Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 7.11.2016 (thawhtanni)


THAWKTU LAKNA TUR SAWRKARIN LA PAWM LOH AVANGIN POLYTECHNIC LA HAWNG LO :
Inrinni khan MJA Champhai District chuan Tlangsama Mizoram Polytechnic building sak zawh vek tawh, hun rei tak chhung a nih tur anga a kalpui loh chu a hmunah tlawhin, zirna kalpui tan theih a nih loh chhan hrechiang turin an fang.

MJA Champhai District ten Tlangsama Mizoram Polytechnic an tlawh tuma lo dawngsawngtu Dr H. Lalchhuanvela, Technical Officer, Higher & Technical Education Department chuan Tlangsama Mizoram Polytechnic Building chu a sak zawhna rei tawh deuh mahse, hawn leh a nihna ang tura kalpui a nih theih lohna chhan ber chu - thawktute hlawh pek leh a enkawl chhohna tur chu State Sawrkar chanvo a nih avangin, thawktu lakna tur (post creation) chu state sawrkara a la kaltlang thei loh vang a ni, tih a sawi.
Mizoram sawrkarin sum lamah harsatna a tawh mek avangin Polytechnic-a thawk tur hna siam leh lak chungchangah hian hmalakna a kal chak thei lova. Tlangsama Mzoram Polytechnic ah hian Diploma Cource pahniha bul tan tumna pawh tidanglamin Diploma Cource pakhat 0 Civil Engineering a thlak a ni a. Hei hi a hlawhtlin chuan kum tin zirlai 30 luh thiehna tur a nih bakah Champhai District tan Technical based Skill Development Training Centre pawimawh tak ni tura beisei a ni a. Tunah hian thawktu tur hna thar siam turin thuneitute hnenah bawhzui mek a ni, a ti a. Building chhe lai thawm that, tui leh eng pekna tur sum mamawh angte hman anih theih nan bawhzui mek a ni bawk tih a sawi.
Mizoram Polytechnic, Champhai hi Sawrkar laipui Ministry of Human Resource Development (MHRD) in India ram chhunga District thenkhat hmun kilkhawr leh Polytechnic la neilote tan District 300 a Polytechnic din a remtihte zinga Mizoramin a chan 6 zinga pakhat a ni, Dr H. lalchhuanvela chuan a ti a. Champhai, Kolasib, Lawngtlai, Mamit, Saiha leh Serchhip District chhunga Polytechnic thar din tura ruahman zingah Kolasin a mi nen sak zawh hmasak ber a ni a. Polytechnic bul tan nan MHRD chuan Rs. 12,30,00,000 a ruahmanah Rs. 8,00,00,000 chu building sakna tur liau liau a ni a. A dang zawng Rs. 4,30,00,000 chu Machineries & Equipment, Laboratory Materials, Learning Resources materials, Transportation leh a dangte atan ruahman ani, a ti.
A sawi zelnaah Technical Officer chuan Higher & Technical Education Dept chuan Polytechnic tharte hi a rang lama Class tan a duh hle laiin, Sawrkarin sum lamah harsatna a tawk mek si a. heng Staff Quarters, Students Hostel leh thawktu turte hi awm lo hi chuan bul tan a harsa hle dawn a. Chuvangin Polytechnic hi a nih dan tur angin engtikah nge a kal thei hang tih chu a la hrit loh a ni, a ti.
Dr H. Lalchhuanvela, Technical Officer hi Champhai atangin Govt. Champhai College Principal Lalnunmawia leh R. lalramliana, SDO, Project Sub-Division ten an tawiawm a ni.
Hetihlai hian Tlangsa mkahwtlangin ram an pek, Tlangsama Polytechnic a thawktu tur lak chungchang hi Mizoram Sawrkar, Cabinet Meeting chuan a lo pawmpui tawh niin thudawn a ni a. mahse Planning leh Finance Department lamah a la tlang mai theih loh avangin Champhai District hmasawnna tur pawimawh tak pakhat a nih avangin Champhai District chhunga MLA te nen, pheikhai rual taka Mizoram sawrkara chak zawka nawr thei an awm a nih chuan a hlawhtlinna hi hmuh ran theih a beiseiawm hle tih thu dawn a ni.

CHAMPHAI SMASHERS IN SEMI FINAL LUT :
Mizoram Badminton League (MBL) khelh mekah Aizawl pawn atanga khel awmchhun Champhai Smashers chu an che tha chho hle a, Inrinni zan khan 2-3 in Jeremy Smashers lakah vanduai mahse Semi Final lut hmasa ber an ni ta tho.
Zain hian midangte hian Semi Final lu hichuhin an inkhel zui veleh dawn a, Champhai Smashers hi zanin hian an awl ang a, naktuk zanah Semi Final khel tur hi Lucky Draw tur a ni bawk ang. Tarlan tawh angin Champhai Smashers hian MBL khelh tan zan Nov. 1 khan TUikual Shuttlers chu 3-2 in an hneh a, Nov. 2 khan Mission Veng chu 3-2 bawka hnehin, Nov. 4 zan khan Edenthar Shuttlers chu 3-2 bawkin an hneh leh a ni. Hetihlai hian Champhai Smashers hian fans an nei tlem thei hle a, Champhai mi Aizawla awm leh cham mek ten tawiawm tam thei se a duhawm hle a ni.

RIANGTHLEI AH BUH SENG RUNPUI :
Zirtawpni khan Riangtlei khawtlang chuan Buhseng runpui neiin he hun hi Champhai DC leh Sawrkar Department hotu thenkhat ten an hmanpui a, kuminah buh an thar hlawk hle a ni.
Champhai District chhunga BPL awmlohna khaw 5 zinga Riangtlei khua chuan zirtawpni khan Riangtlei hmunhlui a Hruihzau kawn Buhseng runpui hun hmangin, an pawl tlak ni hi thlawhhma ah ropui taka lawm a ni a. He buseng runpui ah hian piputen buh an seng dan phung pholanna neih pahin Buh zai, buh parlak, buhphal hawn leh buh vawng put, buh vuak leh Fasuar a buh chil hun te hman a ni a. Buh seng zawh hi thlawhlaiah ropu itaka lawmna hun hman zui a ni. 
He hun hi Riangtlei VCP K. Lalremruata`n kaihruaiin Champhai DC Vanlalngaihsaka chuan Riantlei khawtlangin intodelhna tura a n hmalakna leh an thawhrimna chu fakawm a tih thu a sawi a. Inkalpawhna kawngpui lama harsatna an tawk mek chung pawha faina leh thianghlimna kawnga an hmalakna fakawm a tih thu a sawi bawk.
Champhai DRDA Project Director CC Lalchhuangkima pawhin Riangtlei khaw tanrualna chu fakawm a tih thu leh khaw lungrual tak an ni chu fakawm a tih thu a sawi bawk.

POLICE FC HNEHTU KAHRAWT CHAMPION :
CDFA in 2nd Division tana a buatsaih Vanbawiha Memorial Football Tournament chu Inrinni khan Final khelin zawh fel a ni ta a. Hneh loh nei lova Final lut ve ve, Kahrawt FC chuan an bitum Police FC chu 2-0 a hnehin an Champion.

ZORAM DANIAL INKHAWMPUI A TIAK TA :
New Champhai a neih mek Zorama Seventhday Adventist Inkhawmpui lian ber ‘Zoram Danial Pawl Chhantu’ vawi 45 na chu nizan khan a tiak ta.
Ningani kalta zan atanga tan he inkhawmpui ah hian thusawituten Isua lo kal lehna hnaih tawhzia thupui behchhanin thu an sawi tlangpui a. Inkhawmpuiah hian Sermon inkhawm bakah Mission Field hrang hrang atangin report ngaihthlak thin niin, kum khat kalta chhunga Danial Pawl tirhkohte rawngbawlna atanga Baptisma chang mi zahnih chuang an awm thu report pek a ni.
Kum 2019 ah khian inkhawmpui vawi 46 na chu Aizawl West Bial in an thleng dawn a ni. Kum 2017-19 chhunga hruaitu turte thlan thar a ni a, Upa H. Lalzidinga, Seventhday Tlang chu Chairman atan thlan nawn a ni. Seventh day Adventist Kohhran report in a tarlan danin kumin 2016 chhung hian Mizoram pumah Baptisma chang 1001 an awm a, Kohhran thar 20 din a ni a, member 20,000 vel an awm mek.

MZIORAM AIAWHIN :
State Level Children Science Congress, PU College Aizawl a neih zawh takah Lalhunthari s/o Lalramchullova, Bethel Mission School chu Mizorama a ti tha 8 zingah telin Dec. 27-31 2016 ah Pune a National Level a tel tura thlan a ni.

LAWMMAN SEM :
Zirtawpni khan DIET Champhai buatsaih Middle School zirlaite tan Thawnthu inphuahsiak lawmman sem a ni.
He hun hi DIET Auditorium ah neih niin he hun hi RL Thianghlima, Principal chuan kaihruaiin C. Rodala, DEO chu khuallian a ni. He Story Writing Competition ah hian Middle School Naupang 60 telin an zingah hian C. Vanrammawii, Class VII, Keifangtlang UPS chu pakhatna a ni a, Rotlaungpuii, Class VII, Keifangtlang UPS chu 2-na niin, Lalawmpuii Class VII Vaphai Border Middle School chu 3-na a ni. Intihsiak a tel mi 7 te hnenah Consolation prize hlan a ni bawk.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 62.26/litre)
Diesel    : Free Sale (Rs. 52.88/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…