Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 4.9.2017 (thawhtanni)

MIZORAM A AWMCHHUN BASKETBALL ACADEMY :
Mizorama Basketball Academy hmasa ber Champhai District Basketball Association Basketball, Academy chuan Valallawma lndoor Stadium ah lnrinni khan Graduation day an hmang. CDBBA Academy hi Sept,2016 atang din niin lnrinni khan zirlai 52 ten Graduation Day hi an hmang. Tunah hian Academy hian Level I & II an kalpui mek a. CDBBA hruaitute hnen atanga thudawn dan chuan Level IV thleng kalpui an tum a ni. Session thar hi September ni 18 tan turin ruahmanna an siam niin an sawi.

ZAN KHAT THIL THUAH ENGMAHLOAH CHANG:
Tun hnai ruahsur nasa avangin Tlawva kama Khuangthing thlawhlaia chhungkaw 6 te lo a buh seng mai tur thahnem tak chu tui lianin seng tlak lohin a tichhe vek.
Tlawva Small Hydel Project thlanga Khuangthing thlawhlai eng emaw zata buh te chu Tlawva tuilian a hrut chhia a, buh hi thar rang niin September thla chawhma lama seng thin a ni a, an kum khat thawhrah seng mai tura loneitute an inbuatsaih mek Iaiin Zirtawpni zan khan zankhat thil thuah tuilian hian a tichhe thut a;   thlawh laiah hian chirhdiak leh thingtuluang hnawl lutin, tuilian-in a hrut chhiat buhte hi seng tlak a awm lo niin loneitute chuan an sawi. Khuangthing loneitute hian thar rang buh chingin buh karah hian hmarcha leh vaihlo an ching tel thin a, buh tin 200 atang 300 an thar thin bakah hmarcha quintal 3 vel an thar tlangpui thin a. Hetianga an kum khat thawhrah seng mai tura an inruahman laia chhiatna an tawh thut avang hian loneitute pawh an hrilhhai hle.

ZAWH RUNPUI NEI :
lnrinni khan Khawbung ram, Tlan Mual chuan chunga loneitu chhungkaw 13-te chuan lo zawh runpui neiin dam lohna avanga 'hnuhthual' thlo chhunzawm _ mumal thei Io Pi Tlanthari te 'Lo' Tin 2 hmun an thlawh zawh sak bawk. Zirtawpni khan 10 Assam Rifles té chuan Khawbung HSS tualah 'faina kaihhnawih Iem inziahsiak' an buatsaih bawk. 

HUN HMANPUI :
Champhai Vengthlang Branch KTP te chuan an Branch Diamond Jubilee lawmna pakhat ni 60 midangte tana inpek an kalpui mekah ni 20 na atan Pathianni tlai khan Emmanuel After Care Center an tlawh. He hunah hian member kalkhawm ten an pawisa thawhkhawm Rs. 4000 an hlan ngal bawk.

SUAT RUNPUI CHHUNZAWM ZEL:
Ruihhlo do beihpui thlakna kal zelah lnrinni khan Vanzau Branch YMA te chuan Ganja an suat a, Ganja hi Lo-ah vaiin tam tham tak suat a ni a, an Ganja suat te hi an ti ral nghal ani.

CHAMPHAI NORTH LEH SOUTH HUAPIN HUN HMANG:
Inrinni khan Champhai Venglai Presbyterian Kohhranah Champhai North & South Presbytery huapin Seminar neih niin Upa C. Lalchhawnthanga, Vengthlang chuan kaihruaiin Dr. Robert S. Halliday, Coordinator SMD leh Rev. Remlalfaka Registrar, MTC te chu resource person an ni.

KHUANGTHING MIPUI PWD AH TANG :
Inrinni khan Khuangthing khawtlang chuan Zawlsei nen a an in kar kawng chu samfai hnatlang an nei a, mi 250 bawr vel thawkin lnrinni-a an zawh bak chu tunkar hian chhunzawm tura ruahman a ni.
Kum dangah pawh branch Y.M.A hmalakna a hnatlang hi koh alo ni tawh thin a, Lalthanzara, Minister of State chuan Khuangthing branch Y.M.A chunga lawmthu sawi nan Rs. 6000 a pek bakah hnatlangte hi Khuangthing VC te chuan thingpui an lumsak a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…