Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…
ni 23.8.2017 (nilaini)

THLIRLETNA HUN HMANG :
Nimin khan CDFA chuan Independence day Football  thlirletna hun CDFA Office ‘ Chhangphut Field-ah an nei.
He hun hi C. Hualrikhuma, President CDFA chuan kaihruaiin Tournament neih zawh tak chu a hlawhtling hle tih an tarlang a. lndependence Day Celebration Committee te chuan Champion Team Ieh Runners Up te lawmman an tumsaka an chungah lawmthu an sawi bakah Best Player, Top Score Fair Play lawmman tum sak tute zawng zawng chungah CDFA chuan lawmthu a sawi a ni.

NLUP SEM :
Nimin khan AH&Vety Department, Champhai chuan NEED NLUP Convergence hnuaia Beneficiaries 82 te hnenah tanpuina sum fai Rs. 33,97,180 an sem.
He hun-hi District AH&Vety Officer Dr. Zohmingthangi chuan kaihruaiin NEPD-NLUP inkaihhruaina leh kalpui dan turte chu beneficiaries te hnenah hian zirtirna a pein sum fai Cheng 33,97,180 chu a Sem nghal a, heng Beneficiaries 82 te hian Trade hrang hrang Piggery, Poultry, Hill Cattle, Mithun leh Dairy te an thlang a ni. Hei bakah hian NLUP 3rd & 4th Phase 3 Mithun/Hill Cattle thlangtu mi 569 te hnenah Final installment Cheng 7000 theuh pek niin a vaiin Cheng 39,83,000 sem chhuah a ni.

NUNGCHATE TAN ZALENNA HMUN SIAM TUM:
Kelkang V-C te chuan nungcha chereu mek zelah nungchate an in thlahpun theihna turin Kelkang ramchhungah sapel, thang kam, sava veh leh khuai zawn an khap tlat thu an sawi a. An khapna thupek hi zawm hram hram turin mipuite an ngen ani. Tilui man an nih chuan a na thei ang ber a action lak a nih tur thu an sawi bawk.

PHALCHIN NEI :
Tiau Lei siamthat hna thawh avanga zawh theiIoh tura ni 27 July a khar chu siam that tawh niin nimin atang khan hawn a ni tih Addl DC, Champhai chuan a puang. Hetihlai hian he Lei zawh thei tura load rih zawng (Motor rih zawng chhut telin) phalchin chu 15 MT niin hei hi khauh taka  kenkawh tur a ni.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…