Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…
ni 25.7.2017 (thawhlehni)

NU HO TEN GUTKHA VAI:
Nimin khan Sub hqrs MHIP Champhai hnuaia Gutkha Squad leh Anti Tobacco  Squad ta chuan Gutkha leh Vaihlo kaihhnawih thahnem tak an man. Sub- hqrs Gutkha Squad leh Anti Tobacco Squad te tangkawp chuan Champhai khaw chunga dawr hrang hrangah lut kual in Gutkha leh Vaihlo kaihhnawih zuarte endik hna beihpui an thlak a, dawr hrang hrang atangin Gutkha thahnem tak leh Cigarette sawrkar phal loh chin thahnem tak an man a ni. Pi Lalrinsangi Squad Chairman chuan kan tu leh fate hriselna atan a tha Io heng Gutkha Iah Vaihlo kaihhnawih zuar tam tak an la awm chu pawi a tih thu sawiin, zuartu dawr nei tute chu heng thil hian an tu lah fate nunna ngei pawh a pawt tawiin an hriselna nasa takin a tichhia a, zuar tawh Io turin a ngen nghal bawk. Pu Zosangzela, Consultant District Anti Tobacco Squad chuan tha leh zung senga thahnem ngai taka hnatlanga thawk chhuak MHIP member te hnenah lawmthu a sawi a, eng hunah pawh puih an ngaih hun apiangah puih an inhuam reng thu a sawi a, MHIP te hmalakna hi an thlawp tlat thu a tarlang tel bawk. Pu Zosangzuala chuan Burma Cigrattee te hi man a nih chhan sawifiah in, India sawrkar in Cigrattee zawrh a phal dan chu meizialin mihring atih chhiat dan lem tarlan tur chu 80% bel tur a nih laiin heng Burma Cigrattee ah hian 80% a tlin loh mai bakah thenkhatah chuan a awm lo thu a sawi bawk. Sawrkar laipuiin dan thar a siam, The Food Safety and Standard (Probihition and Restriction on Sale) Regulations. 2011 chu Ministry of Health and Family Welfare chuan August 20 khan a chhuah a, he dan hnuaia Regulation 2.3.4 chuan eng thil pawh eitur a siam leh buatsaihah Vaihlo leh Nicotine telh a khap a, chu Dan behchhan chuan Mizoram sawrkar chuan 22 August 2012 khan Gutkha, Pan Masala, Zarda, Vaihlo leh Nicotine telna chi eng pawh kan ram chhungah zawrh a khap a. May 28 2015 khan heng Gutkha leh Vaihlo atanga siam chhuah semdarh leh kawl khapna Dan a tichhuak leh a he khapna Dan hmang hian Dan bawhchhetu chu hremna Dan hrang hrang pawisa chawi bakah Lung ln tan thlenga hremna pek theih a nih thu tarlan a ni. Gutkha leh Cigrattee man zawng zawng hlut zawng hi tualchhung rate a chhutin Gutkha Rs. 20000 man vel man niin Cigrattee Rs. 26000 man vel man a ni bawk a, a vaia an man zawng zawng hi Rs. 46000 man hu vel a ni. Hqrs lam hriattir an nih hnuah halral a ni ang.

DAN BAWHCHHIATE :
 Champhai Traffic Police ta chuan kumin January atanga June thla thleng hian Iirthei dan bawhchhia 635 an man tawh. Heng lirthei dan bawhchhiata pawisa chawi tling khawm hi a vaiin Rs 1,38,200 a ni. January thla khan Iirthei dan bawhchhia 95 manin an pawisa chawi tling khawm hi Rs 18200 a ni a. February thla khan lirthei dan bawhchhia 116 manin an pawisa chawi tiing khawm hi Rs 30100 a nig a. March thla khan Iirthei dan bawhchhia 131 manin an pawisa chawi tlingkhawm hi Rs 29300 a ni a. April thla khan Iirthei dan bawhchhia 68 manin an pawisa chawi tling khawm hi Rs 26000 a ni a. May thla khan lirthei dan bawhchhia 123 manin an pawisa chawi tlingkhawm hi Rs 13500 a ni a. June thla khan Iirthei dan bawhchhia 102 manin an pawisa chawi tlingkhawm hi Rs. 21100 a ni.

JERSEY TLANGZARHNA HUN HMANG:
 Champhai Bethel Football Club te chuan 2017-2018 Season Opening leh Jersey tlangzarhna hun an hmang. He hun hi Bethel Chhura Hmun Hall-a hman hi NI. Lalthantluangi'n kaihhruaiin Khuallian Pu Lucas Thangmangliana, Patron BFC in Jersey release na hun hmang a, Khuallian hian thu sawiin Bethel khawthlang mipuite inlungrual taka tui anga luang za a, Champhai khaw ti hmingtha tura kan theihna apianga tangrual tlat turin a chah a ni. He hunah hian Season liam ta 2016-2017 a players leh fans performance tha award semna neih a ni. Season thar atana Bethel Football Club players tur te phochhuahna leh lnhmel hriattirna hun hman a ni bawk. He huna a bika tel tura sawm bik Bethel huam chhungah NGO hrang hrang YMA, MHlP leh VC an telpui thei bawk. Jersey thar an tlangzarh tak hi tunkar atangin Bethel Kawn-ah lei theihin a awm ang. 

RAKZU MAN :
Pathianni Zing dar 9:00  bawr vel khan Ngur Branch YMA te chuan Autorickshaw MZ-04 5 902 atangin Rakzu litre 60 leh Pack thum bakah a neitu nia puh Hmangaihzuala, Champhai Dinthar Venga khawsa nia inchhal an man a, Hmangaihzuala hi Ngur Branch YMA te chuan Champhai Excise & Narcotics Dept te hnenah hlanin MLPC Act 2014 hnuaiah thubuai siam sak niin nimin khan Champhai District Court-ah hruai a ni a, Champhai District Jail-ah dahluh nghal a ni.

MARTAR-TE THISEN BUAL :
MNF Sr Vice President Pu Tawnluia chuan Congress sorkar chu Zoram mipuiin thlak an duh thu a sawi. MNF Tuichang North Block khawmpui Khawzawl Vengthar YMA Hall a neih hmanpuitu MNF Senoir Vice President chuan mipuiin Congress sorkar thlak an duh chhan chu eirukna a nasat vang leh, zu zawrh vangte niin a sawi a. MNF chu hnam dangte chimralna tur laka Mizo hnam dinchhuahna atana din a nih thu sawiin, Martar-te thisen bual a ni a, engti kawng zawng pawhin he hnam tan hian nghet takin a ding tlat zel dawn niin a sawi bawk. MNF Sr Vice President chuan MNF in sorkarna a siam chuan Ram leh hnam tana kawng hrang hranga lo tuar tawhte he SEDP Policy hnuaiah chhawmdawl an ni dawn niin a sawi bawk.

OXYGEN KHAWL SEM : 
East Tuipui Constituency Bialtu MLA Pu T. Sangkunga chuan BADP sum hmanga lei Oxygen khawl (Oxygen Concentrator) pakhat theuh a bial chhung khaw thlan chhuah pariat 8 te hnenah nimin tlai khan Khawbungah a sem. Oxygen khawl hlanna inkhawm hi BDO Pu Lalbiakfela’n a kaihruai a. Khawl hi East Tuipui South Block-a khaw 4 Khuangthing, Vaphai, Khankawn, Thekte leh North Block-a khaw 4 Khuangleng, Leisenzo, Vangchhia, Hruaikawn ah te hman tur a ni a. Hlanna inkhawmah hian Bialtu MLA chuan a bial chhung chu khaw inkarkik tak tak a nih avangin, damlo na zual oxygen pek hmanhmaw ngaite leh hmunpui lam pan remchang lote nun chhan a nih theih nan heng oxygen khawlte hi lei a nih thu a sawi a. Bial mipuite’n tangkai takin hmang se a duh thu a sawi bawk.

Petrol  : Tanky Full  (61.70)
Diesel : Free Sale  (53.20) 

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…