Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…
ni 22.7.2017 (inrinni)

ZIKHLUM LEH SAMTAWK HRALH DAWN:
Samthang khua-in Zikhlum leh Samtawk an thar chhuah chu karleh hian phur chhuah a ni dawn.
Zikhlum chinna atan hian Horticulture dept chuan Collection center hmun 8-a sakna tur silpauline 25 leh hnatlang senso atan hmun 7 a sakna tur Rs 15000 bakah, kawngpui kama pakhat sakna atan Rs. 50009 chu zikhlum chingtute hi an pe a. Karleh Ningani khian Horti. Dept huaihawtin Collection center atanga zikhlum leh Samtawk an phur chhuah hi vailiamna hun hman an tum a, bialtu MLA emaw Champhai DC emaw khuallian atan beisei a ni. Samthang khuaa Zikhlum leh Samtawk chingtute hi nikum July Ni 7 khan VC hriatpuiin Samthang Farmers’ Association  tiin pawl mumai tak an In din tawh a, Assn ruahman angin zelin kar tin an thlai thar chhuahte hi Aizawla zawrh tura phurhthlak thin a ni. Zikhlum leh Samtawk chingtute hi chhungkaw 60 vel niin tunah hian an thlaite hi an seng mek a. Samtawk hi Zikhlum lak zawh, Aug. emaw Sept. velah an phun a, a kum leh March atanga July thla thlengin a rah an seng thin a ni. Samthang Zikhlum man hi a danglam reng a, a to laiin kg-ah Rs 27 vel a nih laiin a tlawm vanglai chuan Rs 9 velin an hralh thung a. Samtawk rate pawh hi Rs 67 atanga Rs 37 inkara hralh chhuah a nitlangpui bawk.

THUNEITUTE AUH EIH NAN KAWNG DANG NGAIHTUAH A TUL MAI THEI :
Ni 21.7.17 (zirtawpni) khan Dulte khaw chhung kawng chhe nasa chu Section YMA ten an siam. A hmain Dulte Branch YMA chuan kawng chhia hi tum thum an lo siam tawh a, a chhe nasa laiah hian motor liante tangin a tlu bawk thin a, hel an tumna lamah hian khaw chhung chawmtu tui pipe (main pipe) chu vawi tam tak motorin an chil chhe tawh a, a chhiat apiangin veng thenkhatin tui an nghei phah thin.
Nimin hian tum danga an tih ngailoh angin thing tum engemawzah la in kawng khuarah hian an rem a ni.
He lai kawng  chhe chungchang hi Highway Div. ah te, SDO PWD Kawlkulhah te, Thuneitu dangahte pawh thlen ani tawh a, ngaihsak a hlawh lo a, khaw mipuiten harsatna an tawh zel dawn chuan thuneitute auh eih nan kawng dang ruahman mai a tul hun a thleng ang tih a hlauhawm hle niin an sawi.

BADMINTON INELNA ZO :
Nimina khelh zawh tak CDBA-in Badminton Tournament a buatsaiha category hrang hranga Champion te chu:
Grade B : PB Lawmthangzuala & K.Lalnunmawia(Treasury)
WD : Lalrinhlui SSA & Silate Lalruatfeli, Medical
Grade C : R. Rampanmawia NERHOFIC & C. Zaihmingthanga GMHSS
Mens Open Doubles : Lalrindika & Lalmuanpuia (Champhai Shuttlers)
Grade B: Danny Lalruatsanga & F.Laldanmawia (2nd IR Kzl)
Mens Dpen Single : Lalawmpuia, 2nd IR Khawzawl
Gazetted Doubles : H. Zahmingliana, DRDA & PS Lalrinngheta, KHSS
Grade A : Lalawmpuia & Danny Lalruatsanga, 2nd IR Khawzawl

ZU MAN :
Nimin khan Champhai Excise & Narcotics Dept te chuan Champhai Electric Veng, Vaihmunah Myanmar Zu BEDC Litres 385, Satha ipa inkhung Ieh a neitu nia rin Lalramenga kum 32, s/o HT Sanga, Champhai Electric Veng nia inchhal chu an man a, MLPC Act hnuaiah thubuai siam sak niin  nimin khan District Court-ah hruai nghal a ni. BEDC an man hi tualchhung hralhna rate-a chhutin Rs. 1,10,000 man vel a ni. Champhai Excise & Narcotics Dept te hian kumin 2017 chhung hian Zu rui thubuai vangin mi 4 an man tawh bawk.

INTUAI THARNA HUN HMANG :
Nizan atang khan Pathianni zan thleng awh turin Zote Pastor Bial Kohhran Hmeichhia te chuan Zote Kohhran Biak inah Retreat an nei dawn a. Synod Moderator Rev Lalzuithanga chu Speaker a ni ang. Nizan atanga inkhawm buatsaihin vawiin nilengin hun an hman chhunzawm ang a. Pathianni zanah atiak dawn a ni. Retreat-ah hian Zote Pastor Bial chhunga Kohhran hrang hrang zaipawlte chuan Pathian fakna hla an rem thin ang.

A HUN A TAWP TA :
Insak tanpuina PMAY hnuaia Loan Credit link Subsidy Scheme hawn mek chu khar a ni ta. Loan hi in a thar hlaka sa tur emaw in thawm that leh sak zawm emaw na tur niin Sorkar in-a pung a rulh sak dawn a. Loan hi Rs Nuai 6 hnuai lamah 6.5% Subsidy rulh sak tur niin Rs. Nuai 6 chin chunglamah 4.5% leh 3.5% rulh sak tur a ni ang. UD&PA Office atangin Form hi mi 400 velin an la chhuak a, he scheme hi Khawzawl leh Biate-ah pawh kalpui a ni bawk.

CDFA THUKHAWM:
Ningani khan CDFA referee board chuan Independence Day Football Tournament neih tur thlir lawkin meeting an nei.
He meeting hian 1day Football Tournament lo awm turah referee 7 duty ni se, District dang atanga referee pakhat chah luh belh ni bawk se tiin a rel a. July ni 31 tlai dar 4 khian 1-day tournament a duty tur referee te briefing neih ni se, an ti bawk. AIFF referee detailment course Aizawlah neih ani dawn a, Champhai district atangin a tam thei ang ber kal tura hma lak ni se tih te, CDFA huam chhunga football referee zawng zawngte registration tih vek ni se tih te leh Referee ID card Siam dan ngaihtuah ni se tih te an rel.

Petrol  : Service tanky  (61.44)
Diesel : Sem rual  (53.20) 

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…