Skip to main content

Champhai - Tualchhung Chanchinthar ni 21.6.2018 (ningani)

HEROIN HAWNG 11 MAN :
Nizan hmasa khan Champhai Khankawn Police Check Gate ah Zokhawthar to Aizawl Maxi Cab pakhat atangin Heroin Hawng 11 leh a neitu ni a puh hmeichhe pakhat chu Police ten an man.
Champhai Police hotute hnen atanga thu dawn danin, Zokhawthar to Aizawl Maxi Cab a chuangte an enfiahna lamah Zarzosangi (52) d/o Vanhnuaithanga (L)  Sazep khua ni a insawi hnen atangin Heroin Hawng 11 (Gram 143) an man a. Heroin neitu chuanna Maxi Cab Driver hi he ruihhlo chungchangah hian inhnamhnawihna a neih loh avangin thubuai siamsak a ni lo thung. Heroin man tak hlut zawng hi tualchhung hralhna a chhutin Rs. 5,50,000 man a ni.
ND&PS 21 (b) tlawhchhan a man Heroin man tak Hawng 11 (Gram 143) hi kum 10 lungin tan leh Rs. nuai khat thleng chawi tura hremna pek theih a ni.
Zarzosangi hi ND&PS Act tlawhchhanin thubuai siam sak a ni a, nizanhmasa khan Champhai Plice Station lock Up ah tantir a nih hnuin nimin khan District Court ah hruai niin Champhai District Jail ah dah luh nghal a …

ni 3.2.107 (zirtawpni)


CTP IN RAL :
Champhai Thalai Pawl chuan nimin khan an Treasurer boral Pu David Lalrammawia ralna hun an hmang a. 
Ralna inkhawm hi tlai dar 3 ah neih niin Champhai Thalai Pawl President in kaihruaiin nghilh lohna thuziak leh thildang David-a kalsan tak a chhungte hnenah an hlan.


REPUBLIC DAY THLIRLET :
Nimin Chawhma Dar 11 khan DC Conference Hall-ah Champhai DC Pu Vanlalngaihsaka hovin Republic Day thlirletna neih a ni.
DC chuan Republic Day tana Committee in Dept. tin te'n thawhlawm thawh nise tia a lo rel tawh chu tha taka thawh a ni a, Rs. 180500 hmuh  a ni chu lawmthu a sawi a, he thawhlawm avang hian Republic Day lawmna a hlawhtling a ni a ti a, Dept tin te chungah lawmthu a sawi a, Chhangphut Field enkawltu CDFA te chungah pawh lawmthu a sawi tel bawk. Kalkhawm te chuan Republic Day hmanliam ta chu a hlawhtlingin a lawmawm thu an sawi a, Protocol hre lova Duty an awm erawh chu an duhkhawp lo hle tih an sawi a, protocol zirchiang deuh turin an ngen nghal bawk. Field ruak lutuk chu sawiin, lehpekah chuan sawrkar hnathawk leh zirlai te chu sawm thin ni tawh se an ti a, invitation pek chungchangah pawh uluk leh fimkhur zawka siam turin an ngen bawk. Tan hun chu a aia hmaah neih tawh ni se, naupang luhaia tlu pawh an zia deuh an rin thu an tarlang tel bawk a ni. Chutihrualin zirlai naupang parade thin te chu Tobacco leh a kaihhnawih ti lo turin an chah a, heng an tih thin avang hian awlsam takin an tlu mai thin a ni tih an tarlang tel bawk.
Sawrkar hnathawk ten National Important Days te an ngaih pawimawh deuh deuh theih nan DC Office atangin Circular chhuah ni se, chu circular chu Head of Office ten mahni office ah theuh lo sem chhuah leh ni se ti a rel a ni.
He ni pawimawh hmannah hian nidang ah chuan School naupang te a tam thei ang ber tel ve theih ni se tih chu an rel bawk.
Republic Day hman chungchang a harsatna leh duhkhawp lohna hrang hrang awm te sawi ho a ni a, heng harsatna te hi nidang ah chuan a theih ang ang a enzui a siam fel tum an ni.  

TUIALHTHEI ENDIK :
Nimin chawhnu dar 2:30 khan Champhai District Consumer Assn hruaitu te leh Legal metrology Dept chuan tuialhthei an en dik.
Champhai District Consumer Assn hruaitu te leh Legal metrology Dept. inspector Pu Lalnundanga te nen Petrol Pump Diesel leh petrol pawlh dal a nih leh nih loh leh litre a tling nge tling lo tih an enfiah a, litre a tling tha in pawlh dal loh a ni ngei a ni tih an finfiah a, mipuite hmakhua ngai a petrol leh diesel te rualkhai taka sem chhuak turin an ngen bakah Champhai Khawpui chhungah Petrol Pump pakhat chauh a awm avangin mipuite hmakhua ngai a theih tawp chhuah a tan la turin an chah bawk. Petrol Pump Manager Pu Lalsangliana'n a lo dawngsawng tha hle a, a chungah lawmthu an sawi bawk a ni.

CONSUMER AWARENESS NEI :
Kar kalta Inrinni khan Champhai Dist Consumer Asst hruaitu pasarihte chuan Vaphai khuaah Consumer awareness Campaign an nei
Champhai Dist Consumer Asst hruaitu pasarihte chuan Vaphai khuaah Consumer awareness Campaign an nei a, VCP Pu Chaltuaka'n lo dawngsawngin mipuite awareness ngaithla turin a kohkhawmsak a. District Consumer President Pu C. Lalngura'n thusawiin Vaphai khuaa electric retailer te'n mipuite rawngbawltu anni tih inhria in theih tawp chhuaha tan la turin a fuih a, hei bakah damdawi dawr ten mipuite hmakhua ngaiin MRP ang a an damdawite hralh theuh turin a chah a, Mipuiten harsatna an neih reng reng te Champhai Dist Consumer Asst hnena rawn sawi zel turin a chah bawk a ni.

INBUATSAIH NASA :
MFA Cup 2017-a Champhai aiawha kal tur te chuan inbuatsaihna ngawrh takin an nei mek
MFA Cup 2017 hi Lungleiah khelh tur niin Champhai District Football Association chuan Bethel FC a tir dawn a, Bethel FC te hian inbuatsaihna ngawrh takin an kalpui mek a, MFA Cup hi February ni 27 atanga khelh tan tur niin District tin aiawhin te an inkhel dawn a ni.
Hetih lai hian U-17 Inter District Football Tournament Siahaa khelh mekah nimin khan Champhai chu Kolasib lakah 2-1 in an  vanduai a, Vawi hnih khel tawhin a vanduai zawkah an la tang ve ve ani. Champhai hian a thlengtu Siaha District an la hmachhawn leh dawn a ni.

CHAK ZO LO :
Nimin khan Inter District Volleyball Tournament Semifinal ah Champhaiin Mamit an hneh zo lo.
Inter District Volleyball Tournament Mimit a khelh mekah Champhai District mipa team te chuan a thlengtu Mamit District an hneh zo lova, He inkhel hmuhnawm takah hian Champhaiin set khatna awlsam takin la mahse, Player 6 chauh nei champhai hian player inthlak tur an neih loh an tuar a, an game ah an chau tih a hriat a, a thlengtu Mamitin harsa taka set 3 la zawnin 3-1 mamit hian hnehna an chang ta a ni. 
Nimin tlai khan Hmeichhe Team te chuan Pool match khel zovin Aizawl District-in an tumpuite Set hloh lova an hneh chuan Final an lut thei dawn ani.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Service Tanky (Rs. 56.67/litre) 

FIRE  OFFICE : 
(03831)234026

Comments

Popular posts from this blog

Champhai - Tualchhung Chanchinthar ni 21.6.2018 (ningani)

HEROIN HAWNG 11 MAN :
Nizan hmasa khan Champhai Khankawn Police Check Gate ah Zokhawthar to Aizawl Maxi Cab pakhat atangin Heroin Hawng 11 leh a neitu ni a puh hmeichhe pakhat chu Police ten an man.
Champhai Police hotute hnen atanga thu dawn danin, Zokhawthar to Aizawl Maxi Cab a chuangte an enfiahna lamah Zarzosangi (52) d/o Vanhnuaithanga (L)  Sazep khua ni a insawi hnen atangin Heroin Hawng 11 (Gram 143) an man a. Heroin neitu chuanna Maxi Cab Driver hi he ruihhlo chungchangah hian inhnamhnawihna a neih loh avangin thubuai siamsak a ni lo thung. Heroin man tak hlut zawng hi tualchhung hralhna a chhutin Rs. 5,50,000 man a ni.
ND&PS 21 (b) tlawhchhan a man Heroin man tak Hawng 11 (Gram 143) hi kum 10 lungin tan leh Rs. nuai khat thleng chawi tura hremna pek theih a ni.
Zarzosangi hi ND&PS Act tlawhchhanin thubuai siam sak a ni a, nizanhmasa khan Champhai Plice Station lock Up ah tantir a nih hnuin nimin khan District Court ah hruai niin Champhai District Jail ah dah luh nghal a …

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai Tualchhung Chanchinthar ni 14.6.2018 (ningani)

DISTRICT LIBRARY HLUT : Kumin chhungin District Library tlawhtu mi 2094 anawm tawh. Champhai District Library-ah member 1809 an awm mek a, puitling 1591 leh naupang 216 an an ni a, member thar puitling 3 leh naupang 2 an awm bawk. Lehkhabu thar 276 awmin lehkhabu 29,164 a awm mek a . Library tlawhtu hi mi 2094 an awm tawh ani. District Library ah hian mizo chanchinbu 5 awmin magazine mizo ziak 4 leh saptawnga ziah 1 a awm bawk. District Library member hi nih theih reng niin a duh apiang tán inziahluh theih reng a ni a, zirlai te tan zirna atana tangkai leh pawimawh tam tak en tur a awm a, zirlai ni lo tan pawh Pathian thu, hriatzauna leh thawnthu bu chi hrang hrang chhiartur a awm ani.
RUAHSUR NASA LEH CHAMPHAI : Ruahsur nasa avangin PHE Dept ten Tuipui lui, tui an pump na hmun thenkhat chu tuiin a chim tawh. Ruahsur nasa avang hian Champhai tui lakna ber, Tuipui lui chu a lianin a nu nasa hle a, pump tlak a nih loh avangin PHE Dept te hian ni 5 chhung chu Champhai khawpuiah tuisem a…