) tana hmalaknaah Champhai khawpui chhunga Home 3 : Emmanuel After Care, Metakhen leh Genesaret Gospel Home te tana ruahmanna siam tawh chu thlirletin sawiho a ni. He sawihonaah hian 2015 a din Emmanuel After Care chu zu leh ruihhlo ngaite tana din a nih thu leh 2015-16 chhungin
puanthhuah leh tuilumna pek tawh a nih dan leh Choka sakna tur leh tuizem ruahman sak tura rawtna siam a nih thu tarlan a ni a. De-addiction Center Metakhen tan hian an hmun hma hungna ruahman sak anih thu leh enkawltu neilo leh chawmtu neilote tana din Genesaret Gospel Home tan Bungraw dahna In sak leh an School building sak thatna, School tur aruahmanna siam te chu ngun taka thlirho a nih hnuin tihpuitlin sak turin a pawm a. He rawtna siamte hnathawhna tur hian Mission Directorate ah thlen a ni ang.

THLAH LIAM ANG :
4th RSC Karate Cup, Karate & Kabudo Championship, 2016 chu Regional Sports Centre (RSC) Kadavanthra, Cochi, Kerela ah 19th - 20th November 2016 chhung khian The International Okinawan Shorin Ryu Seibukan Karate Do of India buatsaiha neih a ni dawn a. he inelna neih turah hian AMKA Champhai District chuan Mizoram aiawhin karate zirlai 8 (pariat) leh an coach pakhat a tir dawn a, tukin zing dar 8 hian AMKA Champhai District hruaitute chuan DK Traffic Point kiangah anmahni thlahna hun an hmang.

PAWM TURIN NGEN :
Nimin DC Vanlalngaihsaka, IAS hova Champhaia meeting chuan Rs. 500 leh Rs. 1000 note tihtawp turah mipui te chiai lo tur leh sum dawngtuten heng Rs. 500 leh Rs. 1000 note te hi pawm a, lo dawng chhunzawm zel se tha an ti a.
Rs. 500 leh Rs. 1000 note te hi December 30 2016 thleng Bank ah thleng theih a nih dawn avangin mi tupawh heng note kawlte chuan hang chhunzawm tur leh a duh tan bank a dahlut zel turin a ngen bawk a. Champhai District chhung bank leh Post Office te vawiina mipui dawrtu an thahnem deuh a nih pawhin a tul ang zelin District thuneituten venhimna an pek tur thu he hunah hian tarlan a ni bawk.

MLA IN HAWNG DAWN :
Naktukah zing dar 8 hian New Champhai a Champhai WATSAN Circle SE, PHED Office building thar chu JH Rothuama, MLA & NIB Chairman chuan a hawng dawn a. Chhun dar 12:30 ah Kelkang Community Hall ah Kelkang tuilak, ni zung chakna hmanga tuilak chu a hawng bawk ang. he hun hi PHED Minister Zodintluanga chuan a rawn hmanpui dawn bawk. Hemi avang hian naktukah PHED Office te dawr theih ani dawn lo a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 63.34/litre)
Diesel    : Free Sale (Rs. 53.86/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…