Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 4.11.2016 (zirtawpni)


CHAMPHAI DISTRICT ROAD PROTECTION SQUAD DIN :
Nilaini chawhnu khan Champhai DC Vanlalngaihsaka kaihhruaiin DC Conference Hall-ah Champhai District Road Protection Squad din a nih bakah Champhai Town Traffic Management Committee pawh dinfel nghal a ni.
Champhai District chunga inkalpawhna kawngpuite lirthei tan tangkai taka hman a nih theihna tur leh chhiat theihna chi hrang hrang laka kawngpui vawnhim a nih theih nan hemi kawnga
hmalatu buk leh hmui bik turin Road Protection Squad chu din a ni a. Champhai DC kaihhruaina hnuaiah Sawrkar Department hotute leh tlawmngai pawl hrang hrang hruaitute chu member atan ruat nghal an ni. He Road Protection Squad hian hmalakna hmasa atan khawpui chhun gkawngpui leh ke a kalna ah Section 144CrPC tlawhchhanin thil zawrh khapna thupek chhuah nise a tih bakah kawng hrang hrangin kawngpui humhalh tura hmalak zui nise, a ti bawk.
Road Protection Squad hian Champhai District chhunga Sub-Divisional Officer (Civil) leh RD Block Officer theuhte an huam chhungah Road Protection Squad din ve tur leh chak taka kawngpui humhalh hna thawk tura tih nise, a ti bawk. he thutkhawmah hian Champhai khawpui chhunga lirthei chet vel dan viltu leh relfeltu atan Champhai Town Traffic Management Committee a din nghal bawk a. Mumal leh awmze nei a lirthei kal vel theihna tur leh ke a kal mipui tana lirthei kal vel theihna tur leh ke a kal mipui tana lirthei che velte a him zawk theih nan a tul ang zela ruahmanna siam nise, a ti a. Champhai khawpui chhunga kawngpui leh lirthei kal vel te tlawh chhuakin, hmalak zui zel dan tur pawh thlirho leh nise, a ti a ni.

ZO THEI HUAM TAK ZAWK SIAM TUM :
Nimin khan Champhai DC Conference Hall ah DC Vanlalngaihsaka kaihhruaiin District Level Committee on Afforestation and Conservation thutkhawm a ni.
He hun hi Mizoram Environment & Forest Conservative Forum (MEFCOF) President VL Bela`n hmanpuiin, MEFCOF hmalakna tlangpui a tarlan bakah ramngaw leh nungcha humhalhna tura Mizoram a Zothei huan siam a nih dan a tarlang bawk.
He thutkhawmah hian Champhai District chhungah hlawhtling taka Zothei huan 20 siam a nih tawh thu leh Champhai District chhunga khua zawng zawngah Zothei Huan din tum anih thu tarlan ani a. Ramngaw, nungcha leh tuihna humhalhna tura khawtin a Zothei huan siam dan turah MEFCOF in kaihhruaina a siam zulzuiin District chhung khaw awm zawng zawngah kaihhruaina zulzuia Zothei huan siam vek tur leh khawtin in heta tana ram remchang ruahman turin Committee chuan ngenna siam nise a ti a ni.
Sik leh sa ithlak danglamin kan ramah nghawng thalo a thlen mek dan leh Champhai District chhung ngeiah pawh tuihna nasa taka a kiam dan pawh he thutkhawmah hian sawilan ani a. Chhiatna thleng zel tur chelh din a nih theihna tura ramngaw awmsa humhalh leh siam belh chu tih makmawh a nih avangin District Level Afforestation and Conservation Committee chuan Champhai District a MEFCOF hruaitute puihbawmnain a theih anga tam District chhung khaw hrang hrangah zirtirna pe tur leh Zothei huan din vek tura hmalak ni se, a  ti bawk.
MEFCOF hian Neihdawna Model Zothei Huan a siamah Ramhmul Damdawi bakah ramtheihmu Keifang leh Nauban thahnem tak a enkawl puitling mek a. Zothei huana phun tur rahchhuah thei thlai leh thingkung a sem thin bakah Mizoram chhungah ramngaw thahnem tak a awm belh tawh thu te; heng hmalaknate avang hian ramsa an pun chhoh mek tih tarlan a ni bawk.

PRESBYTERIAN ENGLISH SCHOOL FAIR :
Nimin khan Vengthlang Biak In tualah Presbyterian English School Fair 2016 chu hawn a ni.
Hawnna Inkhawmah hian khuallian C. Hualrikhuma, Dy DPC, RMSA chuan PES in naupangte talent pho chhuahna atan leh kawng hrang hranga hma an sawn theihna tur Fair a buatsaih chu lawmawm a tih thu a sawi a. A hlawhtlinna tura zirtirtu leh zirlaite thawhrimna chu fakawm a tih thu te, neih chhunzawm zel tlak nia a hriat thu te tarlangin Fair hi a hawng a ni. PES Fair ah hian naupangte thil siam chi hrang hrang pho chhuah a ni bakah, an zirlai atangin midang hriat tur pawimawhte chu a tlawhtute tan an tar chhuak bawk a ni. Fair hi vawiin hian neih chhunzawm tur niin, zaninah a kharna hun an hmang dawn a ni.

KARATE MEET :
AMKA Champhai District huaihawtin vawiin hian an President Lucas Thangmangliana In, Bethel Chhura Hmunah International Karate Meet neih a ni dawn.
Vawiin chhun dar 12 hian Meet hi tan ani ang a, he hun hmang tur hian Myanmar atangin Myanmar ram chhunga Karate pawl inzawm khawm Vice President Rev. Don Hre Dun leh a thawhpui 5 an lokal a. Aizawl atangin AMKA Gen. Hqrs. hruaitu 4 an lo kal bawk.
Vawiin tlai lam dar 2 hian Vanlallawma Indoor Stadium ah Karate Demonstration neih a ni dawn a. Karate Demontration neih a ni dawn a, karate zirlai leh nu leh pa te a tam thei ber kal turin an inhriattir a. Myanmar atanga karate thiam lokalte hian Champhaia Karate zirlaite hi zirtirna an pe bawk ang.

TANPUINA PEK THEIH :
Champhai District Badminton Assn. in MBL khelh meka Champhai Smashers tana Sawrkar Dept. leh mimal hnena tanpui dilna lehkha an pekchhuah chu CDBA hruaitute hnenah pek theih reng a ni tih thu kan dawng.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 62.26/litre)
Diesel    : Service Tanky (Rs. 52.88/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …