Skip to main content

Champhai Tualchhung Chanchinthar ni 23.3.2019

PRISM MP CANDIDATE IN RAM LEH KHAWTLANG TANA HMALAK TUM :            Nimin khan PRISM Party MP Official Candidate TBC Lalvenchhunga chuan Champhai MJA Press Club ah Press Conference neiin, kumin MP inthlan lo awm tura ram leh khawtlang tana hmalak a tum dan tlangpui thuthar thehdarhtute hmaah a sawi lang.             TBC Lalvenchhunga chuan Mizoram aiawha MP a thlantlin a nih chuan CAB dodal nan Mizoten kan chanvo dik tak kan neih theihna turin theihtawp a chhuah tur thu leh India ram rorelna sang ber Parliament ah RIght to Succession Bill a thehluh tur thu a sawi. MP a thlantlin a nih chuan CAB in Zo hnathlakte laka nekchepna leh a thalo zawnga nghawng a neih dan tur kawng hrang hrang a tarlang a. TBC Lalvenchhunga chuan Zo hnahthlakte ram, hnam tobul leh nihdan phung dik tak hmuchhuak turin Sawrkar in ziaka chhinchhiahna a neihte fawmkhawm a tum thu a sawi a.             MP LAD sum hmanga chhawrnahawm thilsiam chhuahna din a tum thu te, thenawm ram Bangladesh leh Myanmar sawrkar nena …
ni  28.8.2017 (thawhtanni)

NORTH KHAWBUNG BIAK IN ATANGIN TIR CHHUAK :
Champhai Baptist Kohhran chuan nimin khan North Khawbung Kohhran Biak lnah missionary C. Zodinmawii chu bial vawngtu Rev.B.Rothangpuia'n a tir chhuak a. NI C. Zonunmawii hi C.Lianngenga leh Lalnunmawii, Champhai Venglai te fa panga zinga a upa ber a ni a. Kum 5 chhung zet Tripura leh Maharastra ah te missionary a thawh hnuin, M.Th Philippines ah a zir chhunzawm leh a, tunah hian BCM hnuaiah Evangelist Teacher hna thawk turin Dampa Rengpui-ah a awm dawn a ni. A thawhna hmun hi naktuk hian hna bul a tan ang.

ȚHALAI RUAL IN TAWK KHAWM :
KT P Champhai North Presbytery Meet vawi 4-na, Vengthlang Presbyterian Kohhran Biak Ina neih chu nizan khan a tiak ta. Inrinni khan BiaI hrang hrangte chuan items chi hrang hrang an entir bakah Bible Quiz a inelna buatsaih a ni bawk. lnrinni zan atang khan vantlang inkhawm neih tan a ni a, Speaker Rev Jonathan Pachuau hnen atangin thusawi ngaithlak a ni a, 'Thlen chin atanga hmasawn' tih thupui hmangin nizan thleng khan inkhawm apiangin Pathian thuchah a sawi thin a  ni. lnkhawm apiang hian Kohhran leh Pastor Bial Zaipawlte chuan Pathian fakna hla an sa thin a. Hei bakah hian nizan inkhawm ban khan Fellowship a hun hman a ni a, Meet Organising Chairman HS Lalhmangaihzuala hnen atangin thuchah ngaithlak a ni a, bial hrang hrangten Item an nai bawk. Tun tum meat ah hian palai 70 an riak lut a, langa chhimtu an thahnem hle. Champhai North Presbytery huamchhungah hian KȚP Branch 24 awmin Pastor Bial 5 an awm a. KȚP Member 5579 an awm mek.

CHAKMA CHHIARPUI NEI TURIN RAWT:
Inrinni khan YMA Sub-hqrs Champhai Executive Committee chu YMA Sub-hqrs office, Tlangrawt-ah an thukhawm a, YMA Gen. Conference vawi 72-na Zotlanga neih tur an thlir ho a. Chakma chhiarpui nei ngei tura hmalak an rawt bawk.
He meeting hi YMA Sub-hqrs President C. Lalbiakzauva chuan a kaihruai a, he hunah hian Gen Conference vawi 72-na neih tura YMA Sub-hqrs. Champhai huam chhunga Special Item nei turte an thlang fel a. Malzaiah Lalruatfeli, Kahrawt Br. YMA; Marina Lalhriatpuii, Kawlkulh Group YMA; Lalrinngheta Chinzah, Kanan Br, YMA; Lalremruati, Electric Br. YMA, Lalfakmawii, Zotlang Br. YMA leh Thangromawia Thomte, Zotlang Br. YMA te chu ruat an ni a Cultural Item nei turin: Zonunpar Cheraw, Vengthlang Br. YMA bakah YMA Sub-hqrs Cultural Troupe te an ruat bawk.
Zaipawlah Changzawl Br.YMA.(Kawlkulh Group YMA); Vengthlang North Br. YMA; Zotlang Br. YMA; N. Khawbung Br. YMA leh Sunna Hla sa turin Kahrawt Br. YMA-te an ruat a. Special Item nei tur hian hun hmasa lama dilna thehluh a nih tawh angin Chhaktiang Lelte Top 3-te thlan an ni bawk. General Conference Agenda atan hengte hi an chhawp chhuak nghal a. Chakma chhiarpui neih tura Central YMA in a lo rel tawh, tun thlenga bawhzui lohva a la awm hi, bawhzuia hma lak ngei ni rawh se, tih te; BADP hna chhuak hi 60% tal a hna thawh a nih theih nan Central YMA in hma la rawh se, tih te; Aizawl khawpui chhunga College hrang hranga Morning Shift awm thin tihtawp a ni ta hian thingtlang lam  atanga zirlai harsa leh inhlawh chawpa College kalte tan harsatna a thlen nasa hle a, hei vang hian College Morning Shift hi chhunzawm leh a nih theih nan Central YMA in hma la rawh se, tih te; Zirna kalphung thar CCE hi ennawn a nih theih nan Central YMA in hma la rawh se, tih te; PHE Dept. in tui Bill an siam danah hian khawl hmanga tui pump leh khawl hmang lova tui la te tan Water Tariff hran siam a nih theih nan Central YMA in hma la rawh se, tih te. YMA Sub-hqrs, Group YMA leh Branch YMA ten Letter Head inang tlang kan hman theih nan Central YMA in hma la rawh se, tih leh, YMA thuthlung hi Sikul zirlaibu-ah telh ve a nih theih nan Central YMA-in hma la rawh se, tih te a ni.
Heng bakah hian Group YMA atanga Agenda rawn lut 5-te chu Central YMA hnenah thehluh turin ruahmanna siam nghal a ni a Agenda lut leh YMA Sub-hqrs in Central YMA Gen. Conf. Agenda atana a thehluh te hi September 13, 2017-a Central Coordination Comt. neih turah thlitfim leh a ni ang. Kum puan atan 'Ram leh Hnam humhalh' chu rawtna thlen ani bawk. He thutkhawmah hian Lalluauva Memorial Inter Br. YMA Lengkhawm zai intihsiak September 5, 2017 atanga neih turah thuthmun Branch 19 leh  Group huam chhung Branch 2 atangin intihsiakna tel thei tura report a ni a. He intihsiakna atana tul leh thildangte buaipui turinYMA Sub-hqus OB-te ruat an ni a YMA Sub-hqrs huam chhunga Ganja suat beihpui thlakna-ah Group YMA leh Branch YMA hrang hrangte hmalakna-ah YMA Sub-hqrs chuan lawmthu a sawi bawk. 

BUK LUNG ZANG HMANG HMU CHHUAK:
Champhai SP ngenna angin lnrinni zing khan Legal Metrology leh Police te tangkawpin Buklung endik a ni a. Sa sat tute buklung chu endik ber niin a tam zawk chuan buk dik tak a sa an hralh chhuah laiin mi 15 bawr vel chuan bunglung nih dan tur aia zangin sa an hralh tih hmuh chhuah a ni a, heng mite hi an hming chhinchhiah niin vawiin hian Legal metrology Office-ah an buklung kenga in report tura tih an ni. An buklung te hi lo siamthat sak an ni ang a, siam that man pawisa erawh an chawi a ngai dawn a ni. Legal Metrology leh Police te chuan sa sat tute leh chaw hmeh buk lung hmanga hralh thinte chu bukna dik tak hmang turin an ngen ani.

THEHLUT TURIN HRIATTIR:
Champhai DC Vanlalngaihsaka chuan silai license nei ten License bu a thara thlak vek turin a hriattir. License bu thlak tur hian DC Office ah License bu Passport size thlalak Copy 1, Voters ID Number, Adhaar Card number, License neitu pianni leh thla leh Phone number te Sept 15 ral hma a thehlut vek turin a hriattir a. License theh lut tawh te pawh in heng tarlan te zinga mi thehluh kim loh an nei a nih chuan thehlut leh vek turin a hriattir bawk.

KUM 10 AN DIN PUALIN HUN HMANG:
Zirtawpni zan atang khan Jt.Evangelical Fellowship,Keifangtlang chuan an din kum 10-na pualin Pathian hnena lawmthu sawina an nei. Zirtawpni zan khan Tv Lalramchuana, Asst. Secy J.E.F hnen atangin Pathian thuchah ngaihthlak a ni a, lnrinni chawhma-ah K. Lalthanmawia, Chairman, J.E.F in Pathian thuchah a sawi a, J.E.F Sunday School naupangten Special item an neih bakah Tv MC. Zohmangaiha hnen atangin Secretary report ngaihthlak a ni. lnrinni zan khan Tv MC.Zohmangaiha, Secretary J.E.F hnen atangin Pathian thuchah ngaihthlak a ni a, tlai lamah Chawhlui an kilho nghal.

TUI TLA ZAWN HNA THAWK :
lnrinni chawhma dar 10: 00 Ieh 11:00 inkar vel khan Pi Lalhmunsangi kum 36, Pi Lalchungnungi fanu Khawzawl Zuchhip veng chu Mangpui rama a riak haw lam Tuichang Leiah chesualin tuiah a tla nia hriat a ni a, nimin tlai thleng khan a chanchin hi hriat zui a la ni Io.
Thu dawn danin, Pi. Lalhmunsangi bungrua hi Rabung -road lam Tuichang kamah mithenkhat ten lnrinni chawhma dar 11:00 vel khan an Io hmu tawh a, chawhnu dar 2:00 velah a ram riahpui amah aia rawn haw tlai ten Tuichang kama bungraw awm chu a ta ngei a ni tih an rawn finfiah a, a chanchin hi hriat zui a nih loh avangin Tuichang kaiah hian chesualin tuiah a tla ta nia hriat a ni.
lnrinni zan khan Zuchhip branch YMA ten tlaivarin Tuichang lui dung-ah an zawng a, a chanchin hriat a la nih loh avangin nimin khan Khawzawl Group YMA ruahman angin niiengin Tuichang luiah zawn a ni a, Lei atanga km -1 velah a  kawr ni ngei a hriat chhar a ni a Tuichang luiah tui a la tam avangin engmah tih theih a ni lo va, nimin tlai lam thleng khan chanchin dang engmah hriat tur a la awm lo va, tlai lam atang khan Ngar an hem thei tan chauh a ni. Nimina tuitla zawnah hian Khawzawl khaw chhung bakah Kawlkulh, Rabung leh Khualen branch YMA te an thawk chhuak bawk a, Vanchengpui leh Chhawrtui branch-ta pawh an huam chhung Tuichang luiah an duty a ni. Tui tla zawn hna hi nizan khan riakin chhunzawm a ni.
Bialtu MLA Lalrinliana Sailo chuan mibo zawngte ei leh in senso leh mamawh dang atan hian Rs. 5000 pe a, Khawzawl PWD EE. Zosangliana’n Rs. 2000 a pe bawk a; Khawzawl BDO Lalremruata Sailo pawhin Rs. 3000 leh silpoulin 6 a pe bawk.

Petrol : Free Sale  (65.96)
Diesel : Free Sale  (55.28) 

Comments

Popular posts from this blog

Champhai Tualchhung Chanchinthar ni 23.3.2019

PRISM MP CANDIDATE IN RAM LEH KHAWTLANG TANA HMALAK TUM :            Nimin khan PRISM Party MP Official Candidate TBC Lalvenchhunga chuan Champhai MJA Press Club ah Press Conference neiin, kumin MP inthlan lo awm tura ram leh khawtlang tana hmalak a tum dan tlangpui thuthar thehdarhtute hmaah a sawi lang.             TBC Lalvenchhunga chuan Mizoram aiawha MP a thlantlin a nih chuan CAB dodal nan Mizoten kan chanvo dik tak kan neih theihna turin theihtawp a chhuah tur thu leh India ram rorelna sang ber Parliament ah RIght to Succession Bill a thehluh tur thu a sawi. MP a thlantlin a nih chuan CAB in Zo hnathlakte laka nekchepna leh a thalo zawnga nghawng a neih dan tur kawng hrang hrang a tarlang a. TBC Lalvenchhunga chuan Zo hnahthlakte ram, hnam tobul leh nihdan phung dik tak hmuchhuak turin Sawrkar in ziaka chhinchhiahna a neihte fawmkhawm a tum thu a sawi a.             MP LAD sum hmanga chhawrnahawm thilsiam chhuahna din a tum thu te, thenawm ram Bangladesh leh Myanmar sawrkar nena …

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…