Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

ni 3.12.2016 (inrinni)


DISTRICT HOSPITAL FAI BER NIH LAWM :
Nimin khan Champhai District Hospital chuan SWACH BHARAT ABHYAN MISSION MIZORAM, KAYAKALP 2016 District Hospital felfai ber an nih lawmna hun an hmang. 
He hunah hian Dr. Lalnuntluangi, Medical Superintendent chuan Champhai District Hospital a inbuatsaih dan leh hma an lak dan hrang hrang bakah,Hospital-a thawktute,Sawrkar Dept hrang hrang leh NGO hrang hrangte puihna avanga District Hospital felfai bera thlan an nih thu a tarlang a.

CMO Dr C. Zirliana pawhin thu sawiin, Damdawi in fai lawmman an dawng chu a lawmawm hle a,lo chapo pui deuh mah ila kan phu a ni, a ti a. Swach Bharat bikah District dang nena khaikhinin kan sang fal hle a India ramah pawh faina kawnga titha pawl kan ni hi a lawmawm hle a, CHC Zingah Champhai district chhung ami Biate leh PHC zingah Hnahlan PHC te pakhatna an ni thei leh District zawng zawng zinga Lawmman hui tam ber Champhai district an ni thei chu lawmawm a tih thu a sawi a. 
Kan thawhrimna leh faina kawnga hma kansawnna hi a tawpna ni lo in, kan bul tanna ni se, kan fai tawhna hi fai zel tura theihtawp kan chhuah na nise tiin lawmman pakhatna dawng nawn ngei thei tura tanlak a tul a ni ati bawk.
He hunah hian Upa Dr Thangsailovan hunserh hmangin Special Item hlimawm tak tak entir a ni a, Dr Lalramchhuangan lawmthusawin he hun hi a khar a ni. 

STATE BANK OF INDIA DAWRTU THAHNEM :
Nimin hi sorkar hnathawkte hlawh lak hun a nih angin SBI Champhai Branch chuan dawrtu an ngah hle a, tun tum hi cheng 500 leh cheng 1000 tih thih a nih hnua sorkar hnathawkten hlawh an lakna hmasa ber niin bank-a leng lo khawpin dawrtu an awm a ni. Bank hi zing dar 9:30 ah inhawng mah se bank dawr tumte chu zing dar 8:30 vel atanga intlar an awm tawh a. Dawrtu zingah nilenga hun hmangte pawh an awm bawk. Hei bakah hian bank a tawt em avanga beidawnga haw ta pawh mi 
thahnem tak an awm a ni.
Pawisa tih thih hnuah Champhaia customer ngah ber SBI hian nitin dawrtu an ngah hle a, nimin a sorkar hnathawkte hlawh lak ni a nih angin dawrtu an tam ber tum a la ni.

KHAWTLANGIN IN SAK SAK :
Kumin October ni 28 zana ruah sur nasa tak avanga leimin in a tih chhiat, Tualcheng khua Pu K.Lalramsanga In chu Tualcheng khawtlang in an sak that sak.
Tualcheng khawtlang hian thingtlang buh an seng zawhah Insak hnatlang hi 30.11.2016 atang khan an nei tan a,hnatlang thawk chhuakte hi hlawm thumah inthenin,a tahtawlin an hnatlang thin a. Nimin hnatlang nithumna-ah hian in hi sak zawh thawkhat niin,naktuk hian Pu K.Lalramsangate hi 
invawmlut thei tura beisei a ni.
Tualcheng khua hian kumin March thla khan thli leh rial avanga chhiatna nasa tak an tawh avangin tanpuina pawh sorkar atangin an dawng nasa hle a. Pu K. Lalramsanga In sakna tur hian sorkar lam atanga tanpuina dil chu inthlahrun thlakah ngaiin,insakna chak leh tul pawimawh dang pawh khawtlangin lungrual takin an thawh khawm a ni.

VOLLEYBALL TOURNAMENT ZO FEL TA :
Nimin khan Champhai District Volleyball Association Inter office leh Open Volleyball Tournament chu final khelh a ni.
Inter office bikah hian Team 8 telin nimin final-ah hian Police leh District Jail inkhelin Police hian 3-0 a hnehna changin an champion a. Open Hmeichhiaah Zotlang Volleyball Club leh Khawzawl inkhel in,Zotlang hian 3-1 a hnehna changin an champion a. Mipa Finalah TNT leh 2nd Ir Batalion 
inkhelin 2nd Ir Batalion te hian 3-1 a hnehna changin an champion bawk.Mipa Champion hian lawmman tangkaifai Rs 8000 leh Trophy an dawng a,Pahnihnain Rs 5000 leh Trophy an dawng  bawk. Hmeichhe Champion Zotlang Volleyball Club hian Trophy leh Rs 6000 dawngin,Pahnihna Khawzawlin Trophy leh Rs 4000 an dawng bawk a. Inter Office Champion Police-in Trophy leh Rs 5000 dawngin,Pahnihna District Jail-in Trophy leh Rs 3000 an dawng bawk.

CHHUNZAWM DAWN :
CDFA Ist Div League chu nikhat chawlh a nih hnuin vawiin hian khelh chhunzawm leh a ni dawn.
Vawiin hian Match thum a awm dawn a,inkhel hmasa ber chawhma Dar 10:30 ah Champhai Utd FC leh Bethel FC an inkhel ang a Dar 12:30 ah Zotlang FC leh Vengthlang FC an inkhel ang a. 
Inkhel hnuhnung ber chawhnu dar 2:30 ah Venglai FC leh Vengsang FC an inkhel bawk ang. Tarlan tawh angin Ist Div Club 6 te hi inkhel kual vekin a sang pahnihin final an khel dawn a, point hmu hniam ber 2nd Div-ah tla thla in, Point hmu hniam ber dawttu in 2nd Div League neih tura point hmu sang ber dawt nen play off an khel thung ang.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 61.88/litre)
Diesel    : Tanky Full (Rs. 52.08/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…