Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

ni 15.11.2016 (thawhlehni)


CHAMPHAI A RUIHHLO DO KALPUI DAN THLIRHO :
Champhai District Ruihhlo Do kawnga hmalatute nimin khan Champhai District Addl. SP VL Lura Hauzel Pisa ah thutkhawm a ni a. He thutkhawmah hian RUihhlo do kawnga hmalak tawhna thlirlet a nih rualin koritu zawka hmalak zui zel dan tur relho a ni.
Central YMA leh Mizoram Sawrkar in damdawi hmansual theih leh ruihhlo do kawnga hma la dun tura ruahmanna a duan  bawhzui a he hmalakna Champhai District a kalpui mek dinhmun  thlira thutkhawmah hian District Police hotute, Excise & Narcotics hotute leh YMA Sub-Hqrs. Champhai hruaitute an tel a.

Ruihhlo do hmalak tawh dan thlirlet ah hian Ganja kg 40 leh Heroin Gram 30 chuang man a nih tawh thu leh Champhai khawpui chhung bakah ramri depah ruihhlo dapa an thawh chhuah thin thu leh dan ang taka hmalak a nih thin thu tarlan a ni.
Kritiante hunpui lo thleng turah boruak nuam leh muanawm taka mitin ten an hmanza thei hnan ruihhlo do kawngahnasa zawka beihpui thlak tha tih a niin, Myanmar ramri a khan pawimawh zual laiah a tam thei ang duty thin tha tih a ni a. District huamchung khawpui leh hmun hrang hrangah darhzau zawka ruihhlo dapa thawh chhuah nise, an ti bawk.

HIGH SCHOOL  ZIRTIRTUTE TAN TRAINING BUATSAIH :
Nimin khan RMSA Champhai District buatsaihi In Service Teachers Training 2016-17 neih a ni.
He hun hi I&PR Auditorium CHANEM Building ah neih niin Samuel Vanlalzuia, Coordinator Finance and Account, RMSA chuan kaihhruaiin C. Hualrikhuma, Dy DPC, RMSA chuan khuallian niin a hmanpui a. Thusawiin zirtirtu kalkhawmte chu naupangte nun kaihruaitu leh an hmakhaw sailtu pawimawh tak an ni tih hre thara taimak chhuah lehzual turin a chah a, hna dang thawk hman an nih loh thu leh zirna ngai pawimawh ber turin a chah bawk. Training tur hian Champhai District chhung High School a English leh Mizo Subject zirtirtute kohkhawm an ni a, training hian tunkar zirtawp thleng a awh ang.

CHAMPHAI DISTRICT AH 4 TLING :
Nimina MCS Main Exam 2016 result tihchhuah takah hriat theih chinah Champhai District atangin Samuel Zodinsanga s/o H. Vanlalchhuana, Awmpui Veng, Champhai; Hmingmawizuala s/o C. Thanglura, Dinthar Veng, Khawbung; Lallawmkima s/o Ngaizuala, Arro Veng, Khawzawl leh Lalrinsanga Hnamte s/o RH Zachhunga, Vengthlang, Sialhawk te an tling.

ESSAY LAWMMAN :
Nimin Childrens Day pualin nimin khan District Legal Service Authority Champhai chuan District Level Essay Writing Competition an buatsaih lawmman semna hun an hmang a. Vanlalngaihsaka, Champhai DC chu khuallian a ni. Essay Competition hi Higher Secondary, High School, Middle School leh Primary School Section ah te then a ni a, lawmman pakhatnain cheng sing 1, pahnihna in cheng 7000 leh pathumnain cheng 5000 a dawng a. heng bakah hian category hrang hrangah mi 10 tan consolation prize cheng 1000 theuh an sem.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 63.34/litre)
Diesel    : Service Tanky (Rs. 53.86/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…