Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 17.4.2017 (thawhtanni)


NAKTUKAH BANDH HUAIHAWT DAWN :
MZP Hqrs. Champhai chuan naktuk, Thawhlehni hian Champhai District Hospital a thawktu dah belh ngiatin Champhaiah bandh an huaihawt dawn.
MZP Hqrs. Champhai Executive Meeting chuan February thla tir atanga Champhai District  Hospital a thawktu indaih lohna phuhruk turin sawrkar hnenah Surgeon, Paediatrician, jail Doctor leh Pharmacist pakhat theuh bakah Medical Office (MBBS) 2, a lo dil tawh a. Mahse sawrkarin engmah a pek loh hnuah ni 17.3.2017 a MZP Executive Meeting in 14.4.2017 thleng sawrkar ngahchan leh ni se, hemi chhung a kna mamawh ang kan  hmu lo a nih chuan a tul ang a hmalak zui nise tiin a rel a, sawrkarin an dil ang a pek loh avangin ni 18.4.2017 (Thawhlehni) zing dar 6 atang hian lungawilohna lantir nan Champhai khawpui chhungah tiamchin awm lovin Total bandh an nei dawn a. He bandh hian bawnghnute sem, chanchinbu sem leh damdawi in pan ngaite a huam lovang
.
MZP Hqrs. Champhai chuan Champhai mipuite mamawh zualpui tal phuhruk a nih theih nan mipuiten tha taka thlawp turin an ngen a. Zin mite pawh Total bandh chhug hi chuan hmun dang a chhuak lo turin an ngen bawk.

NULA CHHUANAWM :
Nl. K. Vanlalchhanhimi (Achhani) d/o K. Ramenga, Champhai Venglai chuan Novadaya Dental College, Raichur (Karnataka) atangin Bachelor of Dental Surgeon (BDS) a zo fel.

THISEN PE :
Baptist Church of Mizoram Bethani TKP Unit te chuan Ramthim puala thisen pe tura an lo inruahman laiin Hospital ah thisen a awm mumal tawh loh avangin Doctor te ngenna angin Inrinni khan a mamawh apiangte hman theih turin Champhai District Hospital ah kalchilhin thisen unit 14 an pe a, thisen petute hi mipa 8 leh hmeichhia 6 an ni.

MJA GENERAL CONFERENCE :
Naktuk 19.4.2017 hian MJA General Conference chu I&PR Auditorium, Aizawl ah Chief Minister Lalthanhawla hovin hman a ni dawn a. He hunah hian MJA Champhai District Member te chu an kal dawn avangin naktuk atanga tunkar Zirtawpni (ni 21.4.2017) thleng Champhai leh Khawzawl District chanchinbu chu tihchhuah a ni dawn lo va, MJA Champhai District chuan mipui hriatthiamna a ngen a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 64.87/litre)
Diesel    : Free Sale (Rs. 54.88/litre) 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …