Skip to main content

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

ni 22.2.2017 (nilaini)


TRAINERS` TRAINING BUATSAIH ZO FEL :
Nimin khan DSYO Office Champhai in a buatsaih Trainers` Training on Football chu kharna hun hman a ni a, Certificate sem chhuah a ni.
Trainers` Training on Football Certificate  of Completion semna hun hi District Sports & Youth Officer Office Chamber Vanlallawma Indoor Stadium-ah a neih a ni a. lalngilneia Colney, DSYO chuan kaihhruaiin training a telte hnen atangin thusawi ngaihthlak a ni a. Trainers` Training chu hlawkthlak an tih thu leh hetiang ang training na hun tha siamsaktu DSYO Office hnenah lawmthu an sawi a, training petu Coach tha tak Lalbulliana chu lawmthu a hrilh bawk.

He hun hmannaah hian lalngilneia Colney, DSYO chuan thusawiin, Champhai thalaite tan Sports leh Youth Services lamah hma an sawn zel theih nan a training theih ang ang neihpui zel theih an tum tih a tarlang a. Training chhuakte chu inpekna nen, an kaihhruai tur infiammite entawn tlak a nung tura chahin rawngbawlna pawimawh tak a ni tih hria a theihtawp chhuah turin a fuih a. Training chhuakte hnenah hian Certificate a sem chhuak nghal bawk a ni.

ZIRHO DAWN :
Tukin zing dar 10:30 atang hian Govt. Champhai College Seminar Hall ah Govt. Champhai College leh Mizoram Science Technology & Innovation Council tangkawp buatsaihin Mizopa tualchher thiamna leh a humhalhna kawng inzirtirna, Oneday State Level Workshop on Intellectual Property Rights and Grassroot Innovation buatsaih a ni dawn.

FAINA HNATLANG :
Vawiin hian Scouts & Guides Thingking Day a ni a, hemi pual hian Champhai Scouts & Guides te chuan Champhai khawpui chhung thianfaiin hnatlang an nei dawn a. CHANEM kawtah tukin zing dar 10 ah hnatlanga thawk chhuak turte Flagoff hun an hmang ang.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Semrual (Rs. 56.67/litre) 
(Diesel hi a lo thlen chuan tanky full a pek tur a ni)

RD PUMP (9862137196)
Petrol    : Free Sale 
Diesel    : Nil

FIRE  OFFICE : 
(03831)234026

Comments

Popular posts from this blog

Champhai - Tualchhung Chanchinthar ni 15.5.2018 (thawhlehni)

CHAMPHAI LEILET ZAWLA KUDAM LEH IN SA THIAH LOH CHHAN ZAWT :
Champhai Task Force te hmalakna kal zelah phaizawla kudam sa te chu thiahsak an nih lohna tur chhan leh vang sawifiah tura hriattir an ni.
Champhai leilet zawl hi Sawrkar dan dinglai angin loneih leh a kaihhnawih atan chauhva hman theih a ni a. Hetiang tur hian LSC leh ram pass pawh pek chhuah a ni a, hei vang hian Kudam sa lo tur leh a sa tawhte pawh thiat tura thupek chhuah a ni a, sa lai te pawh a hmuna kal chilh a tihtawp tir an ni tawh a. APril thla chhung a hriat vek tura tih an ni a, tun dinhmunah thiat emaw thiahsak engmah ala awm lova, thudawn danin heng kudam neitute hnenah hian hriattirna tawp ber pek a ni tawh a. Thiahsak an la nih loh chhan chu Kudam neitute hi COurt lam thu ngaihchan vang leh ni 8 khan Kudam neitute chu Dan ang thlapa thiahsak lo a nih chuan anmahni a thiat tura tih an ni a. Lehkha hi an dawng vek tih finfiah a ni a, lehkha an pek atanga ni 15 hmaa sawi tur nei silova, kudam thiat lo te chu thiah…

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…