Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 3.3.2017 (zirtawpni)


SAKHI SA HALRAL :
Champhai District Wildlife Crime Patrol Unit member-ten Champhai Zote dai a Sakhi sa nimin a an man chu Champhai DFO Office tualah halral a ni.
Champhai District Wildlife Crime Patrol Unit,  Champhai Police Station atanga duty a chhuak Pu HC Zomawia (Duty Officer) lah a thawhpuite chuan vawiin chawhmna lam khan Myanmar atanga lakluh Sakhi Sa Kg 15 chu Champhai Zote daiah an man a,  Sakhi sa hi tualchhung hralhna a chhutin Rs 4500/- man vel niin,  vawiin chawhnu khan Champhai DFO Office tualah halral a ni.

Nungchate thlamuang leh zalen taka he Zorama an khawsak ve theihna tura mipui, mimir zawng zawngte ngen chunga Sakhi sa halraltu Champhai District Honorary Wildlife Warden Pu C. Lalhnunpuai chuan nungcha humhalh kawnga chak taka hmalak anih laia sumdawnna tura ramsa zawrh chhawn tur man a ni chu pawi tih thu sawiin,  Dan lah thupek kengkawhtute leh Sub-Hqrs. YMA Champhai huamchhung Group YMA 8-ten theih tawp a khawmual leh lui sate humhalh hna an thawk chu fakawm a ti a.  A bikin Tuipuiral, Khawzawl leh Tuiphal Group YMA te thawhrimna chu chhuanawm atih thu a sawi a.  Nungchate humhalh kawngah hlawhtlinna tlanga chuang turin sorkar hotulu ber leh ram roreltulu ber atanga tan atul thu tarlangin,  khualtha hlui nana ramsa an chhawpte ei lo ngam tur leh mite pek pawh dawnglo ngam se a duh thu a sawi a. Mipuite entawn ber sorkar hnathawkten sa pel lo tur leh nungcha humhalh kawnga khaipa ni zawk tura a beisei thu a sawi bawk.
Nimin tlai a Sakhi sa halralna-ah hian Champhai DFO & Territorial Wildlife Warden Pu Vanlalchuailova leh Champhai Forest Division Staff-te bakah Champhai Police te an tel a ni.

CHAK TLUANG ZEL :
MFA  Cup 2017 Lungleia khelh mekah nimin khan Bethel FC chuan si 10 faiin North Fate FC an hneh.
Champhai District aiawha kal Bethel FC te hi nimin khan Thuamluaia Mualah Lawngtlai District aiawh North Fate FC nen inkhel in si 10 faiin hnehna an chang a, Bethel FC Captain Isaac Lalrinngheta chuan Goal 4 khungin lalengmawia`n Hattrict a siam bakah Lalmuanawma, Zonunthara leh Lalremruata ten Goal 1 theuh an khung bawk. Bethel FC  hi Inrinni chhun dar 12 hian mamit Chhimveng FC nen an inkhel leh ang a, Pool Match an khel zo ang. 
Bethel FC hian an Match hmasa berah Aizawl District aiawh Mizoram Police FC si 4 faiin an lo hneh tawh bawk.

LUNGPHUM PHUM :
Nimin zing khan Vengsang Branch YMA Hall sakna turah Parl. Secretary TT Zothansanga chuan lungphum a phum.
He hun hi lalthantluanga Tochhawng, President Vengsang Branch YMA chuan kaihruaiin  TT Zothansanga chuan Vengsang khawtlangin hruaitu hlui a nihna anga an hre reng leh he hun hmang tura an sawm a. hall hi sak puitlin a, YM A leh khawtlangin tangkai taka an hman theih turin theihtawp chhuah zel a tum thu sawiin lungphum hi a phum a ni. Parliamentary Secretary hian Vengsang Branch YMA te hi an mamawh thingpui inna no a pe bawk. Vengsanga YMA Hall thar hi tuna an hall luah lai mek bula sak tura ruahman ani a. A hmunhmate chu tunah hian an cheibawl tan mek a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 66.97/litre)
Diesel    : Semrual (Rs. 56.67/litre) 

RD PUMP (9862137196)
Petrol    : Free Sale 
Diesel    : Nil 

FIRE  OFFICE : 
(03831)234026

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…