Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…
ni 12.8.2017 (inrinni)

LEI ZAWH THEIH TA:
Mizoram leh Myanmar inkalpawhna, Zokhawthar, Champhai District a mi chu zawh ngam loh khawpa a chhiat tawh avangin Mizoram PWD chuan thawmthat hna an thawk a Ningani khan an siam zo. He Lei hi lirthei bakah mihring tan pawh zawh a hlauhawm avangin PWD te hian Dy. Commissioner, Champhai District phalna la in hun reilote chhungin an siamtha ta a ni.

KAN MAWHPHURHNA VEK A NI:
Nimin khan Freedom from Open Defecation Week denchhenin Dawrkaikawn atanga Circuit House thleng kawngpui thenfai hnatlang neih a ni.
He hun hi C. Lalbiakzauva, YMA Sub-Headquarters Champhai President chuan kaihhruaiin Freedom from Open Defecation in a tum ber chu khawlaia inthiar thin tihbo a nih thu sawiin, Mizoramah chuan Champhai hi ODF hmasa ber kan ni a ti a.  Faina hi tute emaw mawhphurhna bik ni loin kan zavaia mawhphurhna a ni a ti.
MUP Sub-hqrs Champhai President K. Vanlalzuata pawhin thu sawiin, zun leh ek khawlaia thiar tihtawp hi vawiina kan thupui ber ani lo va, kawng hrang hranga faina chu a tum ber a nih thu a sawi. Dept. hrang hrangte thawhrimna chu fakawm a tih thusawiin kum 2002 khan inthliarna nei lo chhungkaw 821 te chu ek in sak sak an ni tawh a, inthliarna 1012 thingtlangah leh khawpuiah sak a ni a. Thingtlang khua 63 te chu 2015/2016 khan ODF ah an inpuan tawh thu a tarlang tel bawk. 
VC leh Branch hrang hrang YMA te tanrualna avangin Champhai hi Mizoramah ODF hmasa ber kan ni thei a ni, a ti a; hei mai ni lovin India ramah ODF 82-na kan ni bawk a ni, a ti. Bawlhhlawh te, kan zun leh ek te kawrah te kan paih mai mai thin a, heng kan bawlhhlawh paih thin thli bawk hi kan in leh thin a. Hei hi a hrisel lo va, chumi avang chuan heng kawngah pawh hian tan kan lak deuh deuh a ngai a ni, a ti bawk. Khawlaia bawlhhlawh tla leh awm mai mai te hi a chhar faitu nih zak lo turin kal khawm te chu a chah a, heng pawnlam thianghlimna chauh hi ngaipawimawh lovin kan thinlung leh rilru thleng hian kan thianghlim tur a ni, K. Vanlalzuata chuan a ti bawk. Nimin chawhnu khan Govt. Gandhi Memorial Higher Secondary School naupang 500 rual nen  Dawrkaikawn atanga Circuit House thleng kawngpui kam thenfai hnatlang neih zui nghal a niin, Champhai Circuit House a hun tawp kharna hunah PHED Champhai WATSAN Circle Superintending Engineer Lalrammawia chuan faina leh thianghlimna chu ringtute nun nen kalkawp tlat a nih thu a sawi a. Faina chu hriselna thentu a nih bawk avangin veng khawtlang leh ram hrisel kan nih theih nan Faina chu keng nung zel turin mitinte a sawm a ni.

COMPUTER A THLAWNIN ENTIR:
Nimin khan Department of Science (BCA) RUSA leh LL Computer tangkawp te chuan Govt. Primary School ll ah Computer Health Clinic an buatsaih.
He hun hi Lalthanpuia HOD, Dept. of Computer Science chuan a kaihruai a, Lalnunmawia, Principal Govt. Champhai College chuan thu sawiin, Computer Health Clinic neihna tura phal taka School hmantirtu Govt. P/S Headmistress leh Staff te chungah lawmthu a sawi a. He clinic hi mipuite'n an hman tangkai ngei a beisei thu a sawi bakah Hardware ah emaw Software ah emaw harsatna neite tan pan theih reng an nih thu a sawi tel bawk.
Clinic hi a mamawh apiang te chuan panin Computer chhia te chu a thlawna siamsak zel an ni a, Computer Hardware chhia a nih chuan LL Computer ah a part la in a thlawnin an vuahsak zel bakah Anti Vuus install sak zel an ni bawk. He hunah hian BCA zirlai 60 vel bakah LL Computer atangin Technician 1 a thawkchhuak ve bawk. Clinic hi mi thahnem tak in an pan a, RUSA Ieh LL Computers tangkawp buatsaih Computer Health Clinic chu a hlawhtling thawkhat viau a, tlailam dar 5 khan khar a ni.

VOLLEYBALL INELNA KALPUI ZEL:
Nimin khan Independence Day Volleyball Tournament chu khelh chhunzawm Ieh a ni.
Hmeichha Semifinal inkhel hmuhnawm takah Dungtlang in Comet chu 3-1 in hneh a, Semifinal lehlamah PC Lalsangliana Memorial VC in Ruantlang 3-0 in an hneh bawk. Vawiin chawhma dar 11:00 ah Dungtlang leh PC Lalsangliana Memorial VC te hian final an khel ang.
Mipa Quarterfinal match hmasa berah Vengthlang North-in Dinchhungi VC chu an hneh a, Sazep chuan Tlangsam an hneh bawk a. MZ Home I in Khawhai hnehin, PC Lalsangliana Memorial VC in Ngopa an hneh bawk. Tukin dar 7:00 atang hian mipa semi final match hi khelh chhunzawm leh a ni ang.

BADMINTON TOURNAMENT FINAL :
CDBA buatsaih Independence Day Badminton Tournament nimina khelh zawh taka category hrang hranga Champion te chu :
Under-13 : Malsawmdawnga Dungtlang BC Under-19 : Lalrinchhana, Champhai Shuttlers
Womens doubles : Lalrinhlui & Hmingsangzuali
Grade B doubles : B.Vanalchenpuia & C. Lalpekmawia
35+ mens singles : Zothansanga
35+ mens doubles : C.Hualdingpuia & C. Zothansanga
45+ mens doubles : Rosangliana & Lalchharliana
Mens singles : Lalawmpuia
Mens doubles : Lalawmpuia & Zoramzauva

DISTRICT FUNCTION LOH AVANGIN NUAR DAWN :
Kum 2008-a Mizoram Sorkar-in District a a lo puan tawh, vawi tam tak sorkara an nawr tawh chunga tun thlenga a hlawhtlinna an la hmuh loh avangin Khawzawl District Implementing Demand Comtt chuan karleh Thawhtanni zing dar 5:00 atanga tlai dar 5:00 thleng Khawzawlah Total Bandh neih an tum a. Hemi ni hian lirthei hmanga Khawzawl luh leh chhuah an remti dawn lo a, hei hi mitin ten zahsak tura ngen in, district hi tihpuitlin a nih hma chuan Khawzawl mipui chuan tha thlah lovin hma an la zel dawn tih thuchhuah siamin an tarlang.

MPF COMMITTEE:
Nimin chawhnu khan Champhai District MPF te chuan hma an lak zel dan sawi hona chu Govt Champhai College-ah neiin, nakkuma MLA inthlan neih hun atana MPF hmalak dan turte leh inbuatsaihna turte chu huam zau takin an sawi ho a ni.

PASS THA :
Tunhnai khan Mizoram DIET 8-a pre-service leh in-service training result tihchhuah takah DIET Charnphai-a in-service, M/S teacher 55 leh Primary Section-ah 17 training te chuan an pass vek a. Pre-service II Semester-ah pawh candidate zawng zawng 41 te chuan an pass vek bawk a. Mizoram DIET 8-a training pass chhuak vek-awmchhun an ni a. Kum 2014-16 Batch ah zirlai 105 an lo pass tawh bakah IGNOU hnuaiah D.EI.Ed Course hi 2014 batch-ah 95 ten an lo pass tawh bawk tih thu kan dawng.

Petrol : Free Sale  (64.50)
Diesel : Sem rual  (55.23) 

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…