Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …
ni 20.9.2017 (nilaini)

KAWNG VANGIN MIPUITEN HARSATNA TAWK :
Champhai khawpui chuan Eirawngbawlna Gas mamawh khawp a hmuh loh rei tawh avangin chhungkaw tam takin harsatna an tawk mek.
Thu dawn danin tun thla chhung hian Mizofed LPG Office-ah Gas Trip khat chiah phurhthlen a la ni a, Bur pangngai 288 leh Bur lian chi 12 te chu phurh thlen ani a. Heng Gas phurh thlen te hi sem zawh nghal vek a ni a, tunah hian LPG Office-ah dahthat engmah a awm tawh lo va, Emergency a hman tur leh chhiat/that tawk te hman tur pawh engmah dah that a awm tawh lo. Hetianga Champhai khawpuiin Gas kan neih theih loh chhan hi LPG Manager chuan Champhai leh Aizawl inkar kawng chhe lutuk avangin Contractor te chuan an rawn phur duh lo niin a sawi a, mipui hriatthiamna a ngen a ni.
Kumin January thla khan trip 14 rawn phurh thlen niin bur pangngai 4158 leh bur lian chi 84 a thleng a, February thlaah Trip 10 thlengin bur pangngai 2880 leh bur lian chi 120 a thleng a. March thla ah Trip 16 rawn thlengin bur pangngai 4770 leh bur lian chi 84 te a rawn thleng a. April thla khan Trip 13 rawri phurh thlen a ni a, bur pangngai  852 leh bur lian chi 84 a rawn thlenga. May thla khan Trip 16 thlengin bur pangngai 4728 leh bur lian chi 108 a lo thleng a. June thla khan Trip 5 rawn phurh thlen niin bur pangngai 1458 leh bu lian chi 48 phur thlen a ni. July thla khan Trip 10 rawn phurh thlen niin bur pangngai 2862 leh bur lianchi 132 a thleng a, August thla ah trip nga thlengin bur pangngai 1494 leh bur lian chi 24 rawn phurh thlen a lo ni tawh bawk a. Kumin chhung hian Trip 90 rawn phurh thlen tawh niin bur pangngai 26,490 leh bur lianchi 696 te rawn phurh thlen tawh a ni bawk.
Hetihlai hian Champhal Mizofed atang hian Connection hi mi 14,297 hnenah pek chhuah a ni a, tuna Gas rawn thleng zawng zawng te hi chawh rualin mi pakhatin bur khat leh a chanve ang vel chauh an chang thei a. Tunah hian Champhai khawpui chhunga mi tam zawk  chuan Gas hi an nghei tawh hlawm a, Meihawl Ieh Thing bakah remchang dang hmangin eirawng an bawl mek a. Hetihlai vek hian Manager hnen atanga thu dawn danin tun dinhmunah Gas hi Champhai a rawn phurh thlen mai tur a awm rih lo

MOTOR DAH PHALLO:
Champhai SP chuan Motor Vehicle Act 1988 hmangin Auto Rickshaw, LPK, Taxi Stand leh No parking te a siam tha.  Champhai Vengsang Presbyterian Biak In kawta Auto Rickshaw stand awm mek, metre 49 chu hman zui tur a ni a, Bethe! kawn atanga PWD pan thlakna kawngpui veilama auto rickshaw stand chu nemngheh ni bawk in metre 24 a thui a awh ang a, he stand a dingte chu kawngpui vang tan zawngin an ding tur a ni, stand hi Champhai Auto Rickshaw nei zawng zawng tan pek a ni. Bethel venga LPK 407 stand chu a hmun tizau chuang lovin LPK 909 tan pawh din phal a ni a. Vengthlanga IDBI Bank thlang kawngpui dinglam chu taxi paruk din theihna turin taxi stand atana pek a nih bakah Bethel kawn auto rickshaw stand ep chu taxi 5 dinna atan taxi stand ah pek a ni bawk. Hetihlai hian Champhai Vengthlanga Govt Primary School ll gate hmaah Thawhtanni atanga Zirtawpni zing dar 8 atanga chawhnu dar 1 chhung in lirthei eng chi man dah phal a ni lo thung.
CHANGPAT HMANGIN LEITHA :
Agriculture Technology Management Agency (ATMA) Champhai Block chuan Champhai huamchhung a, kuthnathawktu thlan bikte tan Changpat hmang a leitha siam chhuah dan ‘Farm School on Vermi Composting' a buatsaih.
Champhai District ATMA Deputy Project Director C. Lalhriatpuia leh a thawhpuiten kuthnathawktu mi 20 te hi Champhai Vengsang a Pu R .Vanlawma huanah zirtirna an pe a ni. Kuthnathawktu ten damdawi atanga siam leitha (Chemical fertilizer) hmang lo va thlai ei tur hrisel leh thianghlim an thar chhuah theihna tur leh mahni huan ngeiah awlsam zawk a Changpat hmanga leitha an siam chhuah theih dan tur chu a takin zirtirna pek an ni a. Leitha siam chhuak tura changpat eitur chaw, hnimhnah, bawng ek leh lei tak chawhpawlh dan turte chu zirtir an ni a. Kuthnathawktu kalkhawmte atanga zawhna te chhan a nih bakah sawi hona hun hman a ni bawk.
Changpat hmanga leitha siam chhuah dan zirtirna-ah hian Kuthnathawktuten hlawk zawk leh awmze nei zawk a thlai an thar chhuah theihna tur leh an thlai thar chhuahte man man zawk a dehral a nih theihna tura kawng kawhhmuhtu, Mission Organic Value Chain Development North East Region (MOVCD-NER) hnuaia ChamphaI District chhung bik kuthnathawktu pawl intelkhawm, Farmer Producer Organisation (FPO) ta paw8n sawmtel an ni bawk. 

TIH HLAWHTLIN HMAN LOH AVANGIN PAWI TI:
Nimin khan I&PR Office-ah DIRPO kal chhuak tur Collin Hlychho thlahna hun an hmang. He hunah hian Champhai I&PR office staff te chuan an pu ber chu an ui thu leh a awm chhung hun reilote a thawh hona tha tak an neih avangin lawmthu an sawi a, a awmna turah tha taka thawk a, hmasawnna thlentu ni turin duhsakna an hlan a ni. Collin Hlychho pawhin Champhaia a awm chhung chu a hriat reng tawh tur thu leh Champhai MJA te nena thawh hona tha tak an neih avangin lawmthu a sawi a. Hmachhawp tam tak, tihhlawhtlin hman lohva a kalsan te erawh pawi a tih thu sawiin, thuthar puandarh kawngah leh khawtlang tana rawngbawlna ah I&PR staff te bakah MJA te chu theih tawp chhuah zel turin a fuih bawk. DIRPO thlahnaah hian MJA lam atanga thusawi ngaithlak a ni bawk. Collin Hlychho hian nimin khan Champhai a chhuahsan a, Champhai DlPRO-ah hian Dr. Lallawmkima a rawn awm dawn a ni.

NAUPANG ZAITHIAM :
Gospel Singers Ministry leh CCN tangkawp in an buatsaih Idol Kids 2017 chu nizan khan first round hmawrbawk ani ta. Nizan hmasa atang khan first round hi tana ni a, mi 15 an zai a, nizan khan mi 15 vek zaiin first round hi zawhfel a ni. Intihsiaknaah hian contestant te chu tingtang nen an zai a, second round ah mi 20 an lut leh dawn a ni. Idol Kids hi 1 CCN ah chhuah thin a ni. 

YMA BRANCH TE HNENAH NGEN:
Tuipui luidung nungchate Humhalhtu Pawl te chuan September leh October, 2017 chhung hian Tuipui luidungah Sangha man phal a nih loh thu an sawi. Tuipui luidung Nungcha Humhalhtu pawl te chuan Sangha fuan hun a nih leh dawn tawha,Tuipui luiah Sangha te an in thlahpun theihna turin Sangha man phal a nih loh thu an sawi a, mipui te chu sangha man lo tura an ngen bakah YMA Branch hrang hrangah puan darhsak turin an ngen bawk.

FOOTBALL INELNA :
CDFA in 2nd Div Club te tana a buatsaih tur Vanbawia Memorial Football Tournament chu Tie draw neih fel a ni. He tournament-a tel tur hian CDFA 2nd Div affiliated Club 12 te chuan hming an pe lut a. Nizan hmasa khan draw hi neih tel niin Pool A ~ ah . FC Tlangsam, Dinthar FC, New Champhai FC an awm a. Pool B ah Venglai FC, FC Vengthlang North; Pool C ah Kanan FC, Vengsang FC leh Zote FC an awm a. Pool D all Vengthar FC, Hmunhmeltha FC leh Bethel FC te an awm a ni.

Comments