Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…

ni 12.1.2016 (ningani)


CHAMPHAI DISTRICT COURT EXTENTION PEIH FEL A NI TA :
Champhai District Court Building Extention Rs. nuai 34 a sak a that tawk loh avanga PRISM te pawhin PIL hial an lo thehluh tawh chu kum 2016 kum tawp lam khan Rs. nuai 17 a chei that niin tunah hian luah theih a buatsaih a ni.
Building hmasa kha Office tura ruahman niin zawh mumal pawh awmlo a kalsan a ni a. Tuna building chei that hi a tirah chuan Office tura ruahman tho niin cheihna pawh thawh a nih hnuah chenna tur a kalpui leh a ni. Building hmasa hi a pawn tih loh chu vuak chhiat deuh vek a niin ek in khur takngial pawh laih a nilo. Building thar ah hi a hnuai motor dahna atan siam niin a chung hi chhungkua a luah theih tura siam a ni a ni.

Building hmasa endiktu Dept. te hian engang rilru puin nge he Building hlui hi zawh a ni tih an ziah theih tih hi ngaihtuahna lian tak a tling thei awm e.

CHAMPHAI MOTOR REGISTRATION ‘A’ KAI TA :
Champhai District Transport Office chuan niminpiah atang khan MZ 04 A number plate chu an pechhuak tan ta.
Champhai District Transport Office ah hian hawn a nih atanga motor registration chuan singkhat a kai ta. MZ04 number plate in a huamtheih chin a pelh tak avangin ni 10.1.2016 (Thawhlehni) atang khan MZ04 A hi pekchhuah tan a ni ta a ni. 
DTO ah hian December thla chhung khan lirthei 38 ziah lut thar a ni a. Heng zinga 22 chu 2wheelers niin Auto Rickshaw 2 leh Car 7, Taxi, Truck leh Lorry 3 theuh te an ni. Hei bakah hian nikum December thla chhung khan chhiah chi hrang hrang atangin Rs. 7,59,533 an hmu bawk. Chhiah an hmuhna hi lirthei passenger phur atangin Rs. 61,008; bungraw phur lirthei atangin 71,592; Road Tax atangin 4,68,893 leh MV Fees atangin 1,58,040 an hmu a ni.

THUBUAI 162 ZIAH LUH A NI :
Champhai District Excise & Narcotics Dept. te hian nikum January - December thla chhung khan MLPC Act. thubuai 162 ziak lutin mi 91 an man. ND&PS hnuaiah 88 ziak lutin mi  109 an man bawk. 
Kum 2016 chhung khan Rakzu 2638.070 litre  manin August thlaah man hnem berin 721.350 manin thlatin litre 219.83 man ziah ang an ni.Zu bilh lai tin 1336 manin, April thla kha an man tam ber tum niin tin 220 an man a. Thla tin tin 111.33 man ziah ang an ni. Dawidim kg 170  manin September thla kha an man tam ber tum niin 148 kg an man a. Thla tin 14.17 man ziah ang an ni. IMFL 750 ml 84 bottle manin December thlaah chiah an man a. Beer 22 bottle March thla a an man bakah kum 2016 chhung khan Beer cane 1006 an man a. August thla kha an man tam ber tum niin 480 cane niin thlatin 83.833 man ziah ang an ni. Zu bilhna hmanrua bel 172 manin thlatin 14.333 man ziah ang an ni. Lirthei 4 an man bawk.
Heroin (No 4) 267.225 gram manin October thla kha an man tam ber tum niin 90.455 gram manin thlatin 22.27 gram man ziah ang an ni. Ganja 640.30 kg manin August thla kha an man tam ber tum niin 640 gram an man a, thlatin 53.36 kg man ziah ang an ni. 
Kum 2016 chhung a chhiah an hmuh zawng zawng zat hi Rs. 1,60,70,717 a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 66.39/litre)
Diesel    : Tanky Full (Rs. 55.44/litre) 

FIRE  OFFICE : 
(03831)234026

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…