Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 11.11.2016 (zirtawpni)


CHAMPHAI-AH OBSERVER HOVIN MEETING NEI:

    Election Commison of India ruahman angin Champhai District Eletoral Roll Observer atan a ruat Lalhmingthanga, IAS, Agriculture & Rural Development Department chuan nimin chawhm khan Champhai DC Conference hall-ah Political Party te, NGO te leh Media mite meeting a neihpui.
    Thusawiin lalhmingthanga chuan inthlanna thianghlim leh felfai nei tur chuan Electoral Roll felfai neih hmasak a ngai a, hemi atan hian Special Summary  Revision chu uluk leh dik taka kalpui a tul hle a ni, a ti a. hemi tur hian Political Party te pawhin Booth Level a endikna kan ngaih pawimawh thar a tul a ni, a ti. Electoral Roll a ithun thar leh paih ngaite siamthat kawnga hmalak dan turah

Election Commission of India in inkaihhruaina dan a siam atanga ngaihtuahin Champhai District chuan hma a la tha nia a hriat thu a sawi a. Champhai chu Myanmar nena inrina a nih angin hnam dang mi, electoral roll a inthun luh tum an thathnem a nih pawhin roll a thun tur chungchangah Election Commission of India in dan a siam chu zawm ngei tur a ni tih a tarlang tel bawk.
    He hunah hian Champhai District Assembly Constituency hrang hrang ERO leh AERO ten an Bial chhung E.Roll Hearing chungchang te an sawifiah a. Summary Revision hi neih zawh a ni a. Champhai District ah hian Form 6 dilna chu 3626 a lut a, Form 7-ah dilna 970 lutin form 8 ah dilna 837 alut a, form 8A ah dilna 228 a luh thu te tarlan a ni. Kumin September thla a Draft Roll tihchhuaha a lan danin Champhai ah hian Polling Station 135 a awm a, voter 80,863 awmin heng zinga 40,226 chu mipa an ni a, 40,637 chu hmeichhia an ni.
    He hun kaihhruaitu Champhai DC Vanlalngaihsaka chuan Electoral Roll a inthunluh leh inpaih kawngah kan thangharh mek a, mitthi tawh paih duh lohna a bo a, Politics avanga ram dang mi inthun luh kan tumna pawh a reh tawh a. hetianga kan kal zel chuan Electoral Roll hi felfai leh thianghlim takin kan nei thei zel ang tih a beiseiawm hle a ni, a ti a. Ramdang mi thun chungchangah Myanmar a chengte chu unaute kan chi leh kuang pawh ni m ahse ramri in min dang a, rorelna hrana kan awm avangin keini lamah chuan dan kan zawm a ngai a. Danin min phut angin Electoral Roll h ikalpui a ngai a ni, a ti bawk.
    He hunah hian Political Party leh tlawmngai pawl hruaitute chuan Summary Revision a harsatna awm leh an duh khawp lohna laite an sawilang bawk.

CHAMPHAI-AH LIRTHEI PUNG :
    October thla chhung khan DTO Champhai Office ah lirthei 106 ziahluh thar a ni.
    Lirthei ziahluh zingah hian Two Wheeler a tam ber a, 39 ziahluh niin Auto Rickshaw 22, Bus 1, Maxi Cab 5, car 16, Jeep lam chi 1, Taxi 3, Truck leh Lorry 17 leh KCB 1 te ziahluh thar a ni. DTO Office hian thla hmasa khan chhiah chi hrang hrang atangin Rs. nuai 16,86,328 an lalut a, hengte hi passenger phut lirthei atangin Rs. 92,513; bungraw phur lirthei atangin Rs. 1,73,866; Road Tax atangin Rs. 9,89,739 leh MV Fee atangin Rs. 4,30,210 a ni a. Lirthei number an pek chhuah hnuhnung ber chu MZ04 9892 a ni.

VAWIIN AH FINAL :
    Inter District Women Football Tournament RG Stadium, Mualpui a khelh mekah nimin khan Champhai District leh Aizawl District te chu Goal khat ve ve khungin an inhnehtawk a, Goal Difference ah Champhai an that zawk avangin Final an lut a, vawiin chhun dar 1:30 hian Serchhip District nen Final an khel ang.

BUH SENG RUNPUI :
    Champhai leilet zawla loneitute chuan bunseng runpui an hmang chho mek.
    Buhseng hi thla hmasa atang khan tan a ni tawh a. Mahse kar hmasa chhun gkhua a chhiat avangin loneitute hian hna an thawk hleithei lova, buh zai tawhte pawhin an seng zo hleithei lo a ni. Buh zai lote chu an buh a ngu tan avangin kar hmasa lam khan an mangang hle a, tunkar khaw that lai chuhin tunlai hian loneitu tam zawk chuan buh an seng mek a, buhseng hian a runpui a thleng chho mek a ni. Kumin hian Champhai in fir tuahtui a hmuh that bakah zuva lakah a him tlangpui avangin buh hi thar chhuah tam a beiseiawm hle.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 63.34/litre)
Diesel    : Free Sale (Rs. 53.86/litre)

FIRE  OFFICE :
    (03831)234026

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai - Tualchhung Chanchinthar ni 7.5.2018 (thawhtanni)

KHAWTLANG ENSAN LEH MOTOR TIHCHHIAT SAKAH VAU - CHAIRMAN CZMCW :
Champhai to Zokhawthar Maxi Cab Welfare te chu Zirtawpni atang khan Zonunsanga Huan hnai zawk bulah an duty tan.
Kum khat chhung vel chu Champhai to Zokhawthar hi Rs. 150 in an tlan hnuah Zokhawthar khuaa Consumer, YMA leh VC te chuan an Rate san hi an duh lova, rate hlui  Rs. 100 a tlan leh turin Sumo neitute chu an ti a. Mahse Sumo neitute chuan Rs. 100 chuan an tan awmzia a awm loh avangin an tlan thei lova. Zokhawthar Sonsumer, VC leh YMA te chuan Zokhawthar khua luh phal lovin RIhdil kal tura Sumo Hire pawh kal tlang an phal lo va, an motor halsak leh vuakchhiat sakah hial vau in, Mualrawt ah Thawhtanni atang khan an Duty niin R. Kapthanga, Chairman Champhai to Zokhawthar Maxi Cab Welfare chuan a sawi.
Hetih lai hian khualzinte erawh chuan Sumo rate Rs. 150 chu awm an ti niin an sawi a. Zokhawthar Sumo Counter atanga km chanve pawh tlinglo Tiau Lei thlengin Taxi leh Bike hmangin Rs. 100 leh Rs. 50 a hran a Passenger te…