Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …

ni 21.11.2016 (thawhtanni)


CHAMPHAI KARATE ZIRLAITE CHE THA HLE :
4th RSC Karate Cup, Karate & Kabudo Championship, 2016 Regional Sports Centre (RSC), Kadavanthra, Cochi, Kerala-a The International Okinawan Shorin Ryu Seibukan Karate Do of India buatsaiha vawiin, 20th November, 2016 a neih zawh takah AMKA Champhai District chuan Mizoram aiawhin Karate zirlai pariat (8) leh an coach pakhat an tir a.
AMKA Champhai hnuaia Karate zirlaite hian Gold medal 9, Silver medal 1 leh Bronze medal 3 an la a. He inelna neih zawh taka medal an lak dan chu hetiang hi a ni :-
1. Rosangliana S/o C. Lalthanhranga, Kanan - Gold 2
2. R. Lalruathlui D/o R. Lalramluaha, Bethel - Gold 2
3. Lalrindiki D/o Lalruatdika, Bethel - Gold 2
4. Lalchhuanmawia S/o Lalvunga, Kanan - Gold 1 leh bronze 1
5. Vanlalchhandama S/o Rodingliana Dinthar - Gold 1 leh Bronze 1
6. C. Lalbiaksanga S/o Lalvunga, Kanan - Gold 1
7. PC Lalremruati, D/o Lalthangmawia, Vengsang - Silver 1
8. Lalremruati D/o J. Lalchhuana, Bethel - Bronze 1

THISEN AN PE :
Inrinni khan Vengthlang North Branch Kristian Thalai pawlte chuan a thlawnin thisen an pe. Mipa 14 leh hmeichhia 65 ten thisen unit 20 an pe a, Vengthlang North Presbyterian Kohhran Hall ah Champhai District Hospital Blood Bank a thawktute chuan kalchilhin thisen hi an laksak a ni.

KHAWZAWL FOOTBALL :
Inrinni khan Khawzawl Zone Football Final helh a ni a, he hun hi CDFA President C. Hualrikhuma chuan  khuallian niin a hmanpui a, CDFA atangin OB leh Executive Committee Member mi16 ten an hmanpui bawk a ni. Final bakah hian CDFA leh Khawzawl Zone Football Executive te chuan Exhibition Match an khel bawk. He tournament hi Khawzawl Zone Football Ass. te buatsaih niin Under 17 leh Senior inelna buatsaih a ni a, Category pahnihah hian Zuchhup FC an champion ve ve a, Rs. 15000 bakah Trophy an dawng a, pahnihna in Rs. 10000 an dawng bawk. Final zawh hian Concert an huaihawt nghal a ni.

JOINT KTP THLAH :
Champhai Joint KTP chu kum 34 chhung kalpui a nih hnuah tih tawp a ni ta a. Joint KTP thlahna hun hi Vengsang Presbyterian Kohhran Biak Inah Inrinni atang khan neih tan a ni a, nizan thleng khan neih a ni. Inrinni khan Kahrawt Field ah intihhlimna hun an hmang a. Inrinni zan atanga nizan thleng khan Rev. Zothansanga, Leader CKTP hnen atangin Pathian thuchah ngaihthlak thin a ni a. Jt. KTP ah hian Pastor Bial 4 an la awm a, mahse bial pum a tel an awm tawh lo thung. Tunah hian Vengsang, Hospital, kahrawt, Keifangtlang, Salem, Bethel, Zion, New Champhai, Ruantlang, Hunthar, Ramthar leh Dinthar te an tel a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 61.72/litre)
Diesel    : Service Tanky (Rs. 52.22/litre) 

FIRE  OFFICE : 
(03831)234026

Comments