Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 4.8.2017 (zirtawpni)

VAANTLANG HRISELNA CHUNGCHANG HRILH:
Directorate of Health Services Mizoram hnuaia Controlling & Licensing Authority cum Deputy Food Safety Commissioner Lalsawma, Deputy Director & DO (F & D) F. Lalliantluanga, Assistant Director (F &D) Laldinpuii leh Food Safety Officer Lalrinkimi-ten thupui duansa hrang hrang hmangin zirtirna an pe a. Damdawi zuartute leh Ei leh In siamna neituten mawhphurhna peng hrang hrang an neihte hrilhhriatna hun an hmang bawk.
He hunah hian Damdawi zuartute leh Ei leh In siamna neitute lam atanga zawhnate chhan a nih bakah sawiho zui a ni a. Champhai District-a Assistant Director (F & D) C. Ramdinmawii chuan lawmthu a sawi bakah kharna hun a hmang nghal bawk a. He zirtirna leh in hrilh hriatna hunah hian Champhai District chhunga Damdawi zuartute leh Ei leh In siamna neitute an kal tha hle.

KHAWVEL A BOXER THA BER ROPUI TAKIN HMUAK:
Ukraine rama 21st International Boxing Simon Trestin Memorial Tournament, Odessa hmuna neih taka Kg 52 Category in elna a Champion Gold Medal latu Laldinmawia chu Nilaini chawhnu khan a chenna Tuipui khua athlenga, Tuipui khawtlang huapa ropui takin an lo hmuak. Laldinmawia hmuahna hunah hian Champhai DC Vanlalngaihsaka leh Champhai District a Sorkar Department hotute bakah District Sports Discipline hrang hranga hruaitute leh Tlawmngai pawl hrang hrangte antel ani. Champhai DC Vanlalngaihsaka chuan Tuipui khua leh Champhai District tihmingthatu Laldinmawia hian khawvel hriat a Mizo hnam a pholan mai bakah India ram pawh a chawimawi tel a. Laldinmawia hian Khawvel huap intihsiakna-ah Mizote hian tih theih kan nei ve tih a tilang chiang hle a ni, a ti a. He a hlawhtlin naah hian a lawmpui tak zet tih sawiin, a kal zelna ah duhsakna a hlan tel bawk.  Laldinmawia  pawhin a tummhna avanga he hun hi thleng thei anih thu leh hmasawn zel turin a hma a chona chu hmachhawn zel a tum thu a sawi bawk.
Laldinmawia hmuahna hunah hian Tuipui khawtlang hruaitute, Champhai District a Sport Discipline hrang hrang hruaitute, Tlawmngai Pawl hrang hrangten thu an sawi bakah lawmpuina thuziak leh thil pek chi hrang hrang an hlan a. Laldinmawia hmuahna ah hian Tuipui khawtlang bakah Champhai leh a chheh vela mi thahnem tak an kal a, Aizawl lam atangin mi thahnem takin an tawiawm bawk a ni.

HLO THLO TAN :
Champhai zawla Ioneitu te chuan Hlo an thlo tan Ieh mek a, loneitute hian hlawhfa leh lawmte ruaiin hlo an thlo a, Ioneitu thenkhat chuan mihring tha hmanga thlo loin hlo tur hmangin hnim leh hlo te an kap hlum thung a. Hlo tur hmanga hnim kap te zingah pawh lei ham nut hi buhin a ngeih avangin mihring tha hmangin hlo an thlo nawn tho bawk.
Loneitute hian a tlangpui thuin hlo hi vawi hnih an thlo thin a, a thawh hnihna an thlawh zawh hunah favang hun an hmang a, Buh seng hma chu awllen lai an hmang ve thin a ni. Grape chingtu te'n ruahtui a tlak tam avanga harsatna an tawh mek laiin Buh chingtute tan erawh ruahtui tam hi malsawmna niin buh thar pawh a hlawk deuh beisei a ni.

HAL RAL DAWN :
Vawiin chawhnua dar 2:00 hian District Court, Champhai-a zu leh ruihhlo an man thubuai chinfel tawhte chu halral leh tihchhiat a ni dawn.

DOCTOR MAMAWHNA NGAI RENG:
H&FW Department Govt of Mizoram chuan Doctorte awmna a siksawi a, Champhai District Hospital atanga sawn chhuah Dr Lalramengi chu Champhai-ah sawn let leh a ni a. Dr Salome Zonunsangi chu Champhai atangin Saihaah sawn a ni thung. Dr Lalsangliana Ralte, Khawzawl CHC a thawk mek chu State Referal Hospital-ah sawn a ni a, Dr Zoremsiama, Kulikawn Hospital-a thawk mek chu Khawzawl CHC athawk tura dah a ni thung. Dr Lalrindiki Ralte, Civil Hospital Aizawla thawk chu Lawngtlaiah sawn a ni bawk.

I TEL VE EM?
July thlu chhung khan Champhai Traffic Police te chuan Iirthei dan bawhchhia 122 an man.
Champhai Police te chuan July thla chhung khan lirthei dan bawhchhia an manin zingah hian lirthei ke 4 nei dan bawhchhia tam ber niin, 54 in dan an bawhchhia a, an pawisa chawi tlingkhawm hi Cheng 10,700 a ni a, lirthei ke 2 neiin dawtin 46 man an ni a, an pawisa chawi tlingkhawm hi Rs. 8200 ani a. Heng bakah hian Iirthei ke 3 nei dan bawhchhia 12 man niin an pawisa chawi tlingkhawm hi Rs. 2800 a ni bawk. Champhai Traffic Police te lirthei dan bawhchhia an man te pawisa chnwi tlingkhawm hi avaiin Rs 21,700 a ni.

DUHSAKNA CHIBAI BUK:
I-Day Football tournament khelh mekah nimin khan 21st International Boxing Simon Trestin Memorial Toumament, Odessa Ukraine-a khelh zawh taka Champion Laldinmawia, Tuipui chuan hun a hmanpui a, Player-te duhsakna chibai abuk ani. Nimin inkhel result :
Rabung 1-0 Champhai Utd
Bethel FC 13-1 N.Khawbung
Hnahlan 2-0 Vengsang
Vawiin inkhel tur:
Vengthlang Vs Zokhawthar
Vengsang Vs Zotlang

Petrol :  Service tanky (63.08) 
Diesel : Sem rual  (54.39)

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…