Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

ni 13.1.2017 (zirtawpni)


THLASIK THLAI CHING TAN :
Champhai zawl leiletah Kut hna thawktute chuan Thlasik thlai an ching tan mek.
Tunlai hian Champhai zawlah Kuthnathawktute chuan Thlasil thlai an ching tan leh mek a, a tam ber chuan Antam chingin Chana leh thlai dang ching an awm nual bawk. Thlai chingtute hian  Champhai zawl paltlangtu Khawchhak Tuipui tui an ring ber a, nikum lam khan Tuipui tui hian a daih loh avangin an thlai chin tui pek tur hmun danga a mi chawi a ngai hial a ni. Tun lai hian Antam chingtute chuan an Antam tuh leh theh tiah te an suat mek a,
Kum danga anga an thlai chin te hi an thar chhuak thei anih chuan Champhai bakah Hmun danga thawn chhuah tham an an thar chhuak leh hlawmim a rinawm a, nikum khan thlai nei tam leh hralh chhuak tam te chuan thlasik chhung khan Cheng Nuai chuang man thar chhuak te pawh an awm a ni. Thlasik thlai chin tur thlai chi hi Horticulture Dept chuan tun thlasik chhungin a pe chhuak lo nia thudawn a ni a, loneitute an thlai chin tur hi hmun danga mi an dap khawm a ni.

MIZORAM AIAWH TURIN CHAMPHAI RAWLTHAR 7 TLANG :
Khelo India Kum 17 hnuai lam Football Team Mizoram aiawh turin Champhai rawlthar 7 thlan an ni.
Khelo India U-17 Football Team Mizoram aiawh tur thlanna neih zawh takah Champhai rawlthar 7 te thlan chhuah zingah an tel a. Chungte chu: F.Malsawmzuala s/o F.Sapluaia, New Champhai; Mickey Lalhmachhuana s/o Jerusalemthanga, New Champhai; Jessie Lalmawizuala s/o J.Lalnunzira,Vengthlang
Vanramnghaka s/o Tawkneihthanga,Kanan; Laldinchhuaha Khiangte s/o K.Zoramthanga, Kahrawt; R.Lalhruaizela s/o Lalrothanga, New Champhai; Andria Piangsianmuana s/o Thangginlanga, Bethel te thlan an ni.

THUBUAI 11 ZIAHLUT :
December thla chhung khan Champhai Police Station-ah thubuai 11 ziah luh a ni
Thubuai ziahluh zingah hian Rukruk thubuai tam berin 4 ziah luh a ni a, District Magistrate thupek zawm lo mi 3 thubuai siamsak niin heng bakah hian chhungkuaa buaina siam thubuai pakhat, Naupang kumtling lo khuakhem mi 2 thubuai siamsak niin MLPC Act hnuaiah thubuai 1 ziahluh ani bawk.

MIT NAUTE THLA LA CHHUNZAWM ZEL :
SSA office, Kahrawt Venga Biometric enrolment kalpui mekah sorkar laipui ruahmanna siam angin aadhaar card hi kum 6 chunglam birth certificate nei te tan chuan dil theih a ni a. Naupang kum 6 chin, birth certificate neite tan a siam theih tih thu dawn a ni.

NGUR KHUAIN VENG :
Ngur Branch YMA leh Ngur Vengsang Branch YMA te chuan Pathianni zan atang khan Manipur lama tuialhthei tawlhruk vengin chhun zan zawmin an duty a, duty tan atangin tuialhthei lirthei phur, Manipur a kalpui tur 6 an man tawh a ni. YMA te chuan mipuite chu hetiang thil ti tawh lo turin an ngen a, tilui man an awm a, an lirthei an hrensak a nih pawhin sawibuai theih a ni lovang tih thu dawn a ni.

LIRTHEI 120 MAN :
December thla chhung khan Champhai Traffic Police te chuan lirthei dan bawhchhia 120 an man.
Champhai Traffic Police te'n lirthei dan bawhchhia an man zingah hian ke pahnih nei tam berin dan bawhchhia 60 man an ni a, an pawisa chawi tlingkhawm hi Rs 9800 a ni a. Ke 4 neiin dawtin dan bawhchhia 46 man niin an pawisa chawi tlingkhawm hi Rs 9900 a ni a. Ke 3 nei 14 manin an pawisa chawi tling khawm hi Rs 2600 ani bawk. Champhai Traffic Police te'n lirthei dan bawhchhia an man 120 te pawisa chawi tling khawm zawng zawng hi Rs 22,300 a ni.

SIKUL LUT TAN :
Thlasik chawlh an hman hnuah nimin atang khan zirna inte chu hawn leh tan a ni.
Primary, Middle, High School leh Higher Secondary School te chuan thlasik chawlh an hman zawh hnuah zirna an chhunzawm leh a, thlasik chawlh hi Primary school-in thla hmasa ni 14 atang khan an hmang tan a, High School in ni 16-ah hmangin Higher Secondary School chuan ni 17 atangin an hmang ve bawk. College erawh chuan karleh atang hian zirna an chhunzawm dawn a ni.
High School Leaving Certificate Exam a hnai zel a, matric exam hi thla thar ni 2 atangin an tan dawn a, theory chu ni 17-ah an zo ang a, Ni 20 leh 22 ah Science pratical neiin ni 23-ah IT leh Home Science pratical neiin an zo fel ang.

MLA IN BLOCK MHIP CONFERENCE HMANPUI :
East Tuipui Constituency bialtu MLA, Mizoram Youth Commission Chairman Pu T. Sangkungan a bial tlawh mekin Tuipuiral Block MHIP General Conference a hmanpui.
Tuipuiral Block MHIP General Conference vawi 21- na hi Lianpui khuaah nghah a ni a. Hetah hian thu sawiin Pu T. Sangkunga chuan, hmeichhiate’n dinhmun tha zawk an luah theih nana sorkarin ruahmanna hrang hrang a siam te chu a hlawhtling chho mek a ni, a ti a. VC member zinga hmeichhiate an tel ngei ngei theih nana ruahmana sorkarin a siam pawh hmasawnna tluantling a awm theih nana thil pawimawh tak a ni, a ti a. Tuipuiral Block MHIP Rûn sak bul tan nan Cheng Nuai 3 sanction a nih thu a sawi bawk. Tuipuiral Block MHIP General Conference vawi 21- na hi tunkar Thawhtanni khan tan a ni a, nizanhmasa khan a tiak a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 66.39/litre)
Diesel    : Tanky Full (Rs. 55.44/litre) 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…