Skip to main content

MIPUITE TAN DAMDAWI MANTLAWM

MIPUITE TAN DAMDAWI MANTLAWM : Mipuiten man tlawm zawka Damdawi an lei atheihna tura Sorkar laipuiin ruahmanna a siam, Pradhan Mantri Bhartiya Jan Aushadhi Kendra (PMBJAK) hmanga Champhai District tana Champhai Town Multipurpose Cooperative Society (CTM-PACS)-in Generic Drugs Store a siam chu nimin zing khan Champhai District Senior Medical Officer Dr. R. Lallianmawia'n a hawng. Champhai Vengthlang Pu Chalbawia Building-a CTM-PACS Variety Store sira he Generic Drugs Store hawnna hun hi PACS Chairman HS Vanlalfakzuala'n kaihruaiin, Senior Medical Officer Dr R. Lallianmawia chuan, Sorkar laipui ruahmanna anga Champhai District mipuiten man tlawm zawka Damdawi an lei theihna tura Generic Drugs Store hawn a ni ta chu lawmawm a tih thu a sawi a. 'Nang malsawmna ni ang che' tih thupui a hmangtu Champhai Town Multipurpose Co-operative Society-in hetiang Dawr a hawng hi thil inhmeh tak leh mipui tana vanneihna rahbi thar a ni, a ti. SMO Dr. R.Lallianmawia chuan Generic Drugs S…
ni 25.9.2017 (thawhtanni)

JUBILEE PUALIN HUN HMANG :
Champhai Vengthlang Branch KTP te chuan an Branch Diamond Jubilee lawmna pakhat ni 60 midangte tana inpek an kalpui mekah ni 25 na atan  nimin tlai khan Grace Receivers' Home an tlawh. He hunah hian member kalkhawm ten an pawisa thawhkhawm Rs. 4575 an hlan ngalin member 100 chuang an kal a ni.

KHAWBUNG IN FAINA BEIHPUI THLAK:
Khawbung khaw chhung hmun hrang hrangah mahni in bul vel tifaiin chhungkaw tam takin beihpui an thlak mek.
Kumin ah fur ruahtui a tlak tam avangin Zirtawpni leh lnrinni khaw tha chuhin chhungkaw tam tak chuan an in leh a vel an thian fai a. Zirtawpni zana Khawbung VC, Sanitation, YMA , MHIP leh Self-help Group Village Organisation hruaitute joint  meeting chuan Sept ni 27, tunkar Nilaini hian Cleanliness fourthnight Oct ni 1 atanga ni 15 a hman tur inbuatsaihna atan khawtlang huapin faina hnatlang nei turin ruahmanna an siam a. Hemi rual hian school leh sawrkar department hrang hrangte‘n anmahni hmunhma an thianfai dawn bawk a ni.

MEIZIAL ZUK REM TAWH DAWNLO :
lnrinni khan CDFA chuan executive Committee an nei a. An hmachhawp hrang hrangte an ngaihtuah a. Kum 12 hnuailam  tana Champhai a buatsaih tur Baby league tihfel a nih hnuah Sponsor tute MFA leh CDFA Mou ziak turin CDFA hruaitute karleh lam hian Aizawlah tirh ni se, an ti a. Football vanga kalkhawmnaah meizial khap anih angin Chhangphut field main pavillion ah meizuk khap a ni a, hei hi Vanbawia tournament atanga hman nghal tura tih a ni a.Vawiina Vanbawia memorial football tournament khelh tan turah, chawhnu dar 1-ah hawnna neih ni se, an ti a; Khuallian ah C. Lalbiaka, DFO beisei a ni. Executive committee thukhawm chuan CDFA training academy din tak chu kum 15-17 tan football zirna ni se, an ti. 

BALL PET ZIR DUH TAN :
Max Sport Foundation Academy-a  naupang awm tur Trial duh tan naktuk zing dar 7:00 atangin Chhangphut Field-ah neih a ni dawn a, kum 18 hnuailam leh kum  15 hnuailam a duh tan tel theih a nih thu kan dawng.

A THEI APIANGIN KAWNG SIAM :
Champhai leh Zokhawthar inkar kawng chhe lutuk chu Champhai Dist Transport Union (CTU) chuan Boulder lung hmanga hnawhin tunlai hian siamthat hna an thawk mek. Kawngpui an siam that hi Melbuk leh Zokhawthar inkar bakah Tarmat Company in an thawh mek lai Mualkawi, leh Melbuk inkarte a ni a, hemi atan hian Boulder Lung Trip 50 vel lai an hmang tawh a, Motor leh JCB te hire na nen pawisa faiin cheng sing ruk chuang zet an seng tawha, he hna hi an la kalpui zel. An hmalakna hi Zokhawthar VC leh Welfare pawlte pawhin an pui bawk tih thu kan dawng.

Comments