Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 17.11.2016 (ningani)


MIZORAM-AH CHAMPHAI DISTRICT HOSPITAL FELFAI BER :
Mizoram chhunga damdawi in dai inelna Kayakalp Award chu nimin khan Lal Thanhawla Auditorium ah Health Department buatsaihin sem a ni. Champhai District Hospital chu Mizoram a District Hospiral felfai bera thlan a ni.
District Hospital ah Champhai District chu pakhatna niin pahnihna Serchhip District Hospital, pathumna Kolasib District Hospital te an ni. Pakhatna atanga pathumna te hian citation leh memento bakah cheng nuai 3 theuh an dawng. SDH/CHC ah Vairengte CHC chu pakhatna niin cheng nuai 10, citation leh memento an dawng a, Biate CHC in dawtin cheng nuai 4, citation leh memento an dawng a, pathumna Hnahthial CHC chuan cheng nuai 3, citation leh memento an dawng a ni. 

PHC level-ah chuan Aizawl West District ah Aibawk PHC, Aizawl East District-ah Thingsulthliah PHC, Kolasib District-ah Bilkhawthlir PHC, Mamit District-ah West Phaileng PHC, Champhai District-ah Hnahlan PHC, Serchhip District ah N.Vanlaiphai PHC, Lunglei District ah Buarpui PHC, Lawngtlai District ah S.Lungpher PHC, Siaha District-ah Chhuarlung PHC ten lawmman pakhatna an dawng a ni. Damdawiin fai tehna a 70% hmu pha District damdawi in pahnih, CHC pali leh PHC 37 hnenah commendation award sem a ni bawk.
District Hospital hawn thar a nih hnuah thawktu a bikin 24hrs awm thin Nurse leh IV Grade dah belh a nilo chung a hetiang dinhmun an thleng thei hi a lawmawm lehzual a, endik a nih hunlai a damlo awm te support-naah lawmthu an sawi bawk. Civil Hospital Aizawl hi ISO Certified ngat khawp a filawr an ni a, District dang Kolasib leh Mamit lawmman lo la tawh an ni a, vawikhat telnaa pakhatna an ni thei hi a ropui hle a ni.
An point hmuh dan 
Champhai Dist.PHC
Hnahlan-89
Khawhai-88.7
Khawbung-88.3
Kawlkulh-88
Sialhawk-87.3
Rabung-84.7
Khawzawl-78
NE Khawdungsei-76
Farkawn-71.3
District Hospital (DH)
Champhai-84.4
Serchhip-82.2
Kolasib-81.2
Azl 'E' DH (CHA)-81
Mamit-73.6

PAWISA NAWI ‘COIN’ LEM A AWM LO :
Bank thuneituten pawisa nawi ‘coin’ lem a awm loh thu an sawi.
Nimina Champhai District Magistrate Vanlalngaihsaka hoa Champhaia Bank hrang hrang Manager te thukhawm chuan tunlaia pawisa thir zinga a lem awm nia sawi chu thudiklo a nih thu sawiin, heng pawisa thirte hi bank in mipui hnena a pek chhuah a ni a, mipui hman atana pek chhuah a nih avangin bank chuan pawisa nawi hi an dawng let ngai meuh lo a, mahse tunlaia pawisa leng vel a tlem lai hi chuan sawrkar Dept te hnen atang chuan pawisa nawi hi an dawn theih thu SBO hotute chuan an sawi a ni.
Champhai DC chuan Rs. 500 leh Rs. 1000 note a thih avanga pawisa leng vel a tlem lai hi chuan mipuite chu an pawisa nawi dah that te hup bet reng loa hmang chhuak tam turin a ngen a ni. 

IGTI INELNAAH CHAMPHAI CHE THA :
Science and Technology Department in tualchher thiamna hmanga technology lam thil thar siamchhuaktu leh ngaihtuah chhuaktute tan intihsiakna a buatsaih Indigenous Grassroot Techonology & Innovation (IGTI) a buatsaihah Hand Pressing Mobile Charger siamtu C. Vanlalawmpuia, Champhai Vengthar chu 2-na a ni a. 
District Level inelna, Champhai District (Prototype)
1. C. Vanlalawmpuia, ChamphaiVengthar, Champhai Hand pressing mobile charger 
2. Darrothuama, Champhai Hnahlan Damveng, Automatic Water Pump Controller
3. TBC Lalrikhuma, Champhai Ruantlang Sahdah denna khawl
4 C. Vanlalawmpuia, Champhai Vengthar, Champhai Induction furnace
District Level inelna, Champhai District (Idea)
l. Zoramchhana, Champhai Chhungte, Rolling shutter controller machine
2 Zoramchhana, Champhai Chhungte, Tui/water pump project
3 Darrothuama, Champhai Hnahlan Damveng, Tui tha chakna hmanga hmun sang zawka tui lak theih dan

VAPHAI LAL HRIATRENGNA LUNGPHUN :
Hualngo Lal, Lalrokhama, Vaphai Lal hriatrengna lung chu niminpiah khan ranpui 4- Sial 1, Lawi 2, Bawng 1 leh vawk 2 talha phun a ni.
Hualngo Lalna Vaphai tlang changtu Lalrokhama hriatrengna lungphun hi Sawrkar mi pawimawh Minister R. Lalzirliana, Bialtu MLA T. Sangkunga, Liansailova, Agri Director C. Lalzirliana leh mi pawimawh dang eng emawzatin an hmang a. Khaw thenawm atangin chhungkhat laina leh amah ngaisangtu thahnem tak an tel bawk. Lalrokhama hi kum 2014 September ni 8 khan Vaphai thlanmualah vuiliam niin ‘Thlan Roh’ ah dah a ni a. Niminpiah khan amah hriatrengna lungphun in, hlim taka Pathian fakin an lengkhawm a. Tlaiah mipui 1500 chuangin lungphun ruai an theh a ni.

NEDP HAWNG ANG :
Tukin zing dar 10 hian Venglai Community Hall ah Sawrkar Policy NEDP chu Home Minister R. Lalzirliana chuan a hawng dawn a. H. Lianzailova, Vice Chairman SPB chu khual zahawm a ni ang.

THUPEK CHHUAH :
Champhai Superintendent of Police chuan mipui him zawk nan leh lirthei tlanvel awlsam zawk nan thupek thar a tichhuak.
Zing dar 5 atanga chawhma dar 11 inkarah - Aizawl Road, Darthangvunga Traffic Point via DK Traffic Point atanga Nikang Tuikhur inkar bakah, Bible Society Building, Bethel atanga DK Traffic Point via Selluaia Traffic Point inkar passenger phur tih loh lirthei lian (Heavy Vehicle) tlan leh dah (park) phal a ni lo. C. Luaia Square atanga YMA Ralven Buk, Vengthlang Presbyterian Biak In Opposite, Awmpuipheiah chhun leh zanah eng motor mah dah phal a ni lo a. He thupek hi 16.11.2016 atanga hman tan nghal tur a ni tih thupekah hian tarlan a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 61.72/litre)
Diesel    : Service Tanky (Rs. 52.22/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…