Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

ni 15.2.2017 (nilaini)


ODF LAWMNA TUR SIAL LO THLENG :
Nimin tlai lam khan Champhai District ODF-a puan lawmna tura Sial an chah chu Chamhai rawn thlenpui fel a ni ta a. Nimin vek khan Champhai DC Conference Hall, Keidangtlangah ODF lawm dan tur thlirlawk niin, bawrhsap Vanlalngaihsaka, IAS kaihhruaina hnuaiah Champhai a Sawrkar Department Head of Office leh NGO aiawh sawmbik te an thukhawm.

Mizoram Open Defecation Free District hmasa ber nihna lawmna tur ngaihtuaha thutkhawmah hian thu pawimawh hrang hrang sawiho niin, tan hun atana ruat zing dar 10 chu mitin ten ngai pawimawhin a hun taka thlen kim vek nise, tia rel a ni. Motor keng te chuan DC Office kawtah chhukin ke a Keifangtlang Hall pan tur a ni a, Motor chu Driver ten DC Complex Field a dah tur a rel a ni. Driver neilo te chu DC Office kawtah Driver ruat ten lo nghakin Field lamah an lo dah thla ang a, function chhunga mahni thil mamawh tur damdawi leh mamawh dang chu mahni a ken vek nise, ti a rel ani bawk.
Village Council Member rawn tel tur zawng zawngte tan Champhai District chhung a Rurel Development Block 4 hming a Registration Counter siamah mahni hming leh khua ziahluh theuh tur a ni a. hemi bakah hian Khuallian tur Chief Minister Lalthanhawla lo thlen hunah Champhai District Head of Office te chuan kim taka lo hmuah nise, ti a rel a ni. Champhai District in Mizoram ODF District hmasa ber nihna mellung pawimawh tak lawmna ti hlawhtling tur hian mahni chanvo theuh hlen tura infuihna hun hman a ni bawk.

A THLAWNIN ENDIK :
Nimin khan Tlangsamah RBSKY (School Health Programme) hnuaiah a thlawna inentirna hun hawn a ni.
He programme hnuaia a thlawna inentirna hi Anganwadi naupangte tana buatsaih niin Tlangsam khaw chhunga Anganwadi Centre 3 a naupangte an hrisena a dik tha em tih endiah a ni a, naupang 62 vel en niin damdawi mamawh te tana a thlawnin damdawi sem a ni bawk. He hunah hian Dr Lalchhandami leh Dr Vanlalawmpuii ten naupang hrisena endikin thawktu mi 3 ten a tawiawm a. A thlawna inentirna hi khaw hrang hrangah neih tawh niin Team thumah inthenin Mimbung, Teikhang, hrianghmun, Dungtlang, Vanzau leh Leithum khuaah te an lo buatsaih tawh a ni.

TRAINERS TRAINING ON FOOTBALL :
Nithum chhung awh tur Trainers Traning on Football chu vawiin atangin Chhangphut Field ah neih tan tur a ni. Trainers Training hi Champhai District-ah a vawikhatna niin hlawk taka hman ngei a nih beisei a ni.

THUCHHUAH SIAM :
MSL 4 Playoff khelh chungchang Minikins te chuan hetiang hian thuchhuah an siam.
A hmasa in MBBA lam atanga MSL qualifying khelh hma a zawm tur kan thu dawnte han tarlang ila:
Information to CDBBA:
(1) Qualifying kha 9th February a khelh tur. 
(2) Team rawn tel tur khan document felfai tak an nei thlap tur. 
(3) Season tan tirh a registration kha en theih in awm tur. 
(4) Mid season transfer a an lakluh te poh an transfer support na document felfai tak nen a awm thlap tur a ni.
(5) Document tul ang te hi checking neih laia en tur a awmlo anih chuan a concerned player te hian match an khel thei lo ang.
Awle hetiang zawng zawng hi hre sa vekin MSL qualifying match khel turin kan inbuatsaih ve a.
Kan tarlan fo tawh angin Champhai Minikins BC te hi CDBBA hnuaia awm kan ni a, MSL qualifying khelh ve kan tum avangin kan hotute hnenah player tha midang kan mamawh belh avangin CDBBA hnuaia club dang atangin player lakluh min phalsak turin special transfer kan dil a. Hei CDBBA a kan hotuten an thuneihna hmangin min phalsak a trial te neiin player chu kan lakbelh ta a ni.
Tichuan Aizawlah MSL 4 qualifying playoffs chu khel turin ni 7, February 2017-ah kan chhuk ta a, ni 8, February 2017-ah khan MSL Technical Chairman kaihhruaina in player leh team checking neih a ni a. Hemi tumah hian kan player pahnih C.Lalremruata leh John Lalhruaitluanga te chuan document/affiliation form-ah passport size thlalak an neih veloh avangin MSL technical board chuan an sawisel deuh a, mahse hei hi game khelh hma in ti fela Match Commissioner hnenah documents te hi pe mai turin min hrilh a, thil dang chu a fel vek thu min hrilh. Ni 9, February 2017 a Republic VR4 nen kan inkhelh hma khan match commissioner hnenah chuan pek a ni a engkim fel vekin game khelh a ni a, vanneithlak takin 76-72 in MBBA Div. 1 Champion Republic VR4 chu kan hneh ve nghe nghe a nih kha.
MSL Board chuan Champhai Minikins min Disqualify chhan hrang hrang te hi sawifiah ngai kan ti a.
1. A point hmasaberah MSL Playoffs khel tura thil pawimawh kan tarlan tak ang te hi a ni a. 
2. Document fel neih a pawimawhna leh document fello chungchanga an hmalak theihnate a tarlang bawk, Hemi Chungchang hi chu kan tarlan tawh ang hian engkim a fel vek a ni, an thil phut pawh pek vek a ni.
3. Document dil nawn kan nih thu leh dil nawn hnuah pawh pek annih loh thu an tarlang a, document dilnawn kan nih chu kan tarlan tawh affiliation form a Thlalak awmlo hi a ni, tih fel anih hnuah documents te hi Match Commissioner kan pe thlap bawk, dil nawn leh kan nih kan hrelo.
4. Document thehluh leh CDBBA minute inmillo(forged document) an tih hi chu MSL board hi an tih loh tur an ti ah kan ngai, CDBBA hnen atanga Forwarding letter i.e CDBBA No.OG/Ext-45/24/01/2017; 'notice of Minikins club affiliation' (minkins club list) min ken tir hi CDBBA thuchhuak anih angin an pawm mai turah kan ngai a. Kan awmna CDBBA zah lohna ah pawh kan ngai. Tin CDBBA, Champhai district chhunga Basketball team-te chunga thuneihna tawp (MBBA constitution) neitu anih angin a duh duhin a rel theih laia hetianga CDBBA a pal zut hi kan hrethiam theilo.
5. FIBA rules (C-PROTEST PROCEDURE/C.1) in a tih angin VR4 ten scoresheet ah game zawh hnu min20 ral hmaa an protest/complaint ani tih hriattirna(signature) an pe lo chung pawha an Complaint-na pawmsak an nih hi kan hrethiam theilo.
6. MBBA Technical board atanga Disqualify-na lehkha ( MBBA/TECH/2016-2017/1) kan dawnah Dt8.2.17 a player checking-in kan document te pawm anih thu leh match zawh hnua VR4 leh DVSC tena complaint an thehluh vanga kan document te enfiah that leh a Disqualify kan nih thu min hriattir hnua Social media(inkhel.com, etc) a Kan document fel lo te atuk thlenga tih fel loh avanga Disqualify anga sawi kan ni leh si hi mak kan ti a. Thu leh hla mumal pawh nei theilo ah MBBA Technical Board te kan ngai
Tuna MSL Board leh MBBA ten keini Champhai Minikins te min lo dawnsawn dan hi a makin na kan ti hle a, Mahse Basketball game hmangaihna leh kan dikna leh zahawmna humhimna atana he MSL Playoffs atanga kan inhnukdawk hi kan tih awm rengah kan ngai a ni.
Basketball in hma sawn zel rawh se.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Semrual (Rs. 56.67/litre) 

RD PUMP (9862137196)
Petrol    : Free Sale 
Diesel    : Tanky Full 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…