Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 11.2.2017 (inrinni)


DIGITAL PAYMENT WORKSHOP NEI :
Nimin khan I&PR Auditorium, CHANEM Building ah Champhai a Sawrkar Department hrang hrang DDO te tan Cashless/Digital Payments Workshop neih a ni.
Workshop ah hian Digital India Scheme hnuaia pawisa Note hmanna tihtlem tumna kal zel a tana lo in buatsaihna zir ho a ni a. Internet leh Mobile Phone Software Applications hmanga pawisa khawih chet dan  zirtirna pek a ni bawk . Hemi bakah hian DDO te hriat a tana pawimawh Department te tan Current Account hawn  chungchang, PAN Card leh Bank Account thlunzawm pawimawhna te pawh sawiho a ni a. Bank Account chungchanga hriatthiam lohna nei te tan zawhna leh chhanna hun hman nghal niin DDO kalkhawm te chuan hlawkthlak an ti hle.

Workshop chu huap zau zawka Sawrkar Department Staff te leh mipui te tana buatsaih zel theih ni se tha an tih thu kalkhawm te chuan an tarlang a ni. Workshop ah hian Bank hrang hranga mithiam Pu Lalhminghluna Branch Manager, SBI, Champhai; Pu C.Lalthanpuia, Branch Manager, Mizoram Co-Operative Apex Bank, Champhai; Pu ST Lalnunmawia, Branch  Manager, IDBI, Champhai leh Pi Lynn Lianzikpuii Pachuau, Branch Manager, HDFC Bank, Champhai ten zirtirna pein Champhai a Sawrkar Department DDO te chu an tel tha hle a ni.

TT ZOTHANSANGA TROPHY FINAL :
Nimin khan Champhai North AC huamchhunga khaw hrang hrangte tana buatsaih Pu TT Zothansanga Trophy chu Hnahlanah Final khelh a ni.
Finalah hian Hnahlan khawchhung Team tha pahnih D&D Vanapa Team leh Labiakenga Memorial Team te in tumin  Lalbiakenga Memorial Team hian Ramengmawia goal khat hmanga hnehna changin an Champion a. Final inkhel hmuhnawm takah hian Inkhelh tan atanga min 20-naah Ramengmawia hmangin Lalbiakenga Memorial Team te hian an goal khatna an khung a. An siphurh sut tumin D&D Vanapa Team te hian theihtawp chhuahin bei mahse hun tawp thlenga goal dang luh belh loin Lalbiakenga Memorial Team te hi an champion ta a ni.
Champion Team Lalbiakenga Memorial Team te hian Rs Sing 5 leh Dekchi bel an dawng a, Pahnihna D&D Vanapa Team te hian Rs Sing 3 leh Dekchi bel an dawng bawk. He Tournamenta Best Player atana Lalramchullova, Lalbiakenga Memorial Team Player thlan a ni a. Goal 9 khungtu Zaremsiama Chhangte D&D Vanapa Team Player chu Top Scorer atan thlan a ni bawk. Khualllian hian Govt. Hnahlan High School-a "No to drugs and suicide leh Life skill trainning (RMSA) programme chu a hmanpui bawk.

THUBUAI 11 ZIAK LUT :
January thal chhung khan Champhai Excise & Narcotics Dept te chuan MLPC Act hnuaiah thubuai  11 ziak lutin mi 8 an man.
Champhai Excise & Narcotics Dept te hian January thla chhung khan Rakzu Litre 152.600 an man a, Zu bilh lai tin 470, Beer Can 500 leh Foreign Beee Can 336 an man bah Zu bilhna hmanrua pot 45 an man bawk. MLPC Act  hnuaiah hian thubuai  11 ziak lutin mi 8 an man a ni.
ND&PS Act hnuaiah thubuai 11 ziak lutin mi 11 bawk an man a, Heroin No 4 Gram 140.510 an man a, Hei bakah hian Meth-Amphetamine tablet 2200 an man bawk.

BANK ACCOUNT HAWN RUNPUI :
Nimin khan Chanem Building ah Bank account hawn runpui neih a ni.
He hunah hian mipuite tan Champhaia Bank hrang hrangte chuan a thlawnin account an hawnsak a. State Bank of India, Mizoram Rural Bank, Apex Bank, IDBI, Canara Bank leh HDFC te chuan dawhkan hawngin a thlawnin account an hawnsak a. Zero balance ni lova account pangngai hawng duh tan pawh vawiin khan tihsak nghalin Account Opening Mela-ah hian mi thahnem takin account an hawng a. Account hawnna atan hian passport size thlalak pahnih, voter's ID emaw Aadhaar card te chu document ngai an ni.
Account Opening Mela hi nimin atan chauhva neih niin Champhai DC hova meeting neiha rel tawh angin Lead Bank Manager buatsaih a ni a. MGNREGA bik kaihhnawih chu Mizoram Rural Bank leh Apex Bank-ah te account hawn niin, Account hawng duh hrim hrimte chu Zero Balance in Bank zawng zawngte hian an hawnsak a ni. Mela-a account hawng hman lote chuan Bank Office lamah Account an hawn a ngai tawh dawn a ni.

TUIPUIRAL GROUP YMA CONFERENCE TIAK TA :
Ni 2 leh zan 3 awh Vaphai khuaa Tuipuiral Group YMA Conference vawi 40-na chu nizanhmasa khan a tiak.
Tuipuiral Group YMA Conference vawi 40-na chu Vaphaiah nghah niin YMA-in a thawhpui Champhai SSA leh Environment, Forest & Climate Change hotute'n zirtirna an pe a. Nikhatnaah Tuipuiral Group YMA Founder President Pu B. Zaliana chu khuallian niin Tuipuirala Zo zia dik leh mawi awm thin chu a tichhetu ni lova a chhawm nungtu ni turin YMA kalkhawmte a chah a. 
Conference inthlahna hunhmangin a nihnihna Khuallian Pu R. Lalngheta'n kumpuan a hawng nghal bawk a ni. Kum puan hawnna thuchah sawiin Pu R. Lalngheta chuan, 'taimakna, ngaihhlut zawng dik neih, fa neih tam' tih hmangin  ram leh hnam humhalh pawimawhna a sawi a. "Kan ram, kan hnam kher ngar ngartute chu tha thlah lova kan kher let ve ngar ngar a ngai" tiin
 'thinrim avanga haw hawa hmalakna hian ram leh hnam a chhan him ber  lova. kan ram, kan hnam chhanna chu tha thlah lova inlungrual taka kan theihna zawn theuhva beihchhun zawm zel a ngai a ni' a ti. 
Pu Lalchhuansanga, Champhai District sorkar ukil chuan Dan leh Hrai chungchang YMA te'n an hmalaknaa an hriat tur a zirtir bawk a ni.
Tuipuiral Group YMA Conference hi CYMA, Champhai Sub-Headquarters leh Vanapa Group YMA-a an hruaitu thenkhatte'n an hmanpui bawk a ni.

NAUPANG HRISEL CHUNGCHANG ZIRNA INAH :
Nimin hi National Deworming Day a ni a. Naupangte hrisel zawkna atan vawiin khan zirna in leh sub-centre ah school  naupang kum 6-19 zawng zawngte chu rulhlut hlo, albendazole an eitir a. Champhaiah pawh hi ni hi zirna in leh sub centre hrang hrangah kalpui a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Semrual (Rs. 56.67/litre) 

RD PUMP : 9862137196
Petrol    : Free Sale 
Diesel    : Beisei 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …