Skip to main content

Chemte hmanga mi beitu Court in achungthu rel

Nimin khan H. Lalhmunsiama S/o H. Zohminga, Zawlbuk Venghnuai chu Addl. Sessions Judge, Special Judge ni bawk R. Vanlalena chuan Kum 7 chhung hrehawm taka jail tang tur leh pawisa Cheng 5,000/-chawi turin a hrem a. Pawisa chawi tur hi a pe thei lo a nih chuan Kum 1 dang Jail a tan belh leh ang. Thu dawn danin, Ni 12.11.2014 chhun dar 12 vel khan Lalkhawngaihi D/o R.Lalzuala, Zawlbuk Veng, Biate khua chu anu damlo awmpuiin inah a awma hetihlai hian  a pa R.Lalzuala chu hna thawkin a chhuak a. Chhunlai takah chuan H.Lalhmunsiama S/o H.Zohminga, Zawlbuk Venghnuai, Biate khua a awm hi rawn lut ve in ngawi rengin a thu ve a. Chutia H. Lalhmunsiama hian Lalkhawngaihi hi man thutin a nghawngah a rek bet a,  chawhmeh channa chemte in a nghawnga zai a tum ta mai a. Mahse Lalkhawngaihi hi lo inveng ve in leh, a nu leh a nu thiannu ten lo chhan vatin, an thawmah midang an rawn tlan lut ve nghal a. Mipa dang lo tlan lut ve te chuan H.Lalhmunsiama chu man betin a chemte ken pawh an laksak ta a, n…

ni 21.2.2017 (thawhlehni)


MHIP HNATLANG :
Nimin khan Vengthlang Branch MHIP te chuan State Day pualin branch hnatlang an nei.
MHIP te hian Vengthlang huamchhung khawlai te phiatfaiin an hnatlang a, bazar tihfai hna an thawk bawk. Khawlaia zial bung leh ui ek hmuh tur tam lutuk chu an ngaimawh thusawiin zial zu leh ui vulhtute fimkhur turin an ngen a. Dawrkaite pawhin anmahni dawr zawn tal chu vawng fai turin an ngen bawk a ni. Hei bakah hian lungrem kaw karah bawlhhlawh hnawh mai mai ching an la awm chu pawi an tih thusawiin, hetiang tih ching te chuan ti tawh lo turin an ngen a ni. Hnatlangah hian member hnahnem tak an chhuak a, hnatlanga chhuak zawng zawngte chungah hruaituten lawmthu an sawi a ni.


SANGHA CHAW PE :
Inrinni khan YM ANgopa Branch chuan an khaw ram luidung an humhalh Tuila lui ah Sangha chaw Chinai thi bag 10 pe in an hnatlang.
Hnatlangah hian YMA Member te an thawkchhuak tha hle a. YMA Ngopa Branch hian Central YMA in lawmman a siam thin Ramngaw leh Nungcha humhalh tha lawmman pakhatna vawi 2 leh pathumna vawi 1 an lo la tawh a ni. AN luidung humhalh ah hian October - April Sangha fuan hunlai leh a no thanlen hunlaiin Sangha man an khap a. Sangha man an phal hun chhun gpawhin len hmang chauha man an phal a ni.

LEADERSHIP TRAINING :
Champhai Bethle Pastor Bial KTP te chuan nimin khan Bial huap Leadership Training an nei.
Bial KTP Conference 2017 New Champhai Kohhrana neihin a lo rel tawh bawhzuiin nimin khan Bethel Kohhran Hall ah Bial huap Leadership Training an nei a. Resource Person ah Rev. H. Zathuama hman a ni a, Bial puipa Upa Lalngaihdama, Bial Chairman leh Upa T. Lalhriatpuia, Bial Ziaktu ten an telpui thei a ni. He leadership training hi Bial chhunga Branch hrang hrang Committee chin leh Group OB chin tana buatsaih a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Tanky Full (Rs. 56.67/litre) 

RD PUMP (9862137196)
Petrol    : Free Sale 
Diesel    : NIL

FIRE  OFFICE : 
(03831)234026

Comments