Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 15.8.2017 (thawhlehni)

DISTRICT NGIAT AVANGIN NUAR :
Khawzawl District Implementing Demand Committee (KDIDC) ten August ni 12 hma a Khawzawl District ti puitling tura Sawrkar an phutna a hlawhtlin tak loh avangin nimin khan Khawzawlah Total Bandh huaihawt ani.
KDIDC-in Khawzawl District tih puitlin an duh zia lantirna atan Total Bandh an huaihawt hi Zing dar 5:00 atanga tlai dar nga thleng awh niin Khawzawl kawngpui chhunga sorkar office, zirna in leh bank zawng zavmg khar vek a nih bakah dawr inhawng pawh hmuh tur a awm lova, veng tinah duty tih loh chu mipui chhuak vak hmuh tur an awm meuh lo. Chiat tawk leh damlote erawh ngaih hnathiam an ni thung. Aizawl lam atanga Iirthei lokal lirthei eng emaw zat dan an ni a, Champhai lam atanga chhuk erawh pahnih pathum bak an awmlo thung. Total Bandh hi tlai lam dar 5:00 khan khar niin Bandh avang hian harsatna leh buaina thleng hriattur a awm lo ani.
Thudawndanin KDIDC ten Total bandh an huaihawt hi Khawzawl khawpui chhunga zirlai pawlte leh NGO hrang hrangte bakah khawthenawm ten an thlawp tha hle a. Khawzawl Group YMA pawhin KDIDC ten Khawzawl District tihpuitlin a nih theihna tura hma an lakna leh total bandh an huaihawt chu an thawp tlat tih an sawi bawk.
KDIDC chuan Khawzawl District tih puitlin anih hma chuan a theih ang anga hmalak chhunzawm zel an tum tih an sawi a, Mizoram sorkarin District thar apuan ni September ni 12 khian District Demand Day hman an thu thu an sawi bawk.

NAUPANG KO KHAWM :
lnrinni khan YMA chhang tualphiat-te ko khawmin Khawbung WATSAN Sub-Division, PHED chuan Freedom from Open Defecation Hapta denchhenin inthiarna tha leh fai, thianghlim Ieh hriselna atana him chungchang zirtirna an pe.
PHE SDO Er. C Lalchawimawia chuan naupang kalkhawm te chu ram leh khawtlang tana mi tangkai an nih zel theih nan Faina ngai pawimawh turin a hriIh a. Champhai District chu Open Defecation Free a puan a nih tawh avangin chumi atanga hmasawn zel tur chuan naupang te pawhin mawhphurhna thuk tak an nei tih a sawi a. An nu leh pa, pi leh pu te chu ek in pawh awm mumal hmaa sei lian leh  hun lo Hmang tawh an nih avangin faina Ieh thianghlimna an ngaih pawimawh dan pawh a tluantling tawk Io thei a. Chuvangin an nu leh pa, pi leh pute chu inthiarna thianghlim, tha leh fai nei zel tura kawh hmuhtu ni turin a chah. He Hapta denchhen hian Khawbung HSS zirIai naupangte tan Essay inziahsiak buatsaihin, Department staff-ta nen khawlai thenfai hnatlang an nei bawk a. Essay inziahsiak Iawmman 1-na atanga 3-na te chu vawiin Khawbung khelmual I-a Independence lawmna hunah sem a ni ang.

INSUMDAWN TAWNNA KALTLUANG:
Tiau Lei chu siamzawh tawh a ni a, helai hmuna India leh Myanmar-lo insumdawn tawnna pawh tluang taka kalpui tan a ni leh tawh.
Chawlhkar hnih chhung hman theihloh, lndo-Myanmar Border Trade Point, Zokhawthar kal tlanga insumdawn tawnna ramri (Tiau) Lei chu dawhfel a nih tak vangin bungrua a Io Iut tha leh tawh hle a. He lai hmun, in sumdawn tawnna a pawisa thlengna pawh tha chho zelin tunah hian India cheng khat Ieh Myanmar pawisa cheng 20 a intluk tawk a ni.
Fur khawchhe hnuaiah ram pahnih in sumdawn tanna kawngpui te Iaih that a nih vangin inkal pawhna kawngah lirthei tan kal harsa deuh mah se, ritphur lirthei bungraw phurten kal an thulh chuang lo va. India ram lam atangin bungrua thawn chhuah hi tlem zawk mah se, Myanmar lam atanga bungraw lo Iut a tha a, a bikin nitin eichawp thil a tam hle a, Vawk erawh Myanmar lamah a hri a Ien avangin Mizorama lakluh a ni lo va, Bawng erawh Hnahlan lam atanga Iakluh reng a ni ve thung a ni.

THLAI ENTIRSIAK : 
Tukin dar 9: 30 atang hian Horticulture Department, Khawzawl Division chuan Independence Day denchhenin ni 2 awh tur District Level Cum Exhibition chu Town Hall-ah an buatsaih dawn a, he hun  hi Minister PC Lalthanliana chuan khuallian niin a hman pui ang. He exhibition-ah hian kut hnathawk tute thlai thar entir tur niin lawmman pek a ni ang.

ZANIN FINAL :
Independence Day Basketball Senior Tournament chu Semi Final khelh zawh a ni a, zanin hian Final khelh a ni ang. Kar kalta Inrinni khan Minikins BC leh Ralte Villa BC te chuan Semi Final Match hnihna an khel a, Minikins BC hian 63:55 in hnehna changin final an lut a; Zanin dar 8. 00 hian Minikins BC leh Kahrawtians BC ten Final hi an khel ang.

YMA NIHNA LAN TIR :
Sialhawk Branch YMA te chuan kum tina an tih thin angin an Branch huam chhunga kut hnathawka eizawng, eng emaw harsatna avanga mahni hna thawk hlei thei lo chhungkaw 2/3 kum khat chhungin an pui thin a. Kumin 2017 hian Pu Rualkhuma Lo an vah sak tawh a, nimin khan Pu Zatluanga hlo thawh puiin hnuhhram an thlawh zawhsak. Kumin hian Sialhawk khawtlang chuan Sialhawk rama Bung Mual chu Lo ram theh atan neiin nimina Sialhawk Branch YMA hnatlangah hian mi 33 an thawk chhuak a ni.

GANJA SUAT ZEL:
North Diltlang Branch YMA te chuan YMA Kumpuan Ram leh hnam humhaih hmalakna peng pakhat Ruihhlo bawhzuina atan an huam chhunga Ganja tual to leh mimal chuktuah huana tote suatin hnatlang an neia. Heng an Ganja suat tam tham tak te hi an halral nghai a ni.

Petrol : Free Sale  (64.93)
Diesel : Sem rual  (55.49) 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …