Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…
ni 30.8.2017 (nilaini)

MI INPE LEH PAWL CHUNGAH INNGHAT :
Champhai DC leh District Child Protection Committee Chairman, Vanlalngaihsaka, IAS kaihhruaina hnuaiah nimin khan DC Conference Hall-ah Champhai khawpui chhunga naupang kumtling lo ram dan bawhchhia te, hleilenna tawk leh chhawmdawl bik ngaite naupangte enkawl mekna Adopt-a-Home hmun thum tihphuisui dan tur chungchang ngaihtuahin an thutkhawm.
Sorkar puihbawmna tel kher lo pawha khawtual mi neinung leh inpe ten Women and Child Development kaltlanga duan Adopt-a-Home Programme hnuaiah Child Care Institution te, mimal, Pawl leh sumdawng lian emaw ten tanpuina an pek theihna tura Champhai khawpui chhunga kumtlinglo enkawlna hmun puihbawm leh chhawmdawlna an dawn theih dan tur chungchang ngaihtuah a ni.
Tuna naupang 75 enkawl mekna hmun : Observation Home, Shelter Home leh Genesaret Gospel Home enkawl hna thawktu, Superintendent theuhte chuan an dinhmun tlangpui an tarlang a; Chhawmdawlna leh puihbawm an tulna tlangpui, infiamna hmanraw chi hrang hrang : Puanthui Khawi & Handloom Khawl, CCTV, Lirthei, Eng pekna hmanrua, Eirawngbawlna bungbel an mamawhte an tarlang hlawm.
Heng mamawh zual tarlante hi DCPC chuan ngun taka ngaihtuahin, heng an mamawh zual tarlante hi nei thei ngei se tha a tihpui a. Heng hmanraw mamawhte hi District Child Protection Committee kaltlangin mimal, Pawi, Sumdawng lian leh mi inpe ten tanpuina an pek theih nan hma an lakpui dawn a.
Nimin thutkhawmah hian Champhai District atanga Corporate hrang hrang:  Construction Company leh Bank Institution te, bakah Sumdawng mi hausa zual leh mimal tanpuina pe thei tura beisei te hming eng emaw zat thlan chhuah nghal ani bawk.

TUIA TLA 2 RUANG HMUH A NI:
@ Tiau Iuia tuitla Tv. Lalthakima, Khawmawi, Myanmar ruang chu niminpiah tlai lam khan Lianpui ram zawn Tiau Iui Alte-kaiah hmuh niin Lianpui Branch YMA te chuan kuang siam sakin an khua Khawmawi Iamah an phur  nghal.
Lalthakima s/o Pu Vawmbila hi lnrinni tiai lam atang khan chin hriat Iohin a awm a; thalai te’n Pathianni khan nilengin  Iuidung Ieh ramhnuai an zawng a, an hmuh  mai Ioh avangin tuia tIa ngei nia ring in Tiau Iui chu an zawng chhunzawm Ieh a. LianpuI khuate’n an khaw Iam zawnah ruang chharin Tuipuiral Group YMA hruaitute leh Zokhawthar lamte a hmunah kal nghalin Lalthakima ruang a ni tih finfiah a ni a. Lianpui Branch YMA ten kuang siam sakin Khawmawi lam panpuiin nimin khan vuiliam a ni.
@ Inrinni chawhnu Dar 2: 00 vel atanga bo, Lalhmunsangi Kum 36 Pi LalchungnungI fanu, Khawzawl Zuchhip veng ruang chu nimin khan hmuh a ni.
Lalhmunsangi ruang hi tuia a tIakna atanga kilometre 4 vela hla, sakhur chhuahah nimin khan hmuh a ni a. Inrinni khan Mangpui rama a riak haw Iam chu Tuichang Iui kanna Ieiah a chesual ni a rin a ni. A bo hnu hian Khawzawl Group Ieh Joint YMA chuan Branch hrang hrangte kal dan tur ruahmanna siamin an zawng a, nimin khan Iui hnar lam ah Zaingen Ieh Dinthar branch  YMA te an kaI a,Iui mawng lamah Kawnzar Ieh Electric branch te ah kaI thung a; ruang hi hmuh a nih Ioh chuan riah nghaI an tum a; nimin chawhnu dar 3: 00 peIh hret khan a ruang hi hmuh a ni ta a ni. TuitIa zawnga hnatlang te thingpui Iumna leh tuI dang atan hman turin tanpuina sum eng emaw zat Group YMA Ieh Joint YMA hruaitu ten an dawng a. Champhai DC VanIaIngaihsaka chuan Rs 2000 a pek bakah mi thahnem ngaiten sum an thawhkhawm bawk.

TLAN PHALLO:
Fur ruahtui a tlak tam leh tak atanga Champhai District chhunga kawngpuite chu hmun tam takah a chhia a Lirthei kal velin harsatna an tawh mek avangin District Magistrate Vanlalngaihsaka IAS chuan nimin khan thia hnih Chhunga hman turin Champhai District chhungah mipui nitin mamawh phur ni lo lirthei ke 6 aia tam nei tlan a khap.
Kan kawngpui hi dimdawi a nih loh chuan mipuiin nitin eibar leh chakkhai lak kawngah harsatna namen lo tawk thei reng dinhmuna Champhai district chu a din avang te ; NH 6 Seling  to Champhai chu lirthei eng chi tan pawh zawh hrehawm khawpa a chhiat vang te; October, 2017-a Zotlanga YMA Gen. Conference nghah a nih dawn vang te; Mizoram PWD (Highway) ten kawng hi an chei that dawn vang leh, kawng siam that hna tluang taka a kal theih nan leh kawng hi a chhiat belh zel lohna tur atan khapna thupek hi chhuah a ni tih tarlan a hi a. Khapna thupek hi September hi 4, 2017 atanga thla hnih chhung hman tur a ni ang.

GANJA SUAT RUNPUI NEI ZEL:
YMA Sub-hqrs Champhai, in ruhhlo do beih pui a thIak kal mekah Buang Branch YMA te chuan an Branch huam chhunga chuktuah huan Ieh vantlang rama Ganja tual to te suat runpui neiin Ganja tam tham tak an suat a, heng Ganja an suat te hi an ti ral nghal a ni.

Petrol : Free Sale  (65.96)
Diesel : Free Sale  (55.28) 

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…