Skip to main content

Posts

Showing posts from January, 2017

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :  Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni.  Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan s…
ni 31.1.2017 (thawhlehni)
BEKANG EISUAL :
Karhmasa ningani tlai khan Electric Venga chhungkaw 5 te chuan Bekang um eisualin niminpiah khan Med Aim Damdawi In, Zotlangah Admit an ni.
Bekang um eisual te hi a then chu an pum a na a, a then an kua a tha lo va, a then an luak nia thudawn ani a. Niminpiah khan in entirin mi 12 te chu damdawi inah hian admit niin 2 chu admit ngai lovin an awm a, an natna hi a serious lutuk lem lo nia hriat  ani. An eisual chhan hi hriat chian a ni lo va, sa chhumna belin bekang hi  an chhum niin an ring tih thudawnna chuan a sawi. Bengkang umtute hi Champhai Civil Hospital ah an awm mek bawk.
ni 30.1.2017 (thawhtanni)
GAS AGENCY LAM ATANGA TIRH NI LO :
Tunlai hian Gad Agency atanga tirh ang a insawi, mi bum hmang an awm tih hriat a ni.
Thu kan dawn danin Champhai kahwpui chhung, a bikin daifem lamah tunlai hian Gas Agency a thawk nia insawi a Gas endik thin an awm a. Heng mite hian Gas Pipe leh a dangte chu thlak ngai nia sawiin manto takin an leitir thin a. Gas Pipe an leitir hi Mizofed LPG in hman loh tura an tih, a dum chi a ni a. Hmun thenkhatah chuan a siam man an laksak thin bawk. hemi chungchangah hian Mizofed LPG a thawkte chuan consumer te Gas endikna, Madatoru Checking chu kum hnih dana neih thin niin nikum khan Champhai chu endik zawhfel a nitawh a. Endiktute hian Indentity Card bakah endik phalna Seal chhut sa an keng a. Hei bakah hian endikna hi kalpui a nih dawn chuan mumal taka hriattirna tihchhuah thin a nih thu sawiin, tuna Gas endikna kalpuitute hi an hriatpui loh thu kan palai an hrilah a. Inbumna a nih avangin mipui te fimkhur turin an chah a ni.
ni 27.1.2017 (zirtawpni)
REPUBLIC DAY ROPUI TAKA LAWM A NI :
Nimin chawhma dar 11:00 khan Chhangphut Field, Champhaiah District Bawrhsap Pu Vanlalngaihsaka IAS hovin India Republic Day vawi 68-na urhsun taka lawm a ni a, Bawrhsap hian Republic Day lawmna hmun a thlen veleh India hnam puanzar a pawt pharh a, hemi zawh hian Republic Day Ceremonial Parade Contingent 20 ( Unarmed Contingent-4 leh School Contingent-20) te chu endikin Parade Commander Sub-Inspector Jerry Lalduhawma Punte kaihhruai March Past parade contingent te chibai buk a chhanglet nghal a, Govt. Champhai Vengthlang Middle School Scouts & Guides Pipe Band in India hnam hla an rem bakah March Past neih laiin rimawi an tum bawk a ni.
District Bawrhsap Pu Vanlalngaihsaka chuan Republic Day thuchah sawiin Champhai District mipuite duhsakna chibai a buk a, India ram Danpui duang chhuaktu Dr. BR Ambedkara chawimawi anih thu a sawi bawk.
District chhunga Sawrkarin hmasawnna hna a thawh hrang hrang te tarlangin Bawrhsap chuan Sa…
ni 25.1.2017 (nilaini)
YMA TEN OIL PHURH CHHUAH VENG :
Mizorama Tuialhthei hmun danga phurh chhuah thin khuahkhirhna tura YMA Sub-Hqrs. Champhai hmalakna kal zelah niminpiah atang khan Champhai Zote-ah Duty Point siam belh leh a ni.
Mizoram Tuialhtheite ram dang leh hmun dang, a bikin Manipura phurh chhuah thin ten Mizoramah tuialhthei indaihlohna a thlen thin avangin YMA hmalakna in khuahkhirh mek zel a ni a. SYMA in a lo rem tawh angin niminpiah atang khan Zote kaiah Duty Post siam belh niin SYMA thuthmun Branch ten ni 2 zel an in Duty chhawk dawn a, niminpiah khan Vengthlang Br. YMA ten Duty hi an tan a ni. Hemi hma hian Ngur leh Ngur Vengsang Branch YMA te chuan Duty in Tuialhthei eng emawzat phurhchhuah tur an lo dang kir tawh a, SYMA hnuaia Group hrang hrangte pawhin Duty inMizoram atanga Tuialhthei phurhchhuah tur hi an dang mek bawk.

NIKANG RAM KANG :
Nimin chhung dar 12 vel bawr khan Kanan Veng, Nikang bulah ram a kang.
Ram hi naupang panga in an hal nia hriat a ni a, ram a kang a …
ni 23.1.2017 (thawhtanni)
CAMPAIGN NEI :
Apex Bank Champhai Branch chuan Digital Financial Awaresness Campaign chu neih chhunzawm zelin Zawngtetui, Bungzung leh Vanzau ah te Mananger hovin Campaing hi neih leh  ani a. He hunah hian ATM pawimawhna leh a hman dan te, Mobile Banking, Pan Card leh Aadhaar Card pawimawhna te bakah e-wallet leh KCC Card chungchangah zirtirna an pe a. FLC Councillor chuan zirtirna hi a lem entir pahin a neihpui thin.
ni 20.1.2017 (zirtawpni)
KUT HNATHAWKTUTE NI HMANG :
NLUP Implementing Board Chairman Pu J.H.Rothuama hovin nimin khan Kahrawt Community Hall, Champhaiah “Kuthnathawktute NI” ursun taka hman a ni a, Champhai khawchhunga Sawrkar Pisa hrang hrang hotute bakah tlawmngai pawl hrang hrang aiawhte bakah kuthnathawktu thahnem tak an tel a ni.
ni 19.1.2017 (ningani)
CHAMPHAI A ZIRLAITE HNENAH VOTE THLAK PAWIMAWHZIA ZIRTIRNA :
Systematic Voters Education and Electoral Participation (SVEEP) chungchangah nimin khan Champhai Higher Secondary School-ah Champhai DC Vanlalngaihsaka`n thusawiin zirtirna hun a hmang.
He hun, Zirsangliana, Principal kaihhruaiah hian DC Vanlalngaihsaka chuan zirlaite hnenah Electoral Roll chungchang a sawifiah a, Electoral Roll-a chuangte hian mawhphurhna pakhat an nei a, chu chu vote thlak a ni, a ti a. Roll-a awm dan leh awm tura tih tur pawimawhte a tarlang bawk. DC chuan electoral roll atanga hming paih tur an awm a nih chuan Objector chu Roll dang a mi a ni tur a ni lova, hming paih tur awmna roll a mi ngei a ni tur a ni a, a ti a. E/Roll atanga paih chhan tur tha tak a awm ngei ngei tur a ni, tiin. Vote thlaktuin vote a thlak dan tur chipchiar takin a lem nena entirin a sawifiah a, polling station chhungah Mobile phone kenluh phal loh a nih thte a sawilang tel bawk.
ni 18.1.2016 (nilaini)
CHAMPHAI VENGLAI MUP IN HAWNG :
Nimin khan Venglai MUP in chu hawn a ni. hawnna inkhawm hi MUP, Venglai Unit President C. Thawma`n a kaihruai a, Venglai VCP R. Chalhnuna chuan hawngin Upa R. Lalngaihthanga`n Pathian hnenah a hlan. he hunah hian H. Zobuanga, MUP Venglai Unit Vice President hnen atangin building sak dan report ngaihthlak niin insakna tur hmun petu VC te hnenah lawmthu a sawi a ni.
Venglai Unit te hian nimin vek khan MUP din champha vawi 50-na pualin hun an hmang a, nikum chhunga an member boralte sunna hun chu Venglai Community Hall-ah neiin kum 2017-2019 chhunga hruaitu tur an thlang nghal. President -ah C. Thawma, Vice President H. Zobuanga, Treasurer H. Bualhleithanga te thlangin thlantlin te hian an thawhpui tur Secretary te an ruat leh dawn a ni.
ni 17.1.2017 (thawhlehni)
METH AN MAN :
Inrinni zan khan Champhai Excise & Narcotics Dept. te chuan Methamphetamine an man.
Champhai Excise & Narcotics Enforment Staff, Duty te chuan Inrinni zan dar 10:30 vel khan Ruantlang dai, Zokhawthar Road ah Zokhawthar to Aizawl Sumo Service passenger Lanpu s/o Hlasue, kum 28 Tamu, Myanmar a khawsa nia insawi hnen atangin Methamphetamine 2200 tablet, 222.2 gram an man a. Hei bakah hian Inrinni zan vek khan Champhai khawpui chhungah Heroin man a ni bawk. Heng mite pahnih hi NDPS Act hmangin thubuai siamsak an ni a, CJM Champhai Court ah thawn nghal an ni.
ni 13.1.2017 (zirtawpni)
THLASIK THLAI CHING TAN :
Champhai zawl leiletah Kut hna thawktute chuan Thlasik thlai an ching tan mek.
Tunlai hian Champhai zawlah Kuthnathawktute chuan Thlasil thlai an ching tan leh mek a, a tam ber chuan Antam chingin Chana leh thlai dang ching an awm nual bawk. Thlai chingtute hian  Champhai zawl paltlangtu Khawchhak Tuipui tui an ring ber a, nikum lam khan Tuipui tui hian a daih loh avangin an thlai chin tui pek tur hmun danga a mi chawi a ngai hial a ni. Tun lai hian Antam chingtute chuan an Antam tuh leh theh tiah te an suat mek a,
ni 12.1.2016 (ningani)
CHAMPHAI DISTRICT COURT EXTENTION PEIH FEL A NI TA :
Champhai District Court Building Extention Rs. nuai 34 a sak a that tawk loh avanga PRISM te pawhin PIL hial an lo thehluh tawh chu kum 2016 kum tawp lam khan Rs. nuai 17 a chei that niin tunah hian luah theih a buatsaih a ni.
Building hmasa kha Office tura ruahman niin zawh mumal pawh awmlo a kalsan a ni a. Tuna building chei that hi a tirah chuan Office tura ruahman tho niin cheihna pawh thawh a nih hnuah chenna tur a kalpui leh a ni. Building hmasa hi a pawn tih loh chu vuak chhiat deuh vek a niin ek in khur takngial pawh laih a nilo. Building thar ah hi a hnuai motor dahna atan siam niin a chung hi chhungkua a luah theih tura siam a ni a ni.
ni 10.1.2017 (thawhlehni)
CHAMPHAI CHHUAHSAN TA :
Tukin zing khan Champhai SDPO Pu Lalringliana Pachuau chuan Champhai chhuahsanin a awmna tur Kawnpui a pan.
Pu Lalringliana Pachuau, MPS hian kum 2 leh a chanve chhung Champhai SDPO hna a thawh hnuah nimin khan Pi C. Lalbiaksiami, MPS hnenah SDPO Champhai Sub-Division  charge hi a hlan a ni.
Pu Lalringliana Pachuau, MPS hi 1st IR Bn, Kawnpui-ah Asst. Commandant in a awm dawn a. Champhai a hna a thawh chhung hian Champhai Police te nasa takin hma an sawn mai piah lamah infiamna lam thlengin hma an sawn nasa hle a.