Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…
ni 24.7.2017 (thawhtanni)

VAWK PUL HRI REH TAWH : 
Champhai khawpui a vawkpulhri leng chu a reh tawh a, tunhnaiah vawk thih belh an awm tawhlo. Champhai District Vawkvulh Association hruaitute sawi danin vawkpulhri leng avang hian vawk leh vawk note 172 a thi a. Vawk hloh hnem ber Pu K. Lalengthanga, Champhai Bethel veng chuan vawk 15 a hloh tawh a ni. Vawk vulhtute chuan tunhnaiah vawk thi a awm belh tawh lo va, vawkpulhri Ieng hi a reh tawhah an ngai niin an sawi. Animal Husbandry and Veterinary department hotute chuan tun tuma Champhai-a vawkpulhri leng hi PRRS ni Iovin classical swine fever a nih thu an sawi a.
Hei hi vawk damlo taksa peng hrang hrang an Iakte laboratory enfiah hnu-ah finfiah a nih thu an sawi. Classical swine fever hi Mizorama vawk pulhri leng thin tlanglawn tak a ni a. Vawk pulhri hi a tlangpuiin ruahtui tlak hnu a khaw hul leh lai hian a leng duh hle niin mithiamte chuan an sawi a ni.
Kum 2013 nipui lai pawh khan PRRS a leng a, Mizoram pumah vawk 3,000 vel a thi a, nikumah leng nawn Iehin vawk 4,000 dawn a thi leh a ni. PRRS hi Myanmar atanga vawk lakluh vanga Mizorama puang ni-ah Champhai vawkvulhtute chuan an ngai.

VEHBUR KHAWN ZO :
 Tun hnai ruahsur nasa avanga chhiatna tawk tuilian leh Ieimin tuarte tanpuina tura Central YMA in branch hrang hranga vehbur a khawn mekah Tuipuiral Group YMA chuan Vehbur khawn zo tawhin vawiin hian YMA Sub Headquarters Champhai hnenah thehluh an tum.
Tuipuiral Group YMA huam chhung ah hian Branch 21 a awm a. Khaw inkarkik tak tak leh inbiak pawhna a fumfe loh avangin tuilian leh leimin tuarte tanpuina tur Vehbur an khawn chu nimin khan Group pumpui ah  an khawn zo thei a ni. Chhiat tawkte tanpui nan hian a tlem emaw a tam emaw chhungtin deuh thawin an theih ang an thawh khawm a. Pawisa tling khawm hi avaiin Rs.1,20,701 a ni. Group YMA Secretary MC Lalramenga chuan vehbur khawnte hi vawiinah Rural Bank, Khawbung Branch kal tlanga theh luh an tum tih a sawi. Central YMA hian Branch hrang hrang a vehbur khawn theh Iuh kim hun atan July ni 30 aruat a ni.

INDIA TAN GLOVE BUN DAWN :
 Vanlalhriatpuii d/o ZH. Zoliana, Champhai Vengthar chu India aiawhin boxing khel turin a fehchhuak.
Kazakbstan-a boxing training cum competition, tun thla ni 27 atanga August 7; 2017 chhunga neih turah lndia Youth women team ah telin nimin khan India ram an chuahsan a. He training leh inelna an neih zawh hian Serbia pan zui nghalin Golden Gloves Competition, August ni 8~ 14, 2017 chhungin a tel zui leh nghal ang. Vanlalhriatpuii hi Boxing zirin SAI Mission Vengthlang, Aizawla awm a ni a. Kumin January-a Delhi khawpui a 1st Youth men and women National boxing inelna-ah light weight, 60kg ah champion in Most Promising Boxer-a thlan a lo ni tawh bawk.

GANJA SUAT :
 lnrinni khan Kahrawt Branch YMA leh Champhai Excise & Narcotics tangkawp te chuan Kahrawt Branch huam chhunga Ganja awm te hnatlangin zawn chhuah hna an thawk a, kung 481 suat in ganja an suatte hi Excise & Narcotics Dept. complex-ah halrai a ni. Ganja suat hnatlangah hian Kahrawt YMA Executive member 25 leh Excise 12 te an chhuak a, lirthei thawha chhuak te chungah hruaitute chuan lawmthu an sawi rualin Ganja hi an veng huam chhunga to a la awm a nih chuan veng chhung mipui ten anmahni remchan dan ang a lo suat turin an ngen nghal a ni.

SATALHNA IN HAWNG :
 Ningani kalta khan Livestock and Marketing Cooperative Society Champhai in Champhai Vengthar a Sa-talhna In, ICDP atanga sum Rs. 3,00,000 loan a an puk leh anmahni sum Rs. 1,30,460 senga an an sak chu Champhai DC Vanlalngaihsaka'n  a hawng.

CAMPAIGN HUN HMANG:
lnrinni leh nimin thleng khan Champhai Kahrawt Bialah Finance Campaign Ieh Political Campaign neih a ni a. Rev. Dr. C. Vanlalhruaia, Rev. R. Lalengzauva, Upa P.C Vanlalrova, Synod Office, Rev. Lawmsanga leh Lalremruata Revival Speaker ten hun an hmang a ni.

DINMAWIA'N INDIA TAN A DINMAWI:
 Inrinni khan Laldinmawia,Tuipui boxer chum 21st International Boxing Simon Tretsin Memorial Tournament 1 (senior) men, Odessa Ukraine. 17th - 23rd July chhunga neih zawh takah Fly weight (52kg) ah a thlengtu ram Ukraine boxer  Roman Vagilevich 5-0 a hnehin a Champion.

Petrol  : Service tanky  (61.66)
Diesel : Free Sale  (53.18) 

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…