Skip to main content

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…
ni 11.8.2017 (zirtawpni)

KUM TIN ZA ZELAH 3 ZIRLAI NAUPANG THI:
Nimin khan Kendriya Vidyalaya, Central School CHANEM Building-ah C. Lalbiakchhungi, MPS, SDPO Champhai hovin Road Safety chungchang zirtirna hun hman a ni.
SDPO chuan kumin hian zirlai naupang te hi za zela 3 chu motor accident vangin an thi thin a, nitin naupang 480 chu hliam tuar ziah ang a ni a, kumtin mi nuai chuang  motor accident vangin an thi thin a ni, a ti a. Zirlai naupangte chu funkhur turin a chah a. School kan kalin emaw kan haw lama ni emaw uluk taka kan kalna kawng chu en a hlauhawma awm leh awm loh en a, a him a nih chuan kal chauh thin tur a ni, a ti a. Kan ding leh veiah motor aIo kal leh kal Ioh te, motor ri ngaihven thin tur a ni tih a sawi a. Traffic Police te thuawih tur a nih thu sawiin kawng kawiah takte kawng kan loh tur a ni a, motor lo lang thut a awm thin avangin accident a tam phah hle a, kawng kan na turah chauh kawng kan thin tur a ni, a ti bawk.
SDPO chuan kawngpui ah te infiam loh tur a ni a, kawngpuiah ke a kal chin loh tur a ni, a ti a. Ziriai naupang te chu footpath ah chauh kal thin turin a chah a ni. Eng Motor-ah pawh kan chuang a nih chuan motor chhung atanga lu dah chhuah emaw kut leh ban dahchhuah hi chin loh tur ani tih sawiin a hlauhawm zia a sawi bakah motor atanga kan chhuak tur leh kan chhuk tur hi kan fimkhur em em tur ani, a ti a. Motor din chian hma a chhuk hian accident a thlen thei a, mi engemawzat an lo thih phah tawh tih a tarlang a; motor a dinchian hunah chauh lawna chhuk thin turin zirlai te chu a fuih a ni. Heng bakah hian fimkhurna tur kawng hrang hrang zirtir an ni a, Traffic dan leh hrai thenkhat hrilh hriat a ni bawk.

ZALENNA CHAMPHA LAWMNA
FOOTBALL :
Nimin khan Independence Day Football Tournament chu Chhangphut Field ah khelh chhunzawm Ieh niin Pool match khelh zawh a ni.
Inkhel hmasa berah Zotlang leh Champhai United inkhelin Zotlangin si 4 faiin hnehna an changa. lnkhel vawi hnihnaah Vengthlang FC in 8-2 in North Khawhung an hneh bawk a. lnkhel hnuhnung berah Bethel FC chuan si thum faiin Vengthlang North FC an hneh a ni. Group A atangin Hnahlan  Vengthlang FC in hmahruai chungin Semifinal an Iut chiang tawh a. Zotlang in Runner up ni chungin Semifinal an lut chiang tawh bawk. Group B-ah Bethel FC chu group winner an ni a, Vengthlang North FC nen semi final an lut a ni. Semi final hi lnrinni hian khelh tur a ni a, intum turte chu Dar 12 ah Hnahlan Vengthlang FC leh FC Vengthlang North, Dar 2:30 Bethel FC leh Zotlang FC te an ni.

VOLLEYBALL : 
Nimin khan Independence Day Volleyball Tournament chu Kahrawt Field-ah khelh chhunzawm leh a ni.
Nimin inkhel hmasa berah Tlangsamin 2-0 in Ngopa an hneh a. Dinchhungi VC in 2-0 in Tuipui an hneh a, Vengthlang North in 2-1 in Khawhai an hneh. Tlangsamin 2-1 in New Chalrang an hneh a, PC Lalsangliana Memorial in 2-0 in Zokhawthar an hneh bawk. Zokhawthar in 2-1 in Sazep an hneh a, Champhai HSS in 2-1 in Zion veng an hneh bawk. Khuain a bum ro avangin nimin khan pool match khelh zawh hman a ni lo va, vawiinah khelh zawh a ni ang. Pool match hi khelh zawh la ni Io mah se hriat thelh chinah Tlangsam VC,  Vengthlang North VC, Dinchhungi VC, Ngopa VC, PC Lalsangliana Memorial VC Ieh MZ Home l, Sazep leh Khawhai ten Quarter final an Iut chiang tawh a ni.

BADMINTON:
Champhai District Badminton Association buatsaih Independence Day Champhai District Badminton Tournament 2017 final  chu vawiin chawhma dar 11.00 atang hian Champhai Town Hall ah khelh tan a ni dawn a. Vawiin Final a Intum turte chu:
Under-13: Saihmingmawia Sailo, Venglai BC vs Malsawmdawnga Dungtlang BC Under19: Lalrinchhana, Champhai Shuttlers vs JH Roluahpuia, Champhai Shuttlers Womens doubles: Lalringhlui & Hmingsangzuali vs K Lalnunhlui & Lalrammawii
Grade B doubles: B. Vanlalchenpuia & C.Lalpekmawia vs Samuel Lalduhawma & K. Lalruatfela
35+ mens singles: Zothansanga vs R. Lalrampanmawia
35+ mens doubles : C. Hualdingpuia & C. Zothansanga vs Vanlalvuana & Tlanghmingthanga
45+ mens doubles: Rosangliana & Lalchharliana vs Lalbiaksanga & H. Darhmingthanga
Mens single : Lalawmpuia vs Lalrindika Mens doubles: Lalrindika & Lalmuanpuia vs Lalawmpuia & Zoramzauva

COMPUTER HEALTH CLINIC :
Vawiin chawhma dar 11 hian Govt. Champhal College-a Computer Science Dept te chuan Govt Primary School II-ah Computer Health Clinic an buatsaih dawn a, he hunah hian computer kaihhnawih thil chi hrang hrang windows, software leh games installation te an tih theih dawn bakah computer a harsatna neite tan pan theih an ni anga, achhia pawh an siam thei nghal dawn ani.

CHHIAH CHAWI :
July thla chhung khan District Transport Office ah lirthei 65 ziah luh ani. Lirthei ziah luh zingah hian two wheeler tam berin 30 ziah luh a ni a, Auto Rickshaw 1, Maxicab 2, Car 6, Bolero Gypsy 1, Taxi 1, Truck & Lorries 23, JCB 1 te ziah luh ani a, Lirthei ziah luh hnuhnung ber hi hriat theih chinah M2 04 A 0470 a ni bawk. July thla chhung vek hian chhiah Rs. 12,30,127 hmuh ani a, Mihring phur lirthei atangin Rs. 38,717, Bungraw phur atangin Rs. 1,61,408, Road Tax atangin Rs. 5,31,932, MV Fee atangin Rs. 4,98,070 te hmuh a ni.

RULHLUT HLO:
Nimin kha National Deworming day a ni a, India ram hmun dang rualin Champhaiah pawh he ni hi hman a ni.
He ni pual hian nimin khan Anganwadi leh zirna inah te rulhlut hlo chu a thlawna sem chhuah a ni a, naupang kum 1 atanga kum 19 chin tan pek a ni. Nimina damlohna leh thil dang avanga rulhlut hlo ei ve hman lote tan hian August ni 17-ah ruhhlut hlo sem chhuahna hi neih leh a ni ang. Naupangte hnenah hian albendazole milligram 400 chu pek chhuah a ni a. Hei hi rulhut thahna hlo niin naupang hriselna dinhmun a zirin side effect erawh a nei ve a, luak chhuak, pum nuam Io te a thlen thei a, a hlauhawm lem Ioh thung.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…