Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…
ni 19.9.2017 (thawhlehni)

TRAINING DUHTE KOKHAWM :
Nimin khan UD&PA hnuai Skills Training diltu tlingte chu l&PR Auditorium Hall ah koh khawm an ni.
He hun hi Lalhriatpuia, JE chuan kaihruaiin heng trade hrang hrang a training chhuak tawh te chuan eizawnna atan an Io hman tawh thin thu a tarlang a, tling thar te pawh training tha tak nei a, hlawhtling ngei turin duhsakna a hlan a ni. Vanrammawii, Manager. S&ME, DAY NULM chuan thu sawiin trade hrang hrang thlangtu ten training an neih dan tur te a sawi hawng a. Kan tuina ber theuhah training kan nei dawn a ni, a ti a. Taima tak leh thelhtawp chhuah chunga zirlai te zir turin kalkhawmte chu a sawm a, Training-ah hian Attendance lak thin tur niin za zelah 90 tal class kal tur a nih tih a tarlang a ni. August thla khan heng trade hrang hrang Puanthui, computer, health care, hotel management, driving leh beauty & wellness ah te hian training dilna hun hawn a ni a, mi 300 vel bawr te chu training tura thlan tlin an ni a. Puanthui zit tur hian mi 51 thlan an ni a, RK tailoring, Vengthlang ah leh BPL Tailoring Centre, Chanem ah thla 4 chhung an training dawn ani. Computer zir tur hian mi 30 thlan an ni a, CHANEM Building-ah training hi an nei dawn a ni. Health Care ah hian mi 16 tlingin MED AIM Hospital Zotlangah training an nei ang a, Beauty & Wellness ah hian mi 23 thlan an ni a, anni hian Shekina Beauty Centre, Venglai-ah Training thla hnih chhung an nei dawn a ni. Hotel Management ah hian diltu mi 72 thlan niin ,CHANEM building ah training hi an nei dawn a ni. Motor khalh zir tur hian mi 34 thlan an ni a, anni hian thlakhat chhung anzir dawn a ni. Lalrinngheti, Manager S&ME, DAY-NULM chuan lawmthu sawiin hun a khar a ni. 

TANPUI NGAI TANPUI :
Khawbung Branch Y-Section YMA te chuan an huam chhunga dam lohna avanga hlo thlo chhunzawm mumal thei lo Pu Lianchuailova te lo chu lnrinni khan hlo thlo-a puiin an zawh sak.
Khawbung Branch YMA hi Section 4-ah inthenin, tanpui ngai tanpui leh mi khai chhuah ngai khai chhuah tur an awmin Branch YMA chuan Section YMA kutah thui tak mawhphurhna a pe thin a; Section anga hmalak harsa chinah Branch a hmalak thin a ni. Section 4 te hian kum tin an Section huam chhunga thlawhhma lak kawnga harsatna neite khai chhuah leh tanpui an nei thin a, dam lohna leh thihna avanga harsatna tawk an nih Ioh chuan thian tha inpuihin sawm bik neiin an inpui thin a. Inrinni a Khawbung Branch Y-Section YMA te'n hlo thlawh an puih Pu Lianchuailova te  hi chhungkaw nu berin natna khirhkhan a tawrh avangin Khawbung ram Chawrhlaa an thlawhlai mual khat chu hnuhpui thlo zovin hnuhhram an lak chhunzawm mumal thei lo va, Inrinni khan mi 30 chuang thawk chhuakin an hlo thlawh hmabak hi an thlawh zawhpui a ni.

MIT NAUTE THLALAK :
Bio Metric Enrolment chu vawiin atang hian Champhai District khaw hrang hrangah kalpui ani leh dawn Operator te chu inthen darhin mit naute thlalak hi Inrinni thleng hian an thawk dawn a tun tumah hlan Khankawn, Thekte, Thekpui, Farkawn, Samthang, Leisenzo, Sesih, Bulfekzawl, Huaikawn North, Hruaikawn leh Ngopa te bakah Champhaiah Hnamte Institute of Technology leh DC Office-ah te neih a ni ang.

KUM UPATE THAWKCHHUAK :
Mizoram Khawpuifai inelna kal zelah nimin khan Electric Veng MUP te chuan veng chhung thenfai hnatlang annei.
Mizoram khawpul fai inelna kal mek zelah Mizorama khaw fai ber ni turin Champhai khawpui chhunga veng hrang hrangte chuan faina beihpui an thlak mek zel a, nimin khan. iChamphaiElectric Veng MUP Unit te chuan an veng chhung thian faiin hnatlangan nei a, veng chhung vantlang ram leh tui luankawrte an tifai a ni.

INTUAITHARNA HUN HMANG :
Nimin atang khan Champhai Police te chuan In service training Workshop on Prosecution for Police Personal of Champhai Defence chu an nei tan a. Champhai Police station leh out station lama police te an tel tha hle a, resource person atan District Court atangin R. Vanlalena, Addl District & Session Court Judge; Lalchhuansanga, APP leh Lalthafamkima, APP District Court Champhai leh Vanlalzawni DSP ten paper an present a ni. He lnservice training hian ni thum chhung a awh dawn a ni. 

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…