Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 2.8.2017 (nilaini)

FOOTBALL INELNA KALPUI ZEL:
Nimin khan Independence Day Football Tournament chu Chhangphut field ah khelh tan a ni.
Hawnna inkhawm hi IC Hranghluna CDFA Sr Vice President chuan kaihruai in Khuallian R. Lalrinmawia, Asst Commissioner of Taxes, Taxation Dept chuan thu sawiin infiamna thil pawimawh ber chu inthununna a ni a, hlawhtlinna kawnga harsatna lo thlenin mi tamtak chuan an tawpsan thin a. Hlawhtlinna thlen hmain a kawng tawp a awm ngai lo, kan kawnga harsatna kan tawh te hi min kaihruaitu atan kan hmang zawk tur a ni, a ti. Inelna kawnga theihtawp chhuah si lo te hian chhuanlam an siam fo thin a, chhuan lam zawng thinte zinga kan awm lohna turin theihtawp kan chhuah tur a ni a ti. Tuna  kan thlen chin theuhah hian duh tawk mai lovin kan thlen chin atang hian hmakan sawn zel a ngai. Eng kawngah pawh hlawhtling tur chuan kalsan kan neih a ngai a, kan taksa hriselna tichhe thei thil chi hrang hrang kan tlansan a  ngai a ti bawk. Khuallian chuan India ram football-ah Mizote hming lam telh lohna inkhel a awm mang ngai tawh lo va. Commentator ten Mizo hming an lam dik thlap theihna turin hei aia tan kan laka India ram club liana mizo kan khelh tam lehzual a ngai a ni, a ti a. Mipuiin kan ngaihsan apiang chu kan thalaite hian an hlen chhuak zel thei a, mipui hian tun aia nasa a football kan ngaihsan chuan tun ai hian football-in Mizoramah hma a sawn zawk dawn a ni, a ti bawk. 1-Day Football Tournament ah hian CDFA Ist Div Club 6, Zotlang FC: Vengsang FC, Champhai Utd FC, FC Vengthlang North, Bethel FC leh FC  Vengthlang te bakah Hnahlan Zone, Rabung Zone, North Khawbung Zone Ieh Zokhawthar Zone champion te an inlan thei dawn bawk. Nimin khan Match 2 khelh niin, Vengsang FC chuan si 1 faiin Champhai United an hneh a; Hnahlan Zone aiawh Hnahlan Vengthlang FC chuan Zotlang F C chu 3-2 in an hneh bawk. Vawiin hian inkhelh chhunzawm leh a ni ang a, chhun dar 12 ah Bethel FC leh Vengthlang FC an inkhel ang a. Chawhnu dar 2:30 ah FC Vengthlang North leh Zokhawthar Zone te an inkhel zui veleh ang.

HRINGLANGTLANG  CHEI DAN TUR :
Nimin khan Champhai DC Conference Hall-ah Hringlangtlang, District Park Committee chu an Chairman Vanlalngaihsaka kaihhruaina hnuaiah an thukhawm.
Thutkhawmah hian District Park, Hringlang Tlang chu North Eastern Council in Khualzin mite hip thei tura Tourist Spot a siam a rem tih thu tarlan a ni a. Hemi a tan hian Detailed Project Report siam a ngaih dawn avangin a hmunhma cheithat chungchangah thil hrang hrang sawiho a ni a. Children's Park,  Dil awmlai chei that Telescope vuah thei tura khaw thlir zauna Tower siam, a hmun panna kawng siamthat leh thil tul hrang hrang siam ngai te sawiho a ni a. DPR siam vat theih turin a hma lama thutkhawm leh ni se tiin thukhawm chuan a rel bawk. He thutkhawmah hian District Park Committee member hrang hrangte leh NGO aiawhin Mualkawi Branch YMA, VC te an tel a ni.

VAWK PUL HRI :
Biate khuaa vawk pul hri leng chungchang ah Serchhip District Magistrate Sangchhin Chinzah chuan inven dan tur leh khapna thupek a chhuah.
Sangchhin Chinzah chuan tunlai Biate khua a vawk pul hri a len mek avangin Serchhip District mipuite'n harsatna an tawh loh nan Serchhip District  chhungah ram dang a bikin Myanmar atanga vawk lakluh khapna thupek a chhuah a, thupek zawm Io te chu IPC section 188 tlawhchhana hrem theih an nih tur thu chhuah a ni a, he  thupek hian Order chhuah atanga thla 2 chhung a huam ang.

NU HOIN BAWLHHLAWH NGAI PAWIMAWH:
MHIP Tlangsam Branch te chuan nimin khan hnatlangin Tlangsam khawchhung tihfai hna an thawk a, khawlaia bawlhhlawh awm te bakah vantlang rama hnim tote an thlo bawk. Hei bakah hian khaw chhung cheimawina atan pangpar thahnem tak an phun bawk a, hnatlang hian mi 50 bawr vel an thawk chhuak thei ani.

HMA LA ZEL:
YMA Sub-hqrs Champhai in a lo rel tawh Kum puan bawhzuina pakhat atana thuthmun Branch hrang hrangte hnenah mahni huam chhung theuha Ganja suat tura ngenna a lo siam tawh bawhzuina kal zelah nimin khan Champhai Bethel Branch YMA leh Dinthar Branch YMA te chuan Ganja an suat ve leh a heng Ganja an suat te hi nimin khan an halral nghal a ni.

THI AWMLO HLAU :
Nizan hmasa Dar 7:30 vel khan Truck lian bungraw phur, Nizam Uddina khalh chu chesualin kawngthlang feet 20 vel a lum a vannei thlak takin Driver leh Handyman te chuan hliam na lutuk an tuar lo hlauh. Thu dawnna sawi danin Truck hi kawngsir leiin a zawh loh avanga chesual nia sawi a ni.  Nimin khanTlangsam khawtlang chuan motor-in a bungraw phurh te hnatlangin an seng hawisak a hnatlang hian mi 100 chuang an thawk chhuak a ni.

NUAI 6 MAN RUIHHLO:
 Nizan hmasa khan Khuangthing branch YMA duty te chuan khawchhak zu BEDC tlawn 30 an man a, a neitu a puh hi Zosangliana s/o Khalhliana, Khuangthing a ni.
Thu dawn danin Zosangliana hi hunrei tawh tak atanga Khuangthing Branch YMA ten an Io veh tawh a ni a, khawchhak lam atanga an khuaa zu phur lut tu lian ber pakhat nia hriat a ni. Zu hi Rs. 30000 man vel a ni.
Hetihlai hian Khuangthing Branch YMA hian kumin kumtir atang khan ruihtheih thil Cheng Nuai 6 man vel an man tawh a, nizan hmasa khan an zu mansa te nen hian an hal ral a ni.

Petrol : Free Sale  (62.58)
Diesel : Sem rual  (53.95) 
 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon 'Bethesda Dil a fawn mek' Rev. Laldailova

Sermon: Camp lut tura sawmna By: Rev.Laldailova
“BETHESDA DIL A FAWN MEK”
Kan Lal Isuan he leia rawng a rawn bawl lai khan Galili dung leh vang a fang a. Natna chi hrang hrang a na mi tam tak a tidam thin. Mi tam takin an zui a, a hnen atangin damna an beisei a, a thiltih mak te pawh tam tak an hmu bawk. Chutia, Lal Isua a zin velna ah chuan Jerusalem khaw kianga dil pakhat Bethesda Dil an tih kiang chu a lo thleng a. He dil hi vantirhkoh in a zu tifawn thin a, chutia dil fawn lai taka zuk inchiah hman apiang chu eng natna vei pawh nise an dam thin. He dil hulhliapa damlo pakhat kum 38 na tawh pawh dil fawn nghakin a awm ve reng a. Mahse, dil a lo fawn laia tuia dah tu a nei ve lo. Chu mi hnenah chuan Lal Isuan, “Tihdam i duh em?” tiin a zawt a. He mi hi Lal Isuan a khawngaih hle a niang, a tidam ta a, a awngphah la a kal tawh turin a hrilh ta a ni. He mi tan hian a lawmawm ngawt ang. Kum 38 chhung zet natna…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…