Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 27.4.2017 (ningani)


CHAMPHAI NORTH & SOUTH BLOCK CONGRESS COMMITTEE IN MIPUITE NGEN :
Mizoram Pradesh Congress Committee, Champhai South & North Block Joint Meeting chuan Champhai District Hospital a thawktu indaihlohna chungchangah thuchhuah an siam.
Mipui hnena ngenna leh hriattirna an siama an tarlan dan chuan - Mizoram sawrkar chak tak hnuaiah Champhai District in District dangte pawhin an awh khawp District Hospital Building thar kan nei thei hi kan lawm hle a, hei hian a ken tel Doctor leh hmanrua indaih lohna avang erawh chuan vawiduailo Aizawl lamah kan sawrkar hotute kan lo hmu tawh thin a, kan mamawhna thu pawh hi Champhai North Bialtu MLA pawhin tun Budget Session hnuhnung berah khan na takin a lo auchhuahpui tawh a nih kha, kan la hre reng awm e.

Heng zawng zawng avang hian Mizoram Sawrkar pawhin tun Budget Session hnuhnung berah khan Doctor thar lakna tur Bill pawh a pass phah hial a ni. Doctor lakbelhna tura sawrkar ruahmanna kal mek chu chak lehzuala bawhzui a nih theih nan leh Champhai District in kan mamawhna te hre chungin, Political Party inphuarna hnuaia nawr a rem tawh loh chinah MZP Hqrs. Champhai te lo che chhuak a, bandh t ehian buatsaih a, an nawr kha keini Champhai N&S Block Congress chuan kan hmalakna kal mek a nih avangin kan thlawp a ni tih kan sawn nawn leh duh a ni.
MZP hruaitute leh Zirlai naupang ten ngaihtuahna thianghlim tak nen Champhai District tan chauh a n tih laia, a phena Politics leh mimala hlawkna tel tum an lo awm leh chumi avanga an hmalakna duhawm taka chhuanchhe zawka lo thang ta, Motor hal leh Circuit House suasam tih te, a titu ber pawh hriat tawh si lova a hmingchhiatna zawng zawng MZp leh Zirlai naupang ten an phur ta vek hi pawi kan ti a, zirlai hliam tuar zawng zawngte thinlung takin kan tuarpui a ni. Heng hliam tuarte chhawmdawlna tur hi a ranglama Sawrkar hotute hnenah ngenpui nise kan ti.
Zirlai hmakhaw eng tak nei ten tuar leh  mahni hrehawm pawh dawn lova Champhai District leh mipui tan chauh an tihlai a, he an thil nawr Politics leh mimal hlawkna tuar remchang alo hmang a, an kuhmuma par an duh avanga zirlaite chhia leh tha hriatna bual at tum a, a chhe ber kawnah pawh zirlaite nawrliam pawisa lo tute hi kan dem takzet a ni.
Indian National Congress Party in India ram zalenna a sual hunlai ata tawh ‘Tha rum tello’ (Non-Violence) a innghat a ni. Mizoramin rambuai thimchhah ber a tawh lai pawh a ‘Remna leh muanna Policy
 nei chunga Mizoram rahbi thara hlangkaitu a ni. Chuvang chuan eng hmalaknaah pawh tharum thawhna leh Champhai hmai tibal thei thil reng reng chu kan thlawp ngai lo a ni.
Tin, MZP Hqrs. Champhai te chu ni 25.4.2017 khan Champhai N&S Block Congress Committee chuan lengah kan sawm a, he hunah hian MZP te Demand ngaihthlakna leh sawihona neih a ni a. Heng an demand te a hlawhtlin ngei theih nan hian Champhai N&S Block Congress Committee aiawhte chu Nilaini hian Aizawla Sawrkar hotute dawr tura kal nise kan ti a. He hmalakna kal zelah hian tharum thawhna leh boruak duhawm lo a thlen tawh loh nan hmalakho zel nise kan ti bawk.
MZP Hqrs. Champhai hruaitute leh zirlaite Champhai District leh mipuite tana an hmalak leh zelna turah duhsakna kan hlan e, tiin.

TUIPUI KHUAAH TOMATO CHIN DAN ZIRTIR :
Khawzawl Horticulture Division chuan thawhlehni khan Tuipui khuaa Tomato chingtute leh chin tumte tan Traning an buatsaih.
He hunah hian Khawzawl Divisional DHO F. Lalthlamuana chuan Tuipui khawtlangin taima tak leh inlungrual taka Tomato an ching thei leh hlawhtlinna an hmu chu a lawmpui thu sawiin Tuipui khua chu Mizoram sawrkar pawhin a hria a, an Tomato chin tur Variety chi 2- Samrudhi lrh Arkaraksak chi te pawh Horticulture Director Saipari`n amah ngei kalin Bangalore-ah a zuk la chhuak tih a sawi a. Tomato chi te hian Thawhtanni khan Aizawl an lo thleng tih sawiin a chingtu turte kutah a thleng thuai dawn tih a sawi a. Hmalakna awm leh zel tur atana thil pawimawh a nih avangin tuna Farmers Group 2 dingte chu Group 1 ah inchhung lut turin a chah nghal a. Tuipui khaw mipui Tomato thar chhuahte chu Mizoram District hrang hrangah hralh chhuah a nih theihna turin an Department in apui dawn tih a sawi bawk. DHO hian Tuipui a Tomato chingtute hnenah hian Tomato chingtute inhman tawm Tui dahkhawlna pawp thawm thatna tur leh an hman tur Pipe a hlan nghal a ni. He hunah hian Horticulture Field Consultant Jenny Lalrindiki chuan Training a pe a, Tomato chingtute pawhin an harsatna te sawiin an harsatna dutkian dan tur hi Horticulture Department mithiamten an hrilh a ni. DHO hi ADHO H. Zosangliana’n a tawiawm a, Tuipui khawtlang aiawhin an khaw VCP Rinsangpuia’n lawmthu a sawi a ni.

ACADEMY OF LETTERS :
Thu leh hlalama CHamphaiin hma a sawn theih nan Champhai Academy of Letters din ani a, thu leh hla lama tui mi a duh apiang tan Membership Fee Rs. 20 pe in Eastern Shoe Store, Champhai Vengthlangah Form Fillup theih a ni a. AN hruaitute chu :
Pre : C. Lalmuansanga
Vice Pre : C. Ramengmawia
Secy : B. Vanlalchenpuia
A. Secy : Lalsiammawia Sailo
Treasurer : Dr. F. Lalfakawmi
Fin. Secy : C. Lalpekliana

VC TEN THLAWP :
Nimin Kahrawt Community Hall a District VC Assn. Committee thukhawm chuan CHamphai Joint VC Association din a rem tih angin a hnuaia mi ang hian hruaitu an thlang nghal.
Chairman : K. Lalrawna
V. Chairman : K. Lalmawia & R. Chalhnuna
Secy : S. Lalruatsanga
Asst. Secy : HL Malsawma
Trea : K. Lalngaihawma
Fin. Secy : Hmingsawipuia
District VC Assn. hian MZP ten DIstrict Hospotal tihchangtlunna tura an hmalakna kal zel Joint Action Comt. kuta awm ta chu an thlawp tih an pass bawk.

MHIP TEN HALRAL :
Nimin khan New CHamphaiah Beer, BEDC leh Guthkha Product chi hrang hrang an halral. Heng an thil mante hi MHIP New CHamphai Branch ten an kumpan bawhzuinaa an man niin nimin khan MHIP Sub-Hqrs. hruaitute bakah New CHamphai MHIP, VC, MUP leh YMA ten an hal ral. New Champhai Branch MHIP te hian an kumpuan bawhzui hian hma an la nasa hle a. An huamchhunga dawra Guthkha zuar te an man sak thin bawk.

ILP ENFIAH :
Nizan hmasa khan Vengthlang Branch YMA te chuan an huamchhunga hnamdang awm te ILP an endik.
Vengthlang Branch YMA te hian an Branch huamchhunga hnamdang awmte YMA Runah kokhawmin an ILP a fel em tih an endik a, nizan hmasa khan mi 40 vel endikin zin bo leh rokhawlhna dang nei tih loh chu an kalkim tha thawkhat hle a, heng ILP an enfik zingah hian ILP fel lo mi tlem te awm mahse heng mite hian an ILP an buaipui mek avangin Vegthlang Branch YMA te chuan an nghak leh rih dawn. Vengthlang Branch YMA te hian an Branch huamchhungah hnam dang dan lovin an awm leh awm loh an endik thin a ni.

TUIALHTHEI DINHMUN :
MIZOFED POL
Petrol : Free Sale (64.87)
Diesel : Free Sale (54.88)

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…