Skip to main content

Chemte hmanga mi beitu Court in achungthu rel

Nimin khan H. Lalhmunsiama S/o H. Zohminga, Zawlbuk Venghnuai chu Addl. Sessions Judge, Special Judge ni bawk R. Vanlalena chuan Kum 7 chhung hrehawm taka jail tang tur leh pawisa Cheng 5,000/-chawi turin a hrem a. Pawisa chawi tur hi a pe thei lo a nih chuan Kum 1 dang Jail a tan belh leh ang. Thu dawn danin, Ni 12.11.2014 chhun dar 12 vel khan Lalkhawngaihi D/o R.Lalzuala, Zawlbuk Veng, Biate khua chu anu damlo awmpuiin inah a awma hetihlai hian  a pa R.Lalzuala chu hna thawkin a chhuak a. Chhunlai takah chuan H.Lalhmunsiama S/o H.Zohminga, Zawlbuk Venghnuai, Biate khua a awm hi rawn lut ve in ngawi rengin a thu ve a. Chutia H. Lalhmunsiama hian Lalkhawngaihi hi man thutin a nghawngah a rek bet a,  chawhmeh channa chemte in a nghawnga zai a tum ta mai a. Mahse Lalkhawngaihi hi lo inveng ve in leh, a nu leh a nu thiannu ten lo chhan vatin, an thawmah midang an rawn tlan lut ve nghal a. Mipa dang lo tlan lut ve te chuan H.Lalhmunsiama chu man betin a chemte ken pawh an laksak ta a, n…
ni 25.8.2017 (zirtawpni)

SBI-IN KHAWLTHLUAK NEI HMANG TA :
Nimin khan Cbamphai North Biaitu MLA TT Zothansanga Parliamentary Secretary, chuan Mizorama a 4na ni turin SBI  Champhai ah E-Corner a hawng. Hawnna inkhawmah hian TT Zothansanga chuan thu sawiin E-Comer hawn theiha peihfel a ni ta chu Champhai tan hmasawnna nasa tak a ni tih a tarlang a. Bank dawr avanga mipuiten hun tam tak tak an khawhral thin chu he hmasawnna hian a ti ziaawm dawn tih a sawi a. E-Corner peihfel tak zarah hian Bank dawrtute Ieh Bank hnathawkte inkara hun tamtak senga hmaichhana indawr ngai thin chu za a 85 zetin a chhawk zangkhai dawn a, hei hian mipui tan Bank hna tihfel alo awlsawm phah zawkin hun leh tha nasa takin a hum dawn tih a sawi a. Bank dawr awlsam zawk nana hmasawnna tha tak E-Corner chu  Champhai mipui te tan a hlan a ni.
E-Corner hmang hian Bank kaihhnawih thil hrang hrang Cash Deposit Machine (pawisa dahluhna), ATM (pawisa lakchhuahna, pawisa thawnna), Cheque Drop Box Machine, Bar Code Based Passbook printer (passbook print na), Stand Alone Green Channel Counter (ATM Card hmanga pawisa thawnna) te a tih theih a. Zing Dar 5 atanga zan Dar 9 thleng hawn a ni ang a, Bank chawlhni ah pawh hawn a ni dawn a; hei hian mipui te tan Bank hna kaihhnawihah awlsam zawkna a thlen dawn a ni. Champhai SBI E-Corner bakah hian SBI E-Corner hi Aizawlah 2 leh Lunglei ah 1 a awm mek bawk a ni.

MIPUITE ZIRTIRTU TUR ZIRTIR:
Joint Electricity Regulation Commission for Manipur and Mizoram (Electricity Supply Code) Regulation 2013-in Consumer tinte a phut angin electric bill a fixed charge chhutna atan 'contracted load’ hman a nih tur chungchang nizan hmasa khan Khawbung Zawlbuk-ah inhrilhflah na hun neih ani. Champhai Rural Power Sub-Division SDO Er YD Singh leh Ronald Lalfakzuala, JE te chuan Khawbung Electric Sub-Station endik pahin Khawbung VC, NGO hruaitute leh Zawlsei Consumer Union-te Zawlbuk-ah ko khawmin, chhungkaw tin electric connection khata kawlphetha hman an tum zat “contracted load” hmanga electric bill-a fixed charge chhut a nih tawh tur thu an inhrilhfiah a; an hriatfiah loh lai an zawt nghal bawk a ni. Electric current hmang bungrua leh hmanrua an neih zawng zawng watt belhkhawm chu “connected load” chhut nan hman a ni ang a. Kawlphetha an hman tam lai bera an hman tur zat  an inruahman chu ‘contracted load” niin a aia tam an hman chuan dan kalh ani ang a, pawisa chawitir an ni dawn a ni. Hei vang hian mi tam takin kawlphetha renchem takin an hman phah tura ngaih a ni. Kawlphetha hman zah tur inruahman zat thlakna tur dilna form hi in tina sem niin, he dilna form fill-up tur hian chhut ve ngai a awm avangin harsatna neite chu tlawmngaia puibawmtu tur Khawbung VC leh YMA te chuan an inruat a. Huntiam chhunga dilna form theh lut lote chu connected load ‘fixed charge’ chhutna atana hman mek chu contracted load chhutna atana ringtlang duh anga ngaih an ni ang.
Nimin khan Khuangthing ah P&E Department te hian  Electrity Regulation chungchang ah NGO te zirtirna an pe bawk a. Khawbung Sub Division atangin SDO leh JE te an kal a. Join Electricity Regulation Commission for Manipur and Mizoram Regulation 2013 in a phut angin Consumer tin ten bill-a Fixed charge chhutna atan connected load an hman thin chu tidanglamin contracted load hmanga fixed charge hi chhut tur a ni tawh dawn a, hei vang hian Khuangthing mipui ten electric bill chhut dan an thiam theih nan NGO hruaitute hi zirtirin anni hian mipui an zirtir ve leh dawn a ni.

SIKUL VENHIM DAN ZIRTIR :
Nimin khan Govt Champhai College Seminar Hall-ah Champhai District Disaster Management Authority huaihawtin School Safety Programme chungchang ni 2 awh training buatsaih a ni.
He training hi Lalsangpuii Hmar, Addl DC Champhai chuan a hawng a, thu sawiin tunlai khawvelah chhiatna chu khawvel hmun hrang hrangah a thleng nasa a hei hi Mizoram ah pawh a thlen reng theih thu a sawi a. Khuarel chhiatna chu dan vek theih nilo mahse eng emawchen chu a tawrh nep nan mihringte hian tihtheih leh tihtur kan nei ani, ati.
PC Zoramthara, District Disaster Management Coordinator chuan kalkhawmte hnenah zirtirna a pe a,  Disaster chi hrang hrang a awm thu tarlang in kan hriat tlanglawn tak leimin, lirnghing leh tuilian te bakah hian sikula thleng thei Disaster hrang hrang Food Poisoning, Kidnapping leh Sikul Building kang te pawh hmun hrang hranga a thlen fo thu tarlangin hengte hi Mizoram sikul-ahpawh a thlen theih thu a sawi a. Kalkhawmte chu heng chhiatrupna laka inven dan leh tawrhna lo tihnep dan tur te, hliam leh mitthi lo bawihsawm dan chungchangah te zirtirna a pe a ni.
Training hi Champhai khaw chhunga Sikul hrang hrang Zirtirtute tan buatsaih a nih angin zirtirtu thahnem tak an tel a ni.

Petrol : Service tanky  (65.79)
Diesel : Service tanky  (55.30)

Comments