Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

ni 29.11.2016 (thawhlehni)


CHAMPHAI DRDA STAFF TEN TAMIL NADU AN TLAWH :
Mizoram State Rual Development Additional Secretary Pi K. Lalrinzuali leh Champhai DRDA Project Director Pu CC. Lalchhuangkima-te kaihhruai-in Champhai DRDA staff te chuan kar kalta chhung khan Tamil Nadu State chhung Madurai District a Integrated Watershed Management Project (IWMP) hrang hrang an tlawh.
Karnataka leh Tamil Nadu State-ten Cauveri luipui tui duh khawp an chan loh lai leh kuminah Tamil Nadu State in Monsoon ruahtui a hmuh tlem lai pawhin IWMP hmalakna chuan loneitute harsatna an tawh turah nasa takin a tanpui a ni.

Madurai District a IWMP hmalakna hrang hrang tlawhtu mi 13 te hi Tamil Nadu State Nodal Agency Deputy Director Pu Shenbaharaj chuan a lo dawng sawng a.  Madurai District chhunga Kottampatti Block huama Pattur Watershed in District Watershed Development Agency (DWDA) in Sorkar laipui leh Tamil Nadu State sorkar sum hmanga IWMP kal tlanga Tuikhuah chi hrang hrang a siam (Farm Ponds,  Check Dams & Percolation Ponds) te, leilung chhungril a tuihna lakchhuahna (Recharge shafts) an siam te an tlawh a.  Heng lai hmun hi van ruahtui tla ring a thlai chawmna hmun anih vang leh a ram leilung hi Sailung var leh lungchang in chawhpawlhna (Igneous rock) hmun anih vangin van ruahtui tla,  luangral mai tur chelh beh nan tui an khuap a,  leilung chhungrilah an luanluh tir a.  Tuichhunchhuah a tui tling khawl chu an pump chhuak leh thin a ni.
District Watershed Development Agency Deputy Director Pu Kumaravadivel, Agriculture Assistant Director Pi Rani leh Assistant Engineer Baskaran te kaihhruaiin Arukampatty khua a Kawlthei,  Theihai,  Sunhlu leh Coconut chinna hmun te an tlawh a.  Pallapatti khua a Hmeichhe Self Help Group-ten Coconut hnah hmang inchung chih tur an tah dan leh Coconut kawr atanga Ziza hrui an siam dan pawh an entir bawk.
Loneitute an thawkrim a,  sorkar tanpuina an dawn apiangte rinawm takin an hmang a, sorkar pawhin loneitute ngun taka a vil bakah an thlai thar dehralna kawngah harsatna an tawk lemlo thung a ni.  Loneitute thlai thar chhuah in Tamil Nadu State khamkhawp a thar bakah State dangah thlai tam tak an hralh chhuak thin a ni.
Tamil Nadu chhimlamah hian kum tluan a luang luipui a awm mumal lona,  loneituten van ruahtui ringin thlai an ching tlangpui a.  Kuminah khan North East Monsonn chu June-July thla chhungin dawng tha khat bawk mahse September leh October thla chhung a South East Monsoon an dawn that loh avangin loneituten harsatna an tawk thung a.  Luipui khuap a Hydro-Electricity siam tur a awm mumal loh avangin Thli hmanga (Virmep) Kawlphetha (Wind-mill) siamna an bun nasa hle thung a.  
Tamil Nadu State chhungah hian Thle chakna hmangin Kawlphetha(Rechargeable Energy) Mega-watt 15000 siam chhuah a niin,  tuifinriat kam leh thli tamna hmunah an bun nasa hle a ni.
Champhai DRDA staff zingah hian Champhai District chhunga IWMP hmalak mekna a tel ve (Project Implementing Agency) Horticulture Department atang leh All Mizoram Farmers' Union (AMFU) aiawh an tel a.  State dangten IWMP an kalpui dan leh tuihna luangral tur khawl khawmna kawnga an hmalakna chu entawn tlak an tih thu leh Mizoram State chhungah pawh kalpui ve theih tam tak a awm thu dawn a ni.

TLANGSAM NORTH KOHHRAN PUITLINGAH HLANGKAI :
Pathianni khan Tlangsam North Branch Church chu Champhai North Presbytery Moderator Upa Lalchhawnthanga'n Kohhran puitlingah a hlangkai.
Tlangsam North Presbyterian Branch Church hi Kum 2015 April ni 19 khan Tlangsam Kohhran atangin a indang tanin Tlangsam Kohhranin a hmui rih a. Tlangsam Kohhran hian Kohhran puitlinga hlankai Bethel Pastor Bial Inkhawmpuiah dilin Bial inkhawmpuii Presbytery-ah dil pui lehin Champhai North Presbytery inkhawmpui chuan Kohhran puitlinga hlankai a remtih avangin Nimin Pathian ni khan Presbytery Moderator Upa Lalchhawnthanga'n Kohhran puitlingah hlangkai ta a ni. Tlangsam North hian Presbytery ah Kohhran Upa 4 thlan an dilna pawh remtih tawh niin thlanpuitu tur pawh ruatfel tawh a ni a. Kohhran Upa an thlan tlin hma chu tuna Kohhran Committee an neih te la ring tlangin Tlangsam Kohhranin an la hmui rih ang a. Kohhran Upa an thlan tlin theih chuan an mahniin an inrelbawl tawh dawn a. Kohhran Upa hi an thlan tlin theih loh chuan Upa an thlan tlin theih hma chu Tlangsam Kohhranin a hmui rih ang. Tunah hian Tlangsam Kohhran Kohhran In 46 awm mekin dan zawh kim 117 leh Kohhran member 187 an awm mek a ni. 
Kohhran Puitlina hlanna inkhawm neih hi Champhai North Presbytery Moderator Upa Lalchhawnthanga'n kaihhruaiin Upa Lalhminghlua Champhai North Presbytery Secretary Sr. hnen atangin Tlangsam North Kohhran chinchin ngaithlak a ni a, Bethel Pastor Bial Zaipawl zai ngaihthlak ani bawk. Chawhnu lamah Rev H Zathuama Bethel Bialtu Pastorin inkhawm kaihhruaiin Rev C Lalngaihthanga Kahrawt Bialtu Pastor hnen atangin Pathian thuchah ngaihthlak a ni a, Tlangsam Kohhran Zaipawl in Pathian fakna hla an rem bawk. Tlangsam North Branch Church Kohhran Puitlinga hlankai inkhawmah hian Tualchhung Kohhran bakah Champhai North Presbytery puipa te leh Presbytery huam chhunga Bial hrang hrang puipate'n an tel pui thei a ni.

THLASIK THLAI :
Champhai zawlah Thlasik thlai ching tura hmalak tan mek a ni.
Champhai zawla loneitute'n buh an seng zawh tawh hnuin loneitute te chuan tunlai hian Thlasik thlai ching turin hma an la tan leh mek a, Champhai zawla tui lakna hnar te a kiam zel avangin a kum telin thlasik thlai ching hi an tlem zel a. Nikum pawh khan Thlai tui pek tur a awm mumal loh avangin harsatna an tawk nasa hle a. Kumin pawh hian tui pek tur mumal a awm loh leh chuan harsatna an tawh leh a rin awm. Loneitute hian Buh china hmun thian faiin thlasik ching turin leilet an buatsaih mek a. Loneitute hian kum dang anga Thlai an thar leh thei anih chuan Champhaiah thlai tharlam tak tak lei tur a awm leh dawn ani.

KAWNG SIAM :
BRTF te chuan Zote leh New Champhai inkar kawng siam that hna an thawk mek.
BRTF te hian Zote kai leh New Champhai inkar kawng Km 3 vel a thu kawng chhe lutuk siam that hna an thawk mek a, kawng siam hna harsatna dang a awm lo anih chuan vawiin lam khan zawh fel beisei a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Sem rual (Rs. 61.72/litre)
Diesel    : Service Tanky (Rs. 52.22/litre) 
* Petrol hi a rawn thlen chuan Free Sale tur a ni

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…