Skip to main content


Showing posts from 2017

π’πˆπ‹π•π„π‘ π‰π”ππˆπ‹π„π„ π‘πŽππ”I π“π€πŠπˆπ π‡πŒπ€ππ†

π’πˆπ‹π•π„π‘ π‰π”ππˆπ‹π„π„ π‘πŽππ”I π“π€πŠπˆπ π‡πŒπ€ππ† Mizo Zirlai Pawl (MZP) Headquarters, Champhai chuan nimin khan kum 25 an tlin Silver Jubilee lawmna Government Champhai Multipurpose Hall-ah an lawm a. He hun hi Er. Lalrinawma Deputy Speaker, Mizoram Legislative Assembly chuan Khuallian niin a hmanpui a. Silver Jubilee Souvenir a tlangzarh nghal a ni.. Khuallian Er. Lalrinawma chuan MZP Headquarters Champhai in kum 25 hmel a hmua Silver Jubilee a hmang chu a lawmpui thu sawiin, zirlaite chu faina leh mahni inthununna nunpuia an nihna leh dinhmun chiang taka hre thin turin a fuih a. Eng hna pawh zahpui hauh lo a thawh duhna chu ram mamawh a nih tawh thu leh, zirlaite chu chhawrtlak leh belhtlak nihntum theuh turin a chah a ni. Zirlai kalkhawmte chunMizoram runtu hlauhawm tak AIDS natna lak atanga inveng fimkhur tura chahin, thalaite chu taksa zaha hlutna chang hre tur leh Nupui pasal neih hmaa invawng thianghlim turin a fuih a. Kan ram leh hnam chawisan a tulin, tu ram mahin…
ni 30.12.2017 (inrinni) 
MJA SIKTUI THIANG           MJA Champhai District-in (31.12.2017) a kum 30 anih lawmna chi khat atan a vantlang tana tui thianghlim in tur  Darthangvunga Traffic Point, Champhai Vengthlang Presbyterian Biak In tuala Rs 1, 81,500.00 (Cheng Nuai khat singriat leh sangnga) chuang seng a siam,  "MJA SIKTUI THIANG" chu ni 29.12.2017 chawhnu dar 1 khan Champhai District Bawrhsap  Pu Vanlalngaihsaka IAS chuan vantlang tana hman theih turin a hawng.
ni 23.12.2017 (zirtawpni) 
MIPUI HIMNA TUR NGAIHTUAH :     Hunpui lo thleng tur vuakvet a boruak muan-awm tak a mitinten an hman theih nan venhimna hna thawh dan dan tur thlirin nimin khan Champhai SDPO Pisa-ah thutkhawm a ni a. He hun hi Champhai District Additional SP Pu VL. Lura Hauzel-in kaihruain,  Champhai District a Police hotute,  SDO (Sadar), Sub-Hqrs. YMA Champhai hruaitute leh MJA Champhai District hruaitute an tel.
ni 22.12.2017 (zirtawpni) 
αΉ¬ANPUINA HLAN : Mizoram Journalists' Asoociation Champhai District chuan Champhai khawpui chhunga Home hrang hrang leh Champhai District Hospital Poor Fund atan nimin khan tanpuina sumfai a hlan.
MJA Champhai District memberten tanpuina an pekte hi Grace Receiver Home,  Genesareth Gospel Home, Immanuel After Care,  Metakhen leh Thutak Nunpuitu Team Champhai niin, tanpuina sumfai Cheng sangkhat theuh a hlan bakah Champhai District Hospital Poor Fund atan Cheng sanghnih an hlan nghal bawk.
ni 21.12.2017 (ningani)
YMA TEN KAWNG SIAM : Nimin khan Khawbung Branch YMA huaihawtin Tuipuiral khaw tam zawk zin kawng ‘Tuipui kawng’ chu a chhiat leh khuar nasat tawh avangin hnatlangin an siam tha.
ni 19.12.2017 (thawhlehni) 
AUTO RICKSHAW WELFARE IN TANPUINA PE: Kum danga an tih thin angin Champhai Bethel Kawn Stand-a Auto Rickshaw Welfare chuan hunpui Io thleng tura chhungtin ten hlim tlang taka Krismas Ieh Kumthar an hman theih nan Champhai khawpui chhung Veng thenkhata khawsak harsa ni a an hriatte hnenah tanpuina
ni 18.12.2017 (thawhαΉ­anni) 
HUNPUI HMANG TURIN INBUATSAIH : Krismas leh Kumthar hmang turin Champhai chu a inbuatsaih chho mek.
Kar kalta khan zirna inte chu khar niin Krismas bazar pawh a Iun chho tan mek a, Champhaia khawpui Iun Iaiah te chuan kawngdunga inpho an thahnem tawh hle a ni. Tunkar hian Krismas bazar hian a vanglai a thlen chhoh beisei a ni a, Champhai chhehvel khaw hrang hrangte chuan kum dang ang bawkin Krismas chakkhai chu Champhaiah hian an dapkhawm leh dawn a. Krismas bazar-a mipui veivak him zawkna atan Vengthlang dawr dung thla chu lirthei dah phal lohna hmuna puan niin vawiin atangin ni 23 thleng hman tur a ni.
Hetihlai hian Kohhran hrang hrangte chuan Biak in leh a vΓ©l chu Krismas lam hawiin an chei chho mek a, Kohhran thenkhat chuan Biak in chei hna hi thla hmasa atang khan an Io thawk tan tawh a ni. Zirtawpni zan khan Presbyterian Kohhran hrang hrangte chuan Sunday School zirlaite tan Carol service emaw Advance Christmas hun an hmang bawk. Hei bakah hian kum d…
ni 21.11.2017 (thawhlehni) 
PWD IN KAWNG SIAMαΉ¬HA: Champhai PWD chuan Champhai khawchhung kawng thawmthat ngai te a thuam tha mek.
Kar hmasa ningani atang khan kawngpui chhe zual lai te chu siam tha tura hma lak tan a ni a, Zotlang leh Ruantlang inkar kawng chu siam zawh fel tawh niin tunah hian Taxation Office kawng leh Venglai Presbyterian Kohhran kawng chhuk thla chu thawm that leh mek a ni bawk. Heng hmun bakah hian kawng siam that tur hmachhawp a awm nual
ni 20.11.2017 (thawhαΉ­anni) 
KHUA A TLAI HMAA SIM TURIN TI : MZP Hqrs Champhai chuan Inrinni Zing khan Mizoram hmundang rualin Inner Line Permit enfiah runpui chu MZP Pisa Pui, CHANEM Building-ah an huai hawt. He hunah hian hnam dang mi 130 enfiah anni a. Heng zingah hian Police station a chinfel ngai mi 17 tirh chhoh niin, push back ngai an awm lo a. Vai, Pathian thu sawi nia inchhal ILP nei thlap si 2 an awm bawk. Inner Line Perfmit hnuaiah hian hnamdang te hi Sponsor tu neiin an hnuaia hnathawk tur atan chauha lakluh theih an ni a, hna an thawh zawhah an rama haw leh tur an ni.
ni 17.11.2017 (zirtawpni) 
Greater Chanphai Water Supply Scheme a Tuipui tuilak pump-tu khawl a chhiat vangin PHE chuan Champhai mipui tui intur thla thum chhung chu Quata chanve in an sem tawh a,  Tui pump khawl thar hi niminpiah khan Kolkatta atanga rawn thawh chhoh a niin, khawlthar vuah anih hma chuan mitinte tui renchem turin Champhai PHED WATSAN Division chuan a ngen.
Champhai khawpui chawmtu Tuipui tuilakna atan hian Tuipui luikam Tui Pump No. 1-ah hian khawl pahnih Electric Khawl (200 KW)  leh Diesel khawl (310 HP) te dah a niin,  2016 atang khan chawl lova hman a ni a.  Heng khawl pahnih te hian
ni 16.11.2017 (ningani) 
CDFA LEH HOTEL HRANGA PLAZA INREM: Champhai District Football Association leh Hotel Hranga Plaza te chuan kum 2 chhung atan thawh hona thuthlung nizan hmasa khan an ziak. MoU ziahna hun hi Hotel Hranga Plaza-ah neih a ni a, CDFA aiawhin President C. Hualrikhuma leh Hotel Manager Lalduhawma ten MoU hi an ziak a. He thawh hona turah hian mikhual thlen leh sponsorship chungchang te ziahlan a ni.
ni 15.11.2017 (nilaini)
DC HOVIN THLIRLETNA HUN HMANG: Nimin khan Champhai DC Conference Hall Keifangtlangah Champhai District Consultative Committee chu Chairman Champhai DC charge la mektu Pu Pachhunga, Sub-Divisional Officer (Sadar) kaihhruaina hnuaiah neih a ni. He hunah hian NABARD buatsaih Potential Linked Credit Plan (2018-19) Champhai District tih chu tlangzarh nghal a ni.
ni 14.11.2017 (thawhlehni)
TRACTOR 6 LONEITUTE HNENAH SEM : LONEITUTE HNENAH TRACTOR SEM CHHUAH A NI Nimin chawhnu khan Champhai DAO office ah Loneitute tana hman tur tractor 6, Custom hiring centre thlan thar 6 te hnenah DAO James Vanlalluaia'n a sem chhuak. Champhai District ah hian Custom hiring centre 14 hnenah tractor pek tawh a niin tractor pakhat manah sorkarin cheng Nuai 9 leh sing 5 a tum sak a.A bak za a panga vel loneituten an tum ve a. Nimin a tractor 6 pek chhuah nen Champhai dist.ah zau hrang hrang 20 ah tractor an pechhuak ta a. Mizorama Zau leh tractor pekchhuah tam berna dist.ani tih DAO chuan a tarlang. Heng tractor te hi Loneituten in hmantawmin a senso, siamthatna  leh driver hlawh te chu loneituten an tum a. Man tlawm zawkin leilet siam hna an thawk thei ta a ni. Agriculture department a thawktuten an sawi danin Champhai district 3085 a zau ah hian
ni 9.11.2017 (ningani)
MI 2882 MITHAR MI 609 PAIH : Champhai District chhung A/C 5 huama Electoral Rolls khawihtu,  DEO, ER0, AERO leh BLO te chu Mizoram State Chief Electoral Officer (CEO) Pu SB Shashank (IAS) in Champhai DC Conference Hall-ah nimin khan a kawm a. A/C 5 huamchhunga Electoral Rolls Special Summary Revision 2018 kalpui anih dan tlangpui tarlang tura CEO in a ngen angin ERO leh AERO te bakah BLO ten an hmalakna tlangpui an tarlang. Champhai District Electoral Officer leh DC Pu Vanlalngaihsaka kaihhruai he inkawmhona-ah hian CEO chuan India ramah inthlanna thianghlim leh felfai neih zel anih theih nan ER rintlak leh innghahna tlak neih a pawimawh thu a sawi a.
ni 3.10.2017 (zirtawpni)
MCTA ANNUAL GENERAL CONFERENCE VAWI 39-NA HMANG : Mizoram College Teachers Association (MCTA) Annual General Conference vawi 39-na chu nimin chawhma dar 10 khan Govt Champhai College Multipurpose Hall-ah tan a ni a. He hunah hian Higher and Technical Education changtu Minister Pu R.Romawia chu khuallian a ni a. Govt. Champhai College-a RUSA  building thar sak zawh chu a hawng nghal bawk a ni. Khuallian Pu R.Romawia chuan zirtirtu leh zirlai tha leh thiamte chu ram leh hnam tana rohlu an ni, a ti a. College Zirtirtu intelkhawm ten Conference hun tha tak an nei thei chu a lawmpui thu a sawi a. Sawrkar  leh MCTA ten thawhhona tha tak an nei chu fakawm tiin ram leh hnam tana thawhdunna kawngah rah tha tak a chhuah a beisei thu a sawi a. College zirtirtu indaihlohna chu sawrkar pawhin a hriatpui thu leh mamawh zualte phuhruk anih theih nan hmalak mek zel a ni, a ti a. Contract teacher leh part time teacher-te pawh lak anih theih nan tan lak a ni, a ti bawk a. Coll…
ni 2.11.2017 (ningani)
BAWRHSAP HOIN RS. VBC 2351.38 SCHEME SAWIHO : Nimin chawhma dar 11 khan DC Conference Hall, Keifangtlangah Champhai District Level Committee on PMGDISHA chu an Chairman Champhai DC Pu Vanlalngaihsaka, IAS hovin an thukhawm.  Thutkhawmah hian Champhai District hnuaia block hrang hrang aiawha lokalte hnen atangin an hmalak tawhna leh kal zel dan turte ngaihthlakna leh hrilhhriatna neih a ni a. Chairman chuan PMGDISHA chu chak zawka hmalak aniha target-te tlin ngei a nih theih nana tan la zel turin member-te chu a chah a. Hemi tur hian Block lama mawhphurtute chu inpuahchahna tha tak neia agency-te nena thawkho zel turin a chah nghal bawk a ni.
ni 31.10.2017 (thawhlehni)
RAN CHAW BAKA HMAN TLAKLOH BUHFAI SEM : Tunhnaia Retailer-a buhfai thleng a chhiat em avangin Champhai khawpuia mimal buhfai zuarte'n an hralh chhuak tam hle. Tunhnaia buhfai rawn thleng chu mihring tana ei tlak loh khawpa chhia a nih avangin retailer atanga buhfai Ia te pawhin an ei tur atan ni lovin an ran vulh, vawk leh ar ei atan an Ia tlangpui a. Thudawnna sawi danin Retailerah buhfai a tam hle a, buhfai awm te hi a chhiat em avangin dawrtu erawh an nei hleithei lo a, Retailer te pawh an mangang hle niin thu dawn a ni. Hetihlai hian buhfai ei tur khawlsa nei tawh Io te chuan Retailer dawr lovin mimal dawra buhfai zuartute chu ah pan nasa hle a. Tun hma zawng aiin dawr neitute chuan an buhfai hi a letin an hralh chakin an hralh tam tih an sawi a, dawrtu pawh a hma aiin an thahnem hle a ni tih an sawi bawk a ni.
ni 26.10.2017 (ningani)
DC HOVIN HIV/AIDS CHUNGCHANG SAWIHO : Nimin chawhnu dar 1 khan DC Conference Hall, Keifangtlangah District AIDS Prevention and Control Committee (DAPCC) chu Chairman Champhai DC Pu Vanlalngaihsaka IAS hovin an thu khawm. He hunah hian Champhai District chhunga HIV/AIDS dinhmun tlangpui thlirhona leh hmalak zel dan tur sawihona neih a ni a. Line Department hrang hrangte hnathawh, hmalakna leh mawhphurhnate sawihona leh enzuina neih nghal a ni bawk a ni.
ni 18.10.2017 (nilaini)
YMA GENERAL CONFERENCE VAWI 71-NA TAN TA : Nizan khan YMA Genenral Conference Vawi 71-na chu Champhai Zotlang Zokhawpui runah tan a ni ta. Nimin khan Palai tam zawk chuan Conference thlenna tur Champhai Zotlang hi an thleng a, nimin 11:00 pm thleng khan Counter-a palai in report hi mi 3512 an tling tawh a, kawng laka rawn thang mek engngemaw zat an awm bawk. Conference thleng tu Champhai Zotlang Branch YMA chuan khawmpui hmang tura kal zawng zawngte Champhai Zotlanga thleng vek turin an ngen a ni.
ni 17.10.2017 (thawhlehni)
PANDAL HLANNA HUN HMANG : Pathianni zan Dar 8:30 khan 71st YMA General Conference hmanna tur Pandal "Zokhawpui RΓ»n" tia vuah chu Pathian hnena hlan a ni ta. Pandal Pathian hnena hlanna inkhawm hi Pu H. Laltuliana, General Conference Organising Committee Chairman in kaihruaiin, Pastor H. Lalnunmawia, Ruantlang pastor bial vawngtu chuan Pathian hnenah a hlan a, he hun hmangtu zawng zawng ten a huhova tawngtai rualna an nei bawk. He hun hi Champhai Deputy Commissioner Pu Vanlalngaihsaka leh Sub-Hqrs YMA hruaitute, Champhai Zotlang khawtlang hruaitute leh Veng
ni 11.10.2017 (nilaini)
CHAMPHAI VENGTHLANG BRANCH KTP TE CHE CHHUAK : Vengthlang Branch KTP te chuan nimin khan Diamond Jubilee pualin Vengthlang Dawr dunga an railling siam rawng an hnawih. Vengthlang KTP te chuan an Branch din champhaphak vawi 60 na Iawmna kal zelah nimin khan Vengthlang dawr dunga an railling siamte rawng an hnawih thar a Nizan hmasa khan Diamond Jubilee pualin Sports an neih pawh tanin Group hrang hrangte'n intihsiakna an nei a ni. Vengthlang KTP te hian Diamond Jubilee pual hian ni 60 chhung midang tana malsawmna ni turin an thawk chhuak mek zel a, Home hrang hrang leh Hospital hrang hrangah te tanpuina te pein
ni 9.10.2017 (thawhtanni)
YMA GENERAL CONFERENCE THLENNA ATAN SUM THAWH TLINGKHAWM NUAI 163 : Champhai Zotlang Branch YMA in YMA General Conference vawi 71-na,  October 17-19 inkar chhunga a thlen tur Pandal sak hna kal mek chu Inrinni khan Chamnphai DIPRO leh Champhai District MJA ten an tlawh a. Inrinni thleng khan inkhawmpui thleng tura inbuatsaihna 75% chu zawhfel anih tawh thu leh karleh tawp lam hian Pandal hlanna neih tum anih thu Organising Chairman hnen atangin dawn a ni. YMA General Conference Organising Chairman Pu H.Laltuliana chuan DIPRO leh MJA te hi lo dawngsawngin, YMA General Conference thlenna
ni 6.10.2017 (zirtawpni)
RUIHHLO AN MANSAK AVANGIN INAWKHLUM : Mizoram Police leh 10 Assam Rifles tangkawp-ten niminpiah tlai thim dawn khan Zokhawthar daifem a in pakhatah Heroin Hawng 19 leh Meth Mum 5800  an man a. Heng ruihhlo neitu a puh zinga mipa zawk chu nimin zing dar 5 vel khan Champhai Police Station Lock up-ah inawkhlum a hmuh a ni.
Champhai Police hotute hnen atanga thu dawn danin, J. Lalnunmawii, 38 d/o Nobilthanga, Zokhawthar inah hian heng ruihhlo te hi man a niin, ruihhlo man tak kaihhnawih hian J. Lalnunmawii, 38 d/o Nobilthanga, Zokhawthar leh Rohungliana, kum 37 s/o Nokulha, Khawmawi (Myanmar) te chu man an ni a. Nizan hmasa  dar 8 khan Champhai Police Station-ah ND&PS Act tlawhchhan thubuai ziahluh a nih bakah Rohungliana hi 14 Foreigner Act hmanga thubuai awrhtir tel a ni bawk.
Rohungliana hian Lock up chhunga Blanket tlang chu pawtthler-in, Lock up kawngka thirah a hling a,
ni 5.10.2017 (ningani)
ZU MAN HNEM : Champhai Excise & Narcotics Department te chuan tunhnai thla thum chhungin MLPC Act hnuaiah thubuai 41 ziak lutin mi 28 an man. Champhai District Excise & Narcotics Department te chuan tun hnai thla thum chhung July, August leh September thla chhung khan Rakzu litre 1104 an man a. July thla khan litre 819 an man 3, August thlaah litre litre 49 manin September thla khan litre 164 an man hawk. Zu bilh lai Tin 76 manin July thla khan Tin 32 an man a, August thla khan Tin 20 manin Spetemher thla khan Tin 24 an man bawk. lMFL bottle hnih leh Beer can 12, July thla khan an man a, August leh September thlaah erawh man an nei lo thung a. September thla khan
ni 29.9.2017 (zirtawpni)
Ministry of Ayush, School Health Programme under National Ayush Mission, Govt.of Mizoram bul tumin ni 28th September, 2017 khan Mizoram District pariatah Programme hman a ni a. Champhai District-ah pawh Bethel Mission School, Champhai Bethel Vengah Free Clinic Medical Check-up cum Awareness on Ayush Health & Nutrition, Sexual & Reproductive Health Issues neih a ni.
Dr. KT. Lalrammawia, Medical Officer(Ayush) Champhai District Hospital chuan Ayush Health & Nutrition, Sexual & Reproductive Health chungchangah Awareness Campaign  a neih hnuin, school naupang te Health Screeing neih sak an ni a. School naupang 500 zet  screened  an ni a. A tul dan azirin, Ayush damdawi a thlawna pek an ni.
ni 28.9.2017 (ningani)
POLITICIAN-TE INRAWLH THEIHNA A HNA DIL DUK DUK HI A CHANGKANGLO : World Ozone Day chu nimin khan Govt GM Higher Secondary School-ah hman a ni.
Kumin World Ozone Day thupui atan hian 'Caring for all life under the sun" tih hman a ni a. He hun hi Govt GMHSS Principal K Pazawna’n kaihruaiin Champhai DFO C. Lalbiaka IFS, chuan thu sawiin Ozone layer hi boruak chikhat hlauhawm tak laka kan chenna Lei vengtu a ni a, ni Zungzam sa tak leh hlauhawm chi Ultra Violet Radiation (UV-B) ten kan awmna Lei a lo thleng tur dangin lei leh a chhunga cheng nunna neite min venghimtu a ni a, Ozone layer hi awm lo se la chuan kan khawvel hi nunna neite tan damkhawchhuah ngaihna a awm lo ani, ati. Khawvel hmun hrang hrangah Ozone layer hian pan lam a pan zel a, mihring hriselnaah nghawng nasa tak neiin natna chi hrang hrang a ti pungin natna inkaichhawn a awlsam phah hle a ni, a ti a. Ozone hi Pathianin a awmna tura a siama a awm loh chuan thil hlauhawm tak anih rualin a awm…
ni 25.9.2017 (thawhtanni)
JUBILEE PUALIN HUN HMANG : Champhai Vengthlang Branch KTP te chuan an Branch Diamond Jubilee lawmna pakhat ni 60 midangte tana inpek an kalpui mekah ni 25 na atan  nimin tlai khan Grace Receivers' Home an tlawh. He hunah hian member kalkhawm ten an pawisa thawhkhawm Rs. 4575 an hlan ngalin member 100 chuang an kal a ni.
ni 22.9.2017 (zirtawpni)
SUMO PAKHAT LEH 2 WHEELER 2 CHAMPHAI TAN : State Steering Committee for National Emergency Response System chu  DGP Pu Thianghlima Pachuau hovin an thukhawm. Committee  chuan  emergency chungchanga  mipuite phone call chhangtu turte awmna hmun,  Public Safety Answering Point (PSAP) chu  Aizawl SP Office chungzawlah sak turin a rel a. National Emergency Response System kalpui hmasakna tura thlan Aizawl district, Lunglei  district, Kolasib district leh Champhai district-ahte Emergency Response-a hman turin  lirthei  Sumo 5 leh two wheeler 8 lei turin rel a ni bawk. Heng motor lei  turte hi Aizawl District tan Sumo 2, Lunglei, Kolasib leh Champhai district tan sumo 1 theuh leh District pali ah hian two wheeler 2 theuh a sem tur a ni a. National Emergency Response System kalpui hmasakna tur district-te hi law & order case leh pawikhawih tam dan a zira thlan an ni.
ni 21.9.2017 (ningani)
CHILDREN SCIENCE CONGRESS HMANG : Nimin khan RMSA Champhai Dist.leh STAM  bultumin District Children Science Congress  chu I & P R Hall CHANEM ah neih a ni a. Project competition ah hian School 13 atangin Project 19 thehluh niin, senior leh junior category ah te then an ni.   He function ah hian Pu Lalbiakzauva DEO & DPC RMSA CHamphai DIst. in kaihhruaiin  Er. Lalrammawia SE PHE Dept. chu khuallian a ni. Khuallian hian child scientist te fuihna thu a sawi zawh hian project competition hi tan nghal a ni a, chawhnu dar 2 khan zawh fel a ni a,   result hetiang hi a ni:
ni 20.9.2017 (nilaini)
KAWNG VANGIN MIPUITEN HARSATNA TAWK : Champhai khawpui chuan Eirawngbawlna Gas mamawh khawp a hmuh loh rei tawh avangin chhungkaw tam takin harsatna an tawk mek.
Thu dawn danin tun thla chhung hian Mizofed LPG Office-ah Gas Trip khat chiah phurhthlen a la ni a, Bur pangngai 288 leh Bur lian chi 12 te chu phurh thlen ani a. Heng Gas phurh thlen te hi sem zawh nghal vek a ni a, tunah hian LPG Office-ah dahthat engmah a awm tawh lo va, Emergency a hman tur leh chhiat/that tawk te hman tur pawh engmah dah that a awm tawh lo. Hetianga Champhai khawpuiin Gas kan neih theih loh chhan hi LPG Manager chuan Champhai leh Aizawl inkar kawng chhe lutuk avangin Contractor te chuan an rawn phur duh lo niin a sawi a, mipui hriatthiamna a ngen a ni.
ni 19.9.2017 (thawhlehni)
TRAINING DUHTE KOKHAWM : Nimin khan UD&PA hnuai Skills Training diltu tlingte chu l&PR Auditorium Hall ah koh khawm an ni. He hun hi Lalhriatpuia, JE chuan kaihruaiin heng trade hrang hrang a training chhuak tawh te chuan eizawnna atan an Io hman tawh thin thu a tarlang a, tling thar te pawh training tha tak nei a, hlawhtling ngei turin duhsakna a hlan a ni. Vanrammawii, Manager. S&ME, DAY NULM chuan thu sawiin trade hrang hrang thlangtu ten training an neih dan tur te a sawi hawng a. Kan tuina ber theuhah training kan nei dawn a ni, a ti a. Taima tak leh thelhtawp chhuah chunga zirlai te zir turin kalkhawmte chu a sawm a, Training-ah hian Attendance lak thin tur niin za zelah 90 tal class kal tur a nih tih a tarlang a ni. August thla khan heng trade hrang hrang Puanthui, computer, health care, hotel management, driving leh beauty &
ni 16.9.2017 (inrinni)
MIPA AIIN HMEICHHIA TAM ZAWK : Nimin khan Draft Electoral Roll 2018 chu mitin hmuh theih turin DC Conference Hall Keifang Tlangah tlangzarh a ni Election Commission of India thu chhuak anga Champhai District chhung Assembly Constituency 5-a Electoral Roll 2018 Special Summary Revision neih zawh a nih hnuah Draft Electoral Roll 2018 chu mitin hmuh theiha tarchhuah turin nimin khan Champhai DC Conference Hall-ah District Election Officer (DEO) leh DC, Vanlalngaihsaka chuan a tlangzarh a. Draft Electoral Roll 2018 tarchhuah tura tlangzarh chu he hun hmanpuitu Political Party tin hnenah DEO chuan a pechhuak nghal bawk.
ni 8.9.2017 (zirtawpni)
NLUP DAWNG TUR DAWNGLO LA AWM NUAL : NLUP Implementing Board Chiarman J H Rothuama chuan MLA bialtinah NLUP la dawng lo chhungkaw 200 atanga 400 vel te hnenah a tul dana zira tanpuina pek leh tum anih thu a sawi.
Nimina NLUP Implementing Board, NIB Conference Hall-a an thutkhawmna ah hian NLUP kalpui mek dan leh dinhmun te, line department hrang hrangte hmalak dan bakah NIB hmalakna tur ruahmanna thar chi hrang hrangte sawiho a ni a.
ni 6.9.2017 (nilaini)
PIANCHAM LAWM DAN THA A LAWM TUM TUR : Nimin khan Champhai khaw chhunga zirna in hrang hrangte chuan Zirtitute NI, Teachers Day lawmna hun an hmang, Zirtirtute Ni denchhen hian Champhai Bawrhsap Vanlalngaihsaka chu Govt. GM Higher Secondary School leh BC English Academy-ah khuallian niin he hun hi a hmanpui a Khuallian chuan thu sawiin September mi 5 Teachers' Day a hman a nih chhan chu pa ropui leh pa ting Dr. Sarvepalli Radhakrishnan vang a nih thu sawi in India ram President a nih laia a thawhpui ten a pianchampha chu ropui taka lawm an sawi laiin Dr. S. Radhakrishnan chuan a pianchampha chu Zirtirtute hriatreng nan leh chawimawi nan hman a duh zawk thu a sawi a. Hemi denchhen
ni 4.9.2017 (thawhtanni)
MIZORAM A AWMCHHUN BASKETBALL ACADEMY : Mizorama Basketball Academy hmasa ber Champhai District Basketball Association Basketball, Academy chuan Valallawma lndoor Stadium ah lnrinni khan Graduation day an hmang. CDBBA Academy hi Sept,2016 atang din niin lnrinni khan zirlai 52 ten Graduation Day hi an hmang. Tunah hian Academy hian Level I & II an kalpui mek a. CDBBA hruaitute hnen atanga thudawn dan chuan Level IV thleng kalpui an tum a ni. Session thar hi September ni 18 tan turin ruahmanna an siam niin an sawi.
ni 2.9.2017 (inrinni)
MIZORAM AH KHAW FAI BER NIH TUM: Biate-in Mizoram khaw fai ber nih tum
Champhai District a khaw fai bera thlan Biate khua chuan Mizoram a khaw fai ber nih tuma hma an lak mekna kal zelah nimin zing khan a khawnawtin faina kawngzawh an huaihawt.
Biate Town Faina Committee leh Biate Educational Staff Association (BESA) tangkawpin an huaihawt Faina Kawngzawh-ah hian zirlaite leh khaw chhunga tlawmngai pawl hrang hrang te an tel a, kawng tluanin faina lam hawi inzirtirna thu an
ni 31.8.2017 (ningani)
KRISTIANNA HI A THA BIK A NI TIH LANTIR TUM: Nimin khan Champhai Press Club-ah PRISM hruaitute chuan Press Conference neiin, Kum 2018 MLA Election neih tur atana PRISM MLA Candidate atana sawmna hun an hmang a. Nakkum Mizoram tinthlanpui neih tura PRISM-in inthlan chuh an tum leh an ruahmanna hrang hrangte an phochhuak nghal bawk. RL Liantluanga General Secretary GHQ chuan Press mite hnenah Candidate tura mipui aiawh an zawn thu leh ram siamthat a tul zia te sawiin, Press mite zawhna a chhang a: PRISM Gen. Secretary chuan, Kan ram siamthat a tul thu hi mi tam takin an lo aupui tawh thin a, siamthat duh mihring tam tak pawh an beidawng hman hial a ni. Hetih lai hian siamthat duh avanga penchhuak tura beidawng tawhte thinlung erawh chuan beiseina a la nei fan a, mithiam leh a ngaihna hria tam tak ten ram siamthat duhna rilru puin kawng hrang hrangin hma an la mek a ni, a ti a.
ni 30.8.2017 (nilaini)
MI INPE LEH PAWL CHUNGAH INNGHAT : Champhai DC leh District Child Protection Committee Chairman, Vanlalngaihsaka, IAS kaihhruaina hnuaiah nimin khan DC Conference Hall-ah Champhai khawpui chhunga naupang kumtling lo ram dan bawhchhia te, hleilenna tawk leh chhawmdawl bik ngaite naupangte enkawl mekna Adopt-a-Home hmun thum tihphuisui dan tur chungchang ngaihtuahin an thutkhawm. Sorkar puihbawmna tel kher lo pawha khawtual mi neinung leh inpe ten Women and Child Development kaltlanga duan Adopt-a-Home Programme hnuaiah Child Care Institution te, mimal, Pawl leh sumdawng lian emaw ten tanpuina an pek theihna tura Champhai khawpui chhunga kumtlinglo enkawlna hmun puihbawm leh chhawmdawlna an dawn theih dan tur chungchang ngaihtuah a ni.
ni  28.8.2017 (thawhtanni)
NORTH KHAWBUNG BIAK IN ATANGIN TIR CHHUAK : Champhai Baptist Kohhran chuan nimin khan North Khawbung Kohhran Biak lnah missionary C. Zodinmawii chu bial vawngtu Rev.B.Rothangpuia'n a tir chhuak a. NI C. Zonunmawii hi C.Lianngenga leh Lalnunmawii, Champhai Venglai te fa panga zinga a upa ber a ni a. Kum 5 chhung zet Tripura leh Maharastra ah te missionary a thawh hnuin, M.Th Philippines ah a zir chhunzawm leh a, tunah hian BCM hnuaiah Evangelist Teacher hna thawk turin Dampa Rengpui-ah a awm dawn a ni. A thawhna hmun hi naktuk hian hna bul a tan ang.
ni 25.8.2017 (zirtawpni)
SBI-IN KHAWLTHLUAK NEI HMANG TA : Nimin khan Cbamphai North Biaitu MLA TT Zothansanga Parliamentary Secretary, chuan Mizorama a 4na ni turin SBI  Champhai ah E-Corner a hawng. Hawnna inkhawmah hian TT Zothansanga chuan thu sawiin E-Comer hawn theiha peihfel a ni ta chu Champhai tan hmasawnna nasa tak a ni tih a tarlang a. Bank dawr avanga mipuiten hun tam tak tak an khawhral thin chu he hmasawnna hian a ti ziaawm dawn tih a sawi a. E-Corner peihfel tak zarah hian Bank dawrtute Ieh Bank hnathawkte inkara hun tamtak senga hmaichhana indawr ngai thin chu za a 85 zetin a chhawk zangkhai dawn a, hei hian mipui tan Bank hna tihfel alo awlsawm phah zawkin hun leh tha nasa takin a hum dawn tih a sawi a. Bank dawr awlsam zawk nana hmasawnna tha tak E-Corner chu  Champhai mipui te tan a hlan a ni.
ni 24.8.2017 (ningani)
KAWNG SIAM THATNA HUN AWMLO : Nimin khan Champhai Venglai Community Hall-ah DRDA Champhai leh Krishi Vigyan Kendra (KVK) hmalakna in India sorkar hmalakna thar New India Movement chungchang zir ho a ni a. Champhai North Bialtu TT.Zothansanga, Parliamentary Secretary chu khuallian niin he hun hi a hmanpui. He hun hi Vanlalngaihsaka, Champhai DC chuan a kaihruai a, Sankalp Se Seddhi- New Indian Manthan chu kum 75 India zalenna lawmna chikhat a nih thu sawiin, India ram atanga retheihna te, natna thlentu bawlhhlawh te leh eirukna te tihbo hi a tum ber a ni tih a sawi.
ni 23.8.2017 (nilaini)
THLIRLETNA HUN HMANG : Nimin khan CDFA chuan Independence day Football  thlirletna hun CDFA Office ‘ Chhangphut Field-ah an nei. He hun hi C. Hualrikhuma, President CDFA chuan kaihruaiin Tournament neih zawh tak chu a hlawhtling hle tih an tarlang a. lndependence Day Celebration Committee te chuan Champion Team Ieh Runners Up te lawmman an tumsaka an chungah lawmthu an sawi bakah Best Player, Top Score Fair Play lawmman tum sak tute zawng zawng chungah CDFA chuan lawmthu a sawi a ni.
ni 22.8.2017 (thawhlehni)
A ZUNG CHAWPIN HALRAL: Tuipuiral Group huam chhunga Khuangthing Branch YMA te chuan an ram chhunga Ganja kung 10,000 chuang chu a bulah pawt phawiin nimin khan an halral. Khuangthing Branch YMA-te hian ruihhlo do leh luidung nungcha humhalh kawngah, tha thlah lovin hma an la reng a, niminpiah chawhma inkhawm ban khan, zu zuar dapin, zu thlawr lai bungbel leh hmanrua eng emaw zat an Iak sak a. Chawhnu lamah Khuangthing khaw chhung leh dai hnaia Ganja kung engemaw zat an suat hnuah nimin zing khan hmalak chhunzawmin Lailak nikanga Kapkima, Lalvena leh J.Lallawmawma te thlawhlaia Ganja, buh kara an chin chu suatin Ganja kungte hi an phur hawng a. Khuangthing khelmual hlui Community Hall kawt-ah nimin khan, Khuangthing VCP B. Lawmkima‘n an a halral nghal a ni.
ni 18.8.2017 (zirtawpni)
SAWRKAR KUTA HLAN AIIN HALRAL DUH ZAWK : Ngur Branch YMA leh YMA Sub-hqrs. Champhai tangkawpten niminpiah tlai-a Tiau-kam Zilhri phai-a an man,  Pseudoephedrin (Khehpuam) mum 7,80,000 chu nimin khan YMA Sub-hqrs. Champhai Office tual, Tlangrawt-ah Champhai District Session Judge R. Vanlalena'n a hairal. Ngur khaw kal tlanga Myanmar ram Ngente kai a lakluh tur ni ngei a hriat Pseudoephedrine Mum Nuai 7 leh sing 8, Tualchhung hralhna a chhut a Cheng Nuai 117 leh Sing 6 man chu niminpiah chawhnu khan Ngente kai Tiau kam Zilhri phai-ah Ngur Branch YMA hruaitute chuan hmu-in,YMA Sub-hqrs. Champhai hruaitute an hrilh hnuah a neitu an changzui a. He Khehpuam senghawitu hi an chan chhuah mai loh avangin nizan hmasa khan YMA Sub-hqrs. Champhai hruaitute chuan an senghawi a.
ni 17.8.2017 (nilaini)
INDIA ZALENNA CHAMPHA LAWMNA : Champhai : Thawhlehni khan India Independence Day vawi 71-na lawmna chu Chhangphut Field ah Social Welfare Minister PC Lalthanliana hoin ropui taka hman a ni. He lawmna inkhawmah hian Khuallian chuan hnam puanzar pawt parhin parade contingents 25 te hnam puanzar chibai buk a chhangleta Khuallian chuan Independence Day Vawi 71-na lawm tura kal te chu chibai bukin, Ram pum huapa zalenna kan hman chu ram tan inpekna thuk zawk nei tura inhlan thar nan leh zalenna kan lawmna chu min fuihtu a tan leh hmasawnna kawnga thui zawk pen nan hmang theuh turin kalkhawm mipuite chu a sawm ani. He ni pawimawh takah hian India ram zalenna atana nunna hlu tak hlan tum Martar-te zahna chibai bukin, India zalenna a tana hma hruaitu ropui Mahatma Gandhi, Netaj Subash Chandra Bose leh hruaitu dangte hre reng turin kalkhawmte chu a chah a. Zalenna sualtute chu hun eng pan thei tum min fuihtu leh kan
ni 15.8.2017 (thawhlehni)
DISTRICT NGIAT AVANGIN NUAR : Khawzawl District Implementing Demand Committee (KDIDC) ten August ni 12 hma a Khawzawl District ti puitling tura Sawrkar an phutna a hlawhtlin tak loh avangin nimin khan Khawzawlah Total Bandh huaihawt ani.
KDIDC-in Khawzawl District tih puitlin an duh zia lantirna atan Total Bandh an huaihawt hi Zing dar 5:00 atanga tlai dar nga thleng awh niin Khawzawl kawngpui chhunga sorkar office, zirna in leh bank zawng zavmg khar vek a nih bakah dawr inhawng pawh hmuh tur a awm lova, veng tinah duty tih loh chu mipui chhuak vak hmuh tur an awm meuh lo. Chiat tawk leh damlote erawh ngaih hnathiam an ni thung. Aizawl lam atanga Iirthei lokal lirthei eng emaw zat dan an ni a, Champhai lam atanga chhuk erawh pahnih pathum bak an awmlo thung. Total Bandh hi tlai lam dar 5:00 khan khar niin
ni 14.8.2017 (thawhtanni)
VOLLEYBALL TOURNAMENT ZO TA : lnrinni-khan independence Day Volleyball Tournament chu a hmawr hawk a ni ta. lnrinni Zing dar 7:00 khan mipa Semifinal khelh niin Vengthlang North-in 3-2 in Sazep an hneh a, PC Lalsangliana Memorial VC in MZ Home 3-1 in an hneh bawk. Chawhma dar 11 ah Hmeichhe final khelh niin PC Lalsangliana Memorial VC in 3-0  Dungtlang hnehin an Champion a, Mipa finalah Vengthlang North in 3-0 in PC Lalsangliana Memorial VC an hneh bawk. Mipa Best setter atan Zoramthara, Vengthlang North thlan niin Best Spiker-ah Lalbiakmuana, PC Lalsangliana Memorial VC, thlan a ni bawk. Hmeichhe Best Setter-ah Zothanpuii, PC Lalsangliana Memorial VC thlan a ni a, Best Spiker-ah Vardingliani, PC
ni 12.8.2017 (inrinni)
LEI ZAWH THEIH TA: Mizoram leh Myanmar inkalpawhna, Zokhawthar, Champhai District a mi chu zawh ngam loh khawpa a chhiat tawh avangin Mizoram PWD chuan thawmthat hna an thawk a Ningani khan an siam zo. He Lei hi lirthei bakah mihring tan pawh zawh a hlauhawm avangin PWD te hian Dy. Commissioner, Champhai District phalna la in hun reilote chhungin an siamtha ta a ni.
ni 11.8.2017 (zirtawpni)
KUM TIN ZA ZELAH 3 ZIRLAI NAUPANG THI: Nimin khan Kendriya Vidyalaya, Central School CHANEM Building-ah C. Lalbiakchhungi, MPS, SDPO Champhai hovin Road Safety chungchang zirtirna hun hman a ni. SDPO chuan kumin hian zirlai naupang te hi za zela 3 chu motor accident vangin an thi thin a, nitin naupang 480 chu hliam tuar ziah ang a ni a, kumtin mi nuai chuang  motor accident vangin an thi thin a ni, a ti a. Zirlai naupangte chu funkhur turin a chah a. School kan kalin emaw kan haw lama ni emaw uluk taka kan kalna kawng chu en a hlauhawma awm leh awm loh en a, a him a nih chuan kal chauh thin tur a ni, a ti a. Kan ding leh veiah motor aIo kal leh kal Ioh te, motor ri ngaihven thin tur a ni tih a sawi a. Traffic Police te thuawih tur a nih thu sawiin kawng kawiah takte kawng kan
ni 10.8 2017 (ningani)
TV EN MAN BITHLIAH TA: Champhai Cable Network leh LCN Zokhawpui chuan Sorkar laipui duhdan angin Channel Encryption a kalpui tan dawn ta. TV Channel hi package thuma siam a ni dawn a. Pack-I, Rs. 150 manah chuan Zonet Bawhbel & Free to Airchannel zawng en theih a ni ang a; Pack-2, Rs. 350/-manah chuan CCN leh Zonet Local Channel zawng zawng & Standard Definition atanga pek Channel leh Free To Air Channel-te man theih ani ang a, Pack-3 Rs.400 manah chuan CCN leh Zonet Local Channel zawng zawng, Standard Definition Channel zawng zawng, High Definition channel zawng zawng leh Free To Air channel-te a man vek ang. Encryption kalpui a nih dawn tak avang hian September ni 1 atang chuan Cable TV Monthly Fee pawh a danglam tawh dawn a, Monthly Fee hi Pre-paid a kalpui vek a tul tawh dawn a. CCN chhungkua te chu mahni Package lak tur lo inhre chiang tur leh September thlaah chuan August thla fee leh September thla Fee nen Khawn kawp a ngai dawn a ni tih lo hre t…
ni 9.8.2017 (nilaini)
MAHNI BIKE HRALHNA SUM MIDANG TANPUINAN : Nimin khan Zomi Donghu Kipawlna te' n Mizorama tuilian tuarte tanpuina leh chhawmdawlna tur YMA Sub-Headquarters Champhai hnenah an hlan. Tuilian tuarte tanpuina leh chhawmdawlna inhlanna hun hi YMA Sub-Headquarters Conference Hall, Tlangrawtah hman niin, C.Lalbiakzauva, YMA Sub-hqrs President chuan a kaihruai a; Pastor C. Lalngaihthanga‘n hunserh a hmang a. Lalnunpuia, Zomi Donghu Kipawlna President chuan thu sawiin, Mizorama tuilian tuarte tanpuina leh chhawmdawlna chu Central YMA ah direct-a hlan mai awm tak a nih laiin kum 2015-a Myanmar rama tuilian tuarte tana CYMA in vehbur a khawn Pawisa fai, buhfai leh thawmhnawte a hmun ngeia hlana zirchiangtu an nih avangin YMA Sub-hqrs kaltlanga hlan an ni tih a tarlang a. Mizoramah tuilian tuar tanpui ngai an awm a ni tih Zomi unaute‘n kan hriatin mipui rilru a
ni 8.8.2017 (thawhlehni)
DISTRICT PAWN PLAYER TE NEN VOLLEYBALL BENG DAWN : CDVA buatsaih Independence Day Volleyball Tournament chu vawiin atangin Kahrawt Field ah tan a ni dawn ta. CDVA chuan Club pakhat tan District pawn player pakhat theuh lak a phal avangin he tournamentah hian Mizoram player tha an fuan khawm dawn a. Mipa Team 19 leh Hmeichhe team 7 te an inlan dawn a ni. Mipa Pool A ah MZ Home Team 1, Tuipui, TBC leh Dinchhungi Volleyball Club te an awm a Pool B ah Vengthlang North, Zion Veng, Champhai Higher Secondary School leh  Khawhai te an awm. Pool C ah PC Lalsangliana Memorial Volleyball Club, Sazep; Bethelians, Govt Champhai College leh Zokhawthar te an awm a. Pool D ah Tlangsam
ni 7.8.2017 (thawhΘ›anni)
RORELTUTEN SAKHUA LEH KOHHRAN BOSAN: Mizoram hmun hrang hrangah Exodus Movement chungchang sawi fiaha hun hmang mek, K Sapdanga chuan Inrinni khan Champhai a thuthar thehdarhtute hnenah ram hmasawnna tura kalphung thar an duante a tarlang. He hunah hian K. Sapdanga chuan 'Political party kal tlanga ram  in relbawl danah duhthusam tawk lo tam tak a awm avangin Mizoram chu India ram state hnufual fak zingah kan tel mek a ni, a ti a. Khawsak  senso hautak ber pawl Ieh, Sum hnar project nghahfak neilo State kan ni a. Development leh Zirna tichhetu
ni 4.8.2017 (zirtawpni)
VAANTLANG HRISELNA CHUNGCHANG HRILH: Directorate of Health Services Mizoram hnuaia Controlling & Licensing Authority cum Deputy Food Safety Commissioner Lalsawma, Deputy Director & DO (F & D) F. Lalliantluanga, Assistant Director (F &D) Laldinpuii leh Food Safety Officer Lalrinkimi-ten thupui duansa hrang hrang hmangin zirtirna an pe a. Damdawi zuartute leh Ei leh In siamna neituten mawhphurhna peng hrang hrang an neihte hrilhhriatna hun an hmang bawk.
ni 3.8.2017 (ningani)
ENTREPRENEURSHIP ZIRTIRNA PE: New Economic Development Policy (NEDP) hnuaia Entrepreneurship summit neih tur leh business plan contest chungchang inzirtirna chu nimin khan Champhaiah neih a ni.
Govt Champhai College Multipurpose Hall-a hun hman hi Remlalliana Hnamte, SDC, DC Office Champhai chuan a kaihhruai a Resource person Lalhruaitluanga (EDS Master Trainer) leh Anna Zorinmawii, IIMCIP Local Team ten zirtirna an pe a ni. Lalhruaitluanga chuan Entrepreneurship Development Scheme sawifiahin he Scheme kalpui tur hian Mizoram State Entrepreneurship Development & Monitoring Committee din a ni a, chumi hnuaiah chuan hmalatu turpeng hrang hrang siam leh ani, a ti a. Kum 2017-18 atan EDS ah hian Cheng Nuai 500 dah a ni a, he sum hmang hian entrepreneurship tihhmasawnna leh
ni 2.8.2017 (nilaini)
FOOTBALL INELNA KALPUI ZEL: Nimin khan Independence Day Football Tournament chu Chhangphut field ah khelh tan a ni. Hawnna inkhawm hi IC Hranghluna CDFA Sr Vice President chuan kaihruai in Khuallian R. Lalrinmawia, Asst Commissioner of Taxes, Taxation Dept chuan thu sawiin infiamna thil pawimawh ber chu inthununna a ni a, hlawhtlinna kawnga harsatna lo thlenin mi tamtak chuan an tawpsan thin a. Hlawhtlinna thlen hmain a kawng tawp a awm ngai lo, kan kawnga harsatna kan tawh te hi min kaihruaitu
ni 1.8.2017 (thawhlehni)
GANJA SUAT ZEL: YMA Sub-Headquarters Champhai Executive meeting-in Ganja suat nise tih a Io rel tawh bawhzuina kal zelah Ganja suat mek zel a ni. YMA Sub-hqrs in Kumpuan bawhzuina kawnga hmalakna peng pakhat atana Branch hrang hranga Ganja suat tura ngenna a siam bawhzuina kal zelah Thuthmun Branch hrang hrangte chuan Ganja an suat mek zel a. Nimin zing khan Tlangsam Branch YMA leh VC tangkawp te chuan an huamchhunga mimal leh