Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

ni 6.12.2016 (thawhlehni)


ZOFEST TAN DAWN :
MZP buatsaih Zofest vawi 6-na chu vawiin atanga tunkar Ningani thleng khian Zokhawtharah hman a ni dawn.
Nimin khan thlen kim ni niin December ni 9 ah a tiak dawn a ni. MZP chuan Zofest hi vawi 6 an buatsaihna tur niin kum 2002 khan Churachandpur, Manipur ah a vawikhatna atan an lo nei tawh a, Aizawl ah vawi thum nei tawhin kum 2012 khan Darchawi, Tripura State ah neih a lo ni tawh a, kum 2014 khan Halflong Assam ah neih a lo ni tawh bawk. Zofest in a tum ber leh thupui ber chu Zofa chi peng hran ghrangte in unauna leh inpumkhatna tha zawk neih a ni a, kum 2016 Zofest ah hian Lalthanhawla, Chief Minister chuan naktipah khuallian niin a hmanpui dawn a, vawiinah Lalrinmawia Ralte, Minister of State chuan a hmanpui ang a, naktukah Ngunlianchunga, Minister of State in khuallian niin a hmanpui bawk ang.

Vawiin chawhma dar 10 atangin Prog hman tan ani ang a, Lalsangzuala Ngente, MZP President in a kaihruai ang a, L. Ramdinliana, Secretary, Zofest Org. Comt. hnen atangin report ngaihthlak ani ang. Chawhnu lamah Seminar leh Variety Programme a hun hman a ni ang a, zanah dar 7 ah inkhawm tan leh a ni ang a, Michael Zonuntluanga MZP Fin. Secy in a kaihruai ang a, Hnam chi hrang hrangte hnen atangin minute 3 theuh Zofest chibai bukna ngaihthlak a ni ang a. Chin Literature & Culture Association Zofest Music Video tlangzarh a ni ang a, L. Keivawm IFS (Rtd) hnen atangin thusawi ngaihthlak a ni bawk ang.

SE IN KHAWBUNG TUILAKNA TLAWH :
Kumin fur ruahtui tla in a tihchhiat Khawbung Water Supply Scheme pump house ram leh Tuipui tui pump chhohna hmunhma chu Nodal Officer thar Er. Lalrammawia, SE Champhai WATSAN Circle PHED chuan Inrinni khan a hmunah tlawhin a enfiah.
Kumin khan fur tuilianin Khawbung Water Supply Scheme pump house ram engemaw zat a la hek a, Khawbung WATSAN Sub-Division enkawltu SDO Er.  C. Lalchawimawia chuan Pump House ram tuilianin a lak hek dan Nodal Officer hnenah sawifianin tuilian laka Pump House ram ven dan tur an ruahman a. Heng bakah hian fur tuilian chuan Tuipui tui pump chhohna (Jackwell) hmunhmaah Tiau lai lung leh balu a chhek khawm a, hei hian Submersible pump hmanga tui lak a tihbuai theihdawn avangin lui kuang siam danglam theih hun thal  chhunga tuiluan dan sawn turin ruahmanna an siam bawk ni.

ZDU SUB-HQRS. IN KAWNG CHHIA NGAIMAWH :
Nimin khan ZDU Sub-Hqrs. Champhai chuan C. Lalnunzira In, Champhai Vengthlang North ah Assembly neiin Road Safety Week hmanmek kharna hun an hmang zui bawk.
Assembly hian resolution siamin : Kan sawrkar hian Champhai leh Aizawl inkar kawngpui chhe lutuk hi min siam that thuai rawh se. Sawrkarin a siam that hma chuan Lirthei ke 6 nei aia tam kal phal lohna Order Champhai DC ina tihchuah tawh hi hman zui zel ni rawh se, tih leh, mipui awlsam zawk nan Department dang kawp lo tur DTO nghet sawrkarin min pe rawh se, tih te an resolution ah chuan an tarlang a ni.

INTHIARNA SIAM SAK :
10th Assam Rifles, Champhai 23 Sector Assam RIfle leh IGAR East chuan Swachh Bharat Abhyan kalpuina atan North Diltlang khuaah DGAR hnuai a vantlang tana hnathawh kal zelah vantlang inthiarna an siamsak chu khawtlang mipui te hnenah an hlan. North Diltlang khaw VC te chuan hetiang ruahmanna Assam RIhles ten an siamsak hi an lawm thu an sawi a. VCP chuan tunhnuah pawh sipai lam mite leh khawtlang mipui tan hei hian thawh hona tha zawk a siam zel a beisei thu a sawi.

HNATLANGIN TIFAI :
Inrinni khan Khawbung Branch YMA hnuaia Y-Section te chu YMA Chhangte nen Khawbung Sasaw hmun sam faiin mi 60 an hnatlang. Sasaw hmunah hian Sasaw thing kum 200 chuanga upa 5 vel a la awm a. Sasaw hmun hi British ten Mizo chunga an kutthlak hnuhnun berna hmun Sailo Lal Kairuma khua in 600, Tlaikuang khawchhak lam kawtchhuaha awm a ni a. Zin mite tana thawk lakna hmun nuam tak a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 61.88/litre)
Diesel    : Coupon Only (Rs. 52.08/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…