Skip to main content

MIPUITE TAN DAMDAWI MANTLAWM

MIPUITE TAN DAMDAWI MANTLAWM : Mipuiten man tlawm zawka Damdawi an lei atheihna tura Sorkar laipuiin ruahmanna a siam, Pradhan Mantri Bhartiya Jan Aushadhi Kendra (PMBJAK) hmanga Champhai District tana Champhai Town Multipurpose Cooperative Society (CTM-PACS)-in Generic Drugs Store a siam chu nimin zing khan Champhai District Senior Medical Officer Dr. R. Lallianmawia'n a hawng. Champhai Vengthlang Pu Chalbawia Building-a CTM-PACS Variety Store sira he Generic Drugs Store hawnna hun hi PACS Chairman HS Vanlalfakzuala'n kaihruaiin, Senior Medical Officer Dr R. Lallianmawia chuan, Sorkar laipui ruahmanna anga Champhai District mipuiten man tlawm zawka Damdawi an lei theihna tura Generic Drugs Store hawn a ni ta chu lawmawm a tih thu a sawi a. 'Nang malsawmna ni ang che' tih thupui a hmangtu Champhai Town Multipurpose Co-operative Society-in hetiang Dawr a hawng hi thil inhmeh tak leh mipui tana vanneihna rahbi thar a ni, a ti. SMO Dr. R.Lallianmawia chuan Generic Drugs S…
ni 29.9.2017 (zirtawpni)

ZIRLAI HRISELNA ENDIK SAK :
HEALTH SCREENING AT BETHEL MISSION SCHOOL
Ministry of Ayush, School Health Programme under National Ayush Mission, Govt.of Mizoram bul tumin ni 28th September, 2017 khan Mizoram District pariatah Programme hman a ni a. Champhai District-ah pawh Bethel Mission School, Champhai Bethel Vengah Free Clinic Medical Check-up cum Awareness on Ayush Health & Nutrition, Sexual & Reproductive Health Issues neih a ni.
Dr. KT. Lalrammawia, Medical Officer(Ayush) Champhai District Hospital chuan Ayush Health & Nutrition, Sexual & Reproductive Health chungchangah Awareness Campaign  a neih hnuin, school naupang te Health Screeing neih sak an ni a. School naupang 500 zet  screened  an ni a. A tul dan azirin, Ayush damdawi a thlawna pek an ni.
He programme hmang tur hian National Ayush Mission, Health & Family Welfare Department, Aizawl atangin Doctor(Ayush) pathum an rawn kal a. Aizawla atanga lokalte hi Health Department, RBSK Champhai Doctor(Ayush) pathumin an lo tawiawm a ni.
Health Screening neihsaktu Doctor-te chu:
1. Dr. C. Lalrinmawia, RSBK, Champhai
2. Dr. Lalrempuii Ralte, RSBK, CHamphai
3. Dr. B. Vanlalawmpuii, RSBK, Champhai
4. Dr. Lalmuanpuii, NAM, Aizawl
5. Dr. T. Lalramthari, NAM, Aizawl
6. Dr. Emanuel Zarzokimi, NAM, Aizawl

PMEGP DIL TU THAHNEM:
Nimin khan DC Conference Hall, Keifangtlang-ah District Level Task Force Committee (DLTFC) chu thukhawmin PMEGP diltute interview leh thlanna an nei. He hun hi Vanlaingaihsaka, Champhai DC ho a hman niin, PMEGP Scheme hi Prime Minister Employment Flagship Programme anihna anga ngai pawimawh hram turin Champhai DC chuan Bank Manager te chu a ngen a ni PMEGP hi mi 143 ten an dil a, DIC Champhai hnuaiah hian diltu mi 23 awmin MKYIB hnuaiah mi 120 an awm bawk. DIC Champhai hnuaiah hian target Project 13 pek niin Margin money Cheng Nuai 26 leh MKVIB hnuaiah target 50 pek niin Margin money Cheng Nuai 100 pek a ni bawk. PMEGP hi Charnphai-ah hun rei tak atanga kal pui tawh niin mi thahnem takin hlawhtlinna an lo chanpui tawh a ni. 

PANDAL SA :
Nimin khan MSU General Conference thlengtu tur Sialhawk chuan Pandal sak hnatlangan nei. MSU General Conference 2017, October ni 11-13 chhunga neih tur thlengtu tur Sialhawk chuan nimin khan Pandal sa in khawtlangin hnatlang an nei a pandal hi a dung feet 130 leh avang feet 40-a zauvin sak a ni a Hnatlang ah hian Sialhawk mipui an thawkchhuak tha hle.

NAUPANG ZAITHIAM THLAN ZO HNAI TA :
Nizan khan Idol Kids final zankhatna chu tan a ni ta. Nizan khan finalist mi 12 zinga mi 6 te chuan hla pahnih an sa a, zaninah mi paruk bawk inlan lehin intihsiakna hi an zo fel tawh dawn a ni. Idol Kids final hi 1CCN ah Live-a pek chhuah a ni. 

SESIH KICK OFF :
Nimin khan Swachta Hi Sewa puala VC te hmalaknain Sesih khaw chhunga zirlai, Zirtirtute leh VC, VEC te chuan Sesih khaw chhung tifaiin Faina hapta pual Kick off an nei a. Khaw chhung kawngpui metal road chin phiat faiin bawlhlawh an chhar khawm a. Zirlai 400 vel an thawk chhuak a ni.

KHAWZAWL ZIRLAITEN DOCTOR DUH VE :
 Khawzawl Joint Students Union chuan Health & Family Welfare Department in kumin July ni 7 a Kulikawn Hospital atanga Khawzawl Community Health Centre (CHC)-a insawn tura Transfer Order a tih chhuah hnuah vawiin thlenga Dr. Fabiola Khargongkhar-in a hna, a la zawm duh lo chu Khawzawl mipuite hmuhsitnaah an ngai tih sawiin Mizoram Sawrkar chu Dr. Fabiola Khargongkhar aiawh tur, Doctor tha tak pe turin an ngen.
Khawzawl Joint Students Union chuan thuchhuah siamin Khawzawl Community Health Centre (CHC)-ah hian tun dinhmun ah, MBBS 1, Dental Surgeon 1 leh Ayush Doctor 1 awm mekin hengte hian Khawzawl leh a chhehvel a, mipuite mamawh an phuhruk zo lo hle tih an sawi a, Khawzawl leh a chhehvel mipuite harsatna hi hriatthiampui a, a rang thei ang bera Khawzawl CHC-ah Doctor dah belh turin Mizoram Sawrkar chu an ngen a. Hun lo kal zelah Mizoram Sawrkar chu mahni Post a, awm tha duh lo Sawrkar hnathawk Khawzawl ah dah lo tura ngenin hetiang thil hi a thleng leh a nih chuan Khawzawl Joint Students Union chuan hma a la zel dawn a, tuna an thil phut pawh hi a hlawhtlin hma chuan hma an la zel dawn tih an sawi.

INKHEL MEK :
CDFA in 2nd Div Club te tana a buatsaih Vanbawia Memorial 2nd Div Football Tournament khelh mek chu vawiin hian Chhangphut Field-ah Quarterfinal thawh khatna khelh tur niin match hnih khelh a ni ang
Quarterfinal match hmasa ber chhun dar 12:00 ah Pool A a hneh Ioh nei Iova hmahruaitu New Champhai FC Ieh Pool B runners up Kahrawt FC an inkheI ang a. Inkhel vawihnihna dar 2:00 ah Pool B a hneh loh nei lova hmaruaitu Venglai FC leh Pool A runner up Dinthar FC te an inkhel bawk ang. Quarterfinal atang hian inkhel en man Rs 20 chawi a ngai tawh dawn a ni. .
Hetihlai hiah Baby League CDFA in a thlen tura inremna thuthlung ziak turin nimin khan CDFA hruaitu IC Hranglura, KT Thangchhunga, LalČ›anpuia Ieh Lalremsiama te chuan Aizawl an pan bawk. 

Comments