Skip to main content

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

ni 1.2.2017 (nilaini)


INDIA RAM DISTRICT 700 CHUANG ZINGA CHAMPHAI DISTRICT 82-NA :
Nimin khan Mizorama a hmasa ber leh India ram District 700 chuang zinga Open Defecation Free (ODF) a 82 na atana puan tak Champhai District chuan ODF a puan lawmna leh Faina leh thianghlimna kawnga hmalak zui zelna hun neih dan tur relin nimin khan ODF District Celebration Committee chu an Chairman, Pu Vanlalngaihsaka IAS, DC Champhai hovin DC Conference Hall, Keifangtlangah an thukhawm.
He hunah hian Champhai District chu ODF a puan anih tak lawmna, faina leh thiangthlimna kawng ahmalak zui zelna tura ruahman hi tunthla, February ni 17 (Zirtawpni) hian Champhai DC Office leh SP Office inkara DC Hall sak tharah neih nise, an ti a. He hun hmanpu itur leh he huna khuallian tur hian Minister Zodintluanga Minister R. Lalzirliana te bakah Champhai District chhunga MLA 5 te sawm nise, an ti a. Sawrkar Official lamah Chief Secretary leh Secretary rualte, Mizoram District hrang hranga DC te sawm nise, an ti bawk. Champhai District chhunga VC 108 awm zinga VC member zawng zawngte sawm nise tih a ni bawk.

Nimin meeting hian Mizoram mai pawh nilo, India ram chhunga District dangte tana entawn theih tura Champhai District in hetiang dinhmun a chang thei hi a chhuanawma, chuvangin a lawmna hunah hian ran lu kim talha ruai nen ropui taka lawm nise, an ti a. He hun hlawhtling taka hman a nih theihna turin chanvo nei tur hrang hrangte inruat leh insem kual niin, chak taka hmalak zui chhoh nghal a ni a. A lawmna huna programme hman dan tur tlangpu ipawh duan nghal a ni bawk.
Nimin meeting ah hian Official  bakah District huap NGO hrang hrang hruaitute MJA leh Champhai District VC Assn. hruaitute an tel a ni.

VENDOR ZIRTIRNA PE :
Nimin khan UD&PA Department hnuaia Champhai khawpui chhunga khawlai a inpho (Street Vendor) Traning leh ID pek chuah hun I&PR COnference Hall, Chanem ah neih a ni.
He hunah hian Mimi Lalrinngheti, Manager, SJ&DI, The Mizoram Strre Vendor (Protection of Livelihood & Regulation of Street Vending Act, 2011) chuan zirtirna kalkhawmte hnenah a pe a, Vanrammawi, Manager, S&ME chuan NULM hnuaia hamthatna hrang hrangte training alo kal te hrilhin ID pekchhuah nghal an ni a, Licence erawh chu Town Vending Committee in a ngaihtuah leh hnuah an pek chhuah chauh tur thu a sawi lang bawk. He training ah hian Vendor mi 150 vel bawr an tel thei a ni.

ZENGHRI DANNA PE :
Ramchhung hmun hrang hrangah a ruali nimin khan Mizoram pumah Zenghri danna pek beihpui thla a ni a. Champhai ah chuan Veng hrang hrang Sub-Centre ah hehun hi hman niin nausen piang hlim atanga kum 5 chin te hnenah Vaccine pek an ni a, vawiinah kalpui leh a ni ang.
Vawiin vek hian Home Survey neih a ni bawk ang a. Sub Centre mai bakah hian Main Centre ah te kalpui a ni bawk a, School hrang hrangah kalin kum 5 chin hnuailam te hnenah he Vaccine hi pek a ni bawk.

GOLD MEDAL LA :
65th All India Police Game neih mekah Khawbung nula Vanlalduati chuan Boxing Weight Category 48-51 kg ah Gold Medal a la tih thu dawn a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Coupon (Rs. 56.67/litre) 

FIRE  OFFICE : 
(03831)234026

Comments

Popular posts from this blog

Champhai - Tualchhung Chanchinthar ni 15.5.2018 (thawhlehni)

CHAMPHAI LEILET ZAWLA KUDAM LEH IN SA THIAH LOH CHHAN ZAWT :
Champhai Task Force te hmalakna kal zelah phaizawla kudam sa te chu thiahsak an nih lohna tur chhan leh vang sawifiah tura hriattir an ni.
Champhai leilet zawl hi Sawrkar dan dinglai angin loneih leh a kaihhnawih atan chauhva hman theih a ni a. Hetiang tur hian LSC leh ram pass pawh pek chhuah a ni a, hei vang hian Kudam sa lo tur leh a sa tawhte pawh thiat tura thupek chhuah a ni a, sa lai te pawh a hmuna kal chilh a tihtawp tir an ni tawh a. APril thla chhung a hriat vek tura tih an ni a, tun dinhmunah thiat emaw thiahsak engmah ala awm lova, thudawn danin heng kudam neitute hnenah hian hriattirna tawp ber pek a ni tawh a. Thiahsak an la nih loh chhan chu Kudam neitute hi COurt lam thu ngaihchan vang leh ni 8 khan Kudam neitute chu Dan ang thlapa thiahsak lo a nih chuan anmahni a thiat tura tih an ni a. Lehkha hi an dawng vek tih finfiah a ni a, lehkha an pek atanga ni 15 hmaa sawi tur nei silova, kudam thiat lo te chu thiah…

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…