Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 22.9.2017 (zirtawpni)

SUMO PAKHAT LEH 2 WHEELER 2 CHAMPHAI TAN :
State Steering Committee for National Emergency Response System chu  DGP Pu Thianghlima Pachuau hovin an thukhawm.
Committee  chuan  emergency chungchanga  mipuite phone call chhangtu turte awmna hmun,  Public Safety Answering Point (PSAP) chu  Aizawl SP Office chungzawlah sak turin a rel a. National Emergency Response System kalpui hmasakna tura thlan Aizawl district, Lunglei  district, Kolasib district leh Champhai district-ahte Emergency Response-a hman turin  lirthei  Sumo 5 leh two wheeler 8 lei turin rel a ni bawk.
Heng motor lei  turte hi Aizawl District tan Sumo 2, Lunglei, Kolasib leh Champhai district tan sumo 1 theuh leh District pali ah hian two wheeler 2 theuh a sem tur a ni a. National Emergency Response System kalpui hmasakna tur district-te hi law & order case leh pawikhawih tam dan a zira thlan an ni.
National Emergency Response System hnuaiah hian emergency number 112 ah  tu pawhin harsatna engpawh:  kangmei, pawikhawihna, accident, chhiatrupna, natna leh emergency dangte report  theih tura ruahman a ni a, heta tang hian tanpuina  a rang thei ang bera ngaihtuah sak an ni dawn a ni.

CHAMPHAI - AIZAWL KAWNG ONE WAY:
Champhai District huam chhungah   PWD -in kawngpui  siamthat hna an thawh dawn avangin Champhai DC Pu Vanlalngaihsaka chuan CRPC Sec.144 hnuaiah  thupek a chhuah.
Thupek ah hian Champhai District kawngpui  NH-6, Seling leh Champhai inkar chu Medium Vehicle (407) tiam lovin a chunglam zawng zawng tan ONE  WAY a puan a ni a.Champhai atanga Aizawl kal Ni tur chu Kar tin Thawhlehni, Ningani leh inrinni ruahman niin, Aizawl atanga Champhai kal Ni chu Kar tin Thawhtanni, Nilaini, Zirtawpni leh Pathianni te ah te a ni ang.
He thupek bawhchhia chu IPC SEC.188 hmanga hrem an ni dawn a,  September ni 20 atanga hman tan tur niin thlahnih chhung a huam ang.

BUH EI VE THEI DAWN :
     Kumin fur kawng chhia-ah  lirtheiten Selam khua an kal theih loh vangin tunthla (September) chhungin Selam khua in Ration buhfai an dawng thei tawh lova.  Selam khawtlangin Ei leh bar-ah harsatna a tawh vangin, khawtlang hruaitute ruahmanna hnuaiah niminpiah khan Selam panna kawngpui,  Selam atanga Tualcheng ramri (Dimphai) inkar kawng chhiat zualna laite chu hnatlang a thawm that a niin,  nimin khan Ration buhfai phurhluh a ni.   
    Champhai DCSO Pu Thanmawia chuan Selam khawtlang harsatna tawh dan hi an hriat mai loh thu tarlangin, nimin khan Selam Retailer chuan Hnahlan Buhfai Go-down atangin Buhfai Pick-up (Medium truck) 3 leh Tractor pakhat hmanga Selam-ah a phurluh mek anih thu leh Selam tan hian buhfai Pick-up trip khat phurhluh belh leh anih tur thu a sawi.
    Champhai atanga Km 83 a hla Selam khua-ah hian mihring 1060 awmin,  Family Ration Card nei chhungkua 206 an awm a.  Selam Retailer in Hnahlan Buhfai Go-down kaltlangin thlatin Buhfai Quintal 90 a sem chhuak thin a.  Selam panna kawngpui hi Tualcheng khaw kal tlangin PMGSY sum hmanga laih a ni a.  Kumin fur khawcheng kawngchhia vangin thla khat chhung zet chu Selamah hian lirthei engchimah aluh theih loh bakah Maxicab service pawh August thla tawp lam khan tihtawp rih a ni bawk.    
    Thla khat dawn Selam khaw chaklakna kawngchhiat vanga Ration buhfai dawng thei lova an awm avang hian ei leh bar a an harsat bakah nitin mamawh leh khawsak phungah an buai phah hman hle a.  Chhungkaw khawsa thei deuh leh buh nei tam deuhten miharsa zualte hnenah puk tirin,  an in ban-tawn nasa hman hle a.  Chhungkaw thenkhat harsa zual deuhte phei chuan vaimim leh thlai an rin hman hial thu an khawtlang hruaitute hnen atangin dawn a ni.    Champhai DC Pu Vanlalngaihsaka chuan Selam khawtlang harsatna tawh mekte sutkian anih theih nan Champhai District chhunga thuneitute chu atul anga hmala zui turin a ngen nghal bawk.

VC TE PWD DEPT. HNA THAWK DAWN :
 Khawzawl dai kawngpui chhe lutuk avanga mipui harsatna sutkian a nih theih dan tur chungchang ngaihtuahin nimin tlai khan Khawzawl khaw chhung, veng hrang hrang VCP te leh Khawzawl Joint VC hruaitu ten meeting an nei.
He huna kal khawmte ruahman dan chuan helai kawng chhe siamna atan hian lung thiarkhawm nise an ti a, Iung mamawh khawp thiar khawm a nih hunah kawng chhe lai hnawh khat tur hian hnatlang koh nise an ti a.
Helai kawng chhe siam that chungchangah hian PWD leh helai kawng enkawltu Contractor te nena an inbiak rawn angin  vawiin atang hian lung chang tha thiar khawm hna hi an tan dawn a ni.
Hetih Iai hian nimin khan Khawzawl dai Tuisen phai kamah Iirthei Iian pahnih Champhai atanga chhuk Ieh Aizawl Iam atanga rawn chho an tIu Ieh a, nimin tIai khan JCB in a kai tho Ieh tawh a, zin veivak erawh a tibuai tam lutuk Io a ni.
Tarlan tawh angin Nilaini khan heIai kawng chhia avang hian Iirthei pahnih a tluk bakah kawng chhia kaih hnawih ah kuhva rah phur Iirthei Iian pakhat chu Chalthei kawn chhak Iawk kawng thlang Iamah tawIh Iiam bawk a, he motor in a phurh kuhva rahte hi nimin khan thiar chhuah a ni bawk.

KHAWFAI BER NIH TUMIN TAN LA ZEL :
District fai ber ni tura hmalakna kal mekah nimin khan Venglai Higher Secondary School te chuan Chhangphut Field anti fai. Venglai HSS te hian Swacchta Pakhwada Prog. kalpuina leh District Fai ber nih tuma hmalakna kal mek ah Chhangphut Field an tifai a, Field leh a chhehvela bawlhhlawh awm leh hnim to te chu an tifai a, bawlhhlawh chhar fai bakah Venglai Higher Secondary School Eco Club te chuan Faina chungchang inzirtirna thuziak hmun hnihah antar bawk a ni.
Nimin vek khan Govt Comprehensive M/S Venglai te chuan chhangphut field leh a vel tifaiin hnatlang an nei a. Hnatlang hian zirlai naupang 150 leh zirtirtute an thawk chhuak a, Champhai District Football Association chuan hnatlangte in tur theitui an lo siam sak a Chhangphut Field tifaitu te chung ah CDFA chuan lawmthu an sawi a ni.

DFO THAR :
Pu C.Lalbiaka IFS chuan ni 21.9.2017 khan Champhai  DFO thar chuan charge lain office a luahlum nghal.
Pu C.Lalbiaka hi DCF Hqrs office atanga lokal a niin a nupuiin a rawn tawiawm.

IDOL KIDS TOP 20:
Gospel Idol Kids 2017 Top 20 intihsiakna Dt. 22-23.9.2017  zan dar 8:00pm ah neih a ni leh dawn ta.
22.9.2017 (friday) zana zaiturte
1. H.Vanlalpeka                - Tualpui
2. Lalduhsangi  Tuallawt - Chawngtlai
3. Linda Chingbiakliani   -  Ngaizawl
4. Rebek Lalnunpuii         - Khawzawl Arro
5. Hmingthansangi          - Kuangleng
6. Robert Zomuanpuia    - Khawzawl
7. Julie Lalchawimawii    - Dinthar
8. Lalruatfeli                     - New Hruaikawn
9. Lalkrosmawia              - Sazep
10.Linda Lalruatsangi     - New Champhai
Dt.23.9.2017 (Inrinni) Zan dar 8:00pm a zaiturte
1. Lalnunsangi                    - Venglai
2. Ophel Lalrintluangi        -  Vengsang
3. C.Lallawmkimi                - Dinthar
4. Lalhruaizeli                      - Vengsang
5. Liansangpuia                  - Bethel
6. Ruthi Lalrinsangi            - Kanan
7. Keri Lalhmangaihzuali   - Vengsang
8. C.H. Lalrintluangpuii       - Electric
9. Liansianpauva                 - Bethel
10. Vanlalruati                     - Vengsang
An hming kan tarlan dan hi an zaidan tur indawt a niang

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …