Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

ni 16.11.2016 (nilaini)


PAWISA NOTE THAR THLENG :
Rs. 500 leh Rs. 1000 tih thih a nih hnuah Bank te chu an insingsa mek zel a, Champhaiah pawh pawisa note thar a rawn thleng tawh.
State Bank of India ah pawisa thar Rs. 2000 a rawn thleng a, hengte hi nimin khan bank hrang hrangah thawn darh nghal a ni a. Rs. 500 note thar erawh a la rawn thleng lo thung. pawisa note thar hi pawisa tihthih tak thlengna atana hman nghal theih a ni a, ATM ah pawh a rang lama dah nghal tum a ni.

Hetihlai hian pawisa tih thih avangin ATM te chu mumalin hawn a la ni lova, bank atanga pawisa lak chhuah theih zat bithliah a nih bawk avangin pawisa fai hman kawngah mipui te chuan harsatna an tawk mek a, tuna Rs. 2000 note thar rawn thleng hian he harsatna hi engemaw chen chu a phuhruk beisei a ni a, ATM erawh a inhawn hun tur a la hriat theih loh thung. Tarlan tawh angin Rs. 500 leh Rs. 1000 note hluite chu kumin December ni 30 thleng khian bank-ah thleng theih a la ni.

KAWHHMUH DAWN :
Ni 17-18.11.2016 chhung hian Kanan, Dinthar, Jail Veng leh Old Sericulture House Site Plan, Electric Venga mi te chu Revenue Staff ten a hmun an kawhhmuh dawn a. Kanan, Dinthar, Jail Veng House Site Plan huam te chu Hmawngbungbu ah innghahkhawm tur niin, Old Sericulture House site plan huam te chu Genesaret bulah innghahkhawm tur a ni tih thu kan dawng.

INTER HIGH SCHOOL QUIZ :
Inter High School Quiz neih meka zanina inlan tur te chu : Einstein HS II vs Ruantlang HS II; GM HS II vs Tlangsam HS II; PES Khawzawl Vengthar II vs Bethel Mission School II; Venglai Sec School II vs Champhai High School; Far East Experimental School II vs R. Hranga HS II

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 63.34/litre)
Diesel    : Service Tanky (Rs. 53.86/litre) 

FIRE  OFFICE : 
(03831)234026

Comments