Skip to main content

Posts

Showing posts from November, 2016

๐’๐ˆ๐‹๐•๐„๐‘ ๐‰๐”๐๐ˆ๐‹๐„๐„ ๐‘๐Ž๐๐”I ๐“๐€๐Š๐ˆ๐ ๐‡๐Œ๐€๐๐†

๐’๐ˆ๐‹๐•๐„๐‘ ๐‰๐”๐๐ˆ๐‹๐„๐„ ๐‘๐Ž๐๐”I ๐“๐€๐Š๐ˆ๐ ๐‡๐Œ๐€๐๐† Mizo Zirlai Pawl (MZP) Headquarters, Champhai chuan nimin khan kum 25 an tlin Silver Jubilee lawmna Government Champhai Multipurpose Hall-ah an lawm a. He hun hi Er. Lalrinawma Deputy Speaker, Mizoram Legislative Assembly chuan Khuallian niin a hmanpui a. Silver Jubilee Souvenir a tlangzarh nghal a ni.. Khuallian Er. Lalrinawma chuan MZP Headquarters Champhai in kum 25 hmel a hmua Silver Jubilee a hmang chu a lawmpui thu sawiin, zirlaite chu faina leh mahni inthununna nunpuia an nihna leh dinhmun chiang taka hre thin turin a fuih a. Eng hna pawh zahpui hauh lo a thawh duhna chu ram mamawh a nih tawh thu leh, zirlaite chu chhawrtlak leh belhtlak nihntum theuh turin a chah a ni. Zirlai kalkhawmte chunMizoram runtu hlauhawm tak AIDS natna lak atanga inveng fimkhur tura chahin, thalaite chu taksa zaha hlutna chang hre tur leh Nupui pasal neih hmaa invawng thianghlim turin a fuih a. Kan ram leh hnam chawisan a tulin, tu ram mahin…
ni 30.11.2016 (nilaini)
BORDER AREA CULTURAL PROGRAMME NEIH MEK A NI :
Ni hnih awh Border Area Cultural Programme chu nimin khan Kahrawt Field ah tan a ni.
Art & Culture Dept, Mizoram leh North East Zone Cultural Centre te tangkawpa buatsaih Border Area Cultural Programme hawnna inkhawm hi K. Lalruala, Dy. Director, Art & Culture Dept. chuan a kaihruaia, khuallian Vanlalngaihsaka, Champhai DC chuan thusawiin, Idnia ram hi hnam hrang hrang awmkhawmna a ni a, hnam tinin ziarang leh chindan hrang awmkhawmna ani a, hnam tinin ziaran gleh chindan hran gkan nei a, hei hi India ropuina pakhat a ni a. Kan tihdan hrang mahse hnam khat kan nih avangin inlungrualna chu thil pawimawh tak a ni, a ti a. Hnam hrang hrangte inpawh leh inthianthatna tura Border Area Cultural Prog. buatsaih a ni a, he hun pawimawh tak Champhaia nghah a ni chu lawmawm a tih thu a sawi a. State hrang hrang atanga rawn kal palaite chu Champhaia an cham chhunga hun nuam tak hmang turin a duhsakna a hlan a ni.
ni 29.11.2016 (thawhlehni)
CHAMPHAI DRDA STAFF TEN TAMIL NADU AN TLAWH :
Mizoram State Rual Development Additional Secretary Pi K. Lalrinzuali leh Champhai DRDA Project Director Pu CC. Lalchhuangkima-te kaihhruai-in Champhai DRDA staff te chuan kar kalta chhung khan Tamil Nadu State chhung Madurai District a Integrated Watershed Management Project (IWMP) hrang hrang an tlawh.
Karnataka leh Tamil Nadu State-ten Cauveri luipui tui duh khawp an chan loh lai leh kuminah Tamil Nadu State in Monsoon ruahtui a hmuh tlem lai pawhin IWMP hmalakna chuan loneitute harsatna an tawh turah nasa takin a tanpui a ni.
ni 28.11.2016 (thawhtanni)
BETHEL MISSION SCHOOL CHE THA :
Zoar Vanlalchhanhimi, bethel Mission School a pawl 9 zirlai chuan kar kalta Ningani leh Zirtawpni a Lawngtlaia State Level Science Exhibition neih zawh takah lawmman 2-na a dawng a. National Level ah state ai a awh leh dawn a. He Exhibition hi SCERT leh STAM te tangkawpa buatsaih a ni.
ni 25.11.2016 (zirtawpni)
DISTRICT LEVEL KHELO INDIA TAN :
Nimin khan Champhai Town hall ah District Level Khelo India chu tan a ni.
Kum 17 hnuailam intihsiakna tur hawnna inkhawm hi C. Lallianpuia, Champhai District Sports Committee Chairman chuan a kaihruai a. Khuallian Vanlalngaihsaka, Champhai DC chuan thusawiin, District Khelo India chu Block inelna, PYKKA thlakna tur akumin atanga kalpui tan ani a, kuminah kalphung thlak danglam hret avanga inbuatsaihna hun a tam loh avangin, a nihna ang tur takin kalpui theih a ni dawn lova; mahse, hlawhtling taka
ni 24.11.2016 (ningani)
ZANIN ATANGIN HIGH SCHOOL QUIZ QUARTER FINAL :
Champhai District Inter High School Quiz 2016 chu nizan hmasa khan 2nd ROund zo fel in, Quarter Final lut a chiang ta.
Nizan hmasa match hmasa berah Bethel Mission School I chuan Point 150 hmuh theihna ah Point 140 a hmu a, an bitum North Khawbung HS II te chuan Point 100 an thawk chhuak bawk a. Bethel Mission School I te hian Quarter Final an lut a. Holy Cross HS I chuan Point 80 hmu tling mah se point 120 hmutu Venglai Secondary SChool II an ngam lo thung. BC English Academy II chuan PES Zotlang II chu 130-90 in an hneh a, PES Khawzawl Vengthar II chuan 110-50 in R. Hranga HS I te a hneh bawk.
ni 23.11.2016 (nilaini)
CHAMPHAI THALAI PAWL TE THUKHAWM :
Ni 22.11.2016 (Thawhlehni) zan dar 7 khan Champhai Thalai Pawl te Vengthlang YMA Run-ah thukhawmin Champhai a Polytechnic Building sak zawh tawh tun thleng a la function loh leh Damdawi In chungchanga thawhtu indaih loh chungchang an sawi ho.
He meeting ah hian Tlangsam a Sawrkar laipui Ministry of Human Resource Development (MHRD) in  Rs. 12,30,00,000 a pek atanga Polytechnic Building sak zawh tawh tun thleng a Mizoram Sawrkar in a la kalpui theih loh chu kal pui vat a nih theihnan Mizoram Sawrkar-ah ngen nise an ti a.
ni 22.11.2016 (thawhlehni)
NO TOLERANCE WEEK HMANG TAN :
Nimin zing dar 6:30 khan Champhai ah No Tolerance Week hman tan a ni.
Kristiante hunpui lo thleng tur kan hmachhawn mekah mipui  leh lirthei a zin veivakten him tlang taka hun an hman theihna turin No Tolerance Week chu Champhaiah hman tan niin District chhunga Police Post hrang hrangah lirthei khalhtute Driving License, Motor Document  endik bakah zu an ruih leh ruih loh endik a ni dawn a. Hmun ruat bikah chauh kawngpu ikama lirthei dah phal niin Lirthei chetvelna dala kawngpui leh kawngkama insakte bungrua lehthil dang dahlo tur leh dan bawhchetute chungah na zawka khapna lekkawh a ni bawk ang.
ni 21.11.2016 (thawhtanni)
CHAMPHAI KARATE ZIRLAITE CHE THA HLE :
4th RSC Karate Cup, Karate & Kabudo Championship, 2016 Regional Sports Centre (RSC), Kadavanthra, Cochi, Kerala-a The International Okinawan Shorin Ryu Seibukan Karate Do of India buatsaiha vawiin, 20th November, 2016 a neih zawh takah AMKA Champhai District chuan Mizoram aiawhin Karate zirlai pariat (8) leh an coach pakhat an tir a.
AMKA Champhai hnuaia Karate zirlaite hian Gold medal 9, Silver medal 1 leh Bronze medal 3 an la a. He inelna neih zawh taka medal an lak dan chu hetiang hi a ni :-
1. Rosangliana S/o C. Lalthanhranga, Kanan - Gold 2
2. R. Lalruathlui D/o R. Lalramluaha, Bethel - Gold 2
3. Lalrindiki D/o Lalruatdika, Bethel - Gold 2
4. Lalchhuanmawia S/o Lalvunga, Kanan - Gold 1 leh bronze 1
5. Vanlalchhandama S/o Rodingliana Dinthar - Gold 1 leh Bronze 1
6. C. Lalbiaksanga S/o Lalvunga, Kanan - Gold 1
7. PC Lalremruati, D/o Lalthangmawia, Vengsang - Silver 1
8. Lalremruati D/o J. Lalchhuana, Bethel - Bronze 1

THISE…
ni 17.11.2016 (ningani)
MIZORAM-AH CHAMPHAI DISTRICT HOSPITAL FELFAI BER :
Mizoram chhunga damdawi in dai inelna Kayakalp Award chu nimin khan Lal Thanhawla Auditorium ah Health Department buatsaihin sem a ni. Champhai District Hospital chu Mizoram a District Hospiral felfai bera thlan a ni.
District Hospital ah Champhai District chu pakhatna niin pahnihna Serchhip District Hospital, pathumna Kolasib District Hospital te an ni. Pakhatna atanga pathumna te hian citation leh memento bakah cheng nuai 3 theuh an dawng. SDH/CHC ah Vairengte CHC chu pakhatna niin cheng nuai 10, citation leh memento an dawng a, Biate CHC in dawtin cheng nuai 4, citation leh memento an dawng a, pathumna Hnahthial CHC chuan cheng nuai 3, citation leh memento an dawng a ni. 
ni 16.11.2016 (nilaini)
PAWISA NOTE THAR THLENG :
Rs. 500 leh Rs. 1000 tih thih a nih hnuah Bank te chu an insingsa mek zel a, Champhaiah pawh pawisa note thar a rawn thleng tawh.
State Bank of India ah pawisa thar Rs. 2000 a rawn thleng a, hengte hi nimin khan bank hrang hrangah thawn darh nghal a ni a. Rs. 500 note thar erawh a la rawn thleng lo thung. pawisa note thar hi pawisa tihthih tak thlengna atana hman nghal theih a ni a, ATM ah pawh a rang lama dah nghal tum a ni.
ni 15.11.2016 (thawhlehni)
CHAMPHAI A RUIHHLO DO KALPUI DAN THLIRHO :
Champhai District Ruihhlo Do kawnga hmalatute nimin khan Champhai District Addl. SP VL Lura Hauzel Pisa ah thutkhawm a ni a. He thutkhawmah hian RUihhlo do kawnga hmalak tawhna thlirlet a nih rualin koritu zawka hmalak zui zel dan tur relho a ni.
Central YMA leh Mizoram Sawrkar in damdawi hmansual theih leh ruihhlo do kawnga hma la dun tura ruahmanna a duan  bawhzui a he hmalakna Champhai District a kalpui mek dinhmun  thlira thutkhawmah hian District Police hotute, Excise & Narcotics hotute leh YMA Sub-Hqrs. Champhai hruaitute an tel a.
ni 14.11.2016 (thawhtanni)
PAWISA AIAWH LEHKHA THEM COUPON HMANG :
Pawisa note Rs. 500 leh 1000 tlang thi avangin thingtlanga dawrkaite leh anmahni dawrtute chuan lei leh hralh chungchangah an harsatna sukiang turin hmun thenkhatah pawisa aiawh lehkha them (coupon) an hmang.
Mizoram khawchhak tlangdung, khaw 25 awmna Khawbung RD Block huam chhungah chuan Rs. 500 leh Rs. 1000 thih avangin harsatna lian tham sawi tur tawk lo mahse, mimal anga Rs. 500 leh Rs. 1000 note kawl reng chu him lova ngaiin an mamawhte lei turin Rs. 500 leh Rs. 1000 note an keng deuh zel a. Hemi avang hian
ni 11.11.2016 (zirtawpni)
CHAMPHAI-AH OBSERVER HOVIN MEETING NEI:

    Election Commison of India ruahman angin Champhai District Eletoral Roll Observer atan a ruat Lalhmingthanga, IAS, Agriculture & Rural Development Department chuan nimin chawhm khan Champhai DC Conference hall-ah Political Party te, NGO te leh Media mite meeting a neihpui.
    Thusawiin lalhmingthanga chuan inthlanna thianghlim leh felfai nei tur chuan Electoral Roll felfai neih hmasak a ngai a, hemi atan hian Special Summary  Revision chu uluk leh dik taka kalpui a tul hle a ni, a ti a. hemi tur hian Political Party te pawhin Booth Level a endikna kan ngaih pawimawh thar a tul a ni, a ti. Electoral Roll a ithun thar leh paih ngaite siamthat kawnga hmalak dan turah
ni 10.11.2016 (ningani)
CHAMPHAI-A HOME TANPUINA TUR PAWM :
Nimin chawhnu khan Champhai DC Conf. Hall ah Deendayal Antyodaya Yojana (DAY) National Urban Livelihood Mission chungchangah District Level Executive Committee Under DAY-NULM thutkhawm a niin, he hun hi DC Vanlalngaihsaka`n a kaihruai.
Sawrkar laipui flagship programme DAY hnuaiah hmalakna hrang hrang Champhai District a kalpui mek a nih dan thlirho a ni a. He thutkhawmah hian 2016-2017 chhunga NULM hmalakna pen gpakhat khawpui a cheng lunghahna neilote chenna pek Shelter for Urban Homeless (SUH) tana hmalaknaah Champhai khawpui chhunga Home 3 : Emmanuel After Care, Metakhen leh Genesaret Gospel Home te tana ruahmanna siam tawh chu thlirletin sawiho a ni. He sawihonaah hian 2015 a din Emmanuel After Care chu zu leh ruihhlo ngaite tana din a nih thu leh 2015-16 chhungin
ni 9.11.2016 (nilaini)MCS-AH TLING :

Mizoram Sawrkarin Gazetted Officer-te atanga MCS a lakna result chu nimin khan tihchhuah a ni a. Hetah hian Taxation Dept-a Superintendent hna chelh mek C. Lalthazuala s/o Satthanga, Champhai Vengthlang leh Champhai Taxation Office-a Superintendent hna thawk mek Ngulzathuama te pawh an tling a. MCS hi an zawm duh chuan an zawm thei tih thu dawn a ni.


ni 8.11.2016 (thawhlehni)
ERIC MARTIN-A LUNGTAT PAR DAWN :
November 15-a Tribal Art Centre, Tanhril-a Eric Martin concert huna opener tur tihfel a ni a, 'Lungtรขr par' nena par chhuang mek Triau Trackx chuan concert hi an hawng dawn. Eric Martin concert tur atan ticket hi zawrh chhuah tan a ni a, inbuatsaihna a kal chho mek. Triau Trackx hian an hla sak tur hi an la thlang chiang lo a, hla panga sa turin ruahmanna an siam mek. Concert-ah hian Boomarang, Rosy K. Remsangpuii leh DJ Lalvenhimi te an zai bawk ang.
ni 7.11.2016 (thawhtanni)
THAWKTU LAKNA TUR SAWRKARIN LA PAWM LOH AVANGIN POLYTECHNIC LA HAWNG LO :
Inrinni khan MJA Champhai District chuan Tlangsama Mizoram Polytechnic building sak zawh vek tawh, hun rei tak chhung a nih tur anga a kalpui loh chu a hmunah tlawhin, zirna kalpui tan theih a nih loh chhan hrechiang turin an fang.
ni 4.11.2016 (zirtawpni)
CHAMPHAI DISTRICT ROAD PROTECTION SQUAD DIN :
Nilaini chawhnu khan Champhai DC Vanlalngaihsaka kaihhruaiin DC Conference Hall-ah Champhai District Road Protection Squad din a nih bakah Champhai Town Traffic Management Committee pawh dinfel nghal a ni.
Champhai District chunga inkalpawhna kawngpuite lirthei tan tangkai taka hman a nih theihna tur leh chhiat theihna chi hrang hrang laka kawngpui vawnhim a nih theih nan hemi kawnga
ni 3.11.2016 (ningani)
KHAWLAI THIL ZUARTE ENKAWLNA LEH KAIHHRUAINA DAN ZIR :
Mizoram Street Vendor Act and Tules chungchangah nimin khan UD&PA Dept, Champhai chuan VC te tan One Day Training a buatsaih.
V. Lalmuanpuii, DUDO chuan he hunah hian Street Vendor Act chungchang sawizauna a nei a. Kawngsira inphote kaihhruaina dan hi Champhai khawpuia hmang turin hun rei tak chhung ruahmanna kalpui tawh a ni a, an thutna tur pawh rin fel tawhin mi 56 te inphona tur rin chhuah a ni, a ti a. Street Vendor Act hi
ni 2.11.2016 (nilaini)
CEMENT MISTIRI TRAINING BUATSAIH A NI :
Central YMA, LE & IT leh Mizoram Building & Other Construction Workers Board buatsaih, Champhai thla khat chhung awh tur Cement Mistiri Training chu nimin khan hawn a ni.
ni 1.11.2016 (thawhlehni)
RAN VULH THA TE HNENAH CHAWIMAWINA HLAN :
Nimin chawhnu khan Champhai AH & Vety Department chuan Champhai khawpui chhung ranvulh kawnga hmala tha leh mi hlawhtlingte chawimawina Farmers' Award 2016 chu Government Champhai College Seminar Hall-ah a nei.